العربية بتبطل علي السلانسيه والتكييف شغال

[Dr.cairoky]

السلام عليكم ورحمة الله وبركاته،،،،،،،،

أولا:- احب أقدم أسمى ايات التهانى والمباركه للبشمهندس محمد سيد على التنسيق وربنا يعينه يارب لأنه يستاهل كل خير والله.

ثانيا:- وحشنى جدا المنتدى بقالى شهر تقريبا مش بدخل لظروف عائليه -مرض والدى- بس الحمد لله ربنا فرجها من عنده.

ثالثا:- عندى مشكله غريبه جدا ومحيرانى جدا ومش لاقيلها حل جدا برده اللى هيا كالتالى بقى :-

العربيه "- ابيرزا 98 مسقط لها موتور 1400 سى التكييف كان فيه عطل وروحت صلحته من كام يوم الحمد لله.

-- المشكله بقى عشان بقالى ساعه برغى على الفاضى:- التكييف شغال تمام جدا جدا طول ما العربيه ماشيه على الطوالى بمعنى اخر طول ما انا ماشى على التانى والتالت وفيما فوق والعربيه ماشيه بسرعتها والطريق مفتوح التكييف زى الفل فله شمعه منوره شغال تمام.

-- اول لما أجى امور العربيه - داخل اشاره مثلا او باخد يو تيرن او الطريق واقف كالعاده على الدائرى الاقى خير اللهم اجعله خير الار بى ام بيقعد يرقص فوق وتحت (10rpm) ويعلى ويوطوى لوحده وبعدين العربيه تبطل لوحدها.

-- ادور العربيه تانى تدور طول ما العربيه واقفه سلانسيه برده التكييف شغال فله شمعه منوره.

-- المشكله مش بتظهر غير لمااجى امور او اقف فى زحمه او لما اهدى من سرعه عاليه الار بى ام يتنطط ويرقص والعربيه تبطل لوحدها. ، انما لو طافى التكييف مش بتظهر المشكله دى خاااااااااااااالص.

سالت الدكتور "عصام " قالى نغير حساس الميه -بش انا مش مقتنع بصراحه ، مهندس ميكانيكا صديقى قالى محتاج حاجه اسمها " جفرنيتور" بتنظم عدد لفات الموتور.بصراحه بتجنن لما العربيه بيكون فيها اى حاجه حتى لو صغيره لانى بحبها اوى.

يارب تقدروا تفيدونى يارب لو حد عدى عليه الموضوع ده..............؟

[SYD]

الله يبارك فيك يا اسلام

حمد لله علي سلامة الوالد

بص يا سيدي
صاحبك فعلا معاه حق
في حاجة بس انا مش عارف اسمها فعلا بتركب عشان تنظم دورات المحرك (rpm) لما يشتغل التكييف
بتعليه لحد 1.0 ار بي ام وهو شغال
وتنزله علي 0.9 لما تطفيه

المفروض انها راكبة عندك طبعا لأنها اعتقد مرتبطة بالكنترول

ممكن ايهاب منصور هو الي يفيدك في الأمور دي
لأنه اعلم مني بيها

بس عموما الف مبروك التكييف وابقي خدني لفة الساعة 3 العصر لحسن الجو ولعة في عربية اخوك

ربنا يباركلك فيها يارب

والله المستعان
،
،

[Dr.cairoky]

الله يبارك فيك يا اسلام

حمد لله علي سلامة الوالد

بص يا سيدي
صاحبك فعلا معاه حق
في حاجة بس انا مش عارف اسمها فعلا بتركب عشان تنظم دورات المحرك (rpm) لما يشتغل التكييف
بتعليه لحد 1.0 ار بي ام وهو شغال
وتنزله علي 0.9 لما تطفيه

المفروض انها راكبة عندك طبعا لأنها اعتقد مرتبطة بالكنترول

ممكن ايهاب منصور هو الي يفيدك في الأمور دي
لأنه اعلم مني بيها

بس عموما الف مبروك التكييف وابقي خدني لفة الساعة 3 العصر لحسن الجو ولعة في عربية اخوك

ربنا يباركلك فيها يارب

والله المستعان
،
،

والله يا محمد انا مقتنع بكلامه لانه بيفهم جدا جدا جدا ومش بيحب الفتى

طيب ال " جفرنيتور " ده بيكون موجود فين انا اول مره اسمع عنه وهوا موجود اساسا عندى ولا بايظ كده يعنى ......؟؟

ياريت البوب يفيدنا بقى لما يدخل ولو حد عدى الموضوع ده عليه قبل كده يدلدل بدلوه فى الموضوع.....

[SYD]

والله يا محمد انا مقتنع بكلامه لانه بيفهم جدا جدا جدا ومش بيحب الفتى

طيب ال " جفرنيتور " ده بيكون موجود فين انا اول مره اسمع عنه وهوا موجود اساسا عندى ولا بايظ كده يعنى ......؟؟

ياريت البوب يفيدنا بقى لما يدخل ولو حد عدى الموضوع ده عليه قبل كده يدلدل بدلوه فى الموضوع.....

بص يا باشا انا عربية اخويا (مرسيدس) كان فيها الحوار دة
والميكانيكي بتاعه قاله بيتغير عادي
بس هو عربيته كانت كربراتير (موديل 79)

احنا عندنا طبعا الوضع مختلف
يمكن يكون راكب في الكباس اساسا
لأني اعتقد مفيش عندك اي حاجة ممكن تحس بأنك شغلت التكييف غير الكباس
وهتلاقيه خارج منه فيشه رايح منها طرف للكنترول تقوله انها واصلها كهرباء او اشارة وبالتالي هيرفع الأر بي أم عشان يعوض فرق الحمولة بتاعة الكباس

دة تخمين مني والله اعلم
انتظر ايهاب لما يدخل وهيرد عليك ان شاء الله بالمفيد

والله المستعان
،
،

[ehab_mansour]

ازيك هندسة ياريت نشوفك قريبا في المقابلة القابلة لأنك تقلان (من الثقل) علينا و مش عايز تيجي نتعرف عليك !!!!!!!!!
بخصوص مشكلتك دي فحضرتك اللي بيتحكم في سرعة السلانسيه وقت تشغيل التكييف او وقت عدم تشغيله هو وحدة الكنترول بدون اي تدخل من اي شيء أخر فهي تصلها اشارة تشغيل التكييف وقت الضغط علي زرار تشغيله فيقوم الكنترول بارسال اشارة للبوابة لتزويد فتحتها قليلا فيرتفع الأر بي ام ليتحمل المحرك في السلانسيه و يستطيع تشغيل كمبوريسور التكييف بدون توقف المحرك
موضوع الجزء اللي قالك عليه زميلك ده فهو كلامه صح و لكن للمحركات التي تعمل بالكربيراتير حيث لا يوجد وحدة تحكم في سرعة السلانسيه كهربيا ولكن في المحركات الانجيكشن فمينفعش تركيب هذا الجزء نهائيا تمام

بعد الكلام الكتير ده ازاي هنحل المشكلة دي أعتقد انك محتاج تضبط كهرباء العربية اولا أولا تتأكد ان طقم الكهرباء بحالة جيدة و كذلك سلوك البوجيهات و الأهم هو وضع الأسبراتير فين بالضبط مضبوط في النص ولا فوق ولا تحت و حالة الشاكوش و الوش متنضفين كويس ولا متأكلين و بعد مراجعة كل ده و متحلتش المشكلة ساعتها هتحتاج تشوف البوابة بعد طبعا متنظفها جيدا

بقلك ايه متجيبها معاك المقابلة القادمه نشوفها مع بعض الأول وان شاء الله تتحل المشكلة دي

علي فكرة انا لما اشتريت عربيتي الكوردوبا كانت بتعمل نفس القصة دي وانا كنت لسه جديد علي مواضيع التكييف و العربية جديدة عليا فعملت سيرفيس كامل للعربية لأني كنت هعمله كده كده و نضفت البوابة و غيرت البوجيهات و نضفت أطراف سلوك البوجيهات و غيرت الشاكوش و نضفت الوش و ضبطت وضع الأسبراتير في النص بالضبط لأن ده هو أفضل وضع تكون فيه كهرباء العربية مضبوطة و بعدها الحمد لله اختفت القصص دي كلها

ده طبعا بعد محاولات كتير مع التوكيل اللي معرفش يعمل حاجه ولا ضبط حاجه و طبعا حطيت العربية علي الكمبيوتر بنفسي وقتها أكثر من مرة للكشف و لا يوجد اي أخطاء علي وحدة الكنترول ولا في التكييف

والله الموفق و المستعان

[SYD]

ازيك هندسة ياريت نشوفك قريبا في المقابلة القابلة لأنك تقلان (من الثقل) علينا و مش عايز تيجي نتعرف عليك !!!!!!!!!
بخصوص مشكلتك دي فحضرتك اللي بيتحكم في سرعة السلانسيه وقت تشغيل التكييف او وقت عدم تشغيله هو وحدة الكنترول بدون اي تدخل من اي شيء أخر فهي تصلها اشارة تشغيل التكييف وقت الضغط علي زرار تشغيله فيقوم الكنترول بارسال اشارة للبوابة لتزويد فتحتها قليلا فيرتفع الأر بي ام ليتحمل المحرك في السلانسيه و يستطيع تشغيل كمبوريسور التكييف بدون توقف المحرك
موضوع الجزء اللي قالك عليه زميلك ده فهو كلامه صح و لكن للمحركات التي تعمل بالكربيراتير حيث لا يوجد وحدة تحكم في سرعة السلانسيه كهربيا ولكن في المحركات الانجيكشن فمينفعش تركيب هذا الجزء نهائيا تمام

بعد الكلام الكتير ده ازاي هنحل المشكلة دي أعتقد انك محتاج تضبط كهرباء العربية اولا أولا تتأكد ان طقم الكهرباء بحالة جيدة و كذلك سلوك البوجيهات و الأهم هو وضع الأسبراتير فين بالضبط مضبوط في النص ولا فوق ولا تحت و حالة الشاكوش و الوش متنضفين كويس ولا متأكلين و بعد مراجعة كل ده و متحلتش المشكلة ساعتها هتحتاج تشوف البوابة بعد طبعا متنظفها جيدا

بقلك ايه متجيبها معاك المقابلة القادمه نشوفها مع بعض الأول وان شاء الله تتحل المشكلة دي

علي فكرة انا لما اشتريت عربيتي الكوردوبا كانت بتعمل نفس القصة دي وانا كنت لسه جديد علي مواضيع التكييف و العربية جديدة عليا فعملت سيرفيس كامل للعربية لأني كنت هعمله كده كده و نضفت البوابة و غيرت البوجيهات و نضفت أطراف سلوك البوجيهات و غيرت الشاكوش و نضفت الوش و ضبطت وضع الأسبراتير في النص بالضبط لأن ده هو أفضل وضع تكون فيه كهرباء العربية مضبوطة و بعدها الحمد لله اختفت القصص دي كلها

ده طبعا بعد محاولات كتير مع التوكيل اللي معرفش يعمل حاجه ولا ضبط حاجه و طبعا حطيت العربية علي الكمبيوتر بنفسي وقتها أكثر من مرة للكشف و لا يوجد اي أخطاء علي وحدة الكنترول ولا في التكييف

والله الموفق و المستعان

يا سلام يا جدعاااااااااااااان
العلام حلو بردو

انا بردو قولت ماحدش هيجيب قرارها غير ايهاب منصور

بجد يا بشمهندس انت مكسب كبير اوي للقسم هنا
واي موضوع ماتردش عليه مالوش طعم وبيفتقر للمعلومات الفنية

بارك الله

والله المستعان
،
،

[sameh_se]

بعد اذن الباش مهندس ممكن توضح لنا الكلام دة بعنى اية و اعذر جهلى

"ضبطت وضع الأسبراتير في النص بالضبط لأن ده هو أفضل
وضع تكون فيه كهرباء العربية مضبوطة "
و فى النص اذاى يعنى
و شكرا

[SYD]

بعد اذن الباش مهندس ممكن توضح لنا الكلام دة بعنى اية و اعذر جهلى

"ضبطت وضع الأسبراتير في النص بالضبط لأن ده هو أفضل
وضع تكون فيه كهرباء العربية مضبوطة "
و فى النص اذاى يعنى
و شكرا

الأسبراتير عشان يتربط بيتربط بمسمارين مقاس 10
تمام كدة؟
بيتربط في مجري ليه علي جانبي الأسبراتير
الجانبين فيهم زي مجري بيدخل فيهم المسمار

لما بتحب تقدم الكهربا بتلف الأسبراتير ناحية الموتور
ولما تحب تأخرها بتلف ناحية برة

الوضع السليم
ان الأسبراتير يبقي في النص
اي ان المسمار في نص المجري بالظبط

دة المقصود بكلام البشمهندس ايهاب

والله المستعان
،
،

[ehab_mansour]

بعد اذن الباش مهندس ممكن توضح لنا الكلام دة بعنى اية و اعذر جهلى

"ضبطت وضع الأسبراتير في النص بالضبط لأن ده هو أفضل
وضع تكون فيه كهرباء العربية مضبوطة "
و فى النص اذاى يعنى
و شكرا

السلام عليكم أستاذ سامح
ما أقصده هنا هو ان الأسبراتير بيتثبت بمسمارين ألانيكه مقاس 5 و مكان التثبيت هو عبارة عن مشقبيه طولها حوالي 2 سم لكلا المسمارين المشقبية دي بتخلي الأسبراتير فيه قابلية لتقديم الكهرباء او تأخيرها تمام و ده له معايير معينه ايه هيا فأني حتي الان لا أجد لها جدوي بالتجربة في محركات فولكس و ضبط المصنع للمحركات دي بتنزل بتثبيت المسمارين في منتصف المشقبية دي بالضبط دون تقديم او تاخير و ده اللي اقصده و راجع هذه الصورة هتلاقي فيها ما أقصد واضح جدا

Uploaded with ImageShack.us

انا جربت تقديم الكهرباء قبل كده و هي بالفعل بترفع الأر بي ام في السلانسيه قليلا ولكن بتخليك لما تفصل دبرياج وانت ماشي الأر بي ام مينزلش لوضع السلانسيه غير لما العربية سرعتها تقل او تقف تماما و كمان بتخلي العربية اكنك حاطط بنزين اوكتان اقل عن الموجود

و جربت تأخير الكهرباء قبل كده بتلاقي العربية أكنها مخنوقة بشدة و مش عارزة تجري

و موضوع التقديم و التأخير فايدته ضبط ما يسمي ب ال timing لشرارة الكهرباء اللي هتخرج من البوجيه و تحديد هتخرج امتا محددا بوقت رش البنزين حتي يحدث تزامن مضبوط للاحتراق داخل المحرك و بما ان العربيات دي سواء النصف انجيكشن او الانجيكشن الكامل اللي بيتحكم في عملية ال timing دي هو وحدة الكنترول مع شوية حاجات تانية لا داعي للحديث عنها لأنها كتير (منها سير الكاتينة مثلا) لذلك فأنت محكوم بضبط معين للأسبراتير لكي يكون متوافق و بشكل صحيح مع التوقيت المحدد من الكنترول حتي لا يحدث خلل في علمية الاحتراق و تلاقي البنزين اترش قبل او بعد الشرارة و طبعا الكلام ده لحظي يعني بنتكلم عن اجزاء من الثانيه

يعني من الاخر المفروض نضبط علي وضع المصنع و منغيرش فيه يدويا حتي لا نضعه في وضع غير مناسب للي بيحسبه الكنترول للرشاشات

يارب اكون وضحت ما تريده

[ehab_mansour]

يا سلام يا جدعاااااااااااااان
العلام حلو بردو

انا بردو قولت ماحدش هيجيب قرارها غير ايهاب منصور

بجد يا بشمهندس انت مكسب كبير اوي للقسم هنا
واي موضوع ماتردش عليه مالوش طعم وبيفتقر للمعلومات الفنية

بارك الله

والله المستعان
،
،

ياعم الله يكرمك بلاش الكلام الكبير ده ربنا يسترنا جميعا في الدنيا و الأخرة

الأسبراتير عشان يتربط بيتربط بمسمارين مقاس 10
تمام كدة؟
بيتربط في مجري ليه علي جانبي الأسبراتير
الجانبين فيهم زي مجري بيدخل فيهم المسمار

لما بتحب تقدم الكهربا بتلف الأسبراتير ناحية الموتور
ولما تحب تأخرها بتلف ناحية برة

الوضع السليم
ان الأسبراتير يبقي في النص
اي ان المسمار في نص المجري بالظبط

دة المقصود بكلام البشمهندس ايهاب

والله المستعان
،
،

تمام ولكن انا كنت بتكتب مشاركتي السابقة و مشفتش كلامك ده غير بعد ما خلصت

[sameh_se]

يا هندسة والله ما انا عارف اقولك اية ربنا يباركلك و يخليك لنا و الف الف شكر .

[SYD]

السلام عليكم أستاذ سامح
ما أقصده هنا هو ان الأسبراتير بيتثبت بمسمارين ألانيكه مقاس 5 و مكان التثبيت هو عبارة عن مشقبيه طولها حوالي 2 سم لكلا المسمارين المشقبية دي بتخلي الأسبراتير فيه قابلية لتقديم الكهرباء او تأخيرها تمام و ده له معايير معينه ايه هيا فأني حتي الان لا أجد لها جدوي بالتجربة في محركات فولكس و ضبط المصنع للمحركات دي بتنزل بتثبيت المسمارين في منتصف المشقبية دي بالضبط دون تقديم او تاخير و ده اللي اقصده و راجع هذه الصورة هتلاقي فيها ما أقصد واضح جدا

uploaded with imageshack.us

انا جربت تقديم الكهرباء قبل كده و هي بالفعل بترفع الأر بي ام في السلانسيه قليلا ولكن بتخليك لما تفصل دبرياج وانت ماشي الأر بي ام مينزلش لوضع السلانسيه غير لما العربية سرعتها تقل او تقف تماما و كمان بتخلي العربية اكنك حاطط بنزين اوكتان اقل عن الموجود

و جربت تأخير الكهرباء قبل كده بتلاقي العربية أكنها مخنوقة بشدة و مش عارزة تجري

و موضوع التقديم و التأخير فايدته ضبط ما يسمي ب ال timing لشرارة الكهرباء اللي هتخرج من البوجيه و تحديد هتخرج امتا محددا بوقت رش البنزين حتي يحدث تزامن مضبوط للاحتراق داخل المحرك و بما ان العربيات دي سواء النصف انجيكشن او الانجيكشن الكامل اللي بيتحكم في عملية ال timing دي هو وحدة الكنترول مع شوية حاجات تانية لا داعي للحديث عنها لأنها كتير (منها سير الكاتينة مثلا) لذلك فأنت محكوم بضبط معين للأسبراتير لكي يكون متوافق و بشكل صحيح مع التوقيت المحدد من الكنترول حتي لا يحدث خلل في علمية الاحتراق و تلاقي البنزين اترش قبل او بعد الشرارة و طبعا الكلام ده لحظي يعني بنتكلم عن اجزاء من الثانيه

يعني من الاخر المفروض نضبط علي وضع المصنع و منغيرش فيه يدويا حتي لا نضعه في وضع غير مناسب للي بيحسبه الكنترول للرشاشات

يارب اكون وضحت ما تريده :copy of m-s5:

الله الله علي كلامك يا بشمهندس
دة شرح اكثر من وافي لضبط الأسبراتير بس ماحبتش اقول كل دة وجبت من الأخر

الف شكر ليك يا بشمهندس علي الرد

والله المستعان
،
،

[Dr.cairoky]

ازيك هندسة ياريت نشوفك قريبا في المقابلة القابلة لأنك تقلان (من الثقل) علينا و مش عايز تيجي نتعرف عليك !!!!!!!!!
بخصوص مشكلتك دي فحضرتك اللي بيتحكم في سرعة السلانسيه وقت تشغيل التكييف او وقت عدم تشغيله هو وحدة الكنترول بدون اي تدخل من اي شيء أخر فهي تصلها اشارة تشغيل التكييف وقت الضغط علي زرار تشغيله فيقوم الكنترول بارسال اشارة للبوابة لتزويد فتحتها قليلا فيرتفع الأر بي ام ليتحمل المحرك في السلانسيه و يستطيع تشغيل كمبوريسور التكييف بدون توقف المحرك
موضوع الجزء اللي قالك عليه زميلك ده فهو كلامه صح و لكن للمحركات التي تعمل بالكربيراتير حيث لا يوجد وحدة تحكم في سرعة السلانسيه كهربيا ولكن في المحركات الانجيكشن فمينفعش تركيب هذا الجزء نهائيا تمام

بعد الكلام الكتير ده ازاي هنحل المشكلة دي أعتقد انك محتاج تضبط كهرباء العربية اولا أولا تتأكد ان طقم الكهرباء بحالة جيدة و كذلك سلوك البوجيهات و الأهم هو وضع الأسبراتير فين بالضبط مضبوط في النص ولا فوق ولا تحت و حالة الشاكوش و الوش متنضفين كويس ولا متأكلين و بعد مراجعة كل ده و متحلتش المشكلة ساعتها هتحتاج تشوف البوابة بعد طبعا متنظفها جيدا

بقلك ايه متجيبها معاك المقابلة القادمه نشوفها مع بعض الأول وان شاء الله تتحل المشكلة دي

علي فكرة انا لما اشتريت عربيتي الكوردوبا كانت بتعمل نفس القصة دي وانا كنت لسه جديد علي مواضيع التكييف و العربية جديدة عليا فعملت سيرفيس كامل للعربية لأني كنت هعمله كده كده و نضفت البوابة و غيرت البوجيهات و نضفت أطراف سلوك البوجيهات و غيرت الشاكوش و نضفت الوش و ضبطت وضع الأسبراتير في النص بالضبط لأن ده هو أفضل وضع تكون فيه كهرباء العربية مضبوطة و بعدها الحمد لله اختفت القصص دي كلها

ده طبعا بعد محاولات كتير مع التوكيل اللي معرفش يعمل حاجه ولا ضبط حاجه و طبعا حطيت العربية علي الكمبيوتر بنفسي وقتها أكثر من مرة للكشف و لا يوجد اي أخطاء علي وحدة الكنترول ولا في التكييف

والله الموفق و المستعان

والله يا هندسه ده أنا أتشرف إنى أشوفكم وأتعرف عليكم انت والاساذ احمد مبارك واحمد عبد السلام وماتريكس وسامح وإيهاب winds ومش عاوز انسى حد....إن شاء الله ياباشا بأمر الله المقابله الجايه لو ورايا ايه هسيبه واكون معاك بامر ربنا ده وعد عليا.

خلاص يا بوب انا هسيبها زى ما هيا كده نبقى نشوفها مع بعض لأنى حاسس ان الاسبراتير نفسه فعلا مش مظبوط زى ما انت بتقول.

على فكره ربنا يبارك فيك ويزيدك من علمه بحب اقرا اوى تعليقاتك لانى بحس ان فيه واحد فاهم بيتكلم مش واحد بيفتى ويعك.

[ehab_mansour]

والله يا هندسه ده أنا أتشرف إنى أشوفكم وأتعرف عليكم انت والاساذ احمد مبارك واحمد عبد السلام وماتريكس وسامح وإيهاب winds ومش عاوز انسى حد....إن شاء الله ياباشا بأمر الله المقابله الجايه لو ورايا ايه هسيبه واكون معاك بامر ربنا ده وعد عليا.

خلاص يا بوب انا هسيبها زى ما هيا كده نبقى نشوفها مع بعض لأنى حاسس ان الاسبراتير نفسه فعلا مش مظبوط زى ما انت بتقول.

على فكره ربنا يبارك فيك ويزيدك من علمه بحب اقرا اوى تعليقاتك لانى بحس ان فيه واحد فاهم بيتكلم مش واحد بيفتى ويعك.

يا هندسة ده الشرف لينا احنا ربنا يكرمك و يباركلك

بس عليك و علي الأخوة الباقيين تقنعهم لأن احنا كنا مصممين المقابلة الجاية من غير شحم و زيت و مفكات ...... بالنسبالي معنديش مشكلة لأني متعود علي كده لكن شوفهم بقي يا اما نعملك استثناء خاص ولكن مش هنفتح كبوت تاني غير عربيتك هههههههههههههه

[SYD]

يا هندسة ده الشرف لينا احنا ربنا يكرمك و يباركلك

بس عليك و علي الأخوة الباقيين تقنعهم لأن احنا كنا مصممين المقابلة الجاية من غير شحم و زيت و مفكات ...... بالنسبالي معنديش مشكلة لأني متعود علي كده لكن شوفهم بقي يا اما نعملك استثناء خاص ولكن مش هنفتح كبوت تاني غير عربيتك هههههههههههههه :copy of m-s5:

ههههههههههههه
الي فيه داء ...