بركولى و ادعولى لانى اشتريتها

[mohamed_fatouh]

بحمد الله وتوفيقة اشتريت اليوم الجمعة سيات ابيزا موديل 2001 كاملة مانيوال و الكمال لله وحدة وطبعا شكر واجب ليكم لانكم السبب فى شرائى لهذا الموديل بسبب حبكم فى الكلام عنها ادعولى بالتوفيق.
و طبعا لان الحلو ميكملش للاسف رغم ان الريموت اللى فى المفتاح بينور الا انة لا يفتح ولا يغلق بعد ماغيرت بطاريتة حد منكم عندة حل؟

سبحان الله و بحمده سبحان الله العظيم

[hazem_khidr]

الف مبروك العربيه يا محمد
ربنا يديك خيرها و يحميك من شرها يا رب

[Hassan Khalil]

الف الف مبرووك
ربنا يبارك لك فيها .. و تستعملها في الخير دائما :)

[Karim_Monir]

الف مبروك وربنا يديلك خيرها ويكفيك شرها
وان شاء الله تطلع حاجة بسيطة

[احمد عبدالله]

الف الف مبرووك

[mohamed ibiza]

مبرووووووووووووووووووووووووووووووووووووووووووووووو وووووك و اهلا بيك معانا في عصابة سيات :):)

[dr_3eshoo]

لولولولولولولولولولولولولولولييييييييييييييييييييي يييي
فين الجاتوه يا نعلم

[fahd_628]

الف مبروووووووووووووووووك

[akram2025]

الف الف مبروك و ربنا يديك خيرها و يكفيك شرها

[emadspeed]

الف مبروك يا باشا وربنا يديك خيرها ويكفيك شرها
الحقيقة انا دوخت على ابيزا 2001 وللاسف ملقتش خالص حالة نضيفة منها والحمد لله ربنا وفقنى فى فابيا 2001 حالتها كويسة وخلصت فيها
بس ممكن اعرف حضرتك خلصتها على كام

ومبروك كمان مرة يا باشا

[mohamed_fatouh]

شكرا يا جماعة على مجاملتكم الجميلة و ادعيتكم ايمنى من الله ان يكون لى نصيب فيها
اولا و الله يا dr_3eshoo العربية شطبت على كل مليم معايا موش كدة و بس كمان استلفت من جماعة اصحابى و ده لان العربية فعلا حالتها الحمد لله جيدة جدا رشة جوانب بس و كناليتها جلها و الحمد لله شغالة لونها احمر مرشتش جوة و صراحة قعدتها حلوه جدا و ركوبتها متعة يارجاله كفاية ان واحد صاحبى معاة هوندا سيتى انبهر بامكانيات السيارة اللى موش موجودة فى عربيتة
و للزميل emad speed اقولك انا جبتها ب 46000الف جنيه موش عارف كدة كويس ولا غالية بس انا بمجرد ماشفتها مقدرتش اقاوم فدفعت بعدها بيوم على ما استلف باقى المبلغ و الجاتوة جاى جاى ان شاء الله بس ربنا يوسع و يبشبش المسائل و هدعوكم للتورتة ان شاء الله و بالمناسبة انا من سكان 6اكتوبر.

و شكرا ياجماعة و ياريت حد يكون معاة الجتالوج بتاعة pdf او اى حاجة علشان انا محتاج افهمها شوية اكتر.
و نصيحه اخوية محدش يشترى حاجة الا بعد استخارة الله لانه هوه وحدة الموفق . تعلق برب الاسباب ُتسخر لك كل الاسباب.
و الحمد لله على ما رزقنى اياه من لاحول لى ولا قوه

[mohamed ibiza]

46 الف جنيه بس!!!!!!!!!!!!!!!!!!!!!!!!!!!!!!!!!!!!!!!!!!!ابيزا 2001 حالة جيدة جدا ب 46 الف بس انت كشفت علي العربية دي كويس؟؟؟؟؟؟؟؟؟؟؟؟؟؟؟؟؟؟؟؟؟؟؟

[dr_3eshoo]

على فكره يا محمد انا برضه قاعد في اوكتوبر قادام النادي عدي عليا اشوف العربيه

[qupid_forever]

لف مبروك يا محمد على العربيه بيهيالى لو فعلا كشفت على العربيه وفعلا حالتها كويسه زى ما بتقول يبقى سعرها حلو جدا
وكمان اقدر اقولك إنك واخدها اقل من سعرها
ربنا يباركلك فيها ويكفيك شرها
الف مبروك مره تانيه
واكيد عايز اشوفك انا فى جامعه 6 اكتوبر وساكن فى الهرم يعنى يعتبر جنبك
اتمنى تكون على طول بخير يا باشا
كيوبيد

[emadspeed]

فعلا العربية دى لو حالتها جيدة جدا وبالمبلغ ده يبقا بجد تمام وفل اوى
وربنا يبارلك فيها يا رب