اعرف منين ان الصباب بايظ

[sameh_se]

السلام عليكم ورحمة الله وبركاته
يا جماعة الطمع فى العلم حلو موش كدا .... ههههه
انا بصراحة واحد صاحبى موتور عربيتة الميكانيكى قالو ان فيها صباب .
بس انا شايف ان العربية مشية كويس .
السؤال بقا .
اعرف منين ان العربية كدا فعلا فيها صباب بايظ
و اصلا اية الى يخلى الصباب يبوظ
على فكرة عربيتة جولف 2
و شكرا للاهتمام .

[matrix012]

معلش انا مش فاهم حاجه
الميكانيكى قال كده بنأ على ايه فى صوت او دربكه او سحب وحش او تخبيط
يعنى صاحبك كان بيشتكى من ايه وراح للميكانيكى علشانه
وربنا يستر طريقى وطريقكم

[ehab_mansour]

معلش انا مش فاهم حاجه
الميكانيكى قال كده بنأ على ايه فى صوت او دربكه او سحب وحش او تخبيط
يعنى صاحبك كان بيشتكى من ايه وراح للميكانيكى علشانه
وربنا يستر طريقى وطريقكم

منتظر أشوف رد علي الكلام ده و بعدين نتكلم مع بعض !!!

[SYD]

اول الأشارات او الدلائل او بيسموها الأعراض
هتلاقي الموتور مش مستقر وكأنه متلت (شغال 3 بوجيه)

بسهولة يعرف الكلام دة

لو شال سلك البوجيهات من علي كل بوجيه
بوجيه بوجيه والسلك الي يخلعه يرجعه تاني مكانه

لو لقي الموتور مبرجل لما يخلع سلك البوجيه وبعد لما يعيد تركيبه لسة مبرجل يبقي الصباب دة قاطع

طبعا بعد ما يتأكد
1- ان البوجيه اساسا شغال
2- ان الأسبراتير بيرمي كهربا للبوجيه الي شاكك فيه

الكلام دة لو شاكك انها قاطعة صباب

وممكن يكون كل مشاكله في اسلاك البوجيهات او الأسبراتير نفسه او الشاكوش او الكوباية (غطا الأسبراتير سواء البرتقالي او الأسود)

والله المستعان
،
،

[ahmedeihab]

اول الأشارات او الدلائل او بيسموها الأعراض
هتلاقي الموتور مش مستقر وكأنه متلت (شغال 3 بوجيه)

بسهولة يعرف الكلام دة

لو شال سلك البوجيهات من علي كل بوجيه
بوجيه بوجيه والسلك الي يخلعه يرجعه تاني مكانه

لو لقي الموتور مبرجل لما يخلع سلك البوجيه وبعد لما يعيد تركيبه لسة مبرجل يبقي الصباب دة قاطع

طبعا بعد ما يتأكد
1- ان البوجيه اساسا شغال
2- ان الأسبراتير بيرمي كهربا للبوجيه الي شاكك فيه

الكلام دة لو شاكك انها قاطعة صباب


الكلام ده ممكن يكون بردو تاكيه محمل زياده علشان كده ممشيها 3 سلندر بس بردو ميمنعش ان كلامك مظبوط لو التاكيهات و البوجيهات مظبوطه


وممكن يكون كل مشاكله في اسلاك البوجيهات او الأسبراتير نفسه او الشاكوش او الكوباية (غطا الأسبراتير سواء البرتقالي او الأسود)

والله المستعان
،
،

[SYD]

مواتير فولكس مش بتظبط تاكيهات
شغالة علي كوستبانات بتملي زيت وتظبط نفسها بنفسها

الي بيتظبط عندنا هو الأسبراتير والكاتينة فقط لا غير

شكرا علي الرد

والله المستعان
،
،

[ahmedeihab]

مواتير فولكس مش بتظبط تاكيهات
شغالة علي كوستبانات بتملي زيت وتظبط نفسها بنفسها

الي بيتظبط عندنا هو الأسبراتير والكاتينة فقط لا غير

شكرا علي الرد

والله المستعان
،
،

و شكرا للتوضيح استاذ سيد منكم نستفيد بردو
^_^

[sameh_se]

كلام ذى الفل تسلموا جميعا و منكم نستفيد
على كلام صاحبى ان السحب بقا موش ذى الاول و فى كتمة فى العربية

طيب هوا اية الى يخلى صباب يقطع اصلا
و شكرا ..

[sameh_se]

طيب يا جماعة على كلامكم دة ممكن يكون الرشاش هوا الى فية المشكلة و يدى نفس الاعراض دى
ولا انا غلطان اعذرونى اناعلى قدى برضو

[SYD]

طيب يا جماعة على كلامكم دة ممكن يكون الرشاش هوا الى فية المشكلة و يدى نفس الاعراض دى
ولا انا غلطان اعذرونى اناعلى قدى برضو

حضرتك قولت انها جولف 2
وماقولتش الموتور انجيكشن
طبعا الرشاش لو مسدود هيدي نفس الأعراض بالظبط وهيخلي الصباب يقطع

والله المستعان
،
،

[SYD]

كلام ذى الفل تسلموا جميعا و منكم نستفيد
على كلام صاحبى ان السحب بقا موش ذى الاول و فى كتمة فى العربية

طيب هوا اية الى يخلى صباب يقطع اصلا
و شكرا ..

كون الصباب يقطع مرة واحدة دة ليه عدة اسباب
اما اسباب ميكانيكية
او اسباب كهربائية - ودي الي انا ذكرتها لحضرتك

اما الأسباب الميكانيكية فدي هتبان لما الموتور يتفتح
ولكن اهمها تراكم رواسب تعوق حركة البساتم داخل الصباب ودة لأن الخلوص بينهم بيكون بأجزاء من المليميتر
او عمود الكامات فيه مشكلة

وان شاء الله هتكون حاجة بسيطة بأذن الله
بوجيه ولا سلك بوجيه او اسبراتير

والله المستعان
،
،

[ehab_mansour]

معلش يا جماعه لي تعقيب علي الكلام ده ولو انا غلط صححولي

أولا الصبابات هي عبارة عن الفالفات اللي بتفتح تدخل الهواء للبستم و تخرج العادم بعد الاحتراق من البستم و المتحكم في حركة الصبابات هو عمود الصبابات او بيسمي ايضا عمود الكامات و كل الأجزاء دي عبارة عن اجزاء ميكانيكية يعني مستحيل تقطع أساسا لأنها هتتحرك هتتحرك طول ما عمود الكامات بيلف مع دوران المحرك لأن الصبابات دي صوابع حديد صلب و راسها من فوق مبططه بشكل دائري و عمود الصباب بيزقها لتحت لما يضغط عليها ولما يسيبها السوسته بترده لفوق تلقائيا و هكذا

أساسا لو حصل ان السوسته اتكسرت مثلا و الصباب نزل و مطلعش البستم هيطلع يدغدغه او يعوجه تمام لأن التناغم اللي بيحصل بين حركة البساتم و حركة الصبابات المسئول عنها هو سير الكاتينة وهنا نجد ان لما البستم بيطلع لفوق في نفس اللحظة بيكون الصباب فوق و العكس بالعكس
ومن هنا نجد ايضا ان لما سير الكاتينة بيتقطع اول شيء بيبوظ هي الصبابات لأن في لحظة قطعه بيقف عمود الكامات علي اي وضع و مازالت البساتم تتحرك بفعل حركة السيارة مع التعشيق و دوران المحرك فبتتعوج الصبابات

المهم نرجع لموضوعنا العيوب دائما اللي بتحصل للصبابات هو يا اما اعوجاج بسبب قطع سير كاتينة او تأكل لدلايل الصبابات (جمع دليل وهو عمود الصباب ) او طقم كاوتش الصباب بيتأكل و يبوظ او بينشف و يخلي الصباب صوته يعلي مع الحركة

دائما لما تحصل مشكلة في الصبابات غير قطع سير الكاتينة وقتها بتسمع صوت تكتكه واضح للمحرك صادر من اعلي الموتور ولا يوجد لها اي تأثير أخر سوي ذلك وفي هذه الحالة لو تأكل في الدلايل بتتغير الصبابات ولو المشكلة في طقم الكاوتش بيتغير

ومن ضمن أهم الأشياء المؤثرة علي عمر الصبابات و طقم كاوتشها و عمود الكامات اللي بيحركها هو نوعية الزيت و درجة لزوجته لأن لو الزيت تعبان مبيحصلش تزييت مضبوط للحاجات دي فبتتأكل بسرعه أكتر و من هنا تصدر الأصوات

والله الموفق

[ehab_mansour]

كلام ذى الفل تسلموا جميعا و منكم نستفيد
على كلام صاحبى ان السحب بقا موش ذى الاول و فى كتمة فى العربية

طيب هوا اية الى يخلى صباب يقطع اصلا
و شكرا ..

أستاذ سامح
بخصوص ضعف السحب و الكتمة فده ملهوش علاقة تماما بالصبابات كما وضحت انا فوق وظيفتها و كيفية عملها جميل !!!
المشكلة دي سببها كهربا مش مضبوطة او رشاشات محتاجه تنظيف او طقم فلاتر مكتوم و محتاج يتغير (هواء و بنزين)
يعني تخليه يقلنا
1- هو غير فلاتر امتا
2- غير بوجهات امتا
3- حالة سلوك البوجيهات و الأسبراتير عموما و مضبوط ولا لأ
4- حالة طلمبة البنزين
5- بعد كل ده ممكن نشك في الرشاشات ولكن لا أعتقد ذلك لأن الملكة مش هتخرج عن اللي فوق

والله الموفق

[SYD]

معلش يا جماعه لي تعقيب علي الكلام ده ولو انا غلط صححولي

أولا الصبابات هي عبارة عن الفالفات اللي بتفتح تدخل الهواء للبستم و تخرج العادم بعد الاحتراق من البستم و المتحكم في حركة الصبابات هو عمود الصبابات او بيسمي ايضا عمود الكامات و كل الأجزاء دي عبارة عن اجزاء ميكانيكية يعني مستحيل تقطع أساسا لأنها هتتحرك هتتحرك طول ما عمود الكامات بيلف مع دوران المحرك لأن الصبابات دي صوابع حديد صلب و راسها من فوق مبططه بشكل دائري و عمود الصباب بيزقها لتحت لما يضغط عليها ولما يسيبها السوسته بترده لفوق تلقائيا و هكذا

أساسا لو حصل ان السوسته اتكسرت مثلا و الصباب نزل و مطلعش البستم هيطلع يدغدغه او يعوجه تمام لأن التناغم اللي بيحصل بين حركة البساتم و حركة الصبابات المسئول عنها هو سير الكاتينة وهنا نجد ان لما البستم بيطلع لفوق في نفس اللحظة بيكون الصباب فوق و العكس بالعكس
ومن هنا نجد ايضا ان لما سير الكاتينة بيتقطع اول شيء بيبوظ هي الصبابات لأن في لحظة قطعه بيقف عمود الكامات علي اي وضع و مازالت البساتم تتحرك بفعل حركة السيارة مع التعشيق و دوران المحرك فبتتعوج الصبابات

المهم نرجع لموضوعنا العيوب دائما اللي بتحصل للصبابات هو يا اما اعوجاج بسبب قطع سير كاتينة او تأكل لدلايل الصبابات (جمع دليل وهو عمود الصباب ) او طقم كاوتش الصباب بيتأكل و يبوظ او بينشف و يخلي الصباب صوته يعلي مع الحركة

دائما لما تحصل مشكلة في الصبابات غير قطع سير الكاتينة وقتها بتسمع صوت تكتكه واضح للمحرك صادر من اعلي الموتور ولا يوجد لها اي تأثير أخر سوي ذلك وفي هذه الحالة لو تأكل في الدلايل بتتغير الصبابات ولو المشكلة في طقم الكاوتش بيتغير

ومن ضمن أهم الأشياء المؤثرة علي عمر الصبابات و طقم كاوتشها و عمود الكامات اللي بيحركها هو نوعية الزيت و درجة لزوجته لأن لو الزيت تعبان مبيحصلش تزييت مضبوط للحاجات دي فبتتأكل بسرعه أكتر و من هنا تصدر الأصوات

والله الموفق

كلامك كله صح بلا شك

ولكن

لو مثلا الرشاش لأي سبب من الأسباب بطل يرش بنزين
هتكون ايه النتيجة ؟؟؟
الصباب شغال بدون جدوي
فبالتالي هيأثر علي انتظام دوران المحرك وهتخليه يهتز ودي بنسميها متلت

نفس الأعراض لو البوجيه قاطع لأي سبب من الأسباب (اسبراتير - سلك - هلكان - مهبب - مكربن - مرطب)

وبالتالي انا قولتله ان في 2 factors
اسباب ميكانيكية - ودي حضرتك وضحتها بشرح وافي وكافي
اسباب كهربائية - ودي انا وضحتها
والأسباب الأخري الي حضرتك ذكرتها دي سيرفيس يبقي غلطان لو مش بيعمله ويرجع يشتكي ان العربية سحبها وحش
واساسا كل كلامنا علي حد تعبير الميكانيكي
واساسا صاحب المشكلة مش بيناقش معانا والي طرحها صاحب صاحب المشكلة

بس في النهاية
انا كمحمد استفدت

ربنا يخليك لينا يا هندسة

والله المستعان
،
،

[ehab_mansour]

كلامك كله صح بلا شك

ولكن

لو مثلا الرشاش لأي سبب من الأسباب بطل يرش بنزين
هتكون ايه النتيجة ؟؟؟
الصباب شغال بدون جدوي
فبالتالي هيأثر علي انتظام دوران المحرك وهتخليه يهتز ودي بنسميها متلت

نفس الأعراض لو البوجيه قاطع لأي سبب من الأسباب (اسبراتير - سلك - هلكان - مهبب - مكربن - مرطب)

وبالتالي انا قولتله ان في 2 factors
اسباب ميكانيكية - ودي حضرتك وضحتها بشرح وافي وكافي
اسباب كهربائية - ودي انا وضحتها
والأسباب الأخري الي حضرتك ذكرتها دي سيرفيس يبقي غلطان لو مش بيعمله ويرجع يشتكي ان العربية سحبها وحش
واساسا كل كلامنا علي حد تعبير الميكانيكي
واساسا صاحب المشكلة مش بيناقش معانا والي طرحها صاحب صاحب المشكلة

بس في النهاية
انا كمحمد استفدت

ربنا يخليك لينا يا هندسة

والله المستعان
،
،

ربنا يكرمك يا هندسة وربنا يوفقنا جميعا لما يحبه و يرضاه