ابيزا 2006 عندي طقة لما بلف الدريكسيون يمين او شمال والعربية واقفه

[connery]

روحت للمكانيكي قال لي علبة دريكسيون روحت التوكيل قالي بلي بطاحات روحت للمكانيكي تاني قال لي علبة دريكسيون لان مش ممكن بلي البطاحات يبوظ مع بعض فى نفس الوقت مش عارف اغير بلي البطاحات ولا اغير علبة الدريكسيون ارجو المساعدة وشكرا .

[ehab_mansour]

ازيك يا كريم عامل ايه ؟؟

انا مش مقتنع بكلام التوكيل ابدا لأن الصوت صادر من تحت العربية و بلي البطاحات صعب يزيق كده علي العموم زي مقلتلك لما نتقابل بكره ان شاء الله هنشوفها تاني انا وانت و احمد مبارك و بعدين بلي البطاحات هيخف الحمل عليه تماما لو رفعت العربية علي كوريك فممكن ترفعه عند اي حد بتاع كاوتش و تلف يمين و شمال لو الصوت راح يبقي بلي بطاحات لو مرحش يبقي علبة دركسيون

لأن بلي البطاحات لو بايظ بيبان صوته قوي لما تكون العربية محمله فوقيه لكن لو رفعتها من عليه هش هتسمع الصوت والله اعلم

بس خليها لما نتقابل بكرة أضمن و عند أحمد مبارك
ومنتظرين أراء الباقي
والله الموفق

[connery]

م / إيهاب منصور مش عارف اشكرك على مجهودك معايا
كمان في التقرير مكتوب تسريب زيت من المحرك بس خفيف مش عارف ايه ده وجلدة الكوبلن الشمال فيها قطع صغير وجلبة المقص الشمال اللي ركبها مركبها عكسي وفيها قطع .

[SYD]

بالنسبة للبلية للأسف مش بتتباع لوحدها
لازم تجيب معاها البطاح نفسه

ودة هيكون في حدود ال200 جنيه او اقل قليلا
عندنا ب 185 في الأبيزا 99

مش عارف عند حضرتك زينا ولا لاء

بالنسبة لعلبة الدريكسيون اشك ان يكون فيها حاجة

وياريت حضرتك تقولنا اي اعراض اخري غير الطقة او ايه اخر حاجة حصلت في العربية او انت عملتها سواء صيانات او مطبات وخلافه

يعني history بسيط للموضوع عشان نقدر نوصل سوا للمشكلة وطرق العلاج

والله المستعان
،
،

[connery]

Eng. Mohamed Sayed شكرا على مشاركتك
انا لسه عمل العفشه بتاعتها كلها غيرت جلب المقصات وبيض الطارة ومسمارين الميزان ولسه الصوت ده من اقل من شهر بعد لما غيرت كل حاجه بس بعدها بفتره شهر كمان مثلا بس انا سالت مكيانيكي شغال في فولكس قال لي الشغل كلها على بلي البطاحات لان صعب اقوي موضوع العلبة وسالت طيب حتى لو صوت الطقه موجود يمين وشمال والعربية مرفوعة قال لي ايوة

[eng.m7md.ali]

غالباً دي الجلب
لان اصوات علبة الدريكسيون بتبان والعربية ماشية
وحضرتك بتقول بتلف يمين وشمال والعربية واقفة
يبا اكيد الجلب

[ehab_mansour]

يا ساده انا سمعت صوت العربية دي قبل ما يروح للتوكيل او للميكانيكية الصوت صوت تزييق مستمر مع لف الدركسيون و العربية واقفة لما يبطل يلف بيروح الصوت و بعدين الصوت جاي من الناحيتين يمين و شمال ومن تحت العربية عند منطقة التوجيه (علبة الدركسيون بأجزائها)

اللي اعرفه لو بلي البطاحات هو اللي عامل الصوت هيكون الصوت واضح كويس جدا فوق المساعد اكتر من حوض الموتور ومن تحت العربية و هيكون واضح اكتر تحت المساعد عند فردة الكاوتش ولكن هنا مافيش صوت.... الصوت صادر من تحت العربية كما ذكرت

[ehab_mansour]

م / إيهاب منصور مش عارف اشكرك على مجهودك معايا
كمان في التقرير مكتوب تسريب زيت من المحرك بس خفيف مش عارف ايه ده وجلدة الكوبلن الشمال فيها قطع صغير وجلبة المقص الشمال اللي ركبها مركبها عكسي وفيها قطع .

تسريب الزيت ممكن يكون من طبة التغيير متأكله يعني او ممكن يكون من جوان الكارتيره بس طالما خفيف و مش كتير مش هيعمل مشكلة عادي مشيت بالابيزا اكثر من 3 سنوات بنشع خفيف زي ده و غير مؤثر طالما مستوي الزيت لا يقل

كاوتشة الكوبلن دي لازم تتغير قبل ما الكوبلن نفسه يتملي رمل و تراب و يبوظ لأن الكاوتشه دي مهمة جدا جدا جدا للحفاظ علي حالة الكوبلن و الشحم اللي بيشحم حركة الكوبلن فمتسكتش عليها

جلبة المقص دي كمان محتاجه تتغير و ابقي قول للعفشجي المحترم انها ليها سهم في جسم المقص نفسه و فيه سهم أخر في جسم الجلبة بيتظبطو الاتنين علي بعض لما بييجي يكبس الجلبة في المقص

أخبار التكييف عامل ايه يا كريم طمني

[eemmoo]

روحت للمكانيكي قال لي علبة دريكسيون روحت التوكيل قالي بلي بطاحات روحت للمكانيكي تاني قال لي علبة دريكسيون لان مش ممكن بلي البطاحات يبوظ مع بعض فى نفس الوقت مش عارف اغير بلي البطاحات ولا اغير علبة الدريكسيون ارجو المساعدة وشكرا .

انت كنت فى التوكيل يوم الاربعاء وعربيتك لونها نبيتى ؟؟؟

[connery]

ايوة مظبوط انت كنت واقف جانبي

[connery]

طيب بتاع العفشه قالي ان الصاموله بتاعت المقص الشمال كانت بوشت وان اتركبلها صاموله تانية بس في جزء بسيط من اللحام فاك ولازم تتلحم تاني بس على نظيف وان بظبظ زوايا نزلت تحت العربية وشفت ان فعلا في اختلاف بسيط قوي في مكان الصاموله الشمال عن اليمين بس مش قادر احدد اذا كان الصوت منها ولا لا كمان بتاع الزوايا قالي ان الزوايا مظبوط وانا كنت ظابطها من اسبوع فلو كانت علبة دريكسيون مكنتش الزوايا هتفضل مظبوط ابعد الاسبوع ايه رايكم ؟ وشكرا

[eemmoo]

ايوة مظبوط انت كنت واقف جانبي

انا فعلا اللى كنت واقف جنبك ساعه الفحص وعرفتك مش المشاكل اللى انت كاتبها عشان هى فعلا كلها اللى قاللولك عليها هناك

[megahome]

ممكن حضرتك تتأكد من بلى الطنابير بتاع العجل ضرورى لانها ممكن تعمل الصوت ده