فلتر بنزين ابيزا 94

[ehab_mansour]

معلش يا جماعه وواحده واحده
اولا انا عندى الفلتر قبل القنطره بحوالى 5 سم وهوا موجود فى النص الشمال من العربيه يعنى تجاوزا هنقول انه فى النص الشمال وده سعره حوالى 70 او 80 مش فاكر
ثانيا فى عربيات تانى الفلتر بتاعها موجود عند الموتور بيبقى فلتر صغير شفاف وسعره رخيص جدا مقارنة بالتانى يعنى حوالى 10 جنيه
ثالثا فى عربيات بيبقى فيها الاتنين يعنى واحد من عند خرطوم البنزين قبل الموتور والثانى تحت التنك
ودول الانواع الثلاثه الى انا شفتهم لكن الصراحه انا مشوفتش نوع من غير فلتر
حتى لو حضرتك بتحط 92 اكيد بيكون فى شوائب (انتا فى مصر) الشوائب ديه بتروح فين ؟؟؟؟؟؟؟؟ متهيئلى لازم فلتر
وربنا يستر طريقى وطريقكم

ايه الحلاوه دي

بدأت تندع اهه يا ابو السيد !!!!!! يا رب يسر الحال

[ahmad_salama]

ها يا جماعه حد عنده جدييييد علشان خلاص هتجنن ومش لاقي الفلتر في اي حته في العربيه :(

[SYD]

يا باشا يظهر انها زي المهندس ايهاب ما قالك
كان في عندك فلتر في الحوض وحد لغاه وبالتالي مابقاش عندك فلتر
الحل انك مؤقتا تعملها فلتر في الحوض لحد لما تشوف موضوع فلتر تحت التانك زي باقي الناس
لأن علي فكرة
الفلتر التحتاني بيعيش فترة اطول من بتاع الحوض وفرق السعر رهيب بينهم

[ehab_mansour]

يا باشا يظهر انها زي المهندس ايهاب ما قالك
كان في عندك فلتر في الحوض وحد لغاه وبالتالي مابقاش عندك فلتر
الحل انك مؤقتا تعملها فلتر في الحوض لحد لما تشوف موضوع فلتر تحت التانك زي باقي الناس
لأن علي فكرة
الفلتر التحتاني بيعيش فترة اطول من بتاع الحوض وفرق السعر رهيب بينهم

+1

حضرتك عشان تركب فلتر تحت التانك محتاجه تغير المواسير كلها من اول الخروج من الطملبة اللي في التانك حتي تصل الي الحوض عن المحرك و دي قصة مقرفة و لكن هتبقي زي الأصلي بالضبط و مكلفة فكبر دماغك و اعملها فلتر من اي نوع يعجبك في حوض الموتور

وعلي فكرة ممكن تعملها فلتر زي الأصلي تحت التانك هتقطع الخرطوم بمسافة مناسبة لتركيب الفلتر و تشتري فلتر و جوز افايز (جمع افيز او بيقولو عليه كوليه تربيط) و تركب الخرطوم و تضغطه كويس في الفلتر من الناحيتين و تربك علي الأفيز جيدا و تتاكد انه مفيش اي تسريب ولا تنفيس بنزين و بس و تحاول تربط الفلتر بحزام تربيط في اي حاجه تحت ولو حتي القنطره الخلفية من فوق و بس
وكل ما تيجي تغير الفلتر بدل فك و تركيب بكلبسات هتفك و تركب بأفايز و شكرا
و بالتوفيق ان شاء الله

[agaty1st]

ساميه و احمد
الابيزا 94 1300 موتور جولف 2 كربراتير و فلتر البنزين في الحوض و طرمبة البنزين كمان في الحوض
العربيه دي ممكن ماتكونش 94

[SYD]

ساميه و احمد
الابيزا 94 1300 موتور جولف 2 كربراتير و فلتر البنزين في الحوض و طرمبة البنزين كمان في الحوض
العربيه دي ممكن ماتكونش 94

لا يا باشا ممكن
العربية دي نزل منها موديل زي ما حضرتك بتقول وكربراتير

ونزل منها بردو موديل 1300 بأنجكتور واحد والطرمبة في التانك
ودي كان بيتكتب علي الباب الأمامي EFI وشوية كلام كتير بطول الباب

اعتقد كانت بتختلف من CLX ل GLX ل CLXi
ومتهيألي ان ال i أختصار الأنجيكتور (رشاش واحد وليس 4 زي ال98)

والله المستعان
،
،

[ahmad_salama]

انا ركبت فلتر في الحوض وثبته باحزمه تربيطه وربنا يسترها بقا

الف شكر يا رجاله :)

[SYD]

طب الحمد لله انك ركبت فلتر

بس اهم حاجة تتابعه بأنتظام
وتغيره كل فترة قريبة لأنه مش بيعمر زي التاني

والله المستعان
،
،