مشكله epd فى ابيزا 2007

[megahome]

السلام عليكم
عندى مشكله تظهر فى بعض الاحيان العربيه مفيش سحب عند الضغط على دواسه البنزين
وعلامه epd تضىء فى التابلوه
واقوم بأءطفاء السياره واعده التدوير حتى تعود السياره الى طبيعتها
ما هى المشكله
اهى مشكله بنزين
ام مشكله كمبيوتر السياره
ام مشكله داخليه
ارجو المساعده

[eemmoo]

هى محتاجه كشف كمبيوتر عشان تعرف ايه سبب المشكله

وان شاء الله الاخوه هنا يفيدوك اكتر

[ehab_mansour]

ياريت الأول تقلنا بيانات العربية ايه ؟
موتور كام سيسي و اوتوماتيك ولا مانيوال ؟
أخر سيرفيس عملته امتا (فلاتر هواء و بنزين و بوجيهات و تنظيف لبوابة الحقن) ؟
بتستخدم بنزين ايه ؟

موضوع مافيش سحب يعني ايه هل بتدوس و الأر بي ام مش بيعلي ولا بيعلي و لكن مافيش سحب ياريت توضح أكتر ؟

والله الموفق

[hugan]

متابع للاهيمه
وهل البوابه عندك علي واير ولا البوابه كهرباء
لان دواسه البنزين لما تفصل معني كده انها كهرباء

[ehab_mansour]

متابع للاهيمه
وهل البوابه عندك علي واير ولا البوابه كهرباء
لان دواسه البنزين لما تفصل معني كده انها كهرباء

الابيزا من 2000 و حتي اليوم بوابة كهرباء زي عندك بالضبط

[hugan]

الابيزا من 2000 و حتي اليوم بوابة كهرباء زي عندك بالضبط

هندسه
والله ماخدت بالي انك مشارك قبل مني
انا بتابع اي موضوع ليه علاقه بمشكلتي
لعل وعسي
الاقي حل

[ehab_mansour]

هندسه
والله ماخدت بالي انك مشارك قبل مني
انا بتابع اي موضوع ليه علاقه بمشكلتي
لعل وعسي
الاقي حل

يا أفندم انت منورنا في اي حته و خاصة هنا منور القسم كله و متابعتك دي صح مليون في الميه و انا حليت عندي مشاكل كتير زمان من خلال متابعتي كتير لمشاكل الناس

الي صاحب الموضوع متأكد انها epd مش epc لأن اول مرة اسمع عن epd دي وانا بيتهيئلي انها epc اتأكد الله يكرمك
وان شاء الله خير لما تجاوبنا علي الأسئلة السابقة و ده هنبدا نتكلم عن الحلول ان شاء الله

[megahome]

هى فعلا epc
وأعتذر
السياره عملت سيرفس من اسبوعين
البنزين المستخدم 92
السياره لا تستجيب للدواسه
الدواسه كهرباء وليست واير
السياره منيوال 2007

[megahome]

ايه مفيش حد يرد عليا ولا ايه

[ehab_mansour]

هى فعلا epc
وأعتذر
السياره عملت سيرفس من اسبوعين
البنزين المستخدم 92
السياره لا تستجيب للدواسه
الدواسه كهرباء وليست واير
السياره منيوال 2007

السلام عليكم
حضرتك لازم اولا تكشف كمبيوتر عشان نعرف اه الايرور اللي مسجل عليه عشان من خلاله نعرف الحل لأن عربيتك مش زي باقي العربيات ذات الموديلات القديمة
لما تكشف ياريت تاخد منه رقم الايرور و ايه اللي مكتبو بالضبط

و الله الموفق

[hugan]

يامسهل الحال يارب
نفس المشكله والدواسه بتفصل
لكنه ماقلش العربيه بتقطع وتنتش معاه ولا لاء
غالبا ها تطلع بوابه
او سويتش بدال الفرامل

[megahome]

كشفت على العربيه وقالى بوابه
حد يعرف سعرها كام لموتور 1400
جديده واستعمال

[ehab_mansour]

كشفت على العربيه وقالى بوابه
حد يعرف سعرها كام لموتور 1400
جديده واستعمال

جديدة انسي خالص ولا حتي في التوكيل

استيراد انزل الحرفيين و أعتقد ممكن تعمل من 250 الي 350 و ممكن اكتر لأن الكهرباء دي غالية شويتين عن العادية بس اتاكد منها قبل الشراء انها زي اللي عند بالضبط لأن بوابات محركات فولكس كتيرة و متنوعه و ممكن تركب مكان بعضها و لكن فيها اختلافات فخليك زي الاصلي
و ابقي وافينا بالنتائج و ربنا يوفقك

[SYD]

جديدة انسي خالص ولا حتي في التوكيل

استيراد انزل الحرفيين و أعتقد ممكن تعمل من 250 الي 350 و ممكن اكتر لأن الكهرباء دي غالية شويتين عن العادية بس اتاكد منها قبل الشراء انها زي اللي عند بالضبط لأن بوابات محركات فولكس كتيرة و متنوعه و ممكن تركب مكان بعضها و لكن فيها اختلافات فخليك زي الاصلي
و ابقي وافينا بالنتائج و ربنا يوفقك

1+
فعلا الكلام دة مظبوط
انت لو دخلت موقع بوش بتاع البوابات هتلاقي كمية بوابات تلخبط ونفس الكلام في ebay
والأختلافات طفيفة جدا بينهم
حاول تخلعها وتنزل تدور علي اختها وتقارنها بيها - لأن معظم الأختلافات في اماكن الخراطيم والوصلات

وربنا يوفقك

الله المستعان
،
،