مشكلة تعريق زيت على موتور ابيزا 94

[Flamingo]

السلام عليكم
مشكلتى انى لاحظت تعريق زيت ورا الموتور من ناحية خرطوم المبخرة .
وكمان بداء يظهر من فوق وش غطا السلندر
فى الحقيقة واحد ميكانيكى محترم قالى مش مشكلة كبيرة وعليك بتغيير خرطوم المبخرة (حرف التى ) والوش ممكن جوانات لأن المكنة الحمد لله سحبها كويس وفى المطالع وتسارعها زى الفل
ممكن ازاى استنتج ان المكنة خفت علشان اشتغالات الميكانيكة
شكرا

[SYD]

بص حضرتك
لو فعلا الزيت بيعرق من ورا المكنة فهو احتمال خرطوم الفايظ
واحتمال لو من عند وش التاكيهات انه يكون من عند جوان غطا التاكيهات
وهو نفسه المسيل علي المكنة من ورا

امسحها كويس بمنديل وخليها ناشفة تماما
واطلع بيها مشوار محترم
وافتح وشوف بتعرق ولا لاء

حاجة تانية
لو لقيت الزيت مكان الغطا بيلمع يبقي لسة جديد
لو لامم حواليه طينة او اتساخات يبقي قديم ونشف خلاص

تحت اي بند
هات جوان غطا تاكيهات (50 جنيه)
بس خلي بالك ان في فالسوق كتير مضروب وبينشف بسرعة من سخونية الموتور وبعدها يضرب زيت

اكشف بس الأول علي الزيت
ولما تكشف قولنا النتيجة
وساعتها هنقولك تعمل ايه

والله المستعان
،
،

[Flamingo]

بص حضرتك
لو فعلا الزيت بيعرق من ورا المكنة فهو احتمال خرطوم الفايظ
واحتمال لو من عند وش التاكيهات انه يكون من عند جوان غطا التاكيهات
وهو نفسه المسيل علي المكنة من ورا

امسحها كويس بمنديل وخليها ناشفة تماما
واطلع بيها مشوار محترم
وافتح وشوف بتعرق ولا لاء

حاجة تانية
لو لقيت الزيت مكان الغطا بيلمع يبقي لسة جديد
لو لامم حواليه طينة او اتساخات يبقي قديم ونشف خلاص
اشكرك عزيزى على ردك
الحقيقة انى عملت زى ما قولت وفعلا بلاقى بعد حوالى اسبوعين مشي ان الزيت بيجي ( طرى) على الوش.... ودة معناة تسريب.... والنقطىة اللى وضحتهالى ان التعريق فعلا بيوصل للمكنة من ورا من عند خرطوم الفايظ.... وغالبا لازم اعمل الجوان
بس الزيت نقصة بسيط ودة غالبا بسبب تسريب نقط بسيط من صامولة تغيير الزيت اللى فوتت بسبب عامل المحطة الله يسامحة... ومكسل بصراحة اعملها لأنها وجع دماغ !!!!
على العموم متابع مقاس الزيت وحرد عليك اية اللى حصل تباعا.
اشكرك

تحت اي بند
هات جوان غطا تاكيهات (50 جنيه)
بس خلي بالك ان في فالسوق كتير مضروب وبينشف بسرعة من سخونية الموتور وبعدها يضرب زيت

اكشف بس الأول علي الزيت
ولما تكشف قولنا النتيجة
وساعتها هنقولك تعمل ايه

والله المستعان
،
،

[SYD]

في انتظار ردود حضرتك
ومتابعتك لمقياس الزيت

بس عموما
ابدأ دلوقتي بتغيير جوان غطاء التاكيهات
ولما تيجي تركبه خلي الميكانيكي ينظف كويس حرف الغطاء والوش
واوعي تخليه يحط اي حاجة (سيليكون وخلافه) ولا حتي يزيت الجوان بزعم انه بيطريه

وامشي بيها يومين وقيس الزيت وتابع لو في اي ترشيح

والله المستعان
،
،