مشكلة بعد تركيب الجنوط في ابيزا 2011

[M_Nada]

بسم الله الرحمن الرحيم

ركبت جنوط مومو 17 على ابيزا 2011 وعرضت الكاوتش

بس ظهرت مشكلة وهيا انا الكاوتش بيحك اما يكون في حد قاعد ورا مع المطبات

والطلعات والنزلات في الطريق .. ومصر بسم الله ماشاء الله ماتتوصاش

حد عنده حل للمشكله ديه ؟؟

وشكرا مقدما .. =)

[mahmoudayman]

كده اظن مفيش حل غير انك تعلي العربيه من ورا و اكيد حد من الاعضاء هيعرف يساعدك اكتر منني

[mr_shims_49]

بص يا باشا اولا مبروك علي الجنوط
ثانيا انت المفروض كنت تجيب كاوتش مقاس

١٧ / ٢٠٥ / ٤٠

انت الكاوتش اللي جبته مقاس كام ؟

معلش سؤال جانبي انت ابعاد الجنوط عندك ايه ٥ * ١٠٠ ولا ايه

[eng.m7md.ali]

الحل الوحيد انك تفتح شفة الرفرف
بس حرام بجد دي لسة العربية 2011

[egman]

أستاذى الكريم / تحياتى لحضرتك ومبروك على الجنوط

الواضح من كلام حضرتك انك بالغت فى حجم الجنوط او ممكن الكاوتش لانك بتقول عرضت الكاوتش شوية ، كل عربية وليها مقاس معين للجنوط والكاوتش ، ويجب الالتزام به علشان سلامة لعربية والعفشة والصاج وعلى وجه الخصوص فى مصر الى شوارعها كلها تقريبا عاملة زي امواج البحر ناهيك عن المطبات المثاليه فى تدمير السيارات والكثير والكثير ، الحمد لله على كل شيء .

الحلول :

انا شايف ان الاخوه قالوك على حلين تعليه السياره ، والاخر فتح الشفة للرفرف الحلول ده ممكن تجيب نتيجة ولو بسيطة فعلا .

الحل المثالى :

الالتزام بمقاسات الجنوط والكاوتش الى بيكونوا مكتوبين على العربية ، انا فى الموديل 94 بيكون على باب التانك معرفش بصراحة الموديل ده بيكون مكتوب فين ، المهم الحل ده هو الى هعمله حتى لو كلفنى ده تغيير الكاوتش او الجنوط حتى لانك بكده انا بحافظ على العربية وزي ما الاخ الكريم قالك حرام عليك تعمل اى حاجة سواء تعليه او فتح شفة الرفرف العربية لسة ما شاء الله جديدة ، تعمل فيها ليه كده ، خاصاً وانا على يقين ان تعليه العربية بيقل من اتزان العربيه وثابتها ، اما فتح الشفه للرفرف مجرد الفكره ان اقطع فى العربيه لية وعلى اية ، استاذى الفاضل العربية مصنعه بمقاييس معينة ولا يصح لنا ان نعفير فيها لان ده حاجات حساسه جدا من ناحية الامان .

تحياتى لحضرتك ،،

[SYD]

الصراحة الأخوة قالوا كل حاجة
بس انا ليا تعليق

اولا انت خلاص اشتريت
كونك تعلي دة مش حل
وكونك تفتح رفارف دة مش حل

اولا التعلية هتخلي العربية تعوم ومش هتبقي ظريفة وانت لوحدك وهيخلي الفرامل مش كويسة والجري مش هتنبسط

حاول تجيب سوستة لفاتها اكتر او تبيع الكاوتش وتجيب كاوتش تاني اقل في الأرتفاع

والله المستعان
،
،

[monamize4]

يا اما تغير السوست زى ما قال الباشمهندس يا اما تشد السوست الاصلية يا اما تحط تحتها علايه كاوتش بس اوعى تحطها قدام

[ehab_mansour]

السلام عليكم

طبعا كل الكلام اتقال ولكن لي تعقيب :-

الحل الوحيد هو تركيب كاوتش اقل في العرض حفاضا علي العربية

موضوع التعلية مش هينفع ولا تغيير سوست ولا اي حاجه لن كل ده هيروح مجرد ما تحمل عليها يعني اول ما يركب عندك عدد وري هتحك تاني ولا اكنك عملت حاجه

فالحل الأن هو يا الالتزام بالمقاس اللي موجود في الكتالوج من جنوط و كاوتش يا تقلل عرض الكاوتش الحالي عشان ميحكش في الرفرف

و بالتوفيق ان شاء الله

[M_Nada]

متشكر جدا على الحلول وعلى تعبكم جدا معايا انا في الاغلب هغير الكاوتش مع العلم انا الكاوتش اللي انا ركبته مقاسه17/225/40

[SYD]

معقولة ؟؟
40 وبيحك ؟؟؟

يبقي المشكلة في الجنوط يا بشمهندس
انت شوفت حد قبل كدة مركب 17 في ابيزا ؟؟؟

انا اقصي رقم سمعته كان 15 ومش بيعمل اي مشاكل
تأكد من موضوع 17 لأن لو كدة يبقي هتحتاج تغير جنوط

لو حد غيرك مركبه ومش بيعمل مشاكل يبقي عندك السوستة فيها مشكلة

اتأكد الأول قبل اي قرار
راجع مانيوال العربية

[ehab_mansour]

معقولة ؟؟
40 وبيحك ؟؟؟

يبقي المشكلة في الجنوط يا بشمهندس
انت شوفت حد قبل كدة مركب 17 في ابيزا ؟؟؟

انا اقصي رقم سمعته كان 15 ومش بيعمل اي مشاكل
تأكد من موضوع 17 لأن لو كدة يبقي هتحتاج تغير جنوط

لو حد غيرك مركبه ومش بيعمل مشاكل يبقي عندك السوستة فيها مشكلة

اتأكد الأول قبل اي قرار
راجع مانيوال العربية

المشكلة يا هندسة في العرض مش الارتفاع اللي هو 225 و ده فعلا كتير جدا علي الابيزا ده حتي عربية اخويا التيريوس عرض كاوتشها اقل من كده

انصحك تغير الكاوتش بأخر أقل في العرض يعني 195 او 205 هينفع ان شاء الله دون مشاكل
و علي فكرة الابيزا 2010 بيركب عليها جنوط 17 بره مصر و في موديلات تانيه غير اللي بينزل هنا لأن الابيزا فيه منها اصدارات كتير بأوبشنز مختلفة

[M_Nada]

معقولة ؟؟
40 وبيحك ؟؟؟

يبقي المشكلة في الجنوط يا بشمهندس
انت شوفت حد قبل كدة مركب 17 في ابيزا ؟؟؟

انا اقصي رقم سمعته كان 15 ومش بيعمل اي مشاكل
تأكد من موضوع 17 لأن لو كدة يبقي هتحتاج تغير جنوط

لو حد غيرك مركبه ومش بيعمل مشاكل يبقي عندك السوستة فيها مشكلة

اتأكد الأول قبل اي قرار
راجع مانيوال العربية

انا شفت ناس كتير مركبة 17 بس معرفش في مشاكل معاهم ولا لا الصراحة

هيا ديه صورة كمان هيا اللي اتضحلي انها بتحك من ناحية عن التانية ..

[ehab_mansour]

غريبة جدا الكلام ده انا مفكرها بتحك في جنب الرفرف الداخلي يعني من زاوية الفرده مش من فوق ؟؟؟

طيب و ازاي تحك من ناحية و ناحية ؟؟؟ بس محتمل يكون عندك تحميل زادة في جنب عن التاني يعني لو حد اثقل راكب في جنب هتلاقيه يتضغط لتحت اكتر

؟؟؟

[M_Nada]

غريبة جدا الكلام ده انا مفكرها بتحك في جنب الرفرف الداخلي يعني من زاوية الفرده مش من فوق ؟؟؟

طيب و ازاي تحك من ناحية و ناحية ؟؟؟ بس محتمل يكون عندك تحميل زادة في جنب عن التاني يعني لو حد اثقل راكب في جنب هتلاقيه يتضغط لتحت اكتر

؟؟؟

هيا فعلا بتحك من زاوية الكاوتش بس والكاوتش اللي وراا شمال اما اليمين بتحك بس خفيف اوي

[SYD]

المشكلة يا هندسة في العرض مش الارتفاع اللي هو 225 و ده فعلا كتير جدا علي الابيزا ده حتي عربية اخويا التيريوس عرض كاوتشها اقل من كده

تصدق انا مخدش بالي من 225
انا كنت بدور علي الأرتفاع و40 لفتت انتباهي

انا كمان اخويا لما كان معاه الليجانزا غير الكاوتش من 205 ل 225 حكت معاه في الرفرف الأمامي وهو بيلف العجل

انصحك تغير الكاوتش بأخر أقل في العرض يعني 195 او 205 هينفع ان شاء الله دون مشاكل
و علي فكرة الابيزا 2010 بيركب عليها جنوط 17 بره مصر و في موديلات تانيه غير اللي بينزل هنا لأن الابيزا فيه منها اصدارات كتير بأوبشنز مختلفة

انا شفت ناس كتير مركبة 17 بس معرفش في مشاكل معاهم ولا لا الصراحة

هيا ديه صورة كمان هيا اللي اتضحلي انها بتحك من ناحية عن التانية ..

انا بصراحة من الصور شايف الأمر طبيعي

واضح ان السوست هي المشكلة

وبالنسبة لجنب وجنب
انت خبطت قبل كدة في رصيف او حاجة وانت بتركن ؟؟

روح لحد بتاع زوايا نظيف وخليه يحطها علي الجهاز وشوف هيقولك ايه

شوف الصورة دي كدة



دي صورة عربيتي وانا بظيط زوايا اخر مرة

لو في اي حاجة في العجل الي ورا هيقولك
مرحلة قد ايه
وهيجيبلك من الأخر كمان
يقولك السوست فيها حاجة ولا لاء

لو عايز تروح للمركز الي بتعامل معاه ابعتلي علي الخاص

غريبة جدا الكلام ده انا مفكرها بتحك في جنب الرفرف الداخلي يعني من زاوية الفرده مش من فوق ؟؟؟

طيب و ازاي تحك من ناحية و ناحية ؟؟؟ بس محتمل يكون عندك تحميل زادة في جنب عن التاني يعني لو حد اثقل راكب في جنب هتلاقيه يتضغط لتحت اكتر

؟؟؟

لا ياباشا
الألماني مايعملش كدة

انا الي هقولك ولا ايه يا هندسة؟

كدة في مشكلة في حاجة
اما سوستة ضعفت عن التانية
او اتخبطت في رصيف رحلت العجلة
او الأكصدام هو الي بيحك مش الرفرف - ودة المتوقع والأقرب للصواب لكبر الكرتيرة الخلفية بتاعة الأبيزا تحسبا للجنوط الكبيرة

هيا فعلا بتحك من زاوية الكاوتش بس والكاوتش اللي وراا شمال اما اليمين بتحك بس خفيف اوي

اعمل زي مابقولك وان شاء الله بسيطة
بس اهم حاجة تطمنا وصلت لأيه

والله المستعان
،
،