مشكله مارش وتكييف

[zika99_eg]

السلام عليكم اعضاء المنتدي الكرام
ندخل في الموضوع علي طول (فريده) عربيتي عملت معي حاجه غريبه امبارح
اول التكييف شغال زي الفل اروح البيت لاقيت الكرسي اللي جنب السواق تحتيه مياه استغربت فضلت الدور لحد ملاقيت حته ساقعه اوي بتنقط مياه الواضح انها من التكييف .
المهم طبعا راجع من الشغل وتعبان قولت اريح وانزل اشوف ايه الموضوع
هوب ربنا رزقني بمشوار قولت خلاص مش هشغل التكييف اوبقي اشوفه بعدين .
خرجت وانا في شارع جامعه الدول وقفت اشتري حاجه سيبت العربية ونزلت .
هوب لاقيت ونش مرور واقف جنب العربية وهتتكلبش رحت جاري بسرعه خلاص ماشي يا عم الحاج
ركبت العربيه دور مفيش
تاني مفيش
لا اله الا الله
تالت مفيش اصلا صوت مارش اللمبات بتاعت التابلوه بتنور ومفيش اي صوت للمارش
وعم الامين واقف فوق دماغي
يارب
راحت شغاله ومحدش يسأل ازاي انا اصلاً مسمعتش صوت مارش!!!
المهم كملت اروح المشوار ووصلت وكله تمام ركنت حوالي ساعتين وبعدين راجع علي البيت زي الفل
الحمد لله
وصلت البيت
طفيت العربيه انزل حبه حاجات قبل ما اركن
دور
انسسسسسسسسسسسسسسسسسسسسسسسسي
يمين شمال
تيت تيت لنفسك
جرب شيل فيشه المارش
اقلبها
اعمل اي حاجه انسي يا زيكا
المهم ناديت اخويا زق يا عم واركن والصباح رباح عشان الساعه كانت 1:30
الصبح
قولت اجرب
سبحان الله من اول تكه دارت!!!!!!!!!!!!

حد فاهم حاجه
والنبي اللي فاهم يفهمني
ملاحظات:
1- العربيه سخنه اوي بس علي العداد الحرارة طبيعي يعني بين 90:70
2-بالنسبه لمياه التكييف في فتحه لاقيتها تحت الشنطه اللي جنب السواق هي دي اللي بتنقط
3- الشنطه كل اللي وراها متلج
4-المارش عندي مش بيعطل يعني من اول تكه بيدور وكمان لسه عامل ليه صيانه من فتره ومغير بلي
5-اعتقد المارش بيفصل لما العربية بتسخن
خلصت الملاحظات
منتظر اراء الاخوة في حالت (فريده)
وايه هو التشخيص؟؟
وممكن اعمل ايه؟؟؟
مشكووووووووووووووووووووووووووور

[tekoooooo]

غالبا ياصحبى المشكله فى كتاوت المارش لما بتسخن المارش بيقطع حصلت معايا قبل كده فى سيارتى القديمة 132 صاحبة الفضل عليا فى تعليمى جزء كبير فى الميكانيكا وطلع الكتاوت عايز يتغير لانه بيفص لما العربية بتسخن وحصلت معايا قبل كده بردو فى الموبينة لما كانت نتسخن العربية ماكنتش بتدور بس كانت بتدى مارش عادى
فغالبا اللى عندك ده كتاوت مارش روح لكهربائى كويس يغيرهولك وممكن لو كهربائى شاطر يعملك كناوت خارجى للمارش فى حته كويسة ماتكنش بتسخن جامد

[ehab_mansour]

شوية اسئلة عشان نفهم
1- وقت المحاولات لما رجعت كنت بتسمع صوت المارش ولا لا؟
2- المياة اللي بتنزل عند الكرسي اللي جنبك بتنقط مع تشغيل التكييف بس ولا معاه و من غيره ؟ و بتكون ساخنه ولا ساقعه ؟

هقلك علي حاجه : انا مشفتش مياة بتخرج من المنطقة دي في الابيزا غير من دورة سربنتينة التكييف السخن و دي جزء من دورة تبريد المحرك و وقتها المياة قلت معايا و كنت مسافر و ضربت الرادياتير و فضيت مياة العربية علي الأرض

الحلول : كانت فصل دورة التكييف السخن تماما عن دورة المحرك - اصلاح الرادياتير و اعادة ضبط المياة

[ehab_mansour]

غالبا ياصحبى المشكله فى كتاوت المارش لما بتسخن المارش بيقطع حصلت معايا قبل كده فى سيارتى القديمة 132 صاحبة الفضل عليا فى تعليمى جزء كبير فى الميكانيكا وطلع الكتاوت عايز يتغير لانه بيفص لما العربية بتسخن وحصلت معايا قبل كده بردو فى الموبينة لما كانت نتسخن العربية ماكنتش بتدور بس كانت بتدى مارش عادى
فغالبا اللى عندك ده كتاوت مارش روح لكهربائى كويس يغيرهولك وممكن لو كهربائى شاطر يعملك كناوت خارجى للمارش فى حته كويسة ماتكنش بتسخن جامد

كتاوت المارش عندنا جوه العربية مع الفيوزات و بوكس تجميع ضفيرة العربية و مالهوش علاقة بغرفة المحرك ولا سخونته

لكن الموبينة ممكن لو كان المارش بيسمع صوته و هو بيحاول

[zika99_eg]

غالبا ياصحبى المشكله فى كتاوت المارش لما بتسخن المارش بيقطع حصلت معايا قبل كده فى سيارتى القديمة 132 صاحبة الفضل عليا فى تعليمى جزء كبير فى الميكانيكا وطلع الكتاوت عايز يتغير لانه بيفص لما العربية بتسخن وحصلت معايا قبل كده بردو فى الموبينة لما كانت نتسخن العربية ماكنتش بتدور بس كانت بتدى مارش عادى
فغالبا اللى عندك ده كتاوت مارش روح لكهربائى كويس يغيرهولك وممكن لو كهربائى شاطر يعملك كناوت خارجى للمارش فى حته كويسة ماتكنش بتسخن جامد

ممكن عشان العربية لما بتبرد المارش بيشتغل عادي
مشكووووووووووور

[zika99_eg]

شوية اسئلة عشان نفهم
1- وقت المحاولات لما رجعت كنت بتسمع صوت المارش ولا لا؟
مفيش صوت مارش نهائي هو صوت طرمبه البنزين بس لكن مارش لا
2- المياة اللي بتنزل عند الكرسي اللي جنبك بتنقط مع تشغيل التكييف بس ولا معاه و من غيره ؟
مع التكييف بس
و بتكون ساخنه ولا ساقعه ؟
ساقعه

هقلك علي حاجه : انا مشفتش مياة بتخرج من المنطقة دي في الابيزا غير من دورة سربنتينة التكييف السخن و دي جزء من دورة تبريد المحرك و وقتها المياة قلت معايا و كنت مسافر و ضربت الرادياتير و فضيت مياة العربية علي الأرض
بس المياه مش بتقل انا كاشف عليها
الحلول : كانت فصل دورة التكييف السخن تماما عن دورة المحرك - اصلاح الرادياتير و اعادة ضبط المياة

مش عارف يا هندسه ايه المشكله ممكن يكون خرطوم مفكوك ولا حاجه بس المكان غريب اوي ان يكون فيه خراطيم بس هي فتحه دائريه مش حاجه مكسوره يعني!؟.
وبالنسبه لموضوع المارش مش عارف بامانه ايه اللي حصل ده!!!!!!
ياريت اللي عدي بتجربه مشابهه يدلني علي الطريق.

[SYD]

هي بتدور معاك وهي سخنة ؟؟
طب هل بتعلق او بتعتل في الدوارة وهي باردة ؟؟؟؟

عشان لو بتعتل وهي باردة او لو بتدور وهي سخنة يبقي كدة انت بعدت عن الكتاوت او الموبينة
وفاضلك كدة ترس البندكس

احتمال يكون هو الي فيه العيب

لو عملتها تاني معاك
جرب اديها اولاني وتاني
اولاني وتاني

مرتين تلاتة ورا بعض
ودور

وان شاء الله لو العيب منه هتدور علي طول

والله المستعان
،
،

[ehab_mansour]

مش عارف يا هندسه ايه المشكله ممكن يكون خرطوم مفكوك ولا حاجه بس المكان غريب اوي ان يكون فيه خراطيم بس هي فتحه دائريه مش حاجه مكسوره يعني!؟.
وبالنسبه لموضوع المارش مش عارف بامانه ايه اللي حصل ده!!!!!!
ياريت اللي عدي بتجربه مشابهه يدلني علي الطريق.

من خلال اجاباتك السابقة علي الأسئلة :-

1- موضوع مياة التكييف فدي عبارة عن تنقيط مياة متكثفة علي ماسورة التكييف اللي داخلة علي السرنتينة الداخلية و دي طبيعي جدا انها بتتجمع و تسقط خارج العربية (ده مع التكييفات الأوريجينال بيكون ليها مكان تتجمع فيه و تسقط علي الأرض خارج العربية) ولكن بما انك عارف ان تكييفك متركب و مش نازل اوريجينال فده طبيعي ان تتساقط بعض النقط جوه العربية و مالهاش اي علاقة تماما بمشكلة الدوارة من عدمها و لا تؤثر بشيء علي اي شيء سوي كونها مياة تتساقط داخل العربية عايزين ليها حل انها تقع بره او نتعايش معاها كده او ممكن تجيب rubber ذي اللي بيتلف حوالين مواسير التكييف اللي بيتركب في البيت عشان متفقدش سقعيتها من الجو و يتكثف عليها مياة
و تلفه حوالين جزء الماسورة اللي بتنقط جوة العربية و دي هتبان معاك كويس لو فكيت الشنطة اللي هو اكب وراها (درج التابلوه)

2- موضوع الدوارة و المارش و بعد ما اطلعت علي دائرة الكهرباء المسئولة عن تشغيل المارش في كاتالوج الصيانة وجدت انه مافيش اي حاجه في الطريق بين الكونتاكت و بين المارش غير أسلاك و مرورا ببوكس التجميع وصولا الي المارش يعني مافيش حاجه في النص تقطع القصة دي

و بما انك مسقط موتور للعربية فأكيد ملعوب فيها شوية و طبيعي تلاقي فيه حد حطلك كتاوت للمارش داخل غرفة المحرك (حاجه اضافية من عنده ) لاعتقادهم انه كده أفضل لعدم التحميل علي الكونتاكت و علي الضفيرة فهتلاقي الكتاوت ده هو المشكلة و لما بيسخن بيفصل المارش كما قال الأخ العضو سابقا في اول رد

حاول تروح لكهربائي هيغيرهولك و هياكدلك القصة دي و الموضوع بسيط جدا ان شاء الله

و بالتوفيق للجميع

[ehab_mansour]

هي بتدور معاك وهي سخنة ؟؟
طب هل بتعلق او بتعتل في الدوارة وهي باردة ؟؟؟؟

عشان لو بتعتل وهي باردة او لو بتدور وهي سخنة يبقي كدة انت بعدت عن الكتاوت او الموبينة
وفاضلك كدة ترس البندكس

احتمال يكون هو الي فيه العيب

لو عملتها تاني معاك
جرب اديها اولاني وتاني
اولاني وتاني

مرتين تلاتة ورا بعض
ودور

وان شاء الله لو العيب منه هتدور علي طول

والله المستعان
،
،

العربية لو المارش بيدور وقتها نفكر في اي شيء تاني ولكن هو بيقول ان المارش مش بيدور تماما و هي سخنه و ده معناه ان فيه شيء فاصل المارش

ولو العيب في الترس كان هيسمع صوت المارش بيدور ولكن المحرك هو اللي مش بيلف مع دوران المارش و كلامه ان المارش مالهوش صوت تماما

يعني فيه شيء كهربي قاطع عنه الكهرباء تماما لما بيسخن و ده فسرته في المشاركة السابقة

[zika99_eg]

هي بتدور معاك وهي سخنة ؟؟
من امبارح لا بمزجها
طب هل بتعلق او بتعتل في الدوارة وهي باردة ؟؟؟؟
خالص انا العربيه ممكن اركنها اسبوع واجي ادور تدور من اول تكه ما بتعتلش خالص
عشان لو بتعتل وهي باردة او لو بتدور وهي سخنة يبقي كدة انت بعدت عن الكتاوت او الموبينة
وفاضلك كدة ترس البندكس
مش بتعتل ولا كده وكده وكمان الترس ده اعتقد اني لسه مغيره

احتمال يكون هو الي فيه العيب

لو عملتها تاني معاك
جرب اديها اولاني وتاني
اولاني وتاني

مرتين تلاتة ورا بعض
ودور

وان شاء الله لو العيب منه هتدور علي طول

والله المستعان
،
،

ربنا يسهل اجرب موضوع اولاني وتاني ده
بس المارش مش بيطلع صوت خالص يا هندسه

[zika99_eg]

من خلال اجاباتك السابقة علي الأسئلة :-

1- موضوع مياة التكييف فدي عبارة عن تنقيط مياة متكثفة علي ماسورة التكييف اللي داخلة علي السرنتينة الداخلية و دي طبيعي جدا انها بتتجمع و تسقط خارج العربية (ده مع التكييفات الأوريجينال بيكون ليها مكان تتجمع فيه و تسقط علي الأرض خارج العربية) ولكن بما انك عارف ان تكييفك متركب و مش نازل اوريجينال فده طبيعي ان تتساقط بعض النقط جوه العربية و مالهاش اي علاقة تماما بمشكلة الدوارة من عدمها و لا تؤثر بشيء علي اي شيء سوي كونها مياة تتساقط داخل العربية عايزين ليها حل انها تقع بره او نتعايش معاها كده او ممكن تجيب rubber ذي اللي بيتلف حوالين مواسير التكييف اللي بيتركب في البيت عشان متفقدش سقعيتها من الجو و يتكثف عليها مياة
و تلفه حوالين جزء الماسورة اللي بتنقط جوة العربية و دي هتبان معاك كويس لو فكيت الشنطة اللي هو اكب وراها (درج التابلوه)
يا مسهل اروح انهارده وادور علي الماسورة دي واشوف ليها حل والحمد لله اني عامل الارضيه جلد فموضوع المياه ده بيتشال بسهوله وما بيسيبش اثر

2- موضوع الدوارة و المارش و بعد ما اطلعت علي دائرة الكهرباء المسئولة عن تشغيل المارش في كاتالوج الصيانة وجدت انه مافيش اي حاجه في الطريق بين الكونتاكت و بين المارش غير أسلاك و مرورا ببوكس التجميع وصولا الي المارش يعني مافيش حاجه في النص تقطع القصة دي

و بما انك مسقط موتور للعربية فأكيد ملعوب فيها شوية و طبيعي تلاقي فيه حد حطلك كتاوت للمارش داخل غرفة المحرك (حاجه اضافية من عنده ) لاعتقادهم انه كده أفضل لعدم التحميل علي الكونتاكت و علي الضفيرة فهتلاقي الكتاوت ده هو المشكلة و لما بيسخن بيفصل المارش كما قال الأخ العضو سابقا في اول رد

حاول تروح لكهربائي هيغيرهولك و هياكدلك القصة دي و الموضوع بسيط جدا ان شاء الله

و بالتوفيق للجميع

يا مسهل ان شاء الله كده شكلها فيها زيارة لزكريا
يا رب يعني اليوم اللي الواحد يروح فيه نص يوم يروح علي الكهربائي
مشكوررررررررررر يا هندسه دائما تعبك معي
وانت دائما ما بتبخلش علي حد بمعلومه
جزاك الله خيراً

[zika99_eg]

السلام عليكم
خلصت الشغل ونزلت ادور العربية الحمد لله دارت تمام مشيت في الجو الجامد ده زي الفل وصلت لحد باب البيت قولت اركن الاول واجرب العربيه هتفصل ولا لا
ركنت وبطلت
بسم الله الرحمن الرحيم
ادور العربيه دارت
بس
واه من كلمت بس
ال ار بي ام علي 1
والعربيه شغاله
بطلت وادور تاني نفس الموضوع 1
قولت يمكن عشان مروحه التبريد شغاله ممكن تكون مأثره استني لحد ما تبطل
بطلت دور
1
حد فاهم حاجه
؟!؟!؟!؟!؟!؟!؟!؟

[SYD]

قصدك العربية عالية ومش بتنزل عن ال1 ار بي ام ؟؟؟

[zika99_eg]

قصدك العربية عالية ومش بتنزل عن ال1 ار بي ام ؟؟؟

يا هندسه 1 مش عشره
بعد الصفر علي طول
واطيه جداااااااااااااااااااااا

[SYD]

باشا
انت راجعت علي الأسبراتير وعلي اسلاك البوجيهات ؟؟؟

انت عربيتك كربراتير ؟؟