اماكن بيع قطع غيار استعمال في بورسعيد

[mahmoudayman]

يا رجاله لو حد يعرف يدلني علي واحد اتعامل معاه في بورسعيد يكون بيبيع قطع غيار استعمال عايز اشتري تكييف للابيزا ٢٠٠١ بس يكون واحد ثقه و اسعاره حنينه انا ان شاء الله مسافر خلال اليومين الجيين دول

[alzelafy]

بيع و هات عربيه مكيفه بتكييف اوريجنال عشان غير كدة النتيجه غير مرضيه

[mahmoudayman]

ردك مشكور يا باشا بس انا العربيه دي مش مجرد ٤ عجلات علي الارض انا بحلم بالعربيه دي من ٤ سنين و انا لسه شاريها من شهرو عيز اقول لحضرتك انا لما جبتها حبيتها اكتر عشان كده انا شايل موضوع بيعها ده خالص و غير كل ده انا مش هركب التكييف علي الموتور انا هوصله علي موتور صغير يخلي الكمبرسور يشتغل منفصل عن الموتور هيكون اداءه كويس انا شفت ناس مركباه كده و كلهم شكرولي في الفكره دي بس اهم حاجه الموتور اللي هركبه مايتعبش الدينامو

[alzelafy]

تمام التمام ربنا يوفقك و يا ريت توالينا بالجديد

[mahmoudayman]

تمام التمام ربنا يوفقك و يا ريت توالينا بالجديد

ادعيلي بس يا باشا و انا ان شاء الله هنزل الصور اول ما يركب

[agaty1st]

انا مش هركب التكييف علي الموتور انا هوصله علي موتور صغير يخلي الكمبرسور يشتغل منفصل عن الموتور هيكون اداءه كويس انا شفت ناس مركباه كده و كلهم شكرولي في الفكره دي بس اهم حاجه الموتور اللي هركبه مايتعبش الدينامو

أيه الكلام الجديد ده
ياريت يا باشا التفاصيل بعد أذنك

[mahmoudayman]

أيه الكلام الجديد ده
ياريت يا باشا التفاصيل بعد أذنك

انا سمعت الموضوع ده كتير و الناس كانت يتقول انه ممتاز عشان عدد لفات الكمبرسور بتبقي ثابته و منفصله عن عدد لفات الموتور عشان انت هتوصل الكمبرسور علي موتور صغير بياخد كهربه من الدينامو كده مش هيكون بياثر علي سحب الموتور و كمان انت لما تكون واقف في اشاره معدل تبريد التكييف مش بيكون زي لما تمشي علي 100 عشان الكمبرسور تاثيره بيتغير كل ما يزيد الrpm انت دلوقتي اتخلصت من تاثيره علي السحب و كمان كده هيشتغل زي تكييف البيت بظبت يوصل لدرجه حراره معينه بعدها يفصل وهكذا ان شاء الله لما اعمله هصوره و احطه علي المنتدي عشان لو حد عايز يعمل زيه

[ehab_mansour]

انا سمعت الموضوع ده كتير و الناس كانت يتقول انه ممتاز عشان عدد لفات الكمبرسور بتبقي ثابته و منفصله عن عدد لفات الموتور عشان انت هتوصل الكمبرسور علي موتور صغير بياخد كهربه من الدينامو كده مش هيكون بياثر علي سحب الموتور و كمان انت لما تكون واقف في اشاره معدل تبريد التكييف مش بيكون زي لما تمشي علي 100 عشان الكمبرسور تاثيره بيتغير كل ما يزيد الrpm انت دلوقتي اتخلصت من تاثيره علي السحب و كمان كده هيشتغل زي تكييف البيت بظبت يوصل لدرجه حراره معينه بعدها يفصل وهكذا ان شاء الله لما اعمله هصوره و احطه علي المنتدي عشان لو حد عايز يعمل زيه

جميل الكلام ده و لكن لي تعليق :-

أولا منتظرين تصورلنا الفكرة دي و هتلاقي مكان منين تثبت عليه الموتور و الكمبوريسور و نقل الحركة بينهما

ثانيا فيه قانون اتعلمته في هندسة بيقول ان" الطاقة لا تفني ولا تستحدث من العدم " بمعني اني عايز اركب تكييف علي العربية و التكييف ده له قدره مثلا و ليكن 3 حصان عشان يعطيني كفاءة تبريد معينه للعربية أحس معاها اني مركب تكييف كويس كده ...... عشان احصل علي ال 3 حصان دول من مصدر الطاقة الوحيد في العربية وهو المحرك فلازم هيتأثر سواء ركبت الكباس مباشرة علي المحرك كما هو اوريجينال في كل السيارات حتي الأن او حتي ركبته علي موتور لوحده و أخدت كهرباء من الدينامو ففي هذه الحالة بالتأكيد الدينامو هيؤثر علي الموتور بنفس تأثير الكباس و ان لم يحدث ذلك فبالتأكيد هيؤثر علي عموم كهرباء السيارة و بالتتالي علي أداء المحرك و الأنوار و كل شيء متعلق بالكهرباء في السيارة

من الأخر و باختصار ركبت الكباس مباشر او ركبته علي موتور بياخد طاقة تشغيله من العربية في كلتا الحالتين التأثير هيكون واحد ده اساسا في حالة ان الدينامو يتحمل تشغيل الموتور ده عليه دون ان يحترق لأن مصممي السيارات لا يضعو شيئا هباءا او زياده بدون لازمة .. لذلك الدينامو محطوط بقدرة و أمبير معين ليحافظ علي أداء السيارة دون زيادة تحميل عليه بأجزاء خارجية مش معمول حسابها في التصميم


في النهاية انا مش بحبطك و لكن بفكر معاك بصوت عالي و بحسبهالك بالورقة و القلم و بالمعادلات اللي اتعلمناها و لو حابب تجرب توكل علي الله و لكن توقع انها تنجح ولكن ممكن تحصلك مشاكل انت لا تجد لها تفسير او حل لأنك غيرت في التصميم و كهرباء السيارات دي بالذات لا تتحمل اللعب فيها

و بالتوفيق و منتظر تعليقك لنتشاور ربما نصل لحل أفضل