استفسار عن عربيه ابيزا 94

[mody_moka]

قدامى عربيه ابيزا موديل 94

1300CC + تكيف + دواخل فبريكه + جنوط سبور + كساحات

هى العربيه ممتازه الصراحه رحت وجربتها وسوقتها بنفسى هي عال العال

بس هي هتحتاج شويه تضبيطات من ناحيه الفرش الداخلى بتاعها يعنى الباب اليمين الفرش بتاعه فيه قطع وكده

لو حبيت انى اغير فرش العربيه كلو يترى يكلفنى كام ؟

وعلبه الدركسيون تكلفنى كام ؟

ويترى انزل الحرفين اشوف الحاجات دي ولا تعرفوا حد كويس يضبط الحاجات دي لو ان شاء الله خدتها ؟

وبالمناسبه العربيه معروضه عليا بـ 33 الف يترى سعرها حلو ولا ؟؟؟


وشكراً

[modux]

سعر معقول

بس حاله الموتور !!!!
و عاملة كام كيلو !!!

خد بالك عربية قديمة و لا الكسف الكويس علي الموتور و العفشة و الصاج كوووووووووويس

[SEATLOVER]

اهلاً بيك يا mody معانا
هو السعر قليل على انها تكون كاملة
فاخد بالك و اكشف كويس

علبة الدريكسيون تتكلف حوالى 250 ج و الفرش كلة تغييرة او تظبيطة عند سروجى ممكن يعملة حوالى 400ج وفى ناس فى الحرفيين كويسين اوى واسعارهم معقولة

وسيبك من الحاجات دى و ركز على الموتور و العفشة و الاساسيات والفتيس و جرب التكييف و الكماليات كلها كويس

وربنا يوفقك ان شاء الله

[mody_moka]

الماتور ممتاز والعفشه ممتازه .. هى فيها خبطه كده من ورا عند الفانوس بس ويعنى هتتضبط لكن العربيه ككل الصراحه بحاله جيده جداً

ونا جربت التكيف ونا راكبها برضو لأنى لما رحت لصاحبها خدتها وطلع معايا اجربها التكيف تلاجه :>

والعربيه عامله 70 الف كيلو

وانا ان شاء الله هارحلو ع النهارده وهاخده ونروح نكشف عليها عند حد متخصص كمان عشان انا ممكن اطلع دكتور فاشل ومبعرفش اكشف :d وإن شاء الله ابلغكم بأخر التطورات

وسعيد بالانضمام اليكم

[mohamed ibiza]

اكشف علي الموتور لو العربية دي عاملة 70 الف كيلو فعلا الموتور ده الكبس بتاعه مش هيقل عن 95% لو اقل من كده يبقي اكيييييييييييييييييييييييييد ملعوب في العداد الخبطة دي مش مشكلة تتظبط و علبة الدركسيون متجيبهاش من برا عشان كله صيني لو عايز ابقي قولي اجيبلك علبة دركسيون من انتاج شركة techno الالمانية و اي حاجة في الابيزا 94 قولي لانها معايا من سنة 94

[mohamed ibiza]

و علي فكرة السعر قليل جدااااااااااااااااااااااااا

[3mr Farrag]

بس انا يا محمد مش متفق معاك بخصوص السعر....
انا شايفه ولا هو رخيص ولا غالي....عادي يعني او لو رخيص يبقي حاجه بسيطه
اما موضوع الموتور....ازاي عربيه عامله 70 الف ما يقلش كبسه عن 95 %!!!!!!
انت عارف ان العربيات الزيرو الكبس بتاعه ما بيجبش اصلا 100%

[mohamed ibiza]

بس انا يا محمد مش متفق معاك بخصوص السعر....
انا شايفه ولا هو رخيص ولا غالي....عادي يعني او لو رخيص يبقي حاجه بسيطه
اما موضوع الموتور....ازاي عربيه عامله 70 الف ما يقلش كبسه عن 95 %!!!!!!
انت عارف ان العربيات الزيرو الكبس بتاعه ما بيجبش اصلا 100%

ما انا عارف انا قصدي ان 70 الف كيلو دول ميهزوش شعره في مكنة الابيزا يعني متقللش منها ولا 0.5% من قوتها