مساعدة مهمة يا جماعة فى دبرياج الابيزا

[A.Ramzy]

هى العربية كوردوبا 94 اشترتها الدبرياج كان تقيل وبيزيق فلما بتتطلع علأول بترعش جامد وبتبقى تقيلة اوى ولو حد مش واخد عليها تبطل منو وربنا يسامحه المكانيكى اللى بص عليها قالى دى بسيطة دى مشكلة سلك دبرياج ب 90 جنيه ويبقى زى الفل المهم غيرتو وبردو مفيش فايدة رحت لحد تانى قالى غير طقم دبرياج غيرتو وشحم الدواسة وزيتها وبقى زى الفل شوية والتقل رجع تانى بس من غير تزييقة ونفس القصة رجعت تانى والموضوع ده قارفنى عالاخر ودخت بيه مش عارف اعمل اية لو حد عندة اى معلومات يبقى كتر خيره لأن فى واحد قالى لو الموضوع ده متحلش لا قدر الله ممكن يتسبب فانى كل شوية اغير طقم الدبرياج

[SYD]

الموضوع بسيط ان شاء الله

اولا اهلا بيك في نايل موتورز وقسم سيات

انت غيرت الطقم والواير وسيبت اهم جزء بيكون هو السبب في معظم مشاكل الرجرجة وهو ديسك الفلام
ديسك الفلام هو المقابل لديسك الدبرياج وبالتالي لو فيه اي ريجة بتسبب رعشة في الطلعة
ديسك الفلام اما بتمسحه عند اي خراط او بتغيره والأحسن انك تجيبه استيراد
جرب الأول امسحه عند الخراط وجرب العربية

اما موضوع التقل فاحتمال تكون عايز طقم دواسات او علي الأقل دواسة الدبرياج
وبردو بسيطة ان شاء الله
هتجيبها استيراد بردو ان شاء الله

كلها امور بسيطة ومحلولة بأذن الله

والله المستعان
،
،

[SYD]

وهل غيرت البلية ؟؟؟
ولا اسطوانة وديسك فقط ؟؟؟

[A.Ramzy]

ربنا يكرمك يا باشا على الرد هو ده اول موضوع لي على المنتدى وانا قولت انى ان انشاء الله هلاقى حد يساعدنى هنا لأنى فعلا اتخنقت من الموضوع ده....انا غيرت البلية برده اه لأنى اشتريت جديد مش استيراد بس انا معرفش ايه ديسك الفلام ده بصراحة ربنا يكرمك انك لفت نظرى ليه بس هو عشان اغيره او امسحه لازم انزل الفتيس بردو ولا الموضوع بسيط ولو تفيدنى وتقولى يعملوا كام استيراد؟؟ومعلش يا باشا متقل عليك انا عارف

[A.Ramzy]

وعلى فكرة انت جارى انا من الهرم بردو:d:d

[ehab_mansour]

ترس الفلام هو الجزء اللي بيتثبت عليه الديسك وزي ما قلك مهندس محمد سيد لما بيكون مش مضبوط بيرجرج في الطلعه بس ولكن ملهوش علاقة بثقل دواسة الدبرياج

الجزء ده عشان تمسحه علي المخرطة لازم تنزل الفتيس و تفك الديسك من عليه و تفكه هو كمان من مكانه يعني اكنك بتركب طقم دبرياج من اول و جديد يعني نفس تكلفة تركيب الطقم كمصنعيه
و أنصحك تمسحه علي المخرطة بس بلاش تشتريه

بخصوص ثقل الدواسة فلو غيرت الطقم و البلية و سلك الدبرياج و برده لسه تقيل فأنصحك تتعود عليه كده لأن معدتش فيه حاجه تانيه تتغير غير انك تزيت الدواسات و تتأكد انها متثبته كويس و تشحم نقط الاحتكاك بين طرف جراب السلك و السلك نفسه بالشحم و تأكد ان السلك بجرابة متركب صح

[A.Ramzy]

مهى المشكلة انو اتشحم واتزيت ورجع زيرو وكانت الطلعة ناعمة جدا لكن مع الوقت كل يوم كان بيتقل تانى وفخلال اربع ايام كان زى الاول ده معناه ان طول ملدبرياج خفيف مكنتش بتحصل الرجرجة ولا تقل العربية فى الطلعة والملحوظ ان الموضوع ده بيبقى اقل بكتيييير لو مثلا طلعت من غير مسخن ويزيد كل مالعربية تسخن

[SYD]

يا باشا دة كدة السلك نوعه مش حلو والجراب بايظ
وديسك الفلام منه براء

انا كدة فهمت مشكلتك
العربية بترج بسبب تقطيع في فصل الدبرياج ودة سببه ان السلك نوعه مش حلو او الي مركبه طرشجي مش ميكانيكي

واحتمال بردو الجراب

راجع علي سلك الدبرياج تاني يا باشا طالما بيتقل بعد ما بتزيته

واهلا بحضرتك
فين في الهرم
انا ساكن مريوطية فيصل

اتمني اشوفك قريبا

والله المستعان
،
،

[ehab_mansour]

مهى المشكلة انو اتشحم واتزيت ورجع زيرو وكانت الطلعة ناعمة جدا لكن مع الوقت كل يوم كان بيتقل تانى وفخلال اربع ايام كان زى الاول ده معناه ان طول ملدبرياج خفيف مكنتش بتحصل الرجرجة ولا تقل العربية فى الطلعة والملحوظ ان الموضوع ده بيبقى اقل بكتيييير لو مثلا طلعت من غير مسخن ويزيد كل مالعربية تسخن

معلش محتاج أفهم منك حاجه و علي اساسها هنحدد المشكلة فين ..
يا تري المشكلة الأكبر عندك هي الرجرجه ولا الثقل ؟
من خلال كلامك فهمت ان " الموضوع بيقل لما بتكون العربية بارده و بيزيد لما تسخن " و ده معناه ان الموضوع هو الرجرجه في الطلعه !!!!!!!! فياريت تحدد و قلي عشان اساعدك قدر المستطاع ان شاء الله

[A.Ramzy]

Syd باشا اهلا بيك وان ساء الله قريب اشوفك انا جنب العريش على الهرم,,بص يا سيدى المشكلة ان نفس المشكلة دى كانت الاول قبل ماغير السلك برده وفى الحالتين واحد مع انى جبتة جديد ايطالى وفكيتة وركبتة عند ميكانيكى تانى ده اللى شحمهولى وزيته وبعدين رجع تانى

[A.Ramzy]

Ehab باشا شكرا على اهتمامك بص هو ده اللى انا لاحظته فعلا كل مبمشى بالعربية كل مكانت الطلعة اصعب واسخف بقولك لدرجة ان لو حد مش واخد عليها تبطل منه وانا بحس ان تقل الدبرياج هو اللى بيعمل الرجرجة والطلعة الغبية دى اللى اعرفة ان عربية بتتطلع على الاول بسلاسة كدة حتى لو قديمة اوى وحالتها صعبة لكم دى لو واقف فى اشارة وجى اطلع بحس انى طالع بمقطورة

[SYD]

syd باشا اهلا بيك وان ساء الله قريب اشوفك انا جنب العريش على الهرم,,بص يا سيدى المشكلة ان نفس المشكلة دى كانت الاول قبل ماغير السلك برده وفى الحالتين واحد مع انى جبتة جديد ايطالى وفكيتة وركبتة عند ميكانيكى تانى ده اللى شحمهولى وزيته وبعدين رجع تانى

يا باشا التركيب عليه عامل مهم جدا

وايضا الدواسات قولتلك عليها عامل مهم

وعندك حاجة اسمها فرش الدبرياج ودة بدوره الي بينقل من البدال للدبرياج

يعني الموضوع فيه اكثر من جزئية متداخلين مع بعض

فانت هتحاول تمشي وراهم واحدة واحدة