ابيزا 99 أو مابعدها

[msami2k]

أنا عاوز إبيزا 99 أو أحدث -ياريت 2002-:arghh:
متعديش نص الاربعينات "واحد باع 2002 ممتازة على 49"
انا ممكن أدفع النص والنص على ست شهور "صعب - مش كده":embarrassed2:
وتكون حالتها فوق الممتازة
وكمان تكون أول يد ومش استخدام شباب "يعني مش متبهدلة"
وياحبذا لو كانت مرفوعالها كذا سنة

انا على فكرة مش بهزر انا بتكلم بجد انا عاوز عربية كويسة بحالة الزيرو وبتهيألي أن العربية لو بالمواصفات دي ممكن تكون مضمونة حبيتين
انا لو كان عندي حد معرفة عنده حاجة بالمواصفات دي كنت أخذتها لكن محدش منهم ناوي يبيع

الشروط دي مش شروط نهائية :) وانا بدور ومستني حاجة كويسة

لو حد عنده أي فرصه قريبة من الكلام ده يوخبببرني "يقوللي يعني"
ولكم جزيل الشكر
محمد

[SEATLOVER]

نصيحة يا msami اللى معاة ابيزا كدة ..ما بيبعهاش
ومش هايطلعها قسط كمان

خد بالك ... لازم يبقى فيها شغل متوقف

بس على العموم ربنا يوفقك و تلاقى طلبك

[casper2010]

انسي يا عمرو

[mohamed ibiza]

انسي يا عمرو

بظبط يا casper :):)


الحالة اللي طالبها في حالة السوق دلوقتي صعب تبقي اربعينات و لو حالة كويسة هتبقي اخر اربعينات و اللي انما انت عايز حالة ممتازة و مرفوعة كام سنة و مش محتاجة مصاريف الكلام ده عشان تلاقيه في ابيزا اولا هتبقي 2001 لان 2002 قليلة جدا كمان اصلا اللي بيقتني ابيزا صعب يبيعها كمان منتصف الاربعينات و بالتقسيط كمان اولا منتصف الاربعينات هات ابيزا 99 لان مش هتلاقي ابيزا 2001 حالة ممتازة بالرقم ده بتاتا البتة و لو لقيت هتبقي عاملة حادثة او متمرمطة و متهانة جامد جدا علي الفلوس شوية ل 50 الف عشان تقدر تجيب حاجة كويسة و موضوع التقسيط ده 99% من الناس مش بترضي بيه

[dr_3eshoo]

و خد بالك حتى لو لقيت العربيه و انضف ابيزا فيكي يا منطقه و هاتدفع بالطريق دي
مش هاتستلم العربيه الا لما فلوسها تخلص
انزل شوف معارض المستعمل بالقسط و قولي

[msami2k]

معارض البيع بالتقسيط بتاخد ربح 15-20 فى المية وده كتير جدا
انا أعرف كذا واحد بس المشكلة فى السعر هيزيد

انا لقيت واحد فى السوق واقف على التقسيط بس كان بيتكلم فى عربية 98 مركبلها تكييف وعاوز 44 كاش وهيزودهم ل 47 بالتقسيط وده برضه كتير جدا على ست شهور زائد ان تمن العربية غالي جدا وكان بابها مخبوط بس متصلح ومرشوش بنظافة، فمكملتش معاه

في واحد عنده 99 خليجي تكييف صفراء 1400 سيسي كاملة مانيوال مش أول يد معاه بقالها سنتين عاوز فيها 41 بس مش راضي يقسط
بيقول بتاعة ابنه وانه عاوز يبيعها علشان يجيب لانوس جديدة
انا حاسس ان سعرها قليل وخايف لتكون مخبوطة او فيها مشكلة
وبعدين انا مش عارف هوا في شاب هيرضى يبيع ابيزا ويجيب لانوس؟؟؟؟؟؟؟؟؟
انا خايف اخش فيها بس عاجبني حكاية التكييف الأصلي وال1400

ايه رأيكم

[mohamed ibiza]

معارض البيع بالتقسيط بتاخد ربح 15-20 فى المية وده كتير جدا
انا أعرف كذا واحد بس المشكلة فى السعر هيزيد

انا لقيت واحد فى السوق واقف على التقسيط بس كان بيتكلم فى عربية 98 مركبلها تكييف وعاوز 44 كاش وهيزودهم ل 47 بالتقسيط وده برضه كتير جدا على ست شهور زائد ان تمن العربية غالي جدا وكان بابها مخبوط بس متصلح ومرشوش بنظافة، فمكملتش معاه

في واحد عنده 99 خليجي تكييف صفراء 1400 سيسي كاملة مانيوال مش أول يد معاه بقالها سنتين عاوز فيها 41 بس مش راضي يقسط
بيقول بتاعة ابنه وانه عاوز يبيعها علشان يجيب لانوس جديدة
انا حاسس ان سعرها قليل وخايف لتكون مخبوطة او فيها مشكلة
وبعدين انا مش عارف هوا في شاب هيرضى يبيع ابيزا ويجيب لانوس؟؟؟؟؟؟؟؟؟
انا خايف اخش فيها بس عاجبني حكاية التكييف الأصلي وال1400

ايه رأيكم

1400 سي سي ده متسقط التكييف عادي مش مشكلة بس الموتور متسقط اكشف عليها كويس الاول و اي شؤال احنا موجودين

[forpop]

معذرة ......
ايه يعني مسقط مكنة أكبر دة افضل في رأي ....
1.راحة لسيارة
2.افضل للتكييف
3.اقوى في السحب
4.مريحة في السفر مسفات بعيدة
5. مبتسخنش بسرعة زي الالف
العيوب
1.لو كراسي العفشة مختلفة (تعديل عفشة)
2.لو تقيلة على العفشة" وزن" تأثر على آلة الجر " الكبالن"
غير كدة مفييش عيوب
ايجابيات أكتر من سلبيات . تكسب