الباور والسيرفيس وقطع الغيار

[Ehab_Ismail]

سلاموا عليكوم جميعا
انا معايا ابيزا 2000 و عندى مشكلتين فى العربية.
1 - وحدة الباور عايزة تتغير ورحت الحرفيين علشان اشتريها لقيتها غالية لما رحت للميكانيكى اللى فى جسر السويس قالى عايزة تتغير مش بيصلحها (هى بتنقط زيت يعنى المشكلة ان زيت الباور بينقص بس هى زى الفل ولا فيها صوت ولا الباور تقيل ولا اى حاجة) ولما رحت الحرفيين قالولى هاتلك واحة استيراد احسن ومش عارف فين ممكن اصلحها. فلو حد عارف ممكن اعمل اية فى المشكلة دية يدلنى.انا هامشى بيها كدة لحد ما ربك يسهل لو هاتأثر على حاجات تانية يا ريت تقولولى علشان بإذن الله اعملها.
2 - بصفتى لسة جديد على السيات وعايز اعمل السيرفيس بتاعها فمش عارف اعمل اية بالظبط لآنى لما سألت الميكانيكى قالى اغير حاجات كتير هاتخوشلها فى حوالى 800 جنية فيا ريت حد يقولى ايه الموضوع واشترى الحاجة بتاعتها منين ولكم جزيل الشكر.

[dr_3eshoo]

بص
الاحسن ماتمشيش بيها كتير علشان علبه الدركسيون
هات واحده استيراد و ركبها ارخص و احسن
السرفيس انت ماقلتش عليه قول واحنا نقلك ايه الكلام
بالنسبه للقطع الغيار فالبوب الكبير محمد ابيزا هايقلك تجيبها منين
من حق نسيت اقلك
الف مبروك يديك خيرها و يبعد عنك شرها

[SEATLOVER]

ايهاب باشا ..ازيك عامل اية
ما انا قولتلك على العربية فى موضوعك اللى فات بنزين ابيزا 2000 ..انا مش مستريحلها قولتلى لا دى كويسة
العربية كدة فيها شوية شغل

على العموم ماتقلقش ان شاء الله خير
بالنسبة للباور ذى ماقولتلك لو مفيش صوت غروشة لما تجيب الدركسيون لاخرة على الواقف ..يبقى ماتقلقش
نقصان الزيت من اويلسيل الباور عايز يتغير عند ميكانيكى كويس
ومفيش داعى انك تجيب الطرمبة كلها

لو هاتمشى بيها كدة لحد ماتعملها يبقى لازم تتأكد من زيت الباور قبل كل مشوار
عشان دة فى منتهى الخطورة ... ممكن الباور يقفل منك
حاول ماتمشيش بيها إلا فى مرواحك للميانيكى و براحة خالص

بالنسبة للسيرفس
ذى ما قولتلك فى الموضوع اللى فات انت هتحتاج تعمل دوول بس
(فاتر بنزين +طقم بوجيهات اصلى +سير كاتينة ) يعملو حوالى 270 ج
اى حاجة تانية اشتغالات .. إلا اذا كان فى العربية شغل غير اعتيادى
قولى الميكانيكى قالك اية ...وانا اقولك ممكن ولا لآ

بالنسبة لحاجاتها تجيبها منين عندك فى شارع دمشق كذا واحد بتاع سيات وفى فولكس هاوس فى شارع مراد ودة اللى يفيدك فية اكتر محمد ابيزا

ورد علينا و احنا مع بعض ان شاء الله

[mohamed ibiza]

اول حاجة قولي السيرفيس اللي انت عايز تعمله عبارة عن ايه يعني تغيير زيت و فلتر و بوجيهات و تنضيف انجكشن و سيور و كده ولا ايه بظبط قولي عشان اقدر اقولك تروح فين و قولي ساكن فين كمان عشان اقدر افيدك تاني حاجة متغيرش علبة الباور بتاعة الفابريقة عشان خاطر اويلسيل عايز يتغير غيره و خلاص بس لحد ما تغيره حافظ علي تظبيط زيت الباور و لو محتاج بوجيهات-فلتر-سيور قولي و انا اقولك منين ان شاء الله و ربنا يعينك :):)

[Ehab_Ismail]

اولا شكرا لاهتمامكم و اسف على التأخيير
ثانيا ببعت سمى ل Seat Lover وبقوله الحمد لله انا كويس وباتمنى انك تكون فى احسن حال وبشكر dr_3eshoo على الدعوة الجميلة.
ثالثاّ ببارك لمحمد ابيزا على العربية وتوضيبها ولو انها متأخرة بس لسة جديد بقى وحاسس ان البيت مش بيتى.
رابعاّ ::
- بالنسبة لموضوع البنزين انا فعلا فرقت معايا قوى لما استخدمت ال92
- بالنسبة للباور لما خدتها من الراجل كنت عارف ان فيها العيب دوة وقالولى ساعتها انه اولسيل عايز يتغير لكن لما رحت للميكانيكى قالى ما فيش حد بيصلحة فهاتلك واحد استيراد ولما رحت سألت علية فى الحرفيين قالولى 650 جند فلو حد عارف يتصلح فين او اقدر اشتريه منين يبقى عمل معايا واجب. انا ناوى امشى بيها كدة وابقى ازود زيت وهما قالولى ان ما فيش حاجة هاتحصل.
- بالنسبة لموضوع السيرفيس انا الحمد لله ما اعرفش حاجة. العربية ما بتقطعش ولا فيها اى حاجة بس الناس قالوا ان لازم اعمل سيرفيس اية بقى اللى انا المفروض اعملة مش عارف وباكد المفروض يعنى مش عايز اغير السقف (بس انا كده كده هاغير زيت)
فيا ريت حد يقولى اية الموضوع (الميكانيكى قال فلتر بنزين وفلتر زيت وتغيير زيت وفلتر هوا وطقم بيجوهات وسير الكاتينة وسير الدينامو مع شوية حاجات مش فاكرها....) قالى 850 جنية
- هو تيل الفرامل بتاعها بكام
- فيه زرار جنب الزرار بتاع الانتذار ده بيعمل اية لما دوست علية لقيته طلع كدة وعامل زى ما يكون وراقة ولا حاجة عموما هو مرسوم علية رسمه كدة انا مش عارف معناها.

شكرا ليكم

[SEATLOVER]

ايهاب باشا حمدالله على السلامة
-بص يا سيدى الباور ذى ماقولتلك محتاج اولسيل فقط و سعر المكنة الاستيراد اللى بتقول عليها غالى دة سعر المكنة الاصلى مش الاستيراد ..شوف بس ميكانيكى كويس عندك فى المنطقة يغيرلك اولسيل فقط
-السريفس كل الحاجات اللى قولت عليها ما عدا سير الدينامو اتاكد منة بس و مش ضرورى تغيرة ... كل الحاجات اللى قولت عليها لو مع زيت موبيل 1 هايعملوا حوالى 700 ج لآن الحاجات التانية لوحدها هاتعمل حوالى 300 ج
- تيل الفرامل الاصلى ب 175 ج
- الزرار دة .. مش زرار دة درج بيطلع عند الضغط علية عشان تحط فية الكروت الشخصية

[mohamed ibiza]

اولا شكرا لاهتمامكم و اسف على التأخيير
ثانيا ببعت سمى ل Seat Lover وبقوله الحمد لله انا كويس وباتمنى انك تكون فى احسن حال وبشكر dr_3eshoo على الدعوة الجميلة.
ثالثاّ ببارك لمحمد ابيزا على العربية وتوضيبها ولو انها متأخرة بس لسة جديد بقى وحاسس ان البيت مش بيتى.
رابعاّ ::
- بالنسبة لموضوع البنزين انا فعلا فرقت معايا قوى لما استخدمت ال92
- بالنسبة للباور لما خدتها من الراجل كنت عارف ان فيها العيب دوة وقالولى ساعتها انه اولسيل عايز يتغير لكن لما رحت للميكانيكى قالى ما فيش حد بيصلحة فهاتلك واحد استيراد ولما رحت سألت علية فى الحرفيين قالولى 650 جند فلو حد عارف يتصلح فين او اقدر اشتريه منين يبقى عمل معايا واجب. انا ناوى امشى بيها كدة وابقى ازود زيت وهما قالولى ان ما فيش حاجة هاتحصل.
- بالنسبة لموضوع السيرفيس انا الحمد لله ما اعرفش حاجة. العربية ما بتقطعش ولا فيها اى حاجة بس الناس قالوا ان لازم اعمل سيرفيس اية بقى اللى انا المفروض اعملة مش عارف وباكد المفروض يعنى مش عايز اغير السقف (بس انا كده كده هاغير زيت)
فيا ريت حد يقولى اية الموضوع (الميكانيكى قال فلتر بنزين وفلتر زيت وتغيير زيت وفلتر هوا وطقم بيجوهات وسير الكاتينة وسير الدينامو مع شوية حاجات مش فاكرها....) قالى 850 جنية
- هو تيل الفرامل بتاعها بكام
- فيه زرار جنب الزرار بتاع الانتذار ده بيعمل اية لما دوست علية لقيته طلع كدة وعامل زى ما يكون وراقة ولا حاجة عموما هو مرسوم علية رسمه كدة انا مش عارف معناها.

شكرا ليكم

الله يبارك فيك يا باشا و يباركلك في ابيزتك

حرصا مني عليك و علي الابيزا بقولك حاجة و متزعلش بس الناس بتشتغلك بجد ليه انا قلت كده:
1-الاويلسيل متجيبوش من الحرفيين عشان الحرفيين هينفضولك جيبك من الاخر
2-السيرفيس يا باشا اهم حاجة تعملها تتأكد من سير الكاتينة ماشي كام كيلو عشان لو عدي ال 40 الف لازم يتغير حالا عشان ده لو اتقطع الموتور هيضرب اخماسا فس اسداسا و بدل ما تغير سير كاتينة ب 80 جنيه ولا حاجة هتلاقي نفسك بتغير علي الافل طقم صبابات ب 2800 جنيه في التوكيل
-الميكانيكي ده متروحلوش تاني 850 جنيه لييييييييييييييييييييييييييييييييييييييييييييييييه هو انت بتغير مساعدين ليه يا عم 850 جنيه
تيل ب 175 جنيه طقم بوجيهات flag الماني 3 شمعة بحوالي 60 70 جنيه سير الكاتينة ب 80 تقريبا ايا كان اللي قالهولك لو كلها حاجات سيرفيس كده متوصلش للمبلغ ده ابداااااااااااااااااااااااااااااااااااااااااااااا

اعرف تحديدا انت عايز تعمل سيرفيس ايه عايزك تقولي هغير كذا و كذا و كذا و انا اديك المفيد بس بلاش الميكانيكي ده 850 جنيه حرررررررررررررررررررررررررررام

و متجبش زيت موبيل 1 اولا غالي جدا و كل شوية بيغلي عن الاول كمان في زيوت بتعد مدد كبيرة وسعرها اقل بكتير انا بجيب توتال كوارتز للابيزا 94 ب 70 جنيه هو المفروض بيعد 5000 كيلو انا بعد بيه 7000 8000 مرتين وصلتو 12000 عادي

[memoss]

السلام عليكم

أنا جبت ابيزا 2001 من حوالي 3 أسابيع و رحت الحرفيين عملت فيها الآتي:
بوجيهات 70
سير كاتينة 65
سير دينامو 70
تبل 195
فلتر بنزين 65
زيت 70
فلتر زيت (مش فاكر بكام)
تركيب + تنظيف كربراتير + تربيط عفشة 80
بصراحة مش عارف الأنواع أصلية ولا اية علشان أنا جديد في السيات

لو ممكن حد يقولي انواع المساعدين الي ممكن اجيبها للعربية و اسعارها و مكانها, و كمان عايز كهربائي كويس و منين ممكن اجيب اكسسوارات الصالون (زي اكر و كدة) و اسف علي الإطالة