الموتور مش مظبوط مره عالى ومره واطى

[warfighter2114]

ما هى المشكلات الميكانيكيه او الكهربيه المسببه لارتفاع الر بى ام للسياره
ما معنى انى لما دور الاربى ام ممكن يعلق على قيمه عاليه ثم يهبط فجأه لقيمه واطيه جدا
هل لو الر بى ام عالى له علاقه بالسيرفو بتاع العربيه لانى لما بضغط فرامل بلاقى الار بى ام بيعلى وبيوطى

[SYD]

ما هى المشكلات الميكانيكيه او الكهربيه المسببه لارتفاع الر بى ام للسياره
ما معنى انى لما دور الاربى ام ممكن يعلق على قيمه عاليه ثم يهبط فجأه لقيمه واطيه جدا
هل لو الر بى ام عالى له علاقه بالسيرفو بتاع العربيه لانى لما بضغط فرامل بلاقى الار بى ام بيعلى وبيوطى

عموما الأر بي ام بيعلي لما بدور العربية وهي باردة ودة بسبب حساس الحرارة

وكوننه يهبط فجأة لقيمة واطية يبقي الأسبراتير مش مظبوط او اسلاك البوجيهات او البوابة او احتمال مستبعد ان التقسيمة مش مظبوطة

وبالنسبة للفرامل - فطبعا السيرفو بياخد فاكيوم (هواء مضغوط) وكدة يبقي اما عايز طقم اصلاح او يتغير تماما

[warfighter2114]

محدش لعب فى الاسبراتير او البوجيهات بس حاليا الار بى ام عالى وكأن العربيه بتسخن ومببنزلش لوضعه الطبيعى ولكن لاحظت ان لما بضغط فرامل الار بى ام بينزل وبيطلع تحت وفوق
ممكن حضرتك تقولى الحلول على قبل مأروح للميكانيكى لانى بعمل عمره سمكره ودوكو ومش عارف اروح للميكانيكى وقلقان على العربي
هل حركه العربيه او المشى بيها والار بى ام عالى ممكن يسبب مشكله

[ahmad_salama]

انا ساعات برضو لما ادوس علي الفرامل الاقيه بينزل شوية قليلين اوي بحس ان لما لمبه الفرامل بتنور كانها بتسحب كهربا زياده من العربيه او حاجه زي كده يعني. برضو لاحظت ساعات مع الانتظار بيعلي ويقل (لما لمض الانتظار تبقي منوره يقل ولما تطفي يعلي) حاسس ان في رابط بين كهربه العربيه والار بي ام مش عارف ده صح ولا في حاجه غلط.. بس العلو والانخفاض بيكون شئ بسيط جدا يعني

[drmagieed]

متابع وعندي نفس المشكلة الأر بي إم ساعت يعلق مع الفرامل وما ينزلش إلا لو فضلت دايس فرامل علي الأخر كام ثانية كدة

[ehab_mansour]

أولا قبل تغيير اي شيء حضرتك تراجع علي ان بوابة الحقن نضيفه + كهرباء المحرك من بوجيهات و سلوك و أسبراتير مضبوطين + اي وصلات فاكيوم (شفط للهواء) تحت البوابة سليمة و مافيش حاجه منها مقطوعه او مخلوعه او سايحه و منها وصلة الفاكيوم اللي رايحه لسيرفو الفرامل

وصلات الفاكيوم دي هي اي خرطوم سواء رفيع او تخين شوية خارج من المانيفول وهو المنطقة اللي تحت البوابة التي يتولد فيها vacuum وهو عبارة عن هواء مشفوط (يعني ضغط هواء بالسالب ) يستخدم في دورة الفرامل و في حاجات تانيه


لو لقيت كل اللي قلتلك عليه ده سليم و مافيهوش مشاكل و اساسا كل الحاجات دي مش مكلفه و أعتقد انها هتحل المشكلة لكن لو متحلتش يبقي هتحتاج تغير سيرفو الفرامل الرئيسي

لكن ده تخليه لأخر مرحلة لأني لا أعتقد انه فيه مشكله اعتقادي الأساسي في وصلات الفاكيوم انها فيها حاجه بتنفس و خاصة خرطوم السيرفو او ممكن يكون مشقق او باظ

و بالتوفيق ان شاء الله

[warfighter2114]

الف شكر للمهندس ايهاب منصور ممكن ياباشمهندس لو صور توضح الوصلات من سيرفو الفرامل الى المانيفول او فيديوهات لانى حتعامل فيها بنفسى

[ehab_mansour]

الف شكر للمهندس ايهاب منصور ممكن ياباشمهندس لو صور توضح الوصلات من سيرفو الفرامل الى المانيفول او فيديوهات لانى حتعامل فيها بنفسى

للأسف دي صعبه شوية لأن مافيش ولا صور ولا فيديوهات بتشرح الحاجات دي
شوف لو تقدر تاخد كام صورة للبوابة عندك و المانيفول بعد ما تفك العمه ممكن أحددلك في الصور انهي خراطيم و رايحه فين و تشيك عليها ازاي

[drmagieed]

متابع

[warfighter2114]

بشمهندس ايهاب يعنى هو خرطوم واحد خارج من booster vacum ورايح على mainfold ولا كذا خرطوم

[zika99_eg]

متابع
الظاهر ان المشكله دي عند كل ال 1600
ياريت اللي يوصل لحل يقول

[ehab_mansour]

بشمهندس ايهاب يعنى هو خرطوم واحد خارج من booster vacum ورايح على mainfold ولا كذا خرطوم

تم الرد هنا و في انتظار التجربة و النتائج ان شاء الله

http://www.nilemotors.net/Nile/299461-booster-vacum-master-cylinder.html#post3874432583

[warfighter2114]

والله ياباشمهندس انا لسه مطبقتش الكلام ده عشان عربيتى لسه عند البوهيجى