الى خبراء الابيزا ارجو الرد للاهميه

[tears]

علشان مطولش عليكم انا ناويت ابيع الاسكودا واشترى ابيزا عايز رايكم فى مواصفات العربيه وفى سعرها:-
1- موديل 2001
2-1600 اورجينال عامله 60000 كم
3-abs
4-;جنوط 15 اورجينال
5-فابريكه من الخارج والداخل
6-4 ايرباج
7-فرش جلد طبيعى اورجينال
8-جميع الكماليات تكيف+باور+سنتر+4زجاج +فتحة سقف كهرباء+مرايات كهرباء+ريموت ووحدة رفع +
9- سعرها بعد رفع الحظر65000 جنيه
على فكره العربيه استيراد من المانيا و هى تبع موضوع سيارات المعوقين ارجو النصيحة من عصابة الابيزا

[SEATLOVER]

شوف يا tears
عايز راييى
1- لا افضل موضوع سيارات المعاقين دة... فية مشاكل كتير
2- لا افضل ال 1600 فى مو 2001
3- السعر هايقف فى الاخر عالى برضو
يعنى لو كانت موجودة هنا و بالحالة دى هايبقى سعرها فى حدود 55 بالكتير
لية ؟
- مش دة الموتور الاصلى اللى موجود هنا و الكل هايشك انة متغيرلها موتور
- الناس بتهرب دلوقتى من ال سى سى العالى و خصوصاً انها بتاخد بنزين 92 اقل واجب

لكن انا عارف ان العربية دى بالحالة دى هاتبقى تحفة و خسارة
بس خلى بالك من العوامل اللى قولتلك عليها دى

واستنى برضو راى بقية الاعضاء ..ممكن يكون فى وجهة نظر مختلفة

[Ahmad Allawy]

انا مع عمرو بك حبيبي في نقاط و مش معاه في نقاط تانية..
السي سي العالي.. مش مشكلة قوي دلوقتي.. و خاصة انه انجيكشن..
و فرق الفلوس بتاعت التراخيص و الضرايب و كده مش كبير قوي..
السعر مش عالي قوي في نظري لأن النضيفة ال1000 سي سي الموجوده عنا بتعمل اوائل الخمسينات.. و ممكن توصل 55 اصلا.. ف اكيد ال1600 هتبقي اغلي.. بس برضه اكيد كتير شوية حاول تنزل معاه شوية لو نويت عليها..65 كتير
بس الاهم من كل ده.. هل الموتور ال1600 و العفشة اللي فيها ليها قطع غيار هنا..؟؟
متوفرة..؟؟ رخيصة..؟؟ ده مهم..

[galilio_mad]

اسأل على مدى توفر قطع الغيار و اسعارها لو مناسبة ليك اتوكل على الله

و على فكرة ممكن تجيب اوكتافيا 99-2000 معاقين برضو فى حدود السعر ده
او لانسر 2006 - 2007 ممكن تزيد حاجة بسيطة

انا كنت فى بورسعيد من حوالى 3 اسابيع , كان فى اوكتافيا طالعة من عينى
موديل 2000 عاملة 102000 كم - تكييف - باور - سنتر - ريموت و انذار - ABS - 2 air bag
مرايات كهربا - فتحة سقف كهربا - فرش جلد طبيعى
Blaubunkt mp3 player من النوع اللى بيتحط فيه شريحة الموبايل و يبقى تليفون
جنوط 17 اصلية و Body Kit كاملة و شكلها ماركة كمان
و حالتها العامة ممتازة و الراجل عشان معرفة قاللى 68000

[tears]

ان شاء ارفع الحظر طبعا و ده اكيد بس خد بالك استاذ جاليلو علشان الاوكتافيا هناك ليها موتورين لو هتشترى اشتر الموتور srبتاع البورا علشان ده 109 حصان خد بالك من الموترو ده اكيد

[tears]

يا جماعه العربيه اورجينال محدش صقطلها موتور ولا الكلام الفاضى بتاع الحرفين ده دى اورجينال من بلدها

[Ahmad Allawy]

محدش اعترض..
بس ممكن لو جيت تبيع ناس تفتكر انك مسقط..
و غير كده الموتور ده مش منتشر هنا..
و بالتالي قطع غياره قليلة.. الا لو كانت نفسها قطع غيار موديل تاني زي التوليدو
او اي موتور فولكس تاني 1600 او يكون نفس موتور موديل من موديلات فولكس المنتشرة..

[tears]

احمد باشا ازيك على فكره انا الاسكودا الى معايا جايبها من هناك مفيش زيها فى مصر وحاله والله زيرو اسال مهندس فادى انا عملت عنده الصيانه الفلتر بتاع البنزين اول مره يتغير من سنة 97 والموتور يتاع العربيه بتاع جولف 4

[galilio_mad]

انا مش حاشترى و لا حاجة
بس بروح بورسعيد كتير , و اعرف ناس مستوردين عربيات
فالموضوع كله انى بادخل المخازن و الصالات اتفرج و اخد فكرة

انما لو فى شراء اكيد حيبقى فيه كلام تانى و معاينة و انترنت و كده
انا لمل جبت عربيتى التيبو من سنتين ( بورسعيد برضو :) )
دورت على كل حاجة فيها و فعلا مع انها موديل 93 بس انا شايل منها فلتر البنزين و سيور الشركة

[tears]

التيبو عربيه جامده جداا 1600 بس مفيهاش تكيف عربيه خيال الصراحه ربنا يباركلك فيها

[dr_3eshoo]

المشكله يا باشا مش في العربيه
المشكله في قطع غيار هاتجيبها منين
يعني تيل فرامل اكيد مختلف عن تيل ال 1000 سي سي
السيور اكيد مختلفه كده
الناس الي هاتصلحهالك قليله و قطع غيارها ناس قليلالي هاتبقى عندهم
و لما تحب تبيع الناس هايقولوا دي مسقطه متور تقول لا دي معوقين هايقولوا يبقى اكيد ارخص من كده
طب تحط ليه رقبتك تحت سكاكين الناس دي كلها علشان ايه عربيه محترمه لا طبعا
بالفلوس دي هات اوكتافيا الناس كلها عارفاها قطع غيار منتشره و رخيصه و لما تقول يا بيع تلاقي الف مين يشتري و مش هاتخصر فيها

[dr_3eshoo]

كمان نسيت اقلك انها سيدان

[mohamed ibiza]

العربية هتبقي تحفة و جميلة جدااااااااااااا و هتتبسط منها اوي و السعر في رأيي حلو بس هي مشكلتين
1-مخ الشعب المصري اللي مبيفكرش ان العربيات بتنزل برا بمواتير غير هنا هيقولك ده متسقط يا عم و مش بتاعها و ينزلك تمنها في الارض
2-قطع الغيار هتبقي استيراد مفيش جديد الا بفي الفوانيس علامات اكصدامات حاجات كده و هي بتتجاب طبعا بس هتضطر تنزل بورسعيد عشانها او الحرفيين و ما ادراك و ما هم الحرفيين في الفلوس