فقد في الزيت

[ahmad_salama]

ابيزا 94 هاف انجيكشن 1300

في مشاركه قبل كده كنت سالت عن سبب ان الزيت بينقص كتير وكانت النصايح من الخاوة الافاضل بزيت يكون تقيل او زيت من الي يكون متضافله اضافات الزيت زي زيت الشنبر

والي حصل اني حطيت زيت شل الاحمر متعدد اللزوجه 20w-50 وحطيت معاه زيت شمبر stp

والنتيجه:

1. لسه الزيت بينقص زي ما هو بكميه كبيره ( انا زودت اكتر من نص كيلو زيت بعد ما مشيت حوالي 500 كيلو) وكان برضو الزيت ناقص
   
   2. لسه دخان ابيض كتير بيخرج الصبح مع الدواره وكمان لما بحرق جامد بيخرج دخان برضو
   
   3. اه صوت الماتور بقي اهدي بكتيييير بس مش هي دي المشكله الي كنت بحاول احلها
   

ف يا تري المشكله سببها ايه ولا زيت الشمبر ده ملوش لزمه ولو في حد جربه قبل كده يقولنا النتيجه

[فادى محمد]

معني وجود دخان ابيض الصبح في اول الدواره
احتراق زيت داخل الغرفه وده بسبب اما شنابر او كاوتش صباب

[ahmad_salama]

معني وجود دخان ابيض الصبح في اول الدواره
احتراق زيت داخل الغرفه وده بسبب اما شنابر او كاوتش صباب

طيب استخدام زيت تقيل ومعاه زيت شمبر والدخان لسه موجود وتقريبا اكتر من الاول ووجود الدخان مش مرتبط مع الدواره بس ده في اي وقت لو كبست بنزين جامد -----> هل ده معناه ان الشنابر سليمه ؟؟؟

[ahmad_salama]

معلومه اضافيه :: كنت بلحم الشكمان والراجل قالي الشكمان فيه زيت كتير من جوا

[houras1010]

معلومه اضافيه :: كنت بلحم الشكمان والراجل قالي الشكمان فيه زيت كتير من جوا

الزيت بينقط من صبابات العادم وطالما هتفك اتأكد من الشنابر

[SYD]

معلومه اضافيه :: كنت بلحم الشكمان والراجل قالي الشكمان فيه زيت كتير من جوا

ماهو يا باشا هو دة سبب الدخنة البيضا
لما كاوتش الصباب يتأكل او يحدث تأكل للشنابر بيتسرب الزيت ويدخل للصبابات بتاعة العادم وتنزل علي الشكمان ومع الحرارة المرتفعة بيتحرق الزيت في شكل دخنة بيضا

كدة انت عايز تعمل طقم شنبر وتغير شواكيش الصبابات

[ahmad_salama]

ماهو يا باشا هو دة سبب الدخنة البيضا
لما كاوتش الصباب يتأكل او يحدث تأكل للشنابر بيتسرب الزيت ويدخل للصبابات بتاعة العادم وتنزل علي الشكمان ومع الحرارة المرتفعة بيتحرق الزيت في شكل دخنة بيضا

كدة انت عايز تعمل طقم شنبر وتغير شواكيش الصبابات

طيب معلش استحملوني واحكي الي حصل وسبب المشاكل دي بالظبط:

1. في رمضان الي فات العربيه سخنت بسبب تغير مياه الردياتير والي غيرها مخدش هوا الردياتير
2. سخونيه العربيه خلتها جابت جوان وش
3. غيرنا الجوان وقشطنا ربع ملي من الوش
4. في المخرطه الراجل قالي ان الصبابات فيها بوش وبلاش تغيرها علشان حالتها نضيفه انا هضغطهالك وخترجع زي الاول (تقريبا علي ما افتكر)
5. غيرنا جوان واحد بس مش اتنين لانه كان محمل عن بتاع العربيه اصلا بس مكانش دبل وركبنا وغيرنا زيت
6. الدكتور الميكانيكي الطرشجي قالي ان في لسعه في البستم التالت ودي ممكن تاثر علي سحب العربيه بس كانت حته بسيطه اوي ما تستدعيش عمل طقم شمبر وبعدين نقفل ونشوف الي هيحصل ولو احتاجنا حاجه ادينا موجودين

النتيجه:

1. صووت عالي من المتور مع ضغطه البنزين كنت مفكره الاول صوت تاكيها وعرفت بعدين ان مافيهاش تاكيها
2. الدخان الابيض من الشكمان
3. نفص الزيت بالشكل المبالغ فيه( مفيش تسريب من تحت هو فيه تعريق بس من فوق)
4. السحب والتجميع عادي يعني بعدها العربيه جابت 145 كيلو مع العلم ان الاسطوانه ضعيفه شوية


ف يا تري كده ايه الي بايظ وايه الي المفروض يتعمل علشان احل المشاكل دي كلها
اغير الوش ولا اغير الصبابات ولا كستبانات ولا اعمل ايه بالظبط ؟؟؟؟؟

[ahmad_salama]

حد يفيدنا يا اسيادنا

[SYD]

طب جربت تغير جوان غطا التاكيهات ؟؟؟؟

ولا التعريق بيجي من النص ؟؟؟؟ فوق فرن الشكمان ؟؟؟

[ahmad_salama]

من النص بس بسيط اوي مظنش انه هو السبب في فقد الزيت ده كله

[ahmad_salama]

غيرت الزيت تاني وحطيت المرادي تعاون وحطيت محسن زيت abro


والزيت برضو بيقص والشكمان برضو بيدخن ابيض مسود (رمادي)

[ehab_mansour]

نصيحة من اخوك معدتش تفك الموتور ده يا تسقط موتور كامل يا شورت بلوك

انا غير مقتنع بعمل عمره للموتور تحت ايدي صنايعيه مش عارفين يعملوله صيانة اساسا !!!!
يعني طبيب مثلا مش عارف يشخص حالتي وانا مريض اخليه يعملي عمليه عشان يشوف العيب فين ؟؟؟

[ahmed_autogear]

على ما اعتقد ان الشمبر ده متاكل و علية لابد من تغييرة و لأكن لو حكمت الشمبر انت لازم تحكم الوش برضة هت غير كوتش الصباب و احتمال تحتاج تغير الصباب.
حاول تشوف خراط عندة الجهاز الى بيكشف على الوش لان لما بتخرط الوش غالبا مبينفعش