جابت اسطوانة ولا فتيس

[Abo_Asel]

السلام عليكم ورحمة الله وبركاته
كل سنة و انتم طيبين

النهاردة الصبح وانا رايح الشغل و فى قلب الزحمة لقيت ريحة شياط زى ريحة الفرامل بتاعة العربيات النقل وظهر دخان من الموتور و قفت و لقيت سواق معدى جنب منى قالى الاسطوانة لزقت.
انا معرفش يعنى اية المهم فتحت الكبوت لقيت الدخان طالع من الفتيس قمت راكنها و كملت مشوارى للتجمع مواصلات لما ارجع لها ممكن تكون اية دا يا شباب .
واكون شاكر .

[ehab_mansour]

ممكن ديسك و اسطوانة لكن الموضوع مش هيبان غير بالكشف

[SYD]

انت ركنت العربية ؟؟؟

المارش علي فكرة بيعمل نفس الريحة بالظبط
أقولك - اي حاجة فيها شربون بتعمل نفس الريحة بالظبط

بس طالما ركنتها والدبرياج اشتغل تحت رجلك يبقي مالوش علاقة بالدبرياج تماما او طقم الدبرياج

سواء اسطوانة لزقت او حجرت او الديسك فيه مشاكل او او او هتلاقي الدبرياج زي الحجر تحت رجلك والعربية هتتنطط في الطلعة وهتبطل

اول لما ترجعلها ان شاء الله
دورها وجرب الدبرياج وبالزات المارشدير والأولاني واطلع بيها
امشي علي مهلك لحد البيت
ولما تروح ان شاء الله قولنا ايه الي حصل

ربنا معاك

والله المستعان
،
،

[Abo_Asel]

دا ممكن يكون له علاقة بزيت الفتيس

[SYD]

دا ممكن يكون له علاقة بزيت الفتيس

لا لا لا
لا علاقة نهائي بنقص الزيت في الفتيس و طقم الدبرياج او اي روائح

[Abo_Asel]

السلام عليكم ورحمة الله وبركاته
رحلة العودة الى المنزل امس تمت بسلام بدون اى ادخنة ولكن شوية راوائح من الى قلتلكم عليها على خفيف .
الملاحظ العربية مشيت عادى خالص لحد البيت
فى رعشة مع الغيار الاول من الثبات و التانى
الميكانيكى مكنش فى الورشة لانى رحتله قبل المغرب بساعة
و شكلها كدا اسطوانه و دسك رسمى و العربية عند الميكانيكى و على تليفون اعرف منة الاخبار
ممكن بقا حد يقولى الاسطوانة دى ممكن تتملى ولا تتغير و تكلفتها كام تقريبا

[amrelsaqqa]

ما تملاش الاسطوانة
وما تغيرهاش لوحدها

هات الطقم كامل احسن
دسك واسطوانة وبلية وفورش

[Abo_Asel]

ما تملاش الاسطوانة
وما تغيرهاش لوحدها

هات الطقم كامل احسن
دسك واسطوانة وبلية وفورش

طيب التكلفة ممكن تكون فى حدود كام

[SYD]

لو العملية مش سامحة اليومين دوول املاها مؤقتاً
انا مليت اسطوانتي مؤقتاً وماشي بيها بدون مشاكل