تجربتى مع تسقيط شورت بلوك 1400 mpi لابيزا 2001

[koko6600]

كل سنة وانتو طيبين انا حبيت انقلكوا تجربيتى مع التسقيط بعد ما كنت متردد جدا فى التنفيذ توكلت على الله اولا سالت فى الحرفين عند اكتر من واحد بصراحة الكلام معجبنيش .وفيه اكتر من واحد قالى على واحد فى المريوطية اسمة المهندس احمد فتحى عنده محل اسمه ملك الجولف روحت عنده شاب محترم جدا المهم شوفت الماتور واتفقت معاه على كل حاجة وكمان هو اللى بيسقط وقفت معاه شوية فى المحل وعجبنى الشغل اتفقت معاه على الماتور بالتسقيط .

موضوع الكنترول ده كان عملى مشكلة ناس قالت كونترول 1000 يشتغل وناس قالت لازم 1400 والمهندس احمد قالى احنا شغلنا اكتر من ماتور بنفس الشكل قولت اكلم المهندس ايهاب منصور قالى احسن بكنترول 1400
قولت اجرب الاول مع 1000 الموتور ركب وكله تمام بس مكنش مظبوط اوى سافرت مطروح قولت محكومش بسرعة وبعد مرجعت قررت اسمع كلام المهندس ايهاب .
روحت للمهندس احمد وركبت الكنترول طبعا بعد التكويد وجربت فعلا لا يصح الا الصحيح الموتور اتظبط جدا وبان اكتر مع التكيف بعد شحن الفريون .
بجد ياجماعة انا مبسوط جدا من الموتور فرق رهيب بين 1000 و1400 العربية بقت حاجة تانية واحب اشكر بجد المهندس ايهاب واستاذ سيد على النصيحة
وكمان احب انصح الاصدقاء فى المنتدى بالتعامل مع المهندس احمد فتحى بجد هو بيفهم جدا فى شغلة وعارف هو بيعمل ايه .انا من ساعت ماشتريت العربية اول مرة اتعامل مع حد بيفهم بجد مش واخد الموضوع عافية وكمان حالة الموتور زيرو بمعنى الكلمة مش مبالغة والله.
فى النهاية اسف على الاطالة واتمنى اكون ضيفت حاجة مفيدة .


خالد حلمى

[just_humen]

يا باشا ربنا يباركلك فيه
وان اشاء الله تاخد خيره و تبعد عن شره
وكل سنة وانت بخير ورمضان كريم

ممكن اسالك عن شورت بلوك بومة متسقطلها 2000؟
بالفيتيس ان امكن؟

[SYD]

الف مبروك التسقيط

هو حقيقي الكنترول بتاع ال1000 بيمشي مع ال1400 بس طبعا اكيد كل حاجة وليها حاجتها

ربنا يباركلك فيها

[khalid_adel]

ربنا يباركلك فيها
بس لو تقول الماتور اتكلف كام وتركيبه وبعد كده الكونترول وتكويده كل حاجه بسعرها بعد اذنك
وشاكر ليك مقدما

[Karim Ibiza]

كل سنة وانتو طيبين انا حبيت انقلكوا تجربيتى مع التسقيط بعد ما كنت متردد جدا فى التنفيذ توكلت على الله اولا سالت فى الحرفين عند اكتر من واحد بصراحة الكلام معجبنيش .وفيه اكتر من واحد قالى على واحد فى المريوطية اسمة المهندس احمد فتحى عنده محل اسمه ملك الجولف روحت عنده شاب محترم جدا المهم شوفت الماتور واتفقت معاه على كل حاجة وكمان هو اللى بيسقط وقفت معاه شوية فى المحل وعجبنى الشغل اتفقت معاه على الماتور بالتسقيط .

موضوع الكنترول ده كان عملى مشكلة ناس قالت كونترول 1000 يشتغل وناس قالت لازم 1400 والمهندس احمد قالى احنا شغلنا اكتر من ماتور بنفس الشكل قولت اكلم المهندس ايهاب منصور قالى احسن بكنترول 1400
قولت اجرب الاول مع 1000 الموتور ركب وكله تمام بس مكنش مظبوط اوى سافرت مطروح قولت محكومش بسرعة وبعد مرجعت قررت اسمع كلام المهندس ايهاب .
روحت للمهندس احمد وركبت الكنترول طبعا بعد التكويد وجربت فعلا لا يصح الا الصحيح الموتور اتظبط جدا وبان اكتر مع التكيف بعد شحن الفريون .
بجد ياجماعة انا مبسوط جدا من الموتور فرق رهيب بين 1000 و1400 العربية بقت حاجة تانية واحب اشكر بجد المهندس ايهاب واستاذ سيد على النصيحة
وكمان احب انصح الاصدقاء فى المنتدى بالتعامل مع المهندس احمد فتحى بجد هو بيفهم جدا فى شغلة وعارف هو بيعمل ايه .انا من ساعت ماشتريت العربية اول مرة اتعامل مع حد بيفهم بجد مش واخد الموضوع عافية وكمان حالة الموتور زيرو بمعنى الكلمة مش مبالغة والله.
فى النهاية اسف على الاطالة واتمنى اكون ضيفت حاجة مفيدة .


خالد حلمى

1000 مبروك ياريت نعرف سعر الموتور والمصنعية

[koko6600]

احب اشكر كل الاعضاء على ردودهم المحترمة وكل سنة حضرتكوا بخير

just_humen كل سنة حضرتك بخير و بصراحة انا معنديش فكرة عن اسعار البومة

SYD احب اشكر حضرتك جدا ياستاذ سيد كل سنة حضرتك بخير

khalid_adel و Karim Ibiza متشكر جدا زوقكوا بالنسبة للتكاليف الاجمالى 4050

الماتور بالتركيب 3500 و الكنترول 400 والتكويد 150 ده كل حاجة وطبعا زيت وفلتر



خالد حلمى

[ahmad_salama]

khalid_adel و Karim Ibiza متشكر جدا زوقكوا بالنسبة للتكاليف الاجمالى 4050

الماتور بالتركيب 3500 و الكنترول 400 والتكويد 150 ده كل حاجة وطبعا زيت وفلتر



خالد حلمى[/QUOTE]

3500 ده شورت بلوك بس ؟؟ يعنش وش وبلوك ب 3500 ؟؟ من غير اي حاجه تانيه ؟؟

ولو سمحت رقم المهندس احمد فتحى وعنوانه بالتفصيل لو امكن "وصفه حلوة كده"

[koko6600]

اه 3500 ده البلوك من غير ادوات التغزية زى الدينامو والكباس الخ بالتركيب 1400 mpi
75 حصان وارد المصنع (ستوك مصنع يعنى زيرو)

رقم المهندس احمد فتحى 01288878784
العنوان من الدائرى هتنزل نزلة المريوطية على شارع اللبينى هتمشى على طول لحد متلقى نفق هو قبل النفق على اليمين اسم المحل ملك الجولف.


خالد حلمى

[ahmad_salama]

اه 3500 ده البلوك من غير ادوات التغزية زى الدينامو والكباس الخ بالتركيب 1400 mpi
75 حصان وارد المصنع (ستوك مصنع يعنى زيرو)

رقم المهندس احمد فتحى 01288878784
العنوان من الدائرى هتنزل نزلة المريوطية على شارع اللبينى هتمشى على طول لحد متلقى نفق هو قبل النفق على اليمين اسم المحل ملك الجولف.


خالد حلمى

شكرا يا باشا ومبروك عليك الماتور الجديد وربنا يستر طريقك يارب :)

[soledad]

الف مبروك على الماتور انا بردو ناوى اعمل زيك ان شاء الله بس ممكن تقولنا التسقيط خد وقت قد ايه وكمان جوده التسقيط والتقفيل وكمان مس كان من الافضل تغبر فتيس

[alzelafy]

ممتاز بس السعر عالى اوى على شورت بلوك

[ehab_mansour]

الف مبروك يا استاذ خالد و ربنا يباركلك فيها
هو السعر عالي شوية و لكن لو حالة الموتور صح الصح يبقي ميغلاش عليه اي فلوس
ولو كان ربنا اكرمك و حطيت فتيسه كمان كنت هتحس بفرق اكبر لكن الحمد لله علي كده
سؤال اخير انت حطيت الموتور ال 8 فالف ولا 18 فالف ؟

[koko6600]

الله يبارك فيك ياستاذ soledad التسقيط بياخد حوالى يومين ثلاثة بالكتير بالنسبة لجودة التقفيل حسب اللى انت بتسقط عنده بالنسبة لى انا شايف التقفيل ممتاز مفيش فرق بين قبل وبعد انصحك بجد لو انت ناوى اتعامل مع المهندس احمد فتحى بالنسبة للفتيس انا مش حاسس باى مشكلة شغال عادى جدا ولو محتاج اى معلومة ابعتلى واكيد هرد عليك.

[koko6600]

استاذ alzelafy انا لفيت كتير جدا فى الحرفيين قبل ما اشترى لقيت اسعار المواتير قبل 98 فى حدود 2000 وده انا مستحيل اركبة طبعا اما من 2000و2001 الاسعار من اول 3500 ومش زى حالة اللى عندى خالص ومن غير تركيب والجولف 4 ب 4000 ده اللى شوفته.

م/ ايهاب ازى حضرتك اتمنى تكون بخير وكل سنة وحضرتك طيب وشكرا على النصيحة هو 1400 8 فالف اللى خلانى اتمسك بالماتور فعلا هى الحالة فوق الممتازة بالنسبة للفتس هو لحد دلوقتى تمام بس ممكن اغيره ادام
شوية عشان الفلوس.

[Karim Ibiza]

استاذ alzelafy انا لفيت كتير جدا فى الحرفيين قبل ما اشترى لقيت اسعار المواتير قبل 98 فى حدود 2000 وده انا مستحيل اركبة طبعا اما من 2000و2001 الاسعار من اول 3500 ومش زى حالة اللى عندى خالص ومن غير تركيب والجولف 4 ب 4000 ده اللى شوفته.

م/ ايهاب ازى حضرتك اتمنى تكون بخير وكل سنة وحضرتك طيب وشكرا على النصيحة هو 1400 8 فالف اللى خلانى اتمسك بالماتور فعلا هى الحالة فوق الممتازة بالنسبة للفتس هو لحد دلوقتى تمام بس ممكن اغيره ادام
شوية عشان الفلوس.

الموتور ده مش 75 حصان, الموتور ده 60 حصان
مفيش موتور ابيزا 8 صباب 75 حصان