سخونة مش مطمنلها

[forpop]

انا مسقط 1400 تمام
وانا مسافر كل ما أجيب 160 القي الحرارة رفعت بين النص وأول الاحمر وتفضل كدة لغاية ما أنزل بسرعة الى 100 : 120 تبدأ ترجع للوضع الطبيعي ده طول سكة السفر علما بأن الحرارة مش بتجيب أول الاحمر حتى لو قفلت 180 تفضل الحرارة كسرة قبل الاحمر ومتدخلش عليه.
دة طبعا والتكييف مش شغال يا ترى السربنتينة ليها دور في حجب الهوا عن الرداتير او ايه السبب . دة أكيد مش طبيعي ؟؟؟؟
طبعا المروحة سرعتين بس الموضوع ده مقلقني أرجو الافادة .
آسف طولت عليكم .

[forpop]

آسف ... السيارة ابيزا 98

[forpop]

ايه ايا ستاوية ............
مفيش حل للمشكلة ولا الموضوع تقيل ؟؟
فين الاعضاء؟؟

[iBiZa]

جرب تنضف دورة التبريد + يغسل الرادياتير و السربنتينة من برة عشان من المشى التراب بيتحشر بين fins المواسير من برة فا بيعوق الهواء انة يعدى و بالتالى يبرد المياة.

[monsif]

عربيه تعبانه

[toto_sh]

عربيه تعبانه
الي تعبها بقى يا منصف بيه ......
ولا انت فاضي ؟؟؟؟؟
فين شرحك للكلمتين دول يا برنس أفندي.
اسمحلي اقوللك ان المشكلة دي مش مشكلة في الابيزا الحرارة تبدأمن النص يعني أما تكسر النص وتكون على 105: 110 متقلقش لأن المروحة هتشتغل على درجة أعلى من الي 90 .
أما لو بتعدي وهتدخل في الاحمر كدة هيكون عندك :
1. هواء القربه أو الدوره فيها هواء .
2. محتاج تنضف الريداتير .
3. هتبص على ضغط الطرمبة وحرارة خرطوم الوارد والخارج ؟ متماثلين
4. فيوز المروحه علية ملوحة (شوائب )فبيأخر المروحة.
5.أخيرا بعد كل المراحل دي لو مضبطش ؟؟؟؟؟ للاسف عندك تنفيث في وش السلندر .
سيبك من ال ......الاخ (الطحون هي الي حمرا يا ....)

[monsif]

رد لذيذ

عربيه تعبانه
الي تعبها بقى يا منصف بيه ......
ولا انت فاضي ؟؟؟؟؟
فين شرحك للكلمتين دول يا برنس أفندي.
اسمحلي اقوللك ان المشكلة دي مش مشكلة في الابيزا الحرارة تبدأمن النص يعني أما تكسر النص وتكون على 105: 110 متقلقش لأن المروحة هتشتغل على درجة أعلى من الي 90 .
أما لو بتعدي وهتدخل في الاحمر كدة هيكون عندك :
1. هواء القربه أو الدوره فيها هواء .
2. محتاج تنضف الريداتير .
3. هتبص على ضغط الطرمبة وحرارة خرطوم الوارد والخارج ؟ متماثلين
4. فيوز المروحه علية ملوحة (شوائب )فبيأخر المروحة.
5.أخيرا بعد كل المراحل دي لو مضبطش ؟؟؟؟؟ للاسف عندك تنفيث في وش السلندر .
سيبك من ال ......الاخ (الطحون هي الي حمرا يا ....)

عربيه تعبانه برضه

[iBiZa]

عربيه تعبانه

لو هاتتكلم باسباب يبقى اهلا وسهلا و نحب نتعلم منك, ممكن بردة تكون عارف حاجة احنا مش عارفينها.

انما تتكلم لغرد الكلام بس و خلاص مش هايبقى شكلك حلو و الناس مش هتقدرك.

احنا هنا بنحترم بعض و بنحاول نساعد بعض فا ياريت متجيش ترمى اى كلام و خلاص.

[monsif]

[quote=iBiZa;338238]لو هاتتكلم باسباب يبقى اهلا وسهلا و نحب نتعلم منك
أنا ده رأيي فيها لو مش عجبك رأيي متبقاش ترد عليه و خلاص
لكن بصراحه العربيه دى أنتوا مدينها أكتر من حقها
يعنى تخش المعرض تلاقى الراجل عمال يقلك فئه معينه بس من الناس هي اللى بتركب سيات ليون محسسنى أنها بورش ما هى عربيه 1600 مش حاجه يعنى غريبه و مفيش منها أوتوماتيك كمان , قولولى الرياضيه ز مش الرياضيه ده على اساس حلاوة الطرق اللى فى مصر

[iBiZa]

ماهو كدة اكيد الراجل اللى فى المعرض عارف حاجة انت مش عارفها.

و مش معنى انها مش عاجباك انها عربية تعبانة.

و مش اللى بيحكم على العربية انها اتوماتيك ولا لأ , انا مش بحب الاتوماتيك و دة راي.

و بعدين اية اللى دخل الLeon فى الموضوع دة ؟؟ الراجل عندة مشكلة و طالب مساعدة.

انا كدة قلت اللى عندى و مش هتكلم تانى.