ناوى اغير الكبالن

[matrix012]

كل سنه وانتو طيبين
زى دلوقتى من سنه تقريبا سئلتكو على الطقطقه لما باجى احود الدريكسيون على الاخر
واهو جيه اوان التغير ( رغم انه متأخر شويه ) قولولى بى اجيب كبالن جديده ولا ادور عليها استيراد والاسعار بتاعتها ايه
ولو فيها رزاله بخصوص الطنابير ( بالمره يعنى ) برده انا كنت عاوز اغيرها وبرده عاوز اصحاب الخبره يولولى على الاسعار وايه الاحسن استيراد ولا جديد
وطل سنه وانتو طيبين برده
وربنا يستر طريقى وطريقكم

[SYD]

بص يا باشا
الأحسن تجيب كوبلن علي بعضه استيراد
وتاخده طبعا علي التجربة
ولو ختجيب راس الكوبلن بس - اعتقد تمشي معانا بتاعة الجولف 2
وهتبقي في حدود ال300 جنيه الكوبلن علي بعضه


بالنسبة للطنابير
هاتها جديدة في حدود 250 - 300

[ahmad_salama]

بص انا لسه مغير الكبالن الخارجيه بتاعة ال 94

لفيت كتير وجبت مايلي الماني من محل في التوفيقيه وكان مكتوب عليها الماني وعلي الكوبلن نفسه مكتوب الماني وكانت ب 450 الجوز من مدني الي في التوفيقيه

بس للاسف بعد كده اي عفشجي او ميكانيكي يشوفها قالي دول صيني

كان موجود صيني في التوفيقيه ب 80 جنيه الكوبلن تقريبا.

ف انا شايف ان تجيب استيراد علي التجربه احسن علشان كل الي في السوق مش مضمون. او تدور علي توكيل مايلي وتجيب منه الجوز في حدود 650 او 700 وبيديك عليهم ضمان سنه كمان. هحاول اشوفلك مكانهم فين بالظبط

[ahmad_salama]

التوبيك ده فيه معلومات عن توكيل مايلي يا سيدي

http://www.nilemotors.net/Nile/27760-meyle-miles-motion.html

[matrix012]

يعنى اتكل على الله وانزل اشوف جوز استيراد
هيا التجربه بتبقى كام يوم وتقريبا مصنعيه العفشجى حوالى كام ؟؟
وطبعا شكرا على الردود

[ehab_mansour]

نصيحة لوجه الله من اخوك
انزل اشتري جوز استيراد يكونو مفكوكين قدامك و اهم شيء تكون قبل فكهم كاوتشة الكوبلن بتاعتهم كانت سليمة لأنها الضمان الوحيد ان الكوبلن بنسبة كبيرة حالته كويسه و سليم لأن الكاوتشة طول ماهي سليمة و مجراش ليها حاجه طول ما الكوبن بحالته و بشحمه

كل الكبالن اللي بتتباع في السوق صيني مهما كتبو عليها و مهما حفرو عليها صنع في المانيا و كن الفرق ان فيه صيني نضيف شوية و فيه صيني نص كم و لكن في الأخر مش بيفرق فبلاش تتعب نفسك و تشتري جديد لأنه مضروب

الطنابير تنزل تشتريها برضه استيراد و اهم شيء تكون محمله يعني فيها تخانه كويسه و يكون سطحها اللي بيمسك عليه التيل ناعم تماما و مافيهوش ريجه ...ريجه يعني مخطط خطوط دائرية و برضه تتفك قدامك من عربية و لو انت شاطر اشتريها بتيل استيراد مفكوك معاها لأنك مش هتلاقي زيه هنا
الطنابير الجديدة برضه اللي في السوق كلها صيني مهما قلتلي مكتوب عليها ايه و مش هتعيش معاك

الميزة في الاستيراد انك بتشتريها حالتها كويسه و ضامن انها اوريجينال يعني الماني اصلي و طبعا خامتها احسن مليون مرة من الصيني

المهم في كل الحاجات دي انك تشوف تاجر امين و يديك قطع استيراد مفكوكه قدامك و تكون حالتها كويسه كما شرحت

[SYD]

نصيحة لوجه الله من اخوك
انزل اشتري جوز استيراد يكونو مفكوكين قدامك و اهم شيء تكون قبل فكهم كاوتشة الكوبلن بتاعتهم كانت سليمة لأنها الضمان الوحيد ان الكوبلن بنسبة كبيرة حالته كويسه و سليم لأن الكاوتشة طول ماهي سليمة و مجراش ليها حاجه طول ما الكوبن بحالته و بشحمه

كل الكبالن اللي بتتباع في السوق صيني مهما كتبو عليها و مهما حفرو عليها صنع في المانيا و كن الفرق ان فيه صيني نضيف شوية و فيه صيني نص كم و لكن في الأخر مش بيفرق فبلاش تتعب نفسك و تشتري جديد لأنه مضروب

الطنابير تنزل تشتريها برضه استيراد و اهم شيء تكون محمله يعني فيها تخانه كويسه و يكون سطحها اللي بيمسك عليه التيل ناعم تماما و مافيهوش ريجه ...ريجه يعني مخطط خطوط دائرية و برضه تتفك قدامك من عربية و لو انت شاطر اشتريها بتيل استيراد مفكوك معاها لأنك مش هتلاقي زيه هنا
الطنابير الجديدة برضه اللي في السوق كلها صيني مهما قلتلي مكتوب عليها ايه و مش هتعيش معاك

الميزة في الاستيراد انك بتشتريها حالتها كويسه و ضامن انها اوريجينال يعني الماني اصلي و طبعا خامتها احسن مليون مرة من الصيني

المهم في كل الحاجات دي انك تشوف تاجر امين و يديك قطع استيراد مفكوكه قدامك و تكون حالتها كويسه كما شرحت

1+

[matrix012]

1+

طبعا مفيش كلام بعد الى المهندس ايهاب بيقوله
احب اقول ان الراجل ده صاحب فضل كبير عليا وانا فعلا بعتبر انى ابقى محظوظ لو اعتبرنى صديق ليه
ربنا يديم المعروف يا باشمهندس
وربنا يستر طريقى وطريقكم