حاجه غريبه بنحصلى

[matrix012]

الحقونى العربيه لما بمشى بيها مشوار صغير وبتبقى سخنه مش بتدور غير لما بتتزق
البطاريه لون الاشاره فيها خضرا
علامة البطاريه بتبقى منوره لما باجى ادور العبربيه
هل ليها علاقه بالاسبراتير ؟؟ ممكن تكون فى حاجه بتهرب الشحن مع العلم انى لما بسيبها تهدى شويه ممكن تدور
الموضوع ده حصل معايا مرتين امبارح وانهاردا
افيدونى افادكم الله

[Eng_Mostafa_89]

لو عندك اسبراتير فى العربية ممكن تكون الكهرباء مأخرة
بس غالبا اللى حضرتك بتقول علية دة جلب المارش عايزة تتغير

[Karim Ibiza]

يعنى فيه صوت مارش ولا مفيش؟؟؟
ولو فيه صوت هل بيعتل؟؟؟
لان ده ليه اسبابه وده ليه اسبابه

[sameh_se]

الموضوع دة عندى المارش صوته بيقطع و متدرش العربية الا لما تتزق او اعمل لها وصلة بطارية
مع العلم انى كشفت على البطارية و الدينامو و كلو تمام بس سعات تدور كويس و سعات مترضاش تدور و بسمع صوت زى صوت تروس فى التابلوة وانا بدور و الساعة بتصفر لانها عندى ديجتال و محدش عارف دا من اية

[ehab_mansour]

مصطفي بيه صاحب الموضوع

ياريت ترد علي اسئلة الرجالة فوق عشان نفهم لأن لو المارش مش بيددور دي مشكلة لوحدها ولو بيدور و مش بيخرج دي مشكلة تانية ولو بيدور و يخرج و يحرك الموتور و مش بتدور يبقي دي مشكلة ثالثة منتظريت تقلنا هي انهي واحده

الموضوع دة عندى المارش صوته بيقطع و متدرش العربية الا لما تتزق او اعمل لها وصلة بطارية
مع العلم انى كشفت على البطارية و الدينامو و كلو تمام بس سعات تدور كويس و سعات مترضاش تدور و بسمع صوت زى صوت تروس فى التابلوة وانا بدور و الساعة بتصفر لانها عندى ديجتال و محدش عارف دا من اية

حضرتك راجع علي أرضي العربية و علي وصلات البطارية و نضفهم كويس و أكد انهم مربوطين كويس

علي فكرة في نقط ارضي كتير في العربية فلو تعرف تراجعها كلها يبقي زي الفل و لكن المتوقع انه يبقي فيه المشكلة هو كابلات البطارية من ناحية البطارية و من ناحية ربطهم و تثبيتهم في جسم العربية و في بقية الوصلات

انا حصلت معايا قبل كده في الابيزا ان الساعة تصفر و الحركات دي
كان سببها ارضي البطارية مش راكب كويس
تصفير العدادات ده معناه انك حاولت تدور و الكهرباء مش واصلة كويس فالجهد سقط لدرجة انه بقي مش مقوم حتي الساعه و العدادات فبيصفرو كده أكنك فصلت البطارية

[matrix012]

يعنى فيه صوت مارش ولا مفيش؟؟؟
ولو فيه صوت هل بيعتل؟؟؟
لان ده ليه اسبابه وده ليه اسبابه

مفيش صوت خالص مجرد تيك ــ واللمبه بتاعت البطاريه منوره هيا وبتاعت لزيت
وانهاردا وانا رايح الشغل العربيه دارت عادى ووقفت فى اشاره روحت مبطل ومدور عادى ولما روحت دورت وبطلب ودورت وعادى
طب لو عملتها فى مره وحلفت انها تبطل ومش تدور اعمل ايه ؟؟
وشكرا

[sameh_se]

التغيير

الموضوع دة عندى المارش صوته بيقطع و متدرش العربية الا لما تتزق او اعمل لها وصلة بطارية
مع العلم انى كشفت على البطارية و الدينامو و كلو تمام بس سعات تدور كويس و سعات مترضاش تدور و بسمع صوت زى صوت تروس فى التابلوة وانا بدور و الساعة بتصفر لانها عندى ديجتال و محدش عارف دا من اية

يا جماعة انا الموضوع الى عندى اتحل بتغيير البطارية لانى اكتشفت ان صباع السالب فى البطارية مكسور من البطارية ودا بيخلى البطارية بتفصل كهرباء .
لما غيرت البطارية كلة اتظبط .
وربنا يستر طريقنا جميعا .

[matrix012]

العربيه بقالى كام يوم بتشتغل عادى جدا بس انهاردا بعد ما رجعت من الشغل وركنت العربيه عادى جدا نزلت بعديها بساعتين تقريبا حلفت براس ابوها مش هتدور يمين شمال مفيش
اللمبه بتاعت البطاريه منوره زى الفل هيا ولمبة الزيت ويدوب المارش بيتكتك انا قولت ان البطاريه نامت مثلا بصيت عليها لقيت لونها اخضر وده كويس وطبعا بصيت على السلكه الى راكبه فى الدينمو (كانت عامله مشكله قبل كده ) لاقيتها متوصله قولت يمكن مهربه فتحت الزجاج الكهربا لقيته بيفتح بسرعه وشغال عادى جدا
قولت مبدهاش بقى اديها زقه يدوب عيلين صغيرين حطو ايدهم على العربيه واتحركت عجله واحده رميت اشتغل زى الفل
بطلت ودورت تانى وانا فى مكانى دارت عادى ولا كأن فى حاجه
مع العلم ان البطاريه لسه جديده وكشفت عليها هيا والدينمو 100 فل و 14
يمكن طالعه من رمضان مهيسه بسبب الصيام !!
افيدونى افادكم الله

[egman]

اكشف على المارش يا باشا

[SYD]

بس جرب كدة تجربة

لو فرضنا وهيست تاني معاك

اديها وانت مبطل طبعاً
اديها اولاني في تاني اولاني في تاني كام مرة كدة ورا بعض بسرعة
ودور

لو دارت
يبقي عيب ترس في المارش اسمه ترس بندكس

[ehab_mansour]

طبعا الرجالة فوق قالو حل مناسب و محتمل و لكن فيه حل تاني ان ممكن فبرة الكونتاكت تكون بتعلق و لكن الاحتمال الأقوي ان المارش محتاج يتفك و يتنضف و يتغير الشاربون بتاعه

[matrix012]

طبعا الرجالة فوق قالو حل مناسب و محتمل و لكن فيه حل تاني ان ممكن فبرة الكونتاكت تكون بتعلق و لكن الاحتمال الأقوي ان المارش محتاج يتفك و يتنضف و يتغير الشاربون بتاعه

يعنى استنى الكهربائيه لما تفتح يوم الاتنين الى جاى واروح اخلى الكهربائى يبصلى على المارش ؟؟

[SYD]

ها يا باشا عملت ايه ؟؟
والعيب طلع من ايه ؟؟
ياريت تطمنا

[matrix012]

ايه ده هوا انا من ساعتها مقولتش عملت ايه معلش حقكو عليا
انا بكل بساطه روحت للكهربائى فك المارش بعد ما قولتله على الى بيحصل وفى حتيتين حديد جده طالعين من راح مسنفرهم علشان كانو مأكسدين رغم انى شايفهم عادى مفيهمش اى حاجه
المهم ركب زى ماكانت والحمد لله العربيه شغاله وبتدور عادى جدا
ومعلش تانى مره علشان مردتش وقفلت الموضوع
وشكرا يا عم ابو السيد على اهتمامك

[SYD]

بصراحة يا مصطفي انت لو دورت ورا موضوعاتك هتلاقيها اغلبها بهذا الشكل
ياريت تراجع موضوعاتك القديمة كلها - وتقولنا عملت ايه فيها للأهمية

وشكرا لتجاوبك وسرعة ردك