إعـــــــلان

Collapse

.

,
See more
See less

حكاية جحا العبيط مع الابيزا

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    حكاية جحا العبيط مع الابيزا

    انا يا حضرات الافاضل عاوز احكيلكم حكاية جحا العبيط مع الابيزا
    كنت عايش في امان الله لحد ما اتخبطت في راسي و جبت ابيزا سيستم بورش موديل 93
    فرحت عربية رياضية و حالتها كويسة جدا طلعت جربت العربية جبت بيها 185 كيلو متر في الساعة و كان لسه فيها تاني
    المهم روحت و نمت و شخرت و تاني يوم حصلت المفاجاة
    طبعا عاوزين تعرفوا ايه اللي حصل ؟؟؟
    انا اقولكم
    دورت و طلعت الصبح شوية و لقيت العربية مابتقبلش مني اي حاجة ركنت علي جنب و ادوس بنزين مافيش اي قبول من العربية
    الار بي ام واقف علي واحد سلانسيه و بس ادوس بنزين مافيش فايدة و بعد شوية اشتغلت قلت يبقي كان في شوائب في البنزين
    المهمحصلت كتير كل مشوار ييجي 5 او 6 مرات
    و بعد كام يوم ابتدت تبطل و انا ماشي علي 120 او 130
    تبطل و ادور و هي ماشية تدور
    اتجننت اتصلت بالتوكيل و ما ادراك ما التوكيل
    عاوزين تعرفوا ايه الحصل طبعا ؟؟؟
    التوكيل ردوا علي قالولي مابنشتغلش في العربيات اللي قبل موديل 2000 ؟؟؟؟؟؟؟؟؟؟؟؟
    تصدقوااااااااااااااااااااااااااااااااااااااااااااا اا
    المهم طيب اجي منين اروح لمين المهندس قاللي روح لورشة في الماظة المهم اداني الرقم اتصلت قالولي انهم مابيشتغلوش فيها اتصلت بالمهندس تاني قالي يبقي عليك و علي الحرفيين رحت عند سيد جولف فك فيشة الحساس اللي علي الشكمان العيب راح اي و الله حتة حساس طلع عيني 22 يوم و صرفت ييجي الف جنية علي افكار الميكانيكية
    المهم ماطولشي عليك نخش علي اللي بعدة تاني يوم ماصلحت العيب الاول
    العربية تقطع و تنتش مني و تفصل بنزين و توطي و تعللي براحتها زي مراجيح مولد النبي
    اير ماس ؟؟؟؟؟؟؟ لا طبعا لاني نزلت جبته استيراد اول ما الميكانيكية العباقرة قالولي ممكن يكون هو العيب بكل ثقة
    المم دفعت 450 جنية مصري فقط لا غير عند صاحبنا محمد كرنك في الوكالة علي اساس انه ملك الابيزا السيستم بورش و مافيش حد عنده قطع غيارها في الدنيا غيره
    المهم
    غيرت الاير ماس و غيرت فلتر هوا و غيرت البوجيهات و الاسلاك
    ثم انطلقت بالشبح الجبار المسمي بالابيزا
    استنوا ماتمشوش دي كانت البداية بس
    اما اللي حصل بعد كده لا ينكتب و لا ينقرا علي راي ستي الله يرحمها
    تاني يوم يا حضرات لقيت نفسي بقدرة قادر باركب الحيطان و انزل سابع ارض و العربية بتنطط زي البرغوت
    المهم الباقرة قالوا طرمبة بنزين طبعا و لان اللي عاوز الدح ما................
    اشتريت و دفع 500 جنيه و انا زي الجذمة
    ماعلينا طلعت بالشبح المسمي ابيزا سيستم بورش و بعد يومين يا حضرات الافاضل لقيت الدنا بتتشال و تتحط و سحب سوداء و تبطيل و جعير و كدمات علي خدي الايسر رحت للخبراء في مجال الصوارخ عابرة القارات طبعا اكتشفوا ان كل اللي فات كان مالوش لازمة و العيب في الرشاشات
    و طبعا لان اللي عاوز الدح ما .......................
    اشتريت طقم الرشاشات و دفعت فيه سعر مناسب جدا لطقم رشاشات طيارة حربية ميج 35 400 جنية مصري فقط لا غير
    المهم يا سادة انطلقت كالعادة بالشبح المسمي بالايبيزا سيستم بورش
    تاني يوم نفس المواضيع مش موضوع واحد و بس كله بيحصل في نفس الوقت و انا ماشي مراجيح جعير تسقيف تنطيط لدرجة اني فكرت اانتقم من العربية دي و اسوقها علي 200 و اسيبها و انط عشان تدخل في شجرة بس بصراحة خفت اتعور
    المهم رحنا جبنا كاربراتير بسعر رخيص جدا يادووب يكفي تمن لكاربراتير قطر من الفرنساوي الي تذكرتة لحد اسكندرية 600 جنيه مش واخدين بالكم معايا 600 جنيه
    و اهوه النهاردة العربية مرمية عند الميكانيكي و بكرة هايركب الكاربراتير بدل الانجكشن و هانشوف
    دي حكايتي لحد دلوقتي مع الابيزا يا حضرات و طبعا بخلاف العفشة اللي باظت بعد يومين من تعريض الجنوط و الريحة الزفت اللي بتطلع علي الصالون لما باقرص علي العربية
    و الانوار اللي بتشتغل بمزاجها و العدادات اللي بتفصل و تشتغل لدرجة اني حسيت ان العربية دي صاحبها كان من كفار قريش و حاطط تعويذة علي العربية
    اما التوكيل بصراحة ...........................................ممتاز بيشتغل في اللي بعد 2000 بس علي اساس اللي قبل كده عربيات مش قد المقام و اصحابها ولاد ستين كلب لازم يصرفوا برة الافات و يتبهدلوا مع كل صنايعي شوية و عشانا عيك يا رب و حسبي الله و نعم الوكيل في ابيزا و شركتها و توكيلها و اللي بيبيع قطع غيارها و اللي بيشتغل فيها كمان
    دي حكاية حجا العبيط و الابيزا
    الكلمات الدلالية (Tags): 1600, 20, 2008, 316, 40, 400, 50, ابن, ابيزا, اركب, اسكندرية, اسلاك, الابيزا, البنزين, التو, التوكيل, العبيط, اللانسر, اللي, الي, ايبيزا, بكرة, بنزين, بيع, تجديد, تغيير, توكيل, جدا, جنوط, جولف, حرب, حساس, حساسات, حكاية, حكومة, خدمة, رشاشات, رياضية, زيت, سعر, سعر مناسب, سكندرية, سيات ابيزا, سيارات, سيارة, شارك, شكمان, صالون, طريقة, طنابير, عداد, عدادات, عدة, عربية, عرض, عفشة, عفشه, عمرة, عن, عيوب, غالية, غيار, فرامل, فلتر, فولكس, في, فيات, فيشة, قطع, قطع الغيار, قطع غيار, كرنك, كل, كونترول, للبيع, مرسيدس, مساعدين, مصر, مع, من, مواضيع, موتور, موديل, مين, نواكل, نوبيرا, هي, ورش, ورشة, وكيل
  • #2
    أقولك بيعها ومتنساش تقول لصاحبها الجديد على مشاكلها
    لأن واضح انك اشتريت عربية مهانة لأقصى الحدود

    وابعد عن الماركة دي وهات أي ماركة تانية علشان شكلك قفلت منها .
    وبالتوفيق

    ملحوظة
    محدش يشتري أي عربية أوروبي إلا لما يفحصها مرة واتنين وعشرة ومليون وبالذات إذا كانت من شاب .

    Thanks
    Eng.Sherif Shaker
    [COLOR=orange]1Turbo , 2 liters, 3 Diamonds and 4 Cylinders = 400 Hp Evo[/COLOR]
    [RIGHT][COLOR=orange][SIZE=4][COLOR=#0000ff][URL]http://www.shbab1.com/2minutes.htm[/URL][/COLOR][/SIZE][/COLOR][/RIGHT]
    [SIZE=6][COLOR=black]سبحان الله وبحمده سبحان الله العظيم [/COLOR][/SIZE]
    [SIGPIC][/SIGPIC]

    Comment

    • #3
      الف شكر يا استاذ سابو

      المشكلة اني اشتريتها كانت كويسة جدا لمده كام يوم و بعدين واخدها غالية جدا و صرفت عليها كتير و لو بعتها هاخسر اوي اوي يللا نصيب

      Comment

      • #4
        ياباشا عادى بس بجد انا اتلخبط هيا اسمها فيات ابيزا ولا سيات ابيزا مقصدش اتريق
        م/ احمـد عـزت

        Comment

        • #5
          و لا يهمك

          هي سيات ابيزا بس المفروض انها تقربا كل حاجة فيها فيات ماعدا الموتور اللي خلاني هاطلع من هدومي و ماحدش بيفهم فيه اي حاجة و الله في مصر كلها

          Comment

          • #6
            أقولك أيه بس؟ أنا لسه شايف عربية توليدو 94 استيراد من ألمانيا من 3 شهور و قعدوا يحكوا عنها حكايااااااات.
            لما ركبتها و جربتها لقيتها متهانة جامد و حتي الموتور مش بتاعها (حطين موتور أودي 1600)!!! و بعد مشوار 10 دقائق باريح كده على الكبوت لقيته مولع نااااااااار !!
            [FONT=Tahoma][COLOR=DarkRed][B][SIZE=4][SIZE=2][COLOR=Indigo]محمد أبو السعود[/COLOR][/SIZE][/SIZE][/B][/COLOR][/FONT]
            [FONT=Tahoma][COLOR=DarkRed][B][SIZE=4][SIZE=2][COLOR=Indigo]
            [/COLOR][/SIZE][SIZE=2][COLOR=Indigo]مهندس اتصالات[/COLOR][/SIZE]
            [SIZE=3]
            آه يا[/SIZE][SIZE=3][SIZE=4] بلد[/SIZE] ... عاوزه [/SIZE][SIZE=3][SIZE=4]ولد[/SIZE][/SIZE][/SIZE][/B][/COLOR][/FONT]

            Comment

            • #7
              انا عندي الحل

              عارف الحل ايه يا باشا و الله العظيم ان الواحد مايركبش عربيات خالص في البلد دي
              لا قطع غيار و لا حد بيفه و لا حكومة بتقدر و لا بنزين عدل و لا شوارع و لا اي حاجة
              اقولك كنت امبارح باكلم واحدة علي النت من كندا عارف قالتلي ايه ؟؟
              معاها مازدا 626 موديل 2003 الفتيس بتاعها اتكسر فيه ترس عارف عارضاها للبيع بكام ؟؟؟؟؟؟؟؟؟؟؟؟؟؟
              500 دولار اي و الله انا عملت زيك كده و بلمت
              ببلاش يعني و قال ايه الناس شايفة انها غالية ؟؟؟؟؟؟؟؟؟؟؟
              مش ييجوا يشوفوا البلد اللي بتبيع العربيات بوزنها دهب و بتوع قطع الغيار اللي ناقص يوزنوا الحتة اللي هايدوهالك و يطلبوا بوزنها جواهر و الماظ حسبي الله و نعم الوكيل

              Comment

              • #8
                المشاركة الأصلية كتبت بواسطة spiderex777 مشاهدة المشاركة
                هي سيات ابيزا بس المفروض انها تقربا كل حاجة فيها فيات ماعدا الموتور اللي خلاني هاطلع من هدومي و ماحدش بيفهم فيه اي حاجة و الله في مصر كلها


                فى الاول انا قولت انا دخلت فيات ولا سيات " وبصيت على اسم المنتدى 3 مرات والله " قولت يمكن عنيه مزغلله .
                انا لسه بضحك لغايه دلوقتى من طريقتك الى انتا كاتب بيها الموضوع " بس بأمانه انا حاسس بيك والله " الله يكون فى عونك , سعات بيحصل عيوب غير مفهومه وساعات بتروح لوحديها !!! .

                بس انا شايف ان حضرتك غلطان من الاول , المفروض تكشف على العربيه كويس , ولما حصلت اول مشكله ماتروحش عند اى حد وتغير كل حاجه وتدفع المبالغ الماهوله الى انتا دفعتها " الفلوس ديه تجيب موتور جديد " .

                وبعدين ازاى العربيه تكون نازله انجكشن وتغير وتجيب كربراتير !!! طيب ايه المشكله الى حتتحل بتركيب الكربراتير ومتحللتش بتركيب طقم الرشاشات ؟؟؟؟؟

                حضرتك المفروض كنت تفتح الموضوع فى منتدى سيات واكيد كنت حتلاقى ناس تساعدك وتدلك على ميكانيكين بيفهمو فى العربيه " بطبيعه الحال لانهم بيمتلكو سيات و اكيد عارفين الناس الى بيفهمو فيها " .

                عموما الله يعينك . بس نصيحه ماتصرفش عليها اكتر من كده .و الى حتدخل فى المحيط وحتغرق .

                Comment

                • #9
                  حلوة 500 دولار دي :) :) :)
                  [FONT=Tahoma][COLOR=DarkRed][B][SIZE=4][SIZE=2][COLOR=Indigo]محمد أبو السعود[/COLOR][/SIZE][/SIZE][/B][/COLOR][/FONT]
                  [FONT=Tahoma][COLOR=DarkRed][B][SIZE=4][SIZE=2][COLOR=Indigo]
                  [/COLOR][/SIZE][SIZE=2][COLOR=Indigo]مهندس اتصالات[/COLOR][/SIZE]
                  [SIZE=3]
                  آه يا[/SIZE][SIZE=3][SIZE=4] بلد[/SIZE] ... عاوزه [/SIZE][SIZE=3][SIZE=4]ولد[/SIZE][/SIZE][/SIZE][/B][/COLOR][/FONT]

                  Comment

                  • #10
                    اغرق ؟؟؟؟؟؟؟؟؟؟؟

                    انت بتقول فيها انا خلاص علي وشك ان مراتي هاتطلب الطلاق من كتر الفلوس اللي بتتصرف و لانها متاكدة اني متجوز عليها و باروح لمراتي التانية و مش مصدقة اني بابقي عند الميكانيكي او الكهربائي طول النهار حتي فاكرة اني باعوص ايدي شحم قبل ما اطلع عشان تبقي حجة

                    Comment

                    • #11
                      المشاركة الأصلية كتبت بواسطة spiderex777 مشاهدة المشاركة
                      انت بتقول فيها انا خلاص علي وشك ان مراتي هاتطلب الطلاق من كتر الفلوس اللي بتتصرف و لانها متاكدة اني متجوز عليها و باروح لمراتي التانية و مش مصدقة اني بابقي عند الميكانيكي او الكهربائي طول النهار حتي فاكرة اني باعوص ايدي شحم قبل ما اطلع عشان تبقي حجة
                      انتا حتخلينى اصحى البيت من كتر الضحك والله .

                      معلش يا باشا انتا نصيبك جه كده بس حاول تخلص منها " انتا كمان متزوج " ماينفعش تفتح بيتين فى وقت واحد .
                      عموما شوف العيب حيروح ولا لا مع التغير للكربراتير " بس خلى كل قطعه غيار معاك " اوعى تسيب حاجه للميكانيكى . لو العيب ماراحش ركب الرشاشات تانى ورجع الكربراتير .

                      ان شاء الله خير .

                      Comment

                      • #12
                        و علي ايه الدوخه دي كلها تغيير و فك و تركيب
                        المشكله ممكن تكون بسيطه جدا
                        انزل الحرفيين عند حد كويس و اكيد حتلاقي حد شغال في الموديل دا اوعي
                        تعمل العمله دي و تغير لكاربيراتير و تلغي الكونترول يونت
                        دا موال يا راجل.

                        Comment

                        • #13
                          انا شامم ريحة خناقه جديده !!!
                          .....................................

                          المهم...طب حضرتك دلوقتى ما وضحتلناش ايه اللى بيحصل معاك بالظبط
                          ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

                          Comment

                          • #14
                            loooooooooooooooooooooooooooool

                            بصراحة انا اسف بس مش قادر امسك نفسي من الضحك :)

                            ربنا معاك .. انا شايف اني دي احسن حاجة تبيعها و تجيب حاجة تانية :)

                            و بعدين قطع الغيارة غالية جدا جدا جدا علي سيارة بقالها 15 سنة !!!!

                            Comment

                            • #15
                              ماليش دعوة بالتفاصيل بس الأسلوب :

                              [CENTER][aldl]http://www.jewelsf.com/up/uploads/542f6eee3a.gif[/aldl]
                              [/CENTER]
                              [CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
                              [CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
                              [CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
                              [/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]

                              Comment

                              السابق 1 2 3 template التالي
                              Working...
                              X