مين المسئول؟؟

[Karim Ibiza]

صباح الفل يارجالة

زمان من شهر كده ولا حاجة لما كنت بدور العربية الصبح كان ال rpm بيكون على 11 ولما توصل لدرجة حرارة التشغيل كان ينزل ل 9 بس دلوقتى مبقتش بتعمل كده يعنى على طول على 9 rpm صبح وليل سخنة وباردة.

المهم انا عملت حاجات كتيرة فى العربية جايز يكون ليها علاقة او حتى لو ملهاش علاقة

غيرت فلتر البنزين (بنفسى) (الحمد لله ربنا ستر)
ظبطت الاسبراتير وصنفرت الاطراف النحاس من جوه والنحاسة اللى على وش الشاكوش وبصيت على الكابلات (بنفسى)
نضفت طرمبة البنزين (بنفسى) (الحمد لله برده ربنا ستر)
غيرت الحساس اللى فى المنافول (مش عارف اسمه ايه) وغيرت الفيشة بتاعته (بنفسى)
بدلت البوابة ببتاعت الموتور القديم وبعدين رجعت بتاعتى تانى ونضفتها عشان ملقيتش فرق (بنفسى)
غيرت فلتر الهواء (بنفسى)

وبعدين فيه حاجة تانية بتحصل مش عارف اذا كان ليها علاقة ولا لأ

لما بطلع على الغيار الاول جامد شوية من الثبات الموتور بيوطى وال rpm بينزل ل 5 للحظة وبعدين بتطير بس طلعتها ضعيفة ومش عفية (بحس ان روحها بتروح للحظة)

برده فيه حاجة تانية لما بكون ماشى مثلا على الغيار الثانى وال rpm على 3 واشيل رجلى من على البنزين من غير ما أدوس دبرياج بلاقيها بتنخع وبحس ان الفتيس هيتخلع من مكانه بس انا شاكك ان السبب ده يكون من بووش فى الاسكترا

مستنى ردودكم

وشكرا

[SYD]

جرب تشيل فيشة حساس الحرارة وشوف تأثيرها علي الأر بي أم والعربية باردة
لو مفيش اي فرق يبقي حساس الحرارة عندك بايظ

حساس الحرارة دة موجود علي يمين فرق الشكمان
هتلاقيه فيشه باربع فرد سلك

[ehab_mansour]

أولا :-
سرعة السلانسيه للمحرك في الصباح او في بداية تشغيل المحرك وهو بارد و كذلك و هو سخن بيتحكم فيها او بيأثر عليها تقريبا كل حساسات المحرك (حساس المانيفول + حساس الشكمان + حساس الحرارة + حساس الأسبراتير + حساس الكرنك ) كل دول بيعطو اشارات بقيم معينه و بناء عليها بيقوم الكنترول بارسال اشارة للبوابة عشان تفتح بمقدار سلانسيه معين
لذلك المفروض انك تكشف عليها كمبيوتر عشان تتأكد فين المشكلة لأنك ممكن تغير حاجه معينه و برده متتحلش المشكلة و لكن أعتقد الحل هيكون في النقطة التالية بناء علي كلامك ...

ثانيا :-
انت بتقول ان العربية ضعيفة في الطلعه يعني اكنها مش قادرة تطلع علي ار بي ام قليل تمام أعتقد ان ده عيب حاجه من اتنين يا حساس المانيفول و انت بتقول انك غيرته يا حساس الكرنك و ده سهل انك تشوفه و تغيره بنفسك بردو
لذلك اعتقد ان حساس المانيفول لما يتغير او يتنظف ب wd40 او ببنزين هيحل مشكتك الأولي و الثانية

ثالثا :
لو مؤشر الحرارة قدامك مضبوط يبقي حساس الحرارة سليم لأنه جزئين جزء منه بيشغل العدادات قدامك و بيعطيك درجة حرارة مياة تبريد المحرك و الثاني بيعطي نفس درجة الحرارة و لكن للكنترول

رابعا :
موضوع النتشه او احساسك بان الفتيس هيتخلع دي سببها شوية حاجات منها
قواعد الموتور محتاجه تتربط او تتغير و خاصة القاعدة الأمامية للمحرك
استهلاك طبيعي لألات الجر في العربية من كبالن و أجزاء فتيس و غيره
ضعف في طقم الديسك و الاسطوانة
و رأيي انك تبص فقط علي قواعد الموتور و كبر دماغك من الباقي و تعايش حتي تظهر مشكلة اكبر

و الله المستعان و الموفق

[Karim Ibiza]

جرب تشيل فيشة حساس الحرارة وشوف تأثيرها علي الأر بي أم والعربية باردة
لو مفيش اي فرق يبقي حساس الحرارة عندك بايظ

حساس الحرارة دة موجود علي يمين فرق الشكمان
هتلاقيه فيشه باربع فرد سلك

انا شلت الفيشة وانا بدور الصبح بس العربية مدارتش غير لما ركبت الفيشة تانى
معتقدش ان الحساس ده فيه مشكلة لانى لسه مغيره بسبب مشكلة تهييس امبير الحرارة لو حضرتك فاكرها

[Karim Ibiza]

أولا :-
سرعة السلانسيه للمحرك في الصباح او في بداية تشغيل المحرك وهو بارد و كذلك و هو سخن بيتحكم فيها او بيأثر عليها تقريبا كل حساسات المحرك (حساس المانيفول + حساس الشكمان + حساس الحرارة + حساس الأسبراتير + حساس الكرنك ) كل دول بيعطو اشارات بقيم معينه و بناء عليها بيقوم الكنترول بارسال اشارة للبوابة عشان تفتح بمقدار سلانسيه معين
لذلك المفروض انك تكشف عليها كمبيوتر عشان تتأكد فين المشكلة لأنك ممكن تغير حاجه معينه و برده متتحلش المشكلة و لكن أعتقد الحل هيكون في النقطة التالية بناء علي كلامك ...

ده كده الموضوع كبير وفعلا لازم كشف كمبيوتر

ثانيا :-
انت بتقول ان العربية ضعيفة في الطلعه يعني اكنها مش قادرة تطلع علي ار بي ام قليل تمام أعتقد ان ده عيب حاجه من اتنين يا حساس المانيفول و انت بتقول انك غيرته يا حساس الكرنك و ده سهل انك تشوفه و تغيره بنفسك بردو
لذلك اعتقد ان حساس المانيفول لما يتغير او يتنظف ب wd40 او ببنزين هيحل مشكتك الأولي و الثانية

هبص على حساس الكرنك وهغيره باللى كان فى موتورى القديم, بس هو فين مكانه بالظبط؟؟؟ وهل ليه علاقة بالسرعة القصوى للعربية لأنها بتجيب ال 150 بالعافية ومش بتعديهم؟؟؟ انا اول لما بنقل على الغيار الخامس بتمووووت ومفيش عزم مع انى بكون مشبع الغيار الرابع وجايب بيه 140

ثالثا :
لو مؤشر الحرارة قدامك مضبوط يبقي حساس الحرارة سليم لأنه جزئين جزء منه بيشغل العدادات قدامك و بيعطيك درجة حرارة مياة تبريد المحرك و الثاني بيعطي نفس درجة الحرارة و لكن للكنترول

حساس الحرارة سليم بس انا كان عندى مشكلة ان المروحة بتشتغل كتير على السرعة العالية والامبير مش بيعدى النص وكنت فاكر ان الثرموستات ممكن يكون افش بس اكتشفت ان ثرموستات الكوعة متشالة منها اصلا

رابعا :
موضوع النتشه او احساسك بان الفتيس هيتخلع دي سببها شوية حاجات منها
قواعد الموتور محتاجه تتربط او تتغير و خاصة القاعدة الأمامية للمحرك
استهلاك طبيعي لألات الجر في العربية من كبالن و أجزاء فتيس و غيره
ضعف في طقم الديسك و الاسطوانة
و رأيي انك تبص فقط علي قواعد الموتور و كبر دماغك من الباقي و تعايش حتي تظهر مشكلة اكبر

هى فى الغالب هتكون قواعد موتور

و الله المستعان و الموفق

جزاك الله كل خير على المعلومات المفيدة دى

[SYD]

انا شلت الفيشة وانا بدور الصبح بس العربية مدارتش غير لما ركبت الفيشة تانى
معتقدش ان الحساس ده فيه مشكلة لانى لسه مغيره بسبب مشكلة تهييس امبير الحرارة لو حضرتك فاكرها

هو حضرتك شيلت انهي فيشة ؟؟؟
فيشة حساس الحرارة مالهاش اي علاقة بالدوارة والعربية بتدور من غيرها عادي جدا بس كل ماهو نالك الأمبير مش هيقرا معاك

[ehab_mansour]

جزاك الله كل خير على المعلومات المفيدة دى

اهم قاعدة و اللي بتعمل مشكلة دايما و بتتلف بسرعه هي القاعدة الأمامية لأن هي اللي عليها الشد كله
فبص عليها الاول و الاتنين الخلفيين يبقي صعب انهم يوظو بس برضه شيك عليهم

حساس الكرنك اللي اعرفه انه ناحية صدر العربية لكن فين بالضبط معرفش لأني مفكتهوش قبل كده
حاول كده تدور عليه و شوفه و تابع المشكلة طالما بتعرف تعمل بنفسك و احنا معاك و ربنا المستعان

[Karim Ibiza]

هو حضرتك شيلت انهي فيشة ؟؟؟
فيشة حساس الحرارة مالهاش اي علاقة بالدوارة والعربية بتدور من غيرها عادي جدا بس كل ماهو نالك الأمبير مش هيقرا معاك

انا فعلا استغربت لما ده حصل!!!! طيب هى عربيتك بتدور عادى؟؟؟
انا متأكد انها فيشة حساس الحرارة لأن الامبير متحركش + انى لسه مغير الحساس ده بنفسى من فترة قريبة

[Karim Ibiza]

اهم قاعدة و اللي بتعمل مشكلة دايما و بتتلف بسرعه هي القاعدة الأمامية لأن هي اللي عليها الشد كله
فبص عليها الاول و الاتنين الخلفيين يبقي صعب انهم يوظو بس برضه شيك عليهم

حساس الكرنك اللي اعرفه انه ناحية صدر العربية لكن فين بالضبط معرفش لأني مفكتهوش قبل كده
حاول كده تدور عليه و شوفه و تابع المشكلة طالما بتعرف تعمل بنفسك و احنا معاك و ربنا المستعان

هشوف مكانه فين وهغيره وهقولك على التطورات وربنا يسهل الحال

[فادى محمد]

السلام عليكم ورحمه الله وبركاته الاول..
هو حساس الحراره اللي تقصدوه هو الكولانت ؟؟
لان عندنا في الاوبل حساس الحراره مسؤل بس عن حركه امبير الحراره اما الكولانت سينسور او حساس الحراره بيساهم في حجات كتير منها سهوله الدواره الصبح وكميه البنزين اللي بتتضخ من الرشاشات وتحسه حساس هاي وعبيط (لو العربيه بتاكل بنزين وفي دخان اسود من الشكمان يبقي هو) انما بره بيسموه في كتب الصيانهmaster sensor لو ده اللي عندك فكه وصنفر طرفه النحاس هيحسن الاداء

[SYD]

انا فعلا استغربت لما ده حصل!!!! طيب هى عربيتك بتدور عادى؟؟؟
انا متأكد انها فيشة حساس الحرارة لأن الامبير متحركش + انى لسه مغير الحساس ده بنفسى من فترة قريبة

بالفعل عربيتي بتدور عادي من غير فيشة حساس الحرارة

السلام عليكم ورحمه الله وبركاته الاول..
هو حساس الحراره اللي تقصدوه هو الكولانت ؟؟
لان عندنا في الاوبل حساس الحراره مسؤل بس عن حركه امبير الحراره اما الكولانت سينسور او حساس الحراره بيساهم في حجات كتير منها سهوله الدواره الصبح وكميه البنزين اللي بتتضخ من الرشاشات وتحسه حساس هاي وعبيط (لو العربيه بتاكل بنزين وفي دخان اسود من الشكمان يبقي هو) انما بره بيسموه في كتب الصيانهmaster sensor لو ده اللي عندك فكه وصنفر طرفه النحاس هيحسن الاداء

وعليكم السلام ورحمة الله وبركاته
احنا عندنا الحساس الحرارة له 4 فرد سلك 2 منهم للأمبير في الطابلوه والأتنين التانيين بيروحوا للكنترول يدولوا الحرارة وبناء عليه بيرفع الأر بي ام لما تكون العربية باردة
واعتقد كان ليه علاقة برفع الأر بي ام بردو لما تشغل التكييف بس مش عارف ازاي

تحياتي

[ehab_mansour]

بالفعل عربيتي بتدور عادي من غير فيشة حساس الحرارة



وعليكم السلام ورحمة الله وبركاته
احنا عندنا الحساس الحرارة له 4 فرد سلك 2 منهم للأمبير في الطابلوه والأتنين التانيين بيروحوا للكنترول يدولوا الحرارة وبناء عليه بيرفع الأر بي ام لما تكون العربية باردة
واعتقد كان ليه علاقة برفع الأر بي ام بردو لما تشغل التكييف بس مش عارف ازاي

تحياتي

تمام يا هندسة لكن بخصوص التكييف فهو ليس له اي علاقة بالتكييف .... اللي بيرفع الأر بي ام مع تشغيل التكييف هو اشارة تشغيل الكباس اول لما بيحس بيها الكنترول بيعطي اشارة للوابة تفتح زيادة شوية و العكس بالعكس لما تفصله بيرجع حالة البوابة للسلانسيه العادي

[SYD]

تمام يا هندسة لكن بخصوص التكييف فهو ليس له اي علاقة بالتكييف .... اللي بيرفع الأر بي ام مع تشغيل التكييف هو اشارة تشغيل الكباس اول لما بيحس بيها الكنترول بيعطي اشارة للوابة تفتح زيادة شوية و العكس بالعكس لما تفصله بيرجع حالة البوابة للسلانسيه العادي

بص يا باشا المسؤول عن رفع الأر بي ام عند تشغيل التكييف حاجتين
جزء الكتروني واخر ميكانيكي
الكلام الي حضرتك قولته دة الميكانيكي - فاضل الألكتروني ودة اللي انا مش عارفه

[ehab_mansour]

بص يا باشا المسؤول عن رفع الأر بي ام عند تشغيل التكييف حاجتين
جزء الكتروني واخر ميكانيكي
الكلام الي حضرتك قولته دة الميكانيكي - فاضل الألكتروني ودة اللي انا مش عارفه

هو فين الميكانيكا دي يا هندسة الكلام كله كهربي

تمام يا هندسة لكن بخصوص التكييف فهو ليس له اي علاقة بالتكييف .... اللي بيرفع الأر بي ام مع تشغيل التكييف هو اشارة تشغيل الكباس اول لما بيحس بيها الكنترول بيعطي اشارة للوابة تفتح زيادة شوية و العكس بالعكس لما تفصله بيرجع حالة البوابة للسلانسيه العادي

فين بقه الميكانيكا هنا

[SYD]

هو فين الميكانيكا دي يا هندسة الكلام كله كهربي



فين بقه الميكانيكا هنا

صديقى محمد
فى الاول انا بشكرك على متابعتك و مشاركتك و بشكر كل الاصدقاء محبى السيات و الفولكس (علشان هما اخوات:ta_clap[1]:) اللى شاركو و اتمنى منهم انهم يشاركونا ارائهم و خبراتهم
بص انا عاوزك تدينى معلومات اكتر عن الموضوع و عن التكييف نفسه هل هو الاصلى و لا انت مركبه و هل العربيه من غير التكييف مظبوطه و لا لاء و هل بتكون مظبوطه و تشغل التكييف و تلخبط و هل وهى ماشيه بتلخبط و لا و انت واقف فى اشاره بتعمل كده
انا عاوزك توصفلى ايه اللى بيحص بالظبط و العربيه دايره من غير تكييف و بتكييف




و عموما انا هحاول اشرحلك بعض الاسباب اللى بتسبب الاعراض دى ويمكن تكون واحده من الاسباب

1. لو التكييف اصلى بيكون عيب اللخبطه بسبب حساس الحراره (عيب شائع)ده لو العيب بيظهر وانت وافق فى اشاره و مشغله مثلاً
2. لو التكييف اصلى ممكن يكون الكباس بتاع التكييف فيه عطل وده تصليحه بيكلف شويه يمكن فى حدود 600 جم لان النظريه اللى متصمم بيها الكباس الاصلى انه ما بيفصلش زى العربيات اليابانى و الكورى فيه حساس راكب داخل الكباس بيغير احماله طبقاً للظروف
3. لو التكييف مش اصلى ممكن يكون من الكباس برده انه يكون اكبر من الموتور بتاع العربيه لان موتور ال1000 محتاج كباس مخصوص
4. لو التكييف مش اصلى يبقى مش متوصل بالكنترول يونت بتاع العربيه و بالتالى الموتور مش بيعلى كفايه علشان يشغل التكييف بيعتمد بس على وحده ضبط الموتر الاليه ودى مش كفايه
5. اخيراً ان يكون الموتور محتاج صيانه او بوجيهات او اسلاك بوجيهات

ممكن يكون عندك سبب او مجموعه اسباب من اللى فوق


اتمنى اكون قدرت افيدك فى حدود معلوماتى
مع تحياتى محمد مصطفى

دي مشاركة قديمة للأخ محمد ابيزا (أكيد عارفه لأنك رادد في الموضوع دة) بيرد علي الأخ محمد مصطفي (بردو اكيد عارفه - زميلنا في قسم فولكس) وبيوضحلوا هنا ان التكيف اللي مش اصلي بردو بيعلي الموتور ولكن بشكل ميكانيكي فقط ودة مش كافي لأستمرار دوران المحرك
لكن الأصلي فيه الألية دي وكمان الكنترول يونت بيعلي الموتور عشان التكييف
انا سؤالي انهي جزئية بتخلي الكنترول يعلي الموتور لما بشغل التكييف - واتذكر مرة اني سمعت انه حساس الحرارة
هل الكلام دة سليم ولا لاء؟؟؟؟
لأن في عربية زي المرسيدس مثلا ليه حساس لوحده خاص بالموضوع دة وعن شرط موجود من ايام الكربراتير كمان - كان في عربية اخويا موديل 79