استفسار هام بالنسبه لسيات كوردوبا 2008

[dreamonline]

السلام عليكم ورحمه الله وبركاته
ازيكم ياحلي اعضاء في احلي منتدي
انا عندي استفسار صغير كده عن شويه حاجات بتحصلي في العربيه
اول حاجه علي طول وانا ماشي في ظاهرلي الكلمه دي ومش عارف بتاعت ايه ebc لو حد يعرف ياريت يقولي
تاني حاجه انا عاوز اروح التوكيل وكل لما اتصل بارقم اللي محطوط ع المنتدي يقولي اهلا بك في خدمه فصيله الدم تقريبا الرقم غلط يعني ياريت لو حد عندو الارقام الصح ليه مع العلم اني ساكن في القاهره
وهل ممكن اني اروح علي طول ع التوكيل ولا لازم احجز الاول
وفي حاجه كمان معلش انا صوت العفشه عندي اكني راكب ميكروباص مع ان العفشه كلها سليمه بس في واحد قالي مش عارف في بليه ايه كده عاوزه تتغير مخليه اكن العفشه كلها مففككه بس وانا ماشي بسمع اصوات في الحتت المكسره شويه والحديد الي بيبقي في الارض صوت جامد والناس تركب معايا اللي يقولي العفشه وحشه واللي يقولي الكوتش عاوز يتغير بيعمل صوت بس انا لسه مغير الكوتش كلو جديد
معلش انا طولت عليكم

[ehab_mansour]

و عليكم السلام

حضرتك لمبة ebc بتنور لما بيكون فيه عندك مشكلة كهرباء في العربية يعني ممكن تنور لو لمبة في احد الفوانيس محروقة و ممكن تنور لو بدال البنزين بايظ (الدواسة الكهرباء) او فيه مشكلة في حساس معين

و طالما الموتور كويس و مافيش مشكلة يبقي شيك علي لمبات الفوانيس اكيد فيه واحده محروقة و محتاجه تتغير او لمبة اتنين بول فيه واحد منهم بايظ و محتاجه تتغير

بخصوص قصة العفشة و الاصوات فدي لازم يا تنقلنا الصوت شكل ايه و بيحصل امتا و من اي جهه يا تروح لميكانيكي عفشة يجربها و يبص عليها
و بالنسبة للكاوتش فممكن تكون غيرت الكاوتش و لكن مقاس و ضغط الهواء جواه مش مضبوط و ده لأن 90% من محلات الكاوتش مقاساتهم بايظة فياريت تدخل اي بنزينة محترمة فيها جهاز ديجيتال و تخلية يظبطلك ضغط الهواء علي 29 و جرب و قلنا ايه الأخبار لأن لو الضغط زيادة عن 35 هتحس ان الدنيا كلها مكسرة و العفشة بايظة

و بالتوفيق ان شاء الله

[Zika9909]

أنا ماعنديش فكرة عن عفشة السيات
لكن عمومًا لو الجلب اتقطعت هتسمع أصوات كتير كأن العفشة مفككة بالذات لو الطريق مكسر
و بردو روح لعفشجي يشوفها لك

[Thebutcherr]

اللى اعؤفه ان ال ebc معناها electoronic Brake control !!
و ده اوبشن مش موجود فى العربيات و هو بيكون حساس بيساعد على قوة الفرامل حسب دوسة الرجل على الفرامل فبيدى قوة فرامل اطكبر موجود فى الجيتا مثلا
ممكن تكون فى مياة جت على الفيشة بتاعته او ال Unit نفسها بتتنضف و خلاص
هو محتاج تحط العربية على جهاز كشف اعطال , او جرب انت افصل كابل البطارية 5 دقايق و رجعه تانى, المفروض كمبيوتر العربية بيعمل Reset لو اللمبة طفت خير و بركة نورت تانى عليك و على الجهاز
بالنسبة لكركبة العفشة فده موضوع مطاط جدا و صعب اى حد يفتى بالسبب اليقين ,ممكن تكون جلب مقصات ,بيض عفشة , تياش دريكسيون , بطاحات مساعدين ؟! اى حاجة من الحاجات دى تعملة مزيكا و ده طبيعى ان العفشة بعد 4 سنين فى شوارعنا الجميلة تحتاج تغير فيها حاجات والله اعلم