اسعار قطاع غيار سيات كوردوبا بتاريخ 1/9/2012

[dreamonline]

السلام عليكم
امبارح انا كنت في التوكيل بظبط شويه حاجات وبعمل سيرفس فقولت انقل لاحلي اعضاء اسعار قطع الغيار والمصنعيه
1- قاعده موتور :- 674 جنيه
2- 2شدادة ميزان اماميه 378.5 جنيه
3- سير كاتينه :- 125 جنيه
4- سير دينامو :- 60
5- شدادة كاتينه :- 231 جنيه
المصنعيه :- 469 جنيه علي طقم سير كاتينه وسير دينامو وبليه وقاعده موتور
المصنعيه :- 65 جنيه علي تغير 2 شدادة ميزان اماميه
6- فلتر هواء :- 110
7- ريشه مساحه :- 110
8- فلتر بنزين :- 160 جنيه
9- فلتر هواء صالون :- 111
10- كوليه :- 3 جنيه
11- 2 لمبه بول :- 7 جنيه
12 سبراي جاف :- 19
13- مياه مساحات :- 13 جنيه
سبراي موتور :- 42 جنيه
المصنعيه :- 325 علي السيرفس بدون تغير زيت موتور وفلتر زيت
المصنعيه :- 13 جنيه علي تغير ريش مساحات
كده انا خلصت وارجو التثبيت
ياريت تقوليلي ايه تقيمكم انا ملاحظ ان المصنعيه بتاعتهم حراقه اوي وبتعوووووور

[SYD]

شكرا لنقل التجربة
برجاء ذكر موديل السيارة

تحياتي

[SYD]

فلتر البنزين غالي جدا
وكمان ريشة المساحات غالية اخر الشارع

والحاجة الوحيدة اللي سعرها معقول هو سير الدينمو ويمكن ارخص من برة كمان

[dreamonline]

شكرا لنقل التجربة
برجاء ذكر موديل السيارة

تحياتي

السياره كوردوبا 2008 اوتوماتيك
1400 سي سي

[dreamonline]

فلتر البنزين غالي جدا
وكمان ريشة المساحات غالية اخر الشارع

والحاجة الوحيدة اللي سعرها معقول هو سير الدينمو ويمكن ارخص من برة كمان

والمصنعيه ياباشا هي اللي غالييييييه اووووووووي

[exact]

فلتر البنزين غالي جدا
وكمان ريشة المساحات غالية اخر الشارع

والحاجة الوحيدة اللي سعرها معقول هو سير الدينمو ويمكن ارخص من برة كمان

لا ومية المساحات مخدتش بالك منها؟؟

13- مياه مساحات :- 13 جنيه

ده لو عباها بيبسي مش هتبقى كده

[ehab_mansour]

شوف يا صديقي
التوكيل قطع غياره لو فعلا اصلية يبقي تستاهل ثمنها و مش مشكلة انها غالية شوية و لكن تكون فعلا اصلية
مصنعية التوكيل حراقة بشكل بشع و ده انا جربته قبل كده و علي الرغم كمان مش محترفين يعني كشغل سيرفيس و صايانات بسيطة شغالية و دي لعب عيال يعني اي حد يعمله لكن لو فيه مشكلة حقيقية و محتاجه diagnose و متابعه و حرفية في التعامل مع المشكلة و الخرج منها بأقل التكلفة دي هما فيها زيهم زي اي حد بره و زي اي توكيل بطيخه يعني و ده عن تجربه شخصية و تقييم شخصي
و اتمني الاقي في مصر توكيل فيه اجهزة متابعة و قياس و tools فعلا كما يقول المصنع و كما ارشدنا في كتيبات الصيانة
ادخل كده موضوع elsaweb اللي جابلنا لينكه كريم بيك ربنا يكرمه و شوف كمية اجهزر القياس و المتابعة اللي بتستخدم في اي عمل صيانة لأي جزء في العربية هتتجنن و هتقول ان احنا عندنا عك و فهلوه اكثر من انها صيانة حتي التوكيلات كده

ربنا يوفقنا و ييسر لنا الحال

[sala7]

على فكرة التوكيل في مصر على السمع محشي كرنب على رأي واحد صحبي
انا حابب احكيلكوا حاجه حصلت معايا و كمان انا علشان عايش في الخليج فهنقلكوا صورة محترمه للتوكيلات برة
انا لما اشتريت العربية كنت شاريها مستعملة كانت لمبة check engine منورة كبرت دماغي و مشي على العربية شوية بتاع شهرين كدا و قلت اهي ماشي و كانت فعلاً اللمبة منوره و مكانش فيه اي مشاكل .
فضين نفسي يوم و قلت اروح بره اعمل اسكانر و اشوف ايه العيب ، المهم عملت اسكانر طلع العيب على الكمبيوتر كلاتي : feul trim bank 1 system too lean
للعمل فقط : عربيتي سيات ليون 1.8 20v

المهم سألت الراجل ايه الحكاية فقالي محتاج تغير كبلات بوجيهات و محتاج فلتر هوا جديد و محتاج بوجيهات و تنضيف بخاخات ... المهم رحت واخد بعضي و روحت البيت و قلت الراجل ده لشكلة بيخرف انا هصبر ادخلها التوكيل يشيكوا عليها لان في الحفيقة كان عندي تهريب زين على المكنة كلها . الكلام ده كان في شهر مارس اللي فات

من اسبوع بالظبط كانت خروجاتي بالعربية كتير فا ابتدت شوية عيوب تظهر في العربية :
اولاً لما اكون واقف في اشارة الماكنة مش صافية و في برجله مش طبيعية معلى العلم ان rbm مانش بيلعب خالص و لا اكن .
ثانياً لما كنت باجي اركن العربية طبعا البرجله بتبان كنت اجي ادوس فرامل بلاقي دواسة الفرامل محجرة بمعنى انك تيجي تدوس ما تنزلش معاك لتحت .

دخلت ع النت كتبت العطل اللي كان ظاهر على شاشة الاسكانر لما فحصتها في موقع ross-tech و لقيت ان فيه مشكلة تهريب في الهوزات او الانابيب اللي بتغزي الثروتل و اللي بتغزي وحدات الفاكيوم و هي دي اللي عاملة البرجلة
رحت طالع التوكيل .. استقبلني موظفي اجنبي كدا محترم و دخلت العربية و هي كلمة واحده بس اللي قلتها لما سالني ايه العطل اللي جايلهم علشان قلتله check engine
استلم مني العربية تاني يوم كلمني على التليفون قالي احنا فحصنا العربية و وجدنا الاتي :
- تهريب في غطاء الصبابات مبهدل الماكنة زيت و لازم يتغير الجاسكيت .
- تهريب في و انابيب تغذية المانيفول و لازم يتغير الجوانات و الانابيب .
- تغيير فالفات معينة في وحدة التغذية و الحقن .
- تنضيف بخاخات بالكمبيوتر و اصلاح تهريبات .
- تغيير فلتر بنزين .
- تغيير بيبات التغذية بعد الفلتر .

بصراحة التكلفة كانت عالية بس انا في الاخر صلحت وانا مبسوط و استلمت العربية بعدها بيومين لانهم بعد ما بيصلحوا بيحطوها على اجهزة الاختبار و بيعملولها اسكانر و فوق ده كله بيديلك ضمان 3 شهور على القطع اللي غيروها و على الصيانة اللي عملوها ، ماشاء الله العربية فاقت السحب بقا تمام استهلاك البنزين بقا ماشاء الله منتظم لمبة التشيك انجين الحمد لله تفت طلعتها من الصبات بقت قوية كانت الاول شوية مخنوقة و المحرك بقا صافي جدا

الحجات العادية بجيبها من ع النت و اركبها انا انما الحجات اللي بتحتاج اجهزة معقدة و اصلاح مظبوط بروح التوكيل

انا ما روحتش بصراحة توكيل مصر بس بحس من اصدقاء ليا و من المنتدى انهم مكان عادي جدا زيهم زي محلات الميكانيكي .
على فكرة العربيات الالماني لو اتفك منها مسمار برة و ما اتصلحش تمام قول على العربية يا رحمن يا رحيم
اسف على الاطالة و لكن انا حبيت انقل تجربتي في الاصلاح في التوكيل و الاصلاح برة عند حد ماعندوش ضمير

[dreamonline]

فعلا انا كنت عاوز اقول المعلومه دي ان التوكيل توكيل علي ماتفرج يابشمهندس ايهاب
وكمان لو حاجه ممكن تتصلح مش بيعملوها ويقولك دي عاوزه تتغير
وفي حاجه كمان مش بيتاكدو من الحاجه صح يعني انا قبل رمضان كنت مغير طرمبه مياه علشان اكلت مطب جامد ع الكورنيش فباظت فغيرتها برا التوكيل قبل رمضان فهو بيعمل السير اتصل بيا ع الموبايل ويقولي طرمبه المياه عاوزه تتغير علشان في مياه تحتها بقولو انا لسه مغيرها والمياه شغاله معايا كويس قالي اااه ده ممكن بقي مطرح القديمه فهما مش بيكشفو ع الحاجه كويس