رعشششششششه

[i1egypt]

السلام عليكم
نوع العربية ابيزا موديل 2000 ماتور 1000cc
رعشه ليه سميت العنوان رعشه علشان بجد انا تعبت يا جماعه كل ما اجى اطلع بالعربية تترعش

بالتوضيح كده انا برفع رجلى شويه بشوية من على الدبرياج العربية بتفضل تتعرش لحد ما تطلع علما بانى غيرت اسطوانه وديسك ووير وبليه دبرياج
وجبت كمان الواير الى فيه ريجلاش لوحده وبرضو مجبش نتيجه

[ehab_mansour]

ممكن يكون السبب :-
1- حاجه في الموتور يعني محتاج صيانة او فيه مشكلة ما عامله ضعف لعزم الموتور
2- ممكن اسلوب قيادة يعني مثلا محتمل تكون كنت بتسوق عربية قبل دي بمحرك اعلي مثلا 1600 و رجلك متعوده علي طالعه معينه و لكن عزم و قوة الموتور ده غير ده فبتحس بكده مع الابيزا لأن موتورها ضعيف نسبيا و بيحتاج تزويدة بسيطة للبنزين لحظة التحرك و خاصة مع التكييف

و ممكن اسباب اخري علي العموم قلنا حال العربية ايه و اداء المحرك و اخر صيانات و ربنا يسهلها و نعرف نتوصل لحل

[akmm]

وقواعد الموتور

[SYD]

انا أرجح انها حاجة من اتنين
1- ضبط للموتور
2- ديسك الفلام

ليه بقول ضبط الموتور ؟؟
لأن لو الموتور مظبوط صح وواخد هوا وبنزين صح انت بتطلع بالعربية بالدبرياج فقط بدون ما تلمس دواسة البنزين اصلاً وطبعا لازم يكون طقم دبرياج تمام.

[i1egypt]

هوا ايه ديسك الفلام علشان انا مش عارف هوا غير الديسك الى بيركب مع الاسطوانه بتاعت الدبرياج علشان انا غيرت اسطوانه وديسك وبليه ونفس الموضوع وغيرتهم ماركت فاليو
وبالنسبة للضبط الماتور دا بيكون عبارة عن ايه

[i1egypt]

ولو سمحت يا استاذ سيد عايز اتكلم مع حضرتك على الخاص او الايميل لو ممكن

[dr.hazem]

قواعد ماتور او قواعد فتيس ممكن تعمل الكلام ده



تحياتي

[SYD]

هوا ايه ديسك الفلام علشان انا مش عارف هوا غير الديسك الى بيركب مع الاسطوانه بتاعت الدبرياج علشان انا غيرت اسطوانه وديسك وبليه ونفس الموضوع وغيرتهم ماركت فاليو
وبالنسبة للضبط الماتور دا بيكون عبارة عن ايه

بص حضرتك ديسك الفلام هو الجزء المسؤول عن نقل الحركة من الموتور الي الفتيس
بأختصار هو عبارة عن ترس كبير بينقل دوران المحرك بسرعاته العالية للفتيس وبناء علي ترس الفتيس المعشق حالياً بتكون سرعة سيارتك
والترس دة او الديسك دة لو فيه اي ريجة (يعني اختلاف مناسيب ما بين جزء عالي وجزء اوطي منه في المستوي) اي ريجه فيه بتسبب رجرجة او رعشة في الطلعة ومابين الغيارات وانت بتنقل الفتيس وبتسيب الدبرياج وبتعشق او بتلامس ديسك الفلام في ديسك الدبرياج

ولو سمحت يا استاذ سيد عايز اتكلم مع حضرتك على الخاص او الايميل لو ممكن

حضرتك تقدر تراسلني علي الخاص في اي وقت
انا تحت امرك

[lanos2004]

دة انته رعشتنى من اسم الموضوع

[i1egypt]

تعيش وتترعش بصراحه كل ما يركب حد جمبي يقولى اية الرعشة

[i1egypt]

طيب اعمله ايه ديسك الفلام دا ولا مؤاخذة يا باشا

[SYD]

انت خلاص اتأكدت انه ديسك فلام ؟؟؟

[agaty1st]

لو في عجله مأخره ممكن تسبب رعشه في الطلعه زي رعشة الديسك بالظبط و حصلت معايا قبل كده بس كانت مازدا مش أبيزا..... ممكن يكون ده السبب و الله أعلم

[i1egypt]

لا يا باشا لسه متاكدتش بس عايز اعرف اصلا ازاى اتاكد علشان اانا مش عارف ازبط الحوار دا فين لان انا من سوهاج ياريت تقولى اعرف ازاى او حتى اعمل الشغل دا عند مين

[ehab_mansour]

الموضوع ده محتاج ميكانيكي بيفهم فقط يجرب العربية و يشوف المشكلة فين