نقص مياه القربة مع كل مشوار

[mahmoud ghanem]

السلام عليكم
انا كنت لسه عامل غسيل لدورة التبريد ومغير المياه لمياه زرقاء .. لاحظت من فترة كدة النقص الدائم مع كل مشوار للمياه الموجوده فى القربة مع العلم ان درجة الحرارة ثابته عندى على النصف ...
وغطاء القربة علشان افتحة لازم عن طريق ( بنسه كبس ) استحالة تفتحة بأيدك .. فبقيت اقفلة بس مش جامد علشان اعرف افتحة .. قلت يمكن دة السبب اللى بينقص الماء ..
قفلته جامد وبردوا الماء بينقص يمكن مع الالف كيلو اخدت 2 لتر مياه مقطرة ... وطبعا قفش ومش بيتفتح غير زى ما قلت ببنسه كبس ..

اخر مرة قلت اشوف فى تنفيس لبخار الماء او تسريب والحمد الله مفيش تسريب نهائى من اى مكان .. لكن فى تنفيس صوت اخدت بالى منه غالبا من الخرطوم اللى داخل على الماتور والله اعلم هو ولا الاء يمكن صوت عادى للماتور وانا اللى مش عارف .. ودة مسمعتوش غير والعربية عاملة مشوار حلو .. بس بردوا درجة حرارة المؤشر على النصف على طول وبتوصل للنصف يمكن بعد 15 دقيقة تشغيل .. دة طبيعى ؟ والمروحة بتشتغل عادى وبتفصل عادى ..

مش عارف ممكن يكون التنفيس دة هو سبب نقص المياه ؟؟
وانا ناوى اروح لبتاع الردياتيرات مش عارف اغير الخرطوم ولا اخليه يركب افيز تانى ؟؟ ولا العيب من المياه الزرقاء دى خفيفة مثلاً او سريعة البخر ؟؟ يعنى اغير الماء لمياه الهيبوا الحمرا افضل ؟؟ وهتتحل المشكلة

تنصحونى باية ؟؟؟ علشان مش عاوز الراجل يشتغلنى ويعمل على شغل

وشكراً

[mahmoud ghanem]

نسيت .. العربية ابيزا 98
1000 سى سى

[sakr_skoda]

اكيد فى تسريب فى دورة التبريد وعلشان متغلبش نفسك فى مادة بتتباع فى السوق فى محطاط بنزين موبيل اسمها بلوك سيل لسه شاريها ب 32.5 جنية تجيبها وعلى الصبح فك خرطوم القربة الغليظ اللى نازل على الريداتير وفضى المية من القربة ومن الريداتير بعدن اربط الخرطوم تمام رج العبوة جيدا فضيها واستنى دقيقة الى ان يمر السائل داخل الريداتير دور العربية وياريت واحد يكون معاك يقف جنب العربية بمجرد دوارة العربية يفضى الميه فى القربة ويفضل يزود لحد الماكس مم كل دا وانتا على السلانسية كدا السائل دخل كافى اجزاء دورة التبريد....

علشان ناخد الهوا افتح غطاء القربية اخنق الخرطوم الغليظ اللى نازل من القوعة على الريداتير وخلى خرطوم الراجع يفضى فى القربه اخنق دقيقة وسيب واخنق دقيقتين وسيب الى ان تجد المياه فى خرطوم الراجع مستمرة بلا فقاقيه ولا انقطاع ظبط منسوب المية اغلق القربه عادى مش لازم موضوع التحريق علشان نحافظ على لسيونه الجوانات اللى فى غطاء القربه ....

بعد كدا مستحيل تنقص الميه ونسألك الدعاء لى بظهر الغيب........

[Amr Axel]

احتمال كبيير يكون ده العادي بعد مشوار مثلا في الماروتي لاحظنا بعد مشوار بنلاقي القربة ناقصة بشكل ملحوظ و بعد ما بتبرد القربة بترجع تتملي تاني

و احتمال يكون ان نسبة سائل التبريد و تركيزه ضعيفة لدرجة انه بيتبخر زي المية و اعتقد التركيز عندك 50 %

و الاحتمال الاخير ان يكون فيه تسريب لكن لو فيه تسريب كان هيبان لأن هي ديه وظيفة ان سائل التبريد ليه لون سواء ازرق او اخضر او احمر في حالة وجود تسريب يبان اللون في مكان التسريب

[SYD]

ممكن التسريب يكون من الطرمبة ودة الأرجح لأن المياة بتنقص وانت ماشي
لو بتنقص وانت واقف هتبان معاك التسريب سواء من الخراطيم او الشجرة نفسها او القربة او الردياتير

واحتمال كبير يكون التسريب من شجرة المياة نفسها ودة هيبان معاك من وجود اللون الأزرق مكان التسريب زي ما وضح الأستاذ اكسيل

موضوع ان العربية بتسخن في ربع ساعة دة طبعا مش طبيعي بالمرة
عربياتنا بتوصل لدرجة حرارة التشغيل خلال 3 - 4 دقائق بحد اقصي
وبعدها بتستمر علي هذه الدرجة إلي ان توقف تشغيل الموتور

راجع شجرة المياة
راجع علي ثرموستات الكوع في شجرة المياة

الأحسن اشتري شجرة استيراد طبعا بالثرموستات بتاعها

[esmalawy14]

انا عندي نفس المشكله بس لو العربيه مشيت اكتر من ساعتين متواصلين يعني وانا مسافر وعداد الحراره بيعدي النص اقف ابص مالقيش ميه خالص والاقي العربيه سخنه وغيرت شجره والخرطوم وبردوا نفس الكلام هل يوجد حل

[mahmoud ghanem]

وفى حاجة كمان انا بتبقى المياه ناقصة فى القربة بس بعد ما افتح غطاء القربة منسوب المياه بيزيد و بيبقى مستواها فى القربة طبيعى كمان .. دة ليه معنى ؟؟

وشكراً

[mahmoud ghanem]

علشان ناخد الهوا افتح غطاء القربية اخنق الخرطوم الغليظ اللى نازل من القوعة على الريداتير وخلى خرطوم الراجع يفضى فى القربه اخنق دقيقة وسيب واخنق دقيقتين وسيب الى ان تجد المياه فى خرطوم الراجع مستمرة بلا فقاقيه ولا انقطاع ظبط منسوب المية اغلق القربه عادى مش لازم موضوع التحريق علشان نحافظ على لسيونه الجوانات اللى فى غطاء القربه ....

بعد كدا مستحيل تنقص الميه ونسألك الدعاء لى بظهر الغيب........

الله ينور انا كنت عاوز من زمان اعرف الموضوع دة

طبعا الموضوع دة والعربية دايرة !!

بالنسبة ( اخنق دقيقتين وسيب الى ان تجد المياه فى خرطوم الراجع مستمرة بلا فقاقيه ولا انقطاع )

تقصد الخرطوم الرفيع اللى داخل على القربة ؟؟
وبالنسبة للفقاقيع والمياه الراجعة دى هاتبعها من القربة والخرطوم راكب زى ما هو صح ؟؟ ولا افك الخرطوم الرفيع دة لحد ما المياه تخرج منه ؟؟

وفى حاجة كمان انا بتبقى المياه ناقصة فى القربة بس بعد ما افتح غطاء القربة منسوب المياه بيزيد و بيبقى مستواها فى القربة طبيعى كمان .. دة ليه معنى ؟؟

وشكرا على اهتمامك

[mahmoud ghanem]

موضوع ان العربية بتسخن في ربع ساعة دة طبعا مش طبيعي بالمرة
عربياتنا بتوصل لدرجة حرارة التشغيل خلال 3 - 4 دقائق بحد اقصي
وبعدها بتستمر علي هذه الدرجة إلي ان توقف تشغيل الموتور

راجع شجرة المياة
راجع علي ثرموستات الكوع في شجرة المياة

الأحسن اشتري شجرة استيراد طبعا بالثرموستات بتاعها

افهم من كدة يا استاذ سيد ان العربية معاك فى اول التشغيل بيوصل المؤشر للنصف وتشتغل المروحة فى 3 - 4 دقائق ؟؟؟

انا المؤشر بيوصل للنصف والمروحة تشتغل بعد الدوارة بــ 10 - 12 دقيقة !!

وموضوع انا بتبقى المياه ناقصة فى القربة بس بعد ما افتح غطاء القربة منسوب المياه بيزيد و بيبقى مستواها فى القربة طبيعى كمان .. دة ليه معنى او يوضح حاجة لحضرتك انا معرفتش اوصلها ؟؟

وشكرا على اهتمامك

[Ahmed Mubarak]

السلام عليكم
حاول انك تدور العربية وتسيبها لحد المروحه ماتشتغل وتابع شجره المياه وخاصه الطابه بتاعتها ودي مكانها اسفل شجره المياه بجوار حساس الحراره ولازم العربيه تكون دايره والمراوح شغالة وتابع هل في تنقيط مياه ولا لا
المشكلة دي كانت عندي وبفضل الله اتحلت بتغيير طابه شجرة المياه

[ehab_mansour]

حضرتك اتقال حلول كتير في المشاركات السابقة و كلها محتمل تحل المشكلة
ولكن لي تعقيب ان حضرتك اولا لازم تاخد هواء الدورة كويس و سبب انك مش بتلاقي مياة ولما تفتح القربة تظهر لفوق سببه وجود هواء مضغوط خرج من الدورة في القربة و ده بتنفسه حضرتك كل فترة
ثانيا راجع علي كل خراطيم دورة المياة و تأكد ان كل أطرافها راكب علي أفايز (جمع أفيز) قوية و سليمة و الخرطوم مضغوط كويس في مكانه لأن لو فيه خرطوم مش راكب كويس او أفيز ضعيف بينفث مياة مع المشي ولكنك يستحيل هتشوف المياة دي لأنها بتخرج علي شكل بخار مياة مضغوط و خلي بالك ان اهم شيء هو الخراطيم و أطرافها لأن بقية الدورة مغلق تماما

ثالثا ياريت تغير القربة لأن لازم تكون سهلة الفتح و الغلق و محتمل تكون فيها مشكلة

رابعا راجع علي الرادياتير و تأكد ان مافيش تنفيس في اجنابه او فيه هو نفسه و دي هتبان علي شكل تمليح علي جسمه الالمونيوم
و بالتوفيق ان شاء الله

[SYD]

افهم من كدة يا استاذ سيد ان العربية معاك فى اول التشغيل بيوصل المؤشر للنصف وتشتغل المروحة فى 3 - 4 دقائق ؟؟؟

انا المؤشر بيوصل للنصف والمروحة تشتغل بعد الدوارة بــ 10 - 12 دقيقة !!

وموضوع انا بتبقى المياه ناقصة فى القربة بس بعد ما افتح غطاء القربة منسوب المياه بيزيد و بيبقى مستواها فى القربة طبيعى كمان .. دة ليه معنى او يوضح حاجة لحضرتك انا معرفتش اوصلها ؟؟

وشكرا على اهتمامك

بالظبط كدة
العربية بالظبط بتاخد حوالي 4 دقايق وتكون وصلت لدرجة حرارة تشغيل المحرك (المنتصف) وبعدها يمكن يدقيقتين بتشتغل المروحة - يعني الموضوع كله لا يتعدي 7 دقايق

ظبط دورة المياة بتاعتك هتلاقي الدنيا كلها اتظبطت ومواعيد وسرعات تشغيل المروحة هتظبط معاك

[sala7]

انا عندي نفس المشكله بس لو العربيه مشيت اكتر من ساعتين متواصلين يعني وانا مسافر وعداد الحراره بيعدي النص اقف ابص مالقيش ميه خالص والاقي العربيه سخنه وغيرت شجره والخرطوم وبردوا نفس الكلام هل يوجد حل

لو المروحة تمام و الفيوز سليم غير ترموستات الكوعة

[sala7]

السلام عليكم
انا كنت لسه عامل غسيل لدورة التبريد ومغير المياه لمياه زرقاء .. لاحظت من فترة كدة النقص الدائم مع كل مشوار للمياه الموجوده فى القربة مع العلم ان درجة الحرارة ثابته عندى على النصف ...
وغطاء القربة علشان افتحة لازم عن طريق ( بنسه كبس ) استحالة تفتحة بأيدك .. فبقيت اقفلة بس مش جامد علشان اعرف افتحة .. قلت يمكن دة السبب اللى بينقص الماء ..
قفلته جامد وبردوا الماء بينقص يمكن مع الالف كيلو اخدت 2 لتر مياه مقطرة ... وطبعا قفش ومش بيتفتح غير زى ما قلت ببنسه كبس ..

اخر مرة قلت اشوف فى تنفيس لبخار الماء او تسريب والحمد الله مفيش تسريب نهائى من اى مكان .. لكن فى تنفيس صوت اخدت بالى منه غالبا من الخرطوم اللى داخل على الماتور والله اعلم هو ولا الاء يمكن صوت عادى للماتور وانا اللى مش عارف .. ودة مسمعتوش غير والعربية عاملة مشوار حلو .. بس بردوا درجة حرارة المؤشر على النصف على طول وبتوصل للنصف يمكن بعد 15 دقيقة تشغيل .. دة طبيعى ؟ والمروحة بتشتغل عادى وبتفصل عادى ..

مش عارف ممكن يكون التنفيس دة هو سبب نقص المياه ؟؟
وانا ناوى اروح لبتاع الردياتيرات مش عارف اغير الخرطوم ولا اخليه يركب افيز تانى ؟؟ ولا العيب من المياه الزرقاء دى خفيفة مثلاً او سريعة البخر ؟؟ يعنى اغير الماء لمياه الهيبوا الحمرا افضل ؟؟ وهتتحل المشكلة

تنصحونى باية ؟؟؟ علشان مش عاوز الراجل يشتغلنى ويعمل على شغل

وشكراً

لو انت حاطت ميه خضرا المفروض تعرف مكان التهريب فين بالظبط سواء في خراطيم التبريد أو في الاربه - لو عندك ترموستات حراره في جسم الراديتر ممكن التهريب يكون منه فيه حاجه مهمة كمان احتمال تكون عندك اللي هي وصلة الدفاية ممكن تكون بتهرب ميه جوه الصالون و بصراحه معرفش عندك الدفاية كهربيه او متوصله بدوره التبريد بس الاول اتاكد من وجود اي لون او كتل ملحية علي دايرة التبريد بالكامل و ان شاء الله الميه الخضرا تظهره بسرعه