سؤال هام فى الابيزا

[المجرى]

السلام عليكم
اهلا اخوانى
دا اول مشاركة ليا فى المنتدى
بس بجد عجبى روح التعاون هنا
بس ليل سؤال انا ناوى اجيب عربية ودى اول عربية ليا
وكنت محتار بين نوعين " اكسل وابيزا 94 "
بس استقريت على الابيزا ان شاء الله

بس لقيت ناس تقول ان قطع الغيار بتاعها غالية ومش موجودة

ياريت اللى عندة خبرة يعرفنى
هيا قطع الغيار بتاعتها موجودة
ولو غالية تبقى غالية قد اية عن العربيات الكورى والزيادة بسيطة يعنى ولا زيادة اوفر قوى

وياترى هلاقى صيانة وميكانيا ليها ولا هدوخ

[ahmad_salama]

بص لو بتفهم في العربيات وجمبك ميكانيكي بيشتغل في فولكس او ع الاقل يكون قريب منك يبقي اتوكل علي الله ومتترددش في الابيزا لانها عربيه حلوة اوي اوي اوي

انما انا مع حبي الشديد للابيزا بس بفكر ابيعها واجيب اكسل لاني برا القاهره وعلشان اروح لميكانيكي او اجيب قطع غيار بتسحل مشاوير وتليفونات ومواعيد

قطع الغيار مش غاليه هي اغلي نسبيا من الكوري بس مش غاليه اوي يعني وغير كده بتعيش كتييير عن الكوري

[alzelafy]

موجودة و متوفرة جدا و كلمه غاليه دى مبالغ فيها هى سعر اعلى من اليابانى و الكورى بس فى المقابل انتا راكب عربيه بمعنى الكلمه عربيه مخدومه تكنولوجى و خامات و جودة و ضمير فى التصنيع

قطع الغيار فى المتناول متقلقش يعنى الحاجه ام 60 فى الكورى ب 80 فى الابيزا

ام 400 فى اليابانى ب 550 فى الابيزا و دا على سبيل التقدير .... شفت هو دا الغالى اللى احنا بنتكلم فيه

[egyseadragon]

قطع غيارها متوفرة.....ما تنساش انها بتشترك في كذا حاجة مع عربيات تانية من مجموعة vw

[SYD]

في البداية أحب ارحب بيك في نايل موتورز عامل وقسم سيات خاصاً

الأبيزا عربية جميلة
ناعمة
اعتمادية
سريعة
شبابية
ثابتة في الجري
قطع غيار متوفرة جدا جديد واستيراد
قطع الغيار مش غالية اوي يعني عن باقي العربيات بس في المجمل وعلي المدي الطويل هتلاقيها موفرة

يعني علي سبيل المثال
انت اول لما تجيبها هتصوت من المصاريف (سرفيس علي شوية حاجات مش عجباك وهتغيرها علي حاجات متهالكة علي حاجات ناقصة) ودة طبيعي في اي عربية مستعملة
بس تعالي بعد ما تخلص كل المصاريف اللي في البداية دي - هتركب عربية برقبة اي عربية تانية - وكلمة عن ثقة "مش هتجيب قطعة غيار اصلية مرتين في نفس السنة" حتي لو كانت سرفيس (زي التيل مثلا)

اهم حاجة تجيب عربية حالتها نظيفة تستاهل المصاريف - لأن العربية الأصيلة خرج البيوت هتلاقيها حتي لو فيها حاجة عايزة تتغير هتستحملك وتستناك لحد لما تغيرها مش هتعطلك وتقف منك - وعن تجربة
انا فضلت اشتكي من الفرامل والتيل ما لا يقل عن السنة ولما غيرت التيل مالقتش اصلا تيل - كان انتهي من حوالي 3 شهور مثلا
حاجة تانية - فضلت اشتكي من طرمبة البنزين مالا يقل عن ال4 شهور وكانت اشهر طرمبة بنزين في القسم بمشاكلها وكمية مواضيعها لدرجة عملتهم سلسلة من 4 أجزاء - وفضلت متحملاني لحد لما غيرتها بواحدة تانية

هل تتصور اني عملت سيرفيسها وصيانتها علي مدي شهور ؟؟؟
كل شهر كنت بعمل حاجة
وكانت بتستناني لحد لما اعمل السيرفيس والصيانات الأهم فالمهم
وهي دي العربية التي يقال عليها اعتمادية

اعتمادية = توفير في المصاريف + قطع غيار معمرة + لكل عيب مقدمات + قوة احتمال

بجد عربية أعتمادية ولو ركبتها هتحبها

[simsim_scorpio]

الباشمهندس سيد جابلك من الاخر بس احب اضيف حاجه بسيطة علي كلامه وهي الميكانيكية . انا اول ما جبت العربية كنت بسمع من ناس كتير اني لازم اتعامل مع ميكانيكي متخصص في الجولف اوالبولو اوالابيزا لكن وعن تجااااااارب كتير مش تجربة واحدة اي ميكانيكي بيفهم هيشتغل فيها كويس مش شرط متخصص في الجولف وكذلك العفشة الحاجة الوحيدة اللي فعلا ممكن تحتاج منك انك تروح لمتخصص ابيزا هي الكهرباء فقط لا غير وده في حالة ان المشكلة مستعصية حبتين ودي نادرا ما بتحصل وتأكيدا علي كلام الباشمهندس محمد سيد بخصوص ان العربية اعتمادية انا عربيتي فيها مشكلة في الكهرباء بقالها سنة تقريبا ولغاية النهاردة ماشي بيها كده لاني مش لاقي وقت اروح للمهندس رشاد في الحرفيين وخصوصا ان بيشتغل بالليل من الساعة 12
واتمني انك تلاقي عربية بحالة كويسة ان شاء الله
تحياتي للجميع

[SYD]

الباشمهندس سيد جابلك من الاخر بس احب اضيف حاجه بسيطة علي كلامه وهي الميكانيكية . انا اول ما جبت العربية كنت بسمع من ناس كتير اني لازم اتعامل مع ميكانيكي متخصص في الجولف اوالبولو اوالابيزا لكن وعن تجااااااارب كتير مش تجربة واحدة اي ميكانيكي بيفهم هيشتغل فيها كويس مش شرط متخصص في الجولف وكذلك العفشة الحاجة الوحيدة اللي فعلا ممكن تحتاج منك انك تروح لمتخصص ابيزا هي الكهرباء فقط لا غير وده في حالة ان المشكلة مستعصية حبتين ودي نادرا ما بتحصل وتأكيدا علي كلام الباشمهندس محمد سيد بخصوص ان العربية اعتمادية انا عربيتي فيها مشكلة في الكهرباء بقالها سنة تقريبا ولغاية النهاردة ماشي بيها كده لاني مش لاقي وقت اروح للمهندس رشاد في الحرفيين وخصوصا ان بيشتغل بالليل من الساعة 12
واتمني انك تلاقي عربية بحالة كويسة ان شاء الله
تحياتي للجميع

انا معاك انها مش فزورة واي حد غير متخصص هيعرف يشتغل فيها
بس المهم تلاقي حد بيفهم اوي وحقاني وعنده ضمير

يعني هقولك علي حاجة
معروف عندنا كلنا وعن تجارب كثير ان المواتير الألف مش بتعمر - سليم ؟؟
لدرجة ان احد الأعضاء قال كلمة جميلة جدا عن المواتير دي وهي ان المواتير زي ماتكون شركة فولكس عملتلها شفرة لو الموتور اتفتح يبوظ

انا من يومين بقلب في الكتالوج لقيت ان فولكس بتنصح بعدم اللعب في المواتير ال1000 من حيث الصبابات والشمايز والذي منه (اللي هي بمفهومنا احنا "العمرة") ودة لأن البلوك بتاعه الومنيوم ومش مستحمل لعب فيه.

ميكانيكي الفولكس بيجيب من الأخر وبيقولك هات واحد جديد
الميكانيكي العادي بيجرب فيه وفي النهاية التجربة بتبوء بالفشل

قيس علي كدة حاجات كتيرة جداً جداً
لكن مثلا تركيب بوجيهات او سيور او حل وتركيب طرمبة باور او مياة او تغيير تيل او او اوا او اي حاجة من السيرفيس المعتاد هيعرف طبعا يعملها ومش عايزة متخصص
وان كان بردو ليا تحفظ لأني اكتشفت ان كل حاجة في العربية عايزة فن وليها فكرة في تركيبها

تحياتي للجميع وتمنياتي بالتوفيق