إعـــــــلان

Collapse

.

,
See more
See less

ابيزا 2001

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    ابيزا 2001

    السلام عليكم
    أنا معروض عليا ابيزا 2001 عاملة 75 ألف كيلو 1000 سي سي راشة برة حالتها المفروض كويسة "أنا شفتها على الماشي"آخر الكلام وصلنا لـ 45
    انا هدفع 20 مقدم و25 كمان شهر
    لو حد يقدر يفيدني فى الآتي:
    1- تقييم العربية حسب اللى قلته عنها
    2- ازاي أكشف عليها وانهي أحسن مكان أكشف فيه وبكام وفين التوكيل ولو كشفت عنده بكام ؟ ولو في مكان قريب من مدينة نصر، ويكون أمين لأني مش هعرف أعمل أي اصلاحات بعد ماشتريها لأني أصلا لسه مش عارف هدفع ازاي المبلغ ده
    3- أيه اللى أهتم بيه ساعة الكشف ومافوتوش خصوصا فى العربية دي؟
    4- أماكن تواجد قطع الغيار بتاهتها
    5- انا قرأت الموضوع بتاع شراء المستعمل ، بس سؤالي فى الحالة بتاعتي ايه النظام اللي نمشي عليه يضمن حقي وحق البائع
    "عقد ابتدائي + توكيل إدارة بدون بيع+تسليم فوري+ تسجيل بيع عند سداد باقي المبلغ"
    أو
    "عقد ابتدائي + تسجيل بيع+تسليم فوري+ شيك بنكي بباقي المبلغ"
    أو ايه الاقتراحات الأخرى
    6- ايه الأوراق اللي المفروض أطلع عليها ساعة البيع وايه اللىالمفروض أخده من الراجل
    7- مصاريف التسجيل ونقل الملكية وخصوصا بين المحافظات "هيا فى الاسماعيلية وانا فى مدينة نصر"

    معلش الأسئلة كتير بس لو حد عنده اجابات ياريت يفيدنا
    وجزاكم الله خيرا
    محمد سامي
    [CENTER][FONT=Tahoma]"الْحَمْدُ لِلّهِ الَّذِي هَدَانَا لِهَـذَا وَمَا كُنَّا لِنَهْتَدِيَ لَوْلا أَنْ هَدَانَا اللّهُ "[/FONT][/CENTER]
    الكلمات الدلالية (Tags): 20, 2001, 2008, ibiza, أحسن, ابيزا, اسعار, اصلاح, التو, التوكيل, الجديدة, اللي, الي, بدون, بيع, تسليم, تقييم, تكييف, توكيل, رخصة, سوق السيارات, شراء, شهادة مخالفات, عدادات, عربية, عفشة, عن, غيار, في, قطع, قطع الغيار, كشف, كل, للبيع, مرور, مستعمل, مع, من, موتور, مين, هي, وكيل
  • #2
    المشاركة الأصلية كتبت بواسطة msami2k مشاهدة المشاركة

    2- ازاي أكشف عليها وانهي أحسن مكان أكشف فيه وبكام وفين التوكيل ولو كشفت عنده بكام ؟ ولو في مكان قريب من مدينة نصر، ويكون أمين لأني مش هعرف أعمل أي اصلاحات بعد ماشتريها لأني أصلا لسه مش عارف هدفع ازاي المبلغ ده
    ممكن تروح لمحمد سمير يكشفلك عليها و هو امين جدا و هيطلعلك Report كامل بكل حاجة فيها.
    أخر النزهة الجديدة فى جسر السويس ورا حديقة بدر.
    تليفون: 0122354589

    المشاركة الأصلية كتبت بواسطة msami2k مشاهدة المشاركة
    3- أيه اللى أهتم بيه ساعة الكشف ومافوتوش خصوصا فى العربية دي؟
    هو هيقولك على كل حاجة فيها.

    المشاركة الأصلية كتبت بواسطة msami2k مشاهدة المشاركة
    4- أماكن تواجد قطع الغيار بتاهتها
    شارع دمشق فية كذا واحد لكن انا بتعامل مع اولاد فتح الباب عشان محترمين اوى.
    [SIGPIC][/SIGPIC]
    speed never kills anyone, suddenly becoming stationary does
    [FONT=&quot]Fiat 128-Mazda 323 BD-Seat Ibiza 021A[/FONT][FONT=&quot]-Peugeot 205 GTI-VW Polo 6n2-VW Passat B5-Seat Ibiza 6k VR6 -Seat Leon 1M[/FONT]

    Comment

    • #3
      هوا القسم فاضي خلاص
      الواحد ملحقش يتعلم حاجة
      داحنا كنا لسه مبتدأيييييييين

      ياااااااااا أهل البللااااااااد انتم فيييييييييييين
      [CENTER][FONT=Tahoma]"الْحَمْدُ لِلّهِ الَّذِي هَدَانَا لِهَـذَا وَمَا كُنَّا لِنَهْتَدِيَ لَوْلا أَنْ هَدَانَا اللّهُ "[/FONT][/CENTER]

      Comment

      • #4
        خد الرابط دة هيعرفك على اسعار اغلب ق غ

        دى اسعار قطع غيار الابيزا من 2001:2000 - نايل موتورز - NileMotors.net
        http://www.nilemotors.net/Nile/showthread.php?t=29927


        اما بالنسبة للعملية القانونية للبيع و الشراء
        1- تاخد منة رخصة السيارة تاريخها سارى -غير منتهية
        2- شهادة مخالفات حديثة لم يمر عليها اكثر من اسبوع او اثنين لانها من محافظة لاخرى
        3-التاكد من ان صاحب الرخصة هو نفسة المالك او معة عقد بيع او معة توكيل مكتوب فية له الحق فى توكيل او البيع للغير .
        4- يعملك توكيل او عقد بيع للسيارة و عقد البيع افضل و هكلف تقريبا 620 جنيه و عقد البيع يديك كل الصلاحيات . اما التوكيل يكلف 25 جنيه. انت و امكانياتك و يكتب فى التوكيل انك ليك حق البيع لنفسة او للغير و توكيل الغير و التعامل مع المرور علشان تعرف تطلع شهادة مخالفات تانية لو اللى معاك انتهت.
        5-بالنسبة للنظام المالى بينكم و بين بعض ف دة بالاتفاق تكتب شيك على نفسك او ايصال امانة انت و ظروفك و اتفاقك معاة انما ماتدفعش كل الفلوس دى بدون توكيل او عقد بيع مفيش حد ضامن حد الايام دى بلاش كدة الناس كلها كويسين ز محدش ضامن الحياة من الموت و ربنا يديلة و يديك طولة العمر. بس الاحتياط واجب

        6- بالنسبة لسعر العربية سعرها كويس جدا و حاول تكشف عليها كويس - موتور و عفشة و تكييف و زجاج كهرباء و عدادات التابلوة و تتاكد ان الاير باجز مطلعتش من مكانها بمعنى اخر كشف على الشاسية من الاخر انت عاوز حد متخصص زى ماكتب لك الزميل-IBIZA-
        7- عموما العربية ممتازة انا لسة شارى 2001 ب 46000جنيه علشان كدة اتاكد كويس منها.

        ربنها و فقك و يستها معاك

        اتمنى انى اكون وفيت الشرح
        سبحان الله و بحمده سبحان الله العظيم

        Comment

        • #5
          جزاكم الله خيرا ومعذرة على التعب

          معلش في سؤال صغير خالص هزعجكم بيه
          هوا انا محتاج اروح مرور اسماعيلية ولا كل الأوراق هتخلص من القاهرة
          بالنسبة للشهر العقاري اللى فى سوق السيارات بخلص منه البع والشراء كله "هوا بيفتح يوم الجمعة حسب ما أعرف"

          ودعواتكم ربا يوفق للخير
          [CENTER][FONT=Tahoma]"الْحَمْدُ لِلّهِ الَّذِي هَدَانَا لِهَـذَا وَمَا كُنَّا لِنَهْتَدِيَ لَوْلا أَنْ هَدَانَا اللّهُ "[/FONT][/CENTER]

          Comment

          • #6
            لا المرور بيكون حسب الرخصة اللى طالعة لو الرخصة مرور الاسماعيلية يبقى لازم شهادة المخالفات تطلع من الاسماعيلية - اما لو نقلت ملكية يعنى هتخلى رخصة العربية القاهرة يبقى هتروح المرور اللى تبع المنطقة اللى بطاقتك الشخصية فيها +شهادة المخالفات و الرخصة السارية طبعا و تنقل ملكية يعنى تبقى رخصة العربية باسمك بس روح بالعربية المرور لان هيتم فحصها هناك بحاجة اسمها اورنيك فحص.

            -- اما بالنسبه للشهر العقارى فدة ميفرقش عملتة فى الاسماعيلية فى الاقصر موش مشكلة المهم تكون موجود اثناء عملية البيع او التوكيل علشان ميجبلكش ورق مضروب

            و ربنا يوفقك.
            سبحان الله و بحمده سبحان الله العظيم

            Comment

            • #7
              موقعة السوق أول يوليو 2008

              نزلت النهاردة السوق علشان أأشتري عربية
              محدد نفسي إبيزا 2000 إلى 2002 حالة ممتازة
              انا كنت مواعد الراجل بتاع الاسماعيلية أني أرحله بس قلت ألف السوق الاول
              ملقيتش فى السوق كله الا واحدة 2001 متشحورة من:boxing_smiley: بره بس من جوه شكلها كويس
              قلت ياواد ده كده فل الناس مبتبعش العربية دي يعني عربية ممتازة زين ماختارت
              رحت للراجل بتاااع الاسماعيلية
              وكانت المفاجأة
              المفاجأة
              المفاجأة
              بعد مكنت قايله على ظروفي وكنت متصور أني هخلص
              قال 35 مقدم و10 بعد شهر
              يا إما تدفع عربون وتستلم مع باقى المبلغ
              طبعا قلتله خلاص لما تبقى معايا الفلوس كاملة هكلمك
              روحت البيت سايق العربية اللي اشتريتها اللى كانت موديل "خفي حنين"

              لقيت واحد بيعلن فى الوسيط عن واحدة 2001 على 44 اتصلت بيه ووافق على التقسيط على مرتين
              ورحتله لقيت العربية لابأس عليها شوية تظبيطات من برة وخلاص
              وانا قاعد فى العربية لقيت اتنين جم بصو فى العربية وقالو للراجل هيا فيها رقمين شاسيه ،قالهم هوا دا كلام ،قام واحد موطي عليا وقالي "نصيحة لله متشتريش" معرفش اشمعنى وخد بعضه ومشي
              لسه بنزل أكلم الراجل قالي تدفع النص بعقد ابتدائي والورق لما تكمل ومش هتاخد أي أوراق
              قلتله طيب ولو البوليس وقفني
              قالي احنا ظباط مباحث وهنعرف نجيبها ولو من عند اسماعيل الشاعر
              قلتله هفكر
              بس طبعا الكلام معجبنيش
              يعني أمشي شهر من غير رخصة عربية لو كمين وقفني يبهدلني ومراتي والواد وبعدين أجيب العربية من مديرية الأمن "مش كلام"
              + أن كلام الراجل بتاع الاتنين شاسيه دا خوفني

              ورجعت البيت أجر أذيال الخيبة بعد مشربت بتاع 4 لتر مياه فى كام ساعة واتهريت من الحر باحثا عن موقعة أخري مع ابيزا الحبيبة

              انا حبيت أدي فكرة عن البيحصل للي بيفكر يقسط ولو على مرتين خلال شهرواحد


              دعواتكم بعربية حلوه
              وجزاكم الله خيرا
              محمد
              [CENTER][FONT=Tahoma]"الْحَمْدُ لِلّهِ الَّذِي هَدَانَا لِهَـذَا وَمَا كُنَّا لِنَهْتَدِيَ لَوْلا أَنْ هَدَانَا اللّهُ "[/FONT][/CENTER]

              Comment

              • #8
                اخى الكريم من النهاردة و لغاية شهر جاى متشتريش فكر فيها و اسال عنها و شوف اية اخبار الابيزا عموما من الاخر مستعجلش فى العجلة الندامة يا اخى .

                و متشتريش عربية ابيزا علشان تركب ابيزا و خلاص لا اركب العربية الابيزا الصح علشان متندمش و تكرهها و استخير الله قبل الشراء وهوه و حدة اللى هيوفقك ليها .

                و توكل على الله
                سبحان الله و بحمده سبحان الله العظيم

                Comment

                • #9
                  جزاكم الله خيرا على النصيحة

                  أنا بدور على واحدة تكون حالة الزيرو وانا مش مستعجل
                  والواحد معاه العمر كله يدور براحته مش هيركب قبل معاده

                  انا اقتنعت بالعربية وقرأت عنها وسألت كتير

                  وبعدين فى الأول والآخر ده توفيق ربنا
                  ربنا يستر لأني فعلا مش عارف لو طلعت مقلب هعمل فيها ايه

                  الله المستعان

                  دعواتكم بالتوفيق
                  [CENTER][FONT=Tahoma]"الْحَمْدُ لِلّهِ الَّذِي هَدَانَا لِهَـذَا وَمَا كُنَّا لِنَهْتَدِيَ لَوْلا أَنْ هَدَانَا اللّهُ "[/FONT][/CENTER]

                  Comment

                  • #10
                    وانا قاعد فى العربية لقيت اتنين جم بصو فى العربية وقالو للراجل هيا فيها رقمين شاسيه ،قالهم هوا دا كلام ،قام واحد موطي عليا وقالي "نصيحة لله متشتريش" معرفش اشمعنى وخد بعضه ومشي
                    عرفت معناه اية الكلام ده؟
                    [FONT=Tahoma][COLOR=DarkRed][B][SIZE=4][SIZE=2][COLOR=Indigo]محمد أبو السعود[/COLOR][/SIZE][/SIZE][/B][/COLOR][/FONT]
                    [FONT=Tahoma][COLOR=DarkRed][B][SIZE=4][SIZE=2][COLOR=Indigo]
                    [/COLOR][/SIZE][SIZE=2][COLOR=Indigo]مهندس اتصالات[/COLOR][/SIZE]
                    [SIZE=3]
                    آه يا[/SIZE][SIZE=3][SIZE=4] بلد[/SIZE] ... عاوزه [/SIZE][SIZE=3][SIZE=4]ولد[/SIZE][/SIZE][/SIZE][/B][/COLOR][/FONT]

                    Comment

                    • #11
                      لا بصراحة مش عارف
                      [CENTER][FONT=Tahoma]"الْحَمْدُ لِلّهِ الَّذِي هَدَانَا لِهَـذَا وَمَا كُنَّا لِنَهْتَدِيَ لَوْلا أَنْ هَدَانَا اللّهُ "[/FONT][/CENTER]

                      Comment

                      السابق template التالي
                      Working...
                      X