البطارية بتنام

[ahmad_salama]

يا جماعه مره واحده كده البطاريه نامت قومتها ببطاريه تانيه ومشيت مسافه 30 كيلو علشان تشحن وتاني يوم لقيتها نايمه تاني
قومتها ومشيت مشوار حلو حوالي 60 كيلو رجعت نامت تاني
روحت للكهربائي حطها ع الجهاز قالي الشحن سليم كده بطاريه
روحت وفصلت كابل البطاريه السالب ونزلت الصبح بعد مرور اكتر من 10 ساعات بدور لقيتها بتدور وزي الفل
اتصلت بالكهربائي قالي برضو بطاريه

ف هل كده فعلا بطاريه ولا في حاجه بتهرب الشحن علشان كده لما شلت كابل البطاريه مفضيتش ؟

[meido_ibiza]

ممكن يكون عندك ماس فى العربيه

[ahmad_salama]

وده نتاكد منه ازاي بقي ؟؟ لان الكهربائي بياكدلي انها بطاريه وقولتله لا يكون في تهريب قالي لا بطاريه من غير ما يمسك فيشه ولا سلك يتاكد منه يعني. انا مش واثق في كلامه

[ahmad_salama]

معلومات اضافيه:

نوع البطاريه : فارتا جافه
عمر البطاريه : تقريبا سنتين

[SYD]

والله هو ممكن تكون بطارية طلما بقالها سنتين
بس لو انت قريب من فيصل روح لغطاطي يكشفلك عليها هو الوكيل بتاع فارتا

[ahmad_salama]

روحت لكهربائي تاني دلوقتي وبرضو من غير ما يقوم من مكانو قالي بطاريه. مش عارف بقا

[ahmad_salama]

روحت لكهربائي تالت والحمد لله قام من مكانه ولاحظ اننا لما شيلنا كابل البطاريه ونقربه من البطاريه بيعمل شرز بسيط قالي عندك ماس قلت الحمد لله.
فك فيوزات دفيره الانزار لقي الشرز لسه زي ما هو
فك الكاست لقي الشرز قل جامد وصل الكاست الشرز زاد
قالي الكاست بيسجب كهربة البطاريه قلتله بس مفيش جديد حصل هي بقالها اكتر من سنه الكاست ده متوصل بالطريقه دي اصر برضو ان الكاست هو السبب.
قالي علشان نتاكد هنفضل فاصلين الكاسيت للصبح وخليك موصل كابلات البطاريه وجرب

[ahmad_salama]

فاكرين الموضوع ده ؟؟ http://www.nilemotors.net/Nile/307172-a.html

يا تري ممكن يبقالو علاقه بالموضوع ؟؟

[Ahmed_Gallant]

موضوع ان البطاريه بتفضى من الكاسيت دى علامه قويه جدا على انها بتخلص وهتفضل تقرفك لحد ما تغيرها بس اهم حاجه لو العربيه مشحونه تمام والعربيه بارده ومرديتشى تدور من اول مره يا ترى ممكن تديلك كام مره مارش لان لو هى بتديك مرتين او تلاته وبعدين بتضعف يبقى غيرها احسن
نصيحه منى سواء فضلت على البطاريه دى او غيرتها لازم تعمل كل كهربا جوه العربيه ما عدا الانتظار طبعا على مفتاح الكونتكت عشان لو لا قدر الله نسيت حاجه شغاله بيكون خطر جدا وممكن لاقدر الله تحصل قفله وتسخن الاسلاك لدرجه الاحتراق لاقدر الله
انا عامل الكاسيت والجى ام والولاعه مع الكونتاكت كده اضمن

[Land_Cruiser]

اعتقد برضه انها البطاريه عملتها و حان وقت تغييرها

[SYD]

متابع

وبكرة ان شاء الله لما تجرب تقولنا عملت معاك ايه

[ahmad_salama]

نزلت بعد حوالي 5 ساعات من فصل الكاسيت لقيت العربيه عاوزه تعتل وخدت وقت في الدواره يعني كان ناقصلها شوية وهتنام. :(

[moh_rayan]

بطارية و ممكن تروحى لاى حد بتاع بطاريات بيقيس قوتها