ابيزا 98 علي 28500 ايه رايكم انا محتار

[hashimcac]

السلام عليكم ورحمة الله وبركاته
الكلام برضة يا جماعه علي الابيزا 98 اللي طلبت منكم امبارح تسعيرها


هي ابيزا 98
1000 سي سي والموتور انا شايف حالته مقبولة الي حدا ما بس صاحبي اللي كان معايا قاللي انه خفيف شويه وهو اعتقد انه بيفهم احسن مني لانه كان عنده مغسلة عربيات
عدادها عامل تقريبا 200 الف كيلو
هي هاف بور و2 زجاج كهربا وسنتر وصاحبها بيقول ان فيها تكييف سخن بس
لسه رشه جانبين ( شغل اي كلام )
التابلوة مقبول 60% في نظري بس شغال
في فانوس امامي لمبة محروقه ولونة مسود شوية علي الارجح هيتغير كلة بالاشارة بتاعته وبتاعة اللي جنبة
كمان الفانوس الشمال الخلفي مش مطبع علي الصاج شوية تقريبا كان في خبطة في المكان ده واللي سمكرها كان نجار مسلح تقريبا
الكبلن الشمال محتاج تغيير
الخلوص بين الرفرف الشمال والكبوت مش مظبوطة قوي لكن شكلها مقبول وصاحبي اللي كان معايا قاللي محتاج تجيب رفرف غيرة لكن انا شايف شكله كويس
البربريز الامامي فية شرخ وغالبا للامان هيتغير
الابواب كويسة لكن مش قافلة علي حدود السقف معاها قوي محتاجة تظبط
العربية كلها فبريكة دواخل بالجنط الاصلي بالصالون
فيها 4 توكيلات للغير ورخصة سنه

ساعدوني يا بش مهندس سيد و يا بش مهندس ايهاب منصور ويا كل الابيزاوية
يا تري 28500 سعر كويس بالنسبة لي كمشتري لعربية بالظروف ده والموديل دة ولا ايه ؟
وكمان الحاجات اللي هغيرها تتكلف كام ؟

[hashimcac]

نسيت كمان اقولكم ان الباب الخلفي مش مطبع قوي و هو قافل بس شغال والكالون بتاعه حوالية لحام كدة شكله غريب زي ما يكون سليكون او شمع بلاستيك

[eemmoo]

مفيش حد يقدر يحكم على سعر عربيه من غير ما يشوفها
كمان من اللى انت بتقوله ان العربيه محتاجه شغل كتير واقل شغل فى عربيه المانى بيتكلف كتير
يعنى لو شدتها وظبطت كل اللى فيها هتلاقى نفسك صرفت اكتر من ثمن ابيزا 98 حالتها كويسه
كمان 4 توكيلات كتير اوى وده بيدل على ان العربيه فيها مشاكل وكل ما حد بيشتريها بيقلبها بسرعه

[hashimcac]

مفيش حد يقدر يحكم على سعر عربيه من غير ما يشوفها
كمان من اللى انت بتقوله ان العربيه محتاجه شغل كتير واقل شغل فى عربيه المانى بيتكلف كتير
يعنى لو شدتها وظبطت كل اللى فيها هتلاقى نفسك صرفت اكتر من ثمن ابيزا 98 حالتها كويسه
كمان 4 توكيلات كتير اوى وده بيدل على ان العربيه فيها مشاكل وكل ما حد بيشتريها بيقلبها بسرعه

كلام معقول جدا
و بشكرك علي ردك

[Ahmed_Gallant]

السلام عليكم
اسلم طريق عن تجربه تشترى بيها ابيزا هى تقييم العيوب والحاجات اللى هتتصلح وتتغير بفلوس وتروح تسأل على سعرها استيراد وجديد وتكتبها فى ورقه طبعا انا بتكلم على الحاجات الضروريه زى العفشه والمكنه والانوار وتحسب تمنها فوق تمن العربيه بس خد بالك الابيزا خداعه شويه يعنى مثلا الفريم اللى فى نص التابلوه مبيتباعشى استيراد لوحده وجديد تمنه يعدى 250 وده غالى بس تلاقى جوز المساعدين اللى ورا بالسوست من غير الطنابير ب250 وده رخيص تلاقى مثلا العواكس اللى فى الشنطه جديده بتوصل ل300 جنيه مع ان باب الشنطه كلها استيراد ب350 جنيه مثال تانى لو جبت شورت بلوك ممكن يعمل فى حدود 2000 جنيه بالتركيب وممكن تعمل عمره لموتور ابيزا ب2000 جنيه وتبوظ تانى لازم تقيم وتكتب كل كبيره وصغيره وتبقى عارف هتعمل ايه لانك ممكن تتخض من اسعار حاجات انت كنت شايفها تافهه جدا زى مانت بتقول اجيب فانوس قدام كامل وده سعره على فكره مش رخيص زى مانت فاكر وخد بالك من حاجه ان صاج الابيزا ناشف وخصوصا الابواب يعنى لو مكانتشى بايته على جسم العربيه يبقى هتحتاج شغل قوى عشان ترجع زى ما كانت وبصراحه انا عمرى ما شفت باب ابيزا خصوصا او بولو مش بايت فى مكانه لان الالمان بيعملوا اختراعات عشان المفصات بتاع البيبان متريحشى ابدا
تحياتى

[Ahmed_Gallant]

نسيت اقولك مفيش حاجه فى الدنيا اسمها هاف باور لو فيها طلمبه باور وعلبه دركسيون باور وخزنه زيت الباور تبقى باور مفيهاش تبقى علبه عاديه بس هى الابيزا نوعا ما خفيفه على الارض والدركسيون مش محتاج باور قوى

[SYD]

مفيش حد يقدر يحكم على سعر عربيه من غير ما يشوفها
كمان من اللى انت بتقوله ان العربيه محتاجه شغل كتير واقل شغل فى عربيه المانى بيتكلف كتير
يعنى لو شدتها وظبطت كل اللى فيها هتلاقى نفسك صرفت اكتر من ثمن ابيزا 98 حالتها كويسه
كمان 4 توكيلات كتير اوى وده بيدل على ان العربيه فيها مشاكل وكل ما حد بيشتريها بيقلبها بسرعه

1+
انا مع الكلام دة ومش مستريح للعربية دي

السلام عليكم
اسلم طريق عن تجربه تشترى بيها ابيزا هى تقييم العيوب والحاجات اللى هتتصلح وتتغير بفلوس وتروح تسأل على سعرها استيراد وجديد وتكتبها فى ورقه طبعا انا بتكلم على الحاجات الضروريه زى العفشه والمكنه والانوار وتحسب تمنها فوق تمن العربيه بس خد بالك الابيزا خداعه شويه يعنى مثلا الفريم اللى فى نص التابلوه مبيتباعشى استيراد لوحده وجديد تمنه يعدى 250 وده غالى بس تلاقى جوز المساعدين اللى ورا بالسوست من غير الطنابير ب250 وده رخيص تلاقى مثلا العواكس اللى فى الشنطه جديده بتوصل ل300 جنيه مع ان باب الشنطه كلها استيراد ب350 جنيه مثال تانى لو جبت شورت بلوك ممكن يعمل فى حدود 2000 جنيه بالتركيب وممكن تعمل عمره لموتور ابيزا ب2000 جنيه وتبوظ تانى لازم تقيم وتكتب كل كبيره وصغيره وتبقى عارف هتعمل ايه لانك ممكن تتخض من اسعار حاجات انت كنت شايفها تافهه جدا زى مانت بتقول اجيب فانوس قدام كامل وده سعره على فكره مش رخيص زى مانت فاكر وخد بالك من حاجه ان صاج الابيزا ناشف وخصوصا الابواب يعنى لو مكانتشى بايته على جسم العربيه يبقى هتحتاج شغل قوى عشان ترجع زى ما كانت وبصراحه انا عمرى ما شفت باب ابيزا خصوصا او بولو مش بايت فى مكانه لان الالمان بيعملوا اختراعات عشان المفصات بتاع البيبان متريحشى ابدا
تحياتى

طبعا الكلام دة مظبوط يا بشمهندس احمد بس في حالة..
في حالة لما تبقي بتتكلم فعلا زي مانت ما بتقول علي عفشة - اسطوانة وديسك - فانوس مكسور
لكن مشكلة العربية دي اكبر من الكلام دة

نسيت اقولك مفيش حاجه فى الدنيا اسمها هاف باور لو فيها طلمبه باور وعلبه دركسيون باور وخزنه زيت الباور تبقى باور مفيهاش تبقى علبه عاديه بس هى الابيزا نوعا ما خفيفه على الارض والدركسيون مش محتاج باور قوى

1+

السلام عليكم ورحمة الله وبركاته
الكلام برضة يا جماعه علي الابيزا 98 اللي طلبت منكم امبارح تسعيرها

هي ابيزا 98
1000 سي سي والموتور انا شايف حالته مقبولة الي حدا ما بس صاحبي اللي كان معايا قاللي انه خفيف شويه وهو اعتقد انه بيفهم احسن مني لانه كان عنده مغسلة عربيات
عدادها عامل تقريبا 200 الف كيلو
هي هاف بور و2 زجاج كهربا وسنتر وصاحبها بيقول ان فيها تكييف سخن بس
لسه رشه جانبين ( شغل اي كلام )
التابلوة مقبول 60% في نظري بس شغال
في فانوس امامي لمبة محروقه ولونة مسود شوية علي الارجح هيتغير كلة بالاشارة بتاعته وبتاعة اللي جنبة
كمان الفانوس الشمال الخلفي مش مطبع علي الصاج شوية تقريبا كان في خبطة في المكان ده واللي سمكرها كان نجار مسلح تقريبا
الكبلن الشمال محتاج تغيير
الخلوص بين الرفرف الشمال والكبوت مش مظبوطة قوي لكن شكلها مقبول وصاحبي اللي كان معايا قاللي محتاج تجيب رفرف غيرة لكن انا شايف شكله كويس
البربريز الامامي فية شرخ وغالبا للامان هيتغير
الابواب كويسة لكن مش قافلة علي حدود السقف معاها قوي محتاجة تظبط
العربية كلها فبريكة دواخل بالجنط الاصلي بالصالون
فيها 4 توكيلات للغير ورخصة سنه

ساعدوني يا بش مهندس سيد و يا بش مهندس ايهاب منصور ويا كل الابيزاوية
يا تري 28500 سعر كويس بالنسبة لي كمشتري لعربية بالظروف ده والموديل دة ولا ايه ؟
وكمان الحاجات اللي هغيرها تتكلف كام ؟

وعليكم السلام ورحمة الله وبركاته
1- الموتور خفيف
2- تقريبا فاضية -
3- رشة سوقي
4- مخبوطة من ورا - وعايزة يتعاد عليها
5- عايزة راس كوبلن شمال
6- الخلوص بين الرفرف والكبوت
7- الزجاج الأمامي
8- الأبواب مش مظبوطة
9- فيها 4 توكيلات

انا كتبت اللي فيها في شكل نقاط علشان نتناقش فيهم
1- الموتور خفيف
عرفت ازاي ؟؟؟ او صاحبك عرف ازاي ؟؟؟؟ هل فتح العمة ولقاها فيها زيت ؟؟ ولا خلع خرطوم فايز الزيت وشاف دخنة ؟؟؟ ولا كبس الشكمان ولقي الكبس ضعيف ؟؟؟؟
عموما الموتور مش قضية (2500 الموتور بالمصنعية)

2- العربية مافيهاش كماليات - ايه 2 زجاج وسنتر ؟؟؟ انا ماشوفتش كدة قبل كدة
اساسي هتلاقيه مركب الحاجات دي - اقل مافيها يبقي معاهم كمان مرايات كهربا
ومفيش حاجة اسمها تكييف سخن بس - دي كدة بقت اوبشن وانا مش عارف ؟؟؟؟
بس علي العموم مش قضية (مرايات كهرباء بمفتاحهم بضفيرتهم مش اقل من 500 جنيه + 3000 جنيه تكييف)

3- رشة سوقي - يعني مرشوشة رش اي كلام علشان تلمع في النور وتحلي في عين الزبون
هتعيد عليها تاني ب 1500 جنيه بوية مصري اما لو بوية مستوردة فمش هتقل عن 2500 جنيه

4- الخبطة عادي هتعيد عليها تاني ب 200 جنيه ولا حاجة ويمكن يشد زراجين

5- راس الكوبلن اعتقد والله اعلم هتلاقي الجوز ب 300 جنيه

6- الخلوص بين الرفرف الأمامي شمال والكبوت مش مظبوط
طب هل لقيت الخلوص بين الباب ونفس الرفرف مظبوط ؟؟؟
أقصد هل العيب عيب كبوت ولا عيب رفرف ؟؟؟؟
عموما لو عيب ضبط في الرفرف هتلاقي المسافة بينه وبين الكبوت مش مظبوط وكذلك الباب - هتلاقي فانوس الأشارة مش مظبوط - انت ماحددتش انهي فانوس أشارة عايز يتغير بس علي الأرجح هتلاقيه بتاع نفس الجنب - والفانوس الواحد لو لقيت حد رضي يبيع فانوس جنب واحد ب 150 جنيه والأشارة جديد او استيراد ب 35 جنيه
بس مش هو دة المشكلة
انا قلبي حاسس انها مخبوطة من الجنب دة والسمكري رمة وماظبطش الشغل هتعيد عليها تاني بحوالي 200 كمان ولو عايزة رفرف هتجيبه استيراد ب 90 جنيه

7- الزجاج الأمامي مشروخ
احب اقولك ان الزجاج عندنا في عربياتنا سيكوريت
طبعا دة مش ميزة لأنه بيتفتفت زي الرز لو حصله اي خبطة وبالتالي هتغيره في اقرب فرصة ورخيص مش غالي يعني هتلاقيه بين 350 ل 400 جنيه

8- الأبواب مش مظبوطة مع السقف - ودة اما مفصلات او كوالين وفي كلا الحالتين دة اكيد بسبب حادثة رائعة والمفصلات رحلت او الأبواب كانت اتفكت واتغيرت او اتفكت واتسمكرت
ضبط ب 20 جنيه

9- 4 توكيلات
طبعا مفيش الكلام دة
هما توكيلين والثالث لازم يبيع بعقد مسجل
اما التوكيلات مضروبة او انت مافهمتش منه صح
مش مشكلة علي كل الأحوال
وهتظبط المسائل وقت الشراء

نسيت كمان اقولكم ان الباب الخلفي مش مطبع قوي و هو قافل بس شغال والكالون بتاعه حوالية لحام كدة شكله غريب زي ما يكون سليكون او شمع بلاستيك

10- الباب الخلفي عايز شغل وتغيير كالون
هتغير الباب كله بحوالي 250 - 300


طبعا انا مهاودك علي الأخر ومشيت معاك للأخر
العربية فيها 10 ملحوظات بأجمالي تكلفة = 9095 جنيه يعني قول 9000
يبقي الأجمالي = 28500 + 9000 = 37500
37500 سعر احسن عربية ابيزا 99 كاملة وفبريكة جوة بجد ومافيهاش جنيه مصروف وممكن تحطهم في عربية 2000 او 2001 وكاملة بردو ومفيهاش مصروف

وممكن تحطهم في العربية دي ووجع قلب وعلي الأقل شغل 3 شهور والنتيجة
عربية كانت عاملة حادثة ومتروقة اخر حاجة علي ايدك وملعوب في كهربتها البخت ولما هتيجي تبيع هتبيع ب 30 علي اقصي تقدير

ياباشا العربية دي والله ماتسوي حتي 24 ولا 22

ابعد عنها احسن
دي الناهية

واحنا هنا معاك ومتابعينك
ولو لقيت حاجة تانية ياريت تقولنا بردو واحنا مع بعض بناخد رأي بعض

والله المستعان
،
،

[hashimcac]

1+
انا مع الكلام دة ومش مستريح للعربية دي



طبعا الكلام دة مظبوط يا بشمهندس احمد بس في حالة..
في حالة لما تبقي بتتكلم فعلا زي مانت ما بتقول علي عفشة - اسطوانة وديسك - فانوس مكسور
لكن مشكلة العربية دي اكبر من الكلام دة





1+




وعليكم السلام ورحمة الله وبركاته
1- الموتور خفيف
2- تقريبا فاضية -
3- رشة سوقي
4- مخبوطة من ورا - وعايزة يتعاد عليها
5- عايزة راس كوبلن شمال
6- الخلوص بين الرفرف والكبوت
7- الزجاج الأمامي
8- الأبواب مش مظبوطة
9- فيها 4 توكيلات

انا كتبت اللي فيها في شكل نقاط علشان نتناقش فيهم
1- الموتور خفيف
عرفت ازاي ؟؟؟ او صاحبك عرف ازاي ؟؟؟؟ هل فتح العمة ولقاها فيها زيت ؟؟ ولا خلع خرطوم فايز الزيت وشاف دخنة ؟؟؟ ولا كبس الشكمان ولقي الكبس ضعيف ؟؟؟؟
عموما الموتور مش قضية (2500 الموتور بالمصنعية)

2- العربية مافيهاش كماليات - ايه 2 زجاج وسنتر ؟؟؟ انا ماشوفتش كدة قبل كدة
اساسي هتلاقيه مركب الحاجات دي - اقل مافيها يبقي معاهم كمان مرايات كهربا
ومفيش حاجة اسمها تكييف سخن بس - دي كدة بقت اوبشن وانا مش عارف ؟؟؟؟
بس علي العموم مش قضية (مرايات كهرباء بمفتاحهم بضفيرتهم مش اقل من 500 جنيه + 3000 جنيه تكييف)

3- رشة سوقي - يعني مرشوشة رش اي كلام علشان تلمع في النور وتحلي في عين الزبون
هتعيد عليها تاني ب 1500 جنيه بوية مصري اما لو بوية مستوردة فمش هتقل عن 2500 جنيه

4- الخبطة عادي هتعيد عليها تاني ب 200 جنيه ولا حاجة ويمكن يشد زراجين

5- راس الكوبلن اعتقد والله اعلم هتلاقي الجوز ب 300 جنيه

6- الخلوص بين الرفرف الأمامي شمال والكبوت مش مظبوط
طب هل لقيت الخلوص بين الباب ونفس الرفرف مظبوط ؟؟؟
أقصد هل العيب عيب كبوت ولا عيب رفرف ؟؟؟؟
عموما لو عيب ضبط في الرفرف هتلاقي المسافة بينه وبين الكبوت مش مظبوط وكذلك الباب - هتلاقي فانوس الأشارة مش مظبوط - انت ماحددتش انهي فانوس أشارة عايز يتغير بس علي الأرجح هتلاقيه بتاع نفس الجنب - والفانوس الواحد لو لقيت حد رضي يبيع فانوس جنب واحد ب 150 جنيه والأشارة جديد او استيراد ب 35 جنيه
بس مش هو دة المشكلة
انا قلبي حاسس انها مخبوطة من الجنب دة والسمكري رمة وماظبطش الشغل هتعيد عليها تاني بحوالي 200 كمان ولو عايزة رفرف هتجيبه استيراد ب 90 جنيه

7- الزجاج الأمامي مشروخ
احب اقولك ان الزجاج عندنا في عربياتنا سيكوريت
طبعا دة مش ميزة لأنه بيتفتفت زي الرز لو حصله اي خبطة وبالتالي هتغيره في اقرب فرصة ورخيص مش غالي يعني هتلاقيه بين 350 ل 400 جنيه

8- الأبواب مش مظبوطة مع السقف - ودة اما مفصلات او كوالين وفي كلا الحالتين دة اكيد بسبب حادثة رائعة والمفصلات رحلت او الأبواب كانت اتفكت واتغيرت او اتفكت واتسمكرت
ضبط ب 20 جنيه

9- 4 توكيلات
طبعا مفيش الكلام دة
هما توكيلين والثالث لازم يبيع بعقد مسجل
اما التوكيلات مضروبة او انت مافهمتش منه صح
مش مشكلة علي كل الأحوال
وهتظبط المسائل وقت الشراء



10- الباب الخلفي عايز شغل وتغيير كالون
هتغير الباب كله بحوالي 250 - 300


طبعا انا مهاودك علي الأخر ومشيت معاك للأخر
العربية فيها 10 ملحوظات بأجمالي تكلفة = 9095 جنيه يعني قول 9000
يبقي الأجمالي = 28500 + 9000 = 37500
37500 سعر احسن عربية ابيزا 99 كاملة وفبريكة جوة بجد ومافيهاش جنيه مصروف وممكن تحطهم في عربية 2000 او 2001 وكاملة بردو ومفيهاش مصروف

وممكن تحطهم في العربية دي ووجع قلب وعلي الأقل شغل 3 شهور والنتيجة
عربية كانت عاملة حادثة ومتروقة اخر حاجة علي ايدك وملعوب في كهربتها البخت ولما هتيجي تبيع هتبيع ب 30 علي اقصي تقدير

ياباشا العربية دي والله ماتسوي حتي 24 ولا 22

ابعد عنها احسن
دي الناهية

واحنا هنا معاك ومتابعينك
ولو لقيت حاجة تانية ياريت تقولنا بردو واحنا مع بعض بناخد رأي بعض

والله المستعان
،
،

والله مش عارف ازاي اشكرك علي ردك المفصل الجميل ده
انت بجد حد من اللي يتقال له ربنا يكتر من امثالك ويبارك فيك

انا طبعا بعد رائيك والاعضاء المحترمين
صرفت النظر تماما عن البيعة دة

وناوي انزل السوق الجمعة الجاية ان شاء الرحمن

و طبعا مش هقدر استغني عن مشورتكم شكرا جزيلا

[hashimcac]

السلام عليكم
اسلم طريق عن تجربه تشترى بيها ابيزا هى تقييم العيوب والحاجات اللى هتتصلح وتتغير بفلوس وتروح تسأل على سعرها استيراد وجديد وتكتبها فى ورقه طبعا انا بتكلم على الحاجات الضروريه زى العفشه والمكنه والانوار وتحسب تمنها فوق تمن العربيه بس خد بالك الابيزا خداعه شويه يعنى مثلا الفريم اللى فى نص التابلوه مبيتباعشى استيراد لوحده وجديد تمنه يعدى 250 وده غالى بس تلاقى جوز المساعدين اللى ورا بالسوست من غير الطنابير ب250 وده رخيص تلاقى مثلا العواكس اللى فى الشنطه جديده بتوصل ل300 جنيه مع ان باب الشنطه كلها استيراد ب350 جنيه مثال تانى لو جبت شورت بلوك ممكن يعمل فى حدود 2000 جنيه بالتركيب وممكن تعمل عمره لموتور ابيزا ب2000 جنيه وتبوظ تانى لازم تقيم وتكتب كل كبيره وصغيره وتبقى عارف هتعمل ايه لانك ممكن تتخض من اسعار حاجات انت كنت شايفها تافهه جدا زى مانت بتقول اجيب فانوس قدام كامل وده سعره على فكره مش رخيص زى مانت فاكر وخد بالك من حاجه ان صاج الابيزا ناشف وخصوصا الابواب يعنى لو مكانتشى بايته على جسم العربيه يبقى هتحتاج شغل قوى عشان ترجع زى ما كانت وبصراحه انا عمرى ما شفت باب ابيزا خصوصا او بولو مش بايت فى مكانه لان الالمان بيعملوا اختراعات عشان المفصات بتاع البيبان متريحشى ابدا
تحياتى

انت يا استاذنا جبت من الاخر
وشاكر جدا لردك المفيد ده
وتحياتي ليك من النهاردة لحد السنه الجاية
شكرا جزيلا

[magdy_momo]

من خبرتي في السوق .. بقولك العربية دي كنبة ابعد عنها احسن

[alzelafy]

الابيزا يا باشا ما تتركبش غير وريحه الخواجه فيها يعنى على وضعها فى كل حاجه و تانى يد بالكتيير غير كدة المواصلات اكرملك بكتييييييير

[hashimcac]

الابيزا يا باشا ما تتركبش غير وريحه الخواجه فيها يعنى على وضعها فى كل حاجه و تانى يد بالكتيير غير كدة المواصلات اكرملك بكتييييييير

انت يا باشا خلصت الكلام
شكرا ليك

[windofchange]

ملحوظة صغيرة ياسيد.......الزجاج مش سيكوريت عندي مكتوب عليه كده برضه لكنه دوبليكس وده بان لما جيت اصلح الشروخ اللي فيه

[hashimcac]

من خبرتي في السوق .. بقولك العربية دي كنبة ابعد عنها احسن

ده مش كنبة بس
ده كنبه شمال
شكرا ليك