ماتور ال 1300

[ahmad_salama]

واحد صاحبي عنده ماتور 1300 الكاربراتير بس الفتيس بتاعه بايظ وهو عاوز يبيعه
وانا ماتوري 1400 كاربراتير كهربا مش مريحني ومشاكله وصوته عالي ف بفكر اخد ماتوره نظرا للظروف الماديه لان حالته مشاء الله كويسه

الاسئلة بقي:
1. اخده بكام
2. فتيسي يركب عليه ؟
3. هحتاج اغير ايه ؟؟
*اكيد في تعديل في الدفيرة لان الي عندي كهربا ب 3 فيش "حساسات" وكنترول والي عنده مفيهوش ده ف ايه الي المفروض يتم ؟
*هل هحتاج اغير التانك لان انا عندي التانك الي فيه طرمبه كهربا والي عنده بيتهيئلي انه طرمبه عاديه ؟

4. نصايحكم ايه ؟

[ahmad_salama]

نسيت اسال كمان سؤال

بالنسبه للمرور ايه الوضع ؟؟

[SYD]

انت اول واحد اشوفه يعمل كدة
نصيحتي بلاش تبوظ عربيتك وتقلل منها
سايس امورك اليومين دوول وامشي بمتورك لحد لما ربنا يكرم وتغيره بحاجة احسن

[haissam24h]

حرام تنزل ماتور حساسات وكهربه وتركب عاده هتلاقى العربيه بقت خراب
وبعدين انته كده هتلغى لمبات فى التابلوة واحتمال كمان تغير الكنترول بتاع العربيه
وغير كده الماتور لما هتروج المرور لازم تجيب الافراج الجمركى ونقل ملكيته وقصه كده من مرور الدراسه وتلف لحد ما توصل مرورك
ماتور عربيتك شوف ميكانيكى كويس يظبتهولك
لحد لما تسقطه وتركب الاحسن منه
+معلومة عربيتك 1400 وهتركب 1300 مش هتلاقى العزم بتاع زمان والماتور الى هتركبه هتيهلك بسرعه الناس بتعلى بعربيتها وانته كده بتنزل بعربيتك

[ahmad_salama]

المشكله عندي ان الماتور صوته عالي اوي وفي صوت تخبيط وانا مش مرتاح معاه وحتي بحاول ابيع وده بيعملي مشكله. ف انا مش عاوز اجيب ماتور انجيكشن هيتكلف حوالي 3500 اقل حاجه انا عاوز حاجه متبقاش عاملالي مشاكل وفي حدود بسطيه

ف دي فكره هتخليني امشي حال العربيه يا اما تتباع يا اما لو ربنا كرم بعد كده في المستقبل ممكن اظبط موتور احسن

[SYD]

المشكله عندي ان الماتور صوته عالي اوي وفي صوت تخبيط وانا مش مرتاح معاه وحتي بحاول ابيع وده بيعملي مشكله. ف انا مش عاوز اجيب ماتور انجيكشن هيتكلف حوالي 3500 اقل حاجه انا عاوز حاجه متبقاش عاملالي مشاكل وفي حدود بسطيه

ف دي فكره هتخليني امشي حال العربيه يا اما تتباع يا اما لو ربنا كرم بعد كده في المستقبل ممكن اظبط موتور احسن

مين قال انه هيكلفك 3500 ؟؟؟
وحتي لو - اسمك بتطلع مش بتنزل
وبعدين انت متخيل ان الموتور والتعديلات اللي هتعملها هتكلفك كام ؟؟
هتلاقيها بردو قريب من كدة - يبقي في النهاية انت الخسران

انت متخيل بعد ما تظبط العربية وتبقي ماشية 10/10 هتتباع بكام ؟؟؟
say انها هتتباع ب 30
طب لو الموتور بيخبط ومفوت وعايز يترمي هتتباع بكام ؟؟؟
هتتباع في حدود من 27 ل 28

انا عندي انك تبيعها علي عيبها وتخسر كلام فاضي - احسن من تصليحها وتكاليف ومشاوير ووجع قلب وفي الأخر مش هتكسب كتير - لأن المفروض انك تبيع عربية شغالة مش عطلانة
فبالتالي اي تكاليف مش هتزود من ثمن العربية اي شئ

بص يا باشا
انزل هات بلوكة 1400 هاف انجيكشن (اخت اللي راكبة في عربيتك) مش هتكلفك 1000 - 1200 جنيه علي بعض
او هات شورت بلوك علي بعضه ب 2000 جنيه
او هات مكنة من غير اداوت تغذية 1400 انجيكشن بالضفيرة والكنترول و المنافلود بالبوابة ب 3500 جنيه واشتري نفسك وعربييتك

دة رأيي وانت حر في النهاية

تحياتي

[agaty1st]

كل الكلام اللي أتقال ده صح و اللي عاوز تعمله غلط بس لو مصمم
ممكن أخد منك الأنجكشن و الكنترول و الضفيره و لو عاوز الكربراتير 1300 بتاعي خده