طلب مساعدة .. عفشجى و ميكانيكى لابيزا 98...

[kareem_Ashmawy]

السلام عليكم وحوش السيات....
الاستفسار ده لواحد صاحبى يا جماعة معاه ابيزا 98 1000 سى سى
و أنا وعدته انى هجيبله أخبار أكيد من ناس بيفهموا فى الابيزا جامد
فأرجو انكم متخزلونيش..:)
.
.
المطلوب يا شباب لو سمحتم واحد بتاع عفشة يكون فاهم عشان يكشف على العفشة
ويقول بالضبط محتاجه ايه عشان هو بيقول انها حاسس ان العفشة مش مضبوطة
.
.
كمان هو بيقول انه لما بييجى يدور الصبح بدور بعد كذا محاولة
فلو حد يعرف ميكايكى حريف ابيزا أكون شاكر ليكم جدا
.
.
حاجة بأه اخيرة معلش طولت عليكم
لو عايزين نركب فوجات ( مش فاكر هى فيها فوجات و عايزة تتصلح و لا هيركب من الأول)
و طقم زينون نروح لمين يعملنا الحكاية دى
.
.
وشكـــــــرا جزيلا أهل الابيزا الكرام

[mohamed ibiza]

الميكانيكي بتاعي حافظ الابيزا صم و فاهمينها كويس جدا هو في البحر الاعظم جنب قسم الجيزة علي طول الشارع اللي جنب القسم علي طول اسمه شريف هو بيبقي متواجد دايما بليل بس اخواته هناك برضه و لو حبيت اروح معاك مفيش مشاكل اما العفشجي في البحر الاعظم برضه في شارع المدبح متفرع من البحر الاعظم بعد قسم الجيزة بشوية كده و موضوع الدوارة بتاعة الصبح دي حاجة بسيطة يعني مش مشكلة عويصة اما الفوجات بتبباع استيراد في دمياط ب 325 جنيه و ممكن تيجي عادي جدا لو عايزها يعني اما الزينون ده ليه مراكز او محلات بتبيعه كده و مفيش الماني طبعا يا صيني يا كوري علي ما اعتقد

[kareem_Ashmawy]

شكرا ياباشا على الرد السريع جدا
بعد اذنك يا ابو حميد ممكن تقولى مكان العفشجى بالضبط فى شارع المدبح
أو اسمه ايه
وشكرا جزيلا

[mohamed ibiza]

شكرا ياباشا على الرد السريع جدا
بعد اذنك يا ابو حميد ممكن تقولى مكان العفشجى بالضبط فى شارع المدبح
أو اسمه ايه
وشكرا جزيلا

والله يا كريم ما فاكر اسمه انا اخر مرة كنت عنده يوم 9-4-2008 بص انت هتدخل شارع المدبح ماشي هتمشي شوية كده هتلاقيه علي ايدك الشمال و هحاول افتكر اسمه و اقولهولك اعذرني امتحانات و زهايمر و ربنا ما يوريك:embarrassed2:

[kareem_Ashmawy]

خلاص ياباشا و لا يهمك
انت لسه بتمتحن و لا ايه
دا أنا كنت فاكر انى أخر واحد خلص فى مصر

[mohamed ibiza]

لا يا باشا بس انا خلصت يوم 19\6 بس حاسس ان الداتا اللي في نفوخي طاااااااااارت حاسس بخلل ذهني كده مش عارف ليه

[kareem_Ashmawy]