عربيتي جابت فتيس :(

[lexus1]

البقاء لله , اول امبارح راجع علي الكورنيش الكئيب لبست مطب من نوع اقلاع - طيرن - هبوط ( وانا اصلا كان عندي مشاكل في الكوبلن ) المهم تاني يوم رحت الشغل زي الفل وانا راجع في امان الله مرة واحدة لقيت عمود الكوبلن في الارض والدنيا غرقانة زيت
موش هطول عليكم وديتها لمكانيكي بص في الكبوت وقفل تاني وقالي الخبر السعيد

الرجاء يا خونا عايز اعرف اسعار الحجات دي وجيبها منين

عمود كوبلن
كبالن داخلي وخارجي
فتيس لمتور 1600 polo ahs

سيات ابيزا 98

,وإنا لله وانا الية راجعون...

[SYD]

قدر الله وماشاء فعل
المهم ان انت بخير

بص ياباشا
الفتيس هيبقي في حدود من 300 - 500 (انت وشطارتك مع التاجر)
الكوبلن الداخلي باعمود لحد الخارجي هيبقي في حدود من 250 - 300 جنيه
انا اشتريت البلية بس بتاعة الكوبلن الداخلي ب100 جنيه استيراد و110 جديدة بس صيني

العملية كلها علي بعضها ممكن تدخل في 600 جنيه

وفي انتظار باقي الأراء لأني مش متأكد اوي من اسعار اليومين دوول وخصوصا ان الفتيس 1600

[Khaled Online]

ربنا يصبرك
الحمدلله إنه مش dsg
وبسيطة إن شاء الله

[lexus1]

الحمدللة علي كل حال
طبعا سيد بية عاجز علي الشكر وزي ماتوقعت اول رد هيكون منك :)
متشكر علي مساعدتكم ومستني الردرد لأني فعلا مقلق اني ملاقيش الفتيس بتاع الموتور دة
سؤال تاني
هل لما اجي اركب الفتيس هحتاج اروح للكهربائي ؟ ومصنعيتة في حدود كام عشان بصراحة مش طالبة اشتغلات

[MohammedAladel]

الحمد لله المشكلة بسيطة تتلم بتمن فردة كاوتش :)

[SYD]

لا هتروح لميكانيكي ولا دخل للكهربائي في الموضوع

تكلفة التركيب في حدود 150 جنيه

[lexus1]

لا ميكانيكي ولا كهربائي امال اروح لمين يا مان d:
تمام دنا قولت الموضوع هيدخل في 3000 جنية , الحمدللة

[alzelafy]

البقاء لله اولا
ثانيا 3000 جنيه ليه دا انتا لو جبت موتور بالفتيس بالعفشه قدام ممكن تيجى بال 3000
الحوار كلو زى ما قال مهندس محمد سيد فى اول مشاركه بالحرف بس حاول تفك الفتيس من على موتور زى بتاعك لف الاول على الموتور و لو لقيتو بفتيسو فك منو الفتيس وزى ما يكون بس تبقى عملت الصح

[windofchange]

قدر الله وماشاء فعل
المهم ان انت بخير

بص ياباشا
الفتيس هيبقي في حدود من 300 - 500 (انت وشطارتك مع التاجر)
الكوبلن الداخلي باعمود لحد الخارجي هيبقي في حدود من 250 - 300 جنيه
انا اشتريت البلية بس بتاعة الكوبلن الداخلي ب100 جنيه استيراد و110 جديدة بس صيني

العملية كلها علي بعضها ممكن تدخل في 600 جنيه

وفي انتظار باقي الأراء لأني مش متأكد اوي من اسعار اليومين دوول وخصوصا ان الفتيس 1600

الله ينور يابشمهندس *) انت قلت "الكوبلن الداخلي باعمود لحد الخارجي هيبقي في حدود من 250 - 300 جنيه" يعني ب300 معادا رأس الكوبلن الخارجي ولا ايه؟

[windofchange]

انت متأكد ان الفتيس باظ يالكسزس ؟ بيعمل معاك ايه فالغيار؟ ممكن يكون التيش(العصاية الموصلة بين عصاية الفتيس بالصالون والفتيس) اتكسر وعايز يتغير ااو اتني وعايز يتسعدل او الزيت عايز يتزود

[lexus1]

انت متأكد ان الفتيس باظ يالكسزس ؟ بيعمل معاك ايه فالغيار؟ ممكن يكون التيش(العصاية الموصلة بين عصاية الفتيس بالصالون والفتيس) اتكسر وعايز يتغير ااو اتني وعايز يتسعدل او الزيت عايز يتزود

انا الي شفتو مكسور قدامي العمود الي رايح من علي الفتيس للكوبلن

سؤال بقي , هو لو ركبت فنيس اوتوميتك هبقي في ضرر ؟

[tareksakr]

الفتيس يبوظ في حالتين لو الفتيس اتكسر او الزيت اتصفي نتيجه لتسريب او كسرانا شائف ان العيب كله في الاكس بتاع الكوبلن انه يتغير ورأيي انك تشوف ميكانيكي تاني غير ده

[SYD]

الله ينور يابشمهندس *) انت قلت "الكوبلن الداخلي باعمود لحد الخارجي هيبقي في حدود من 250 - 300 جنيه" يعني ب300 معادا رأس الكوبلن الخارجي ولا ايه؟

وعليك يا هوبة
لا انا اقصد انه كله علي بعضة من الداخل للخارج بالعمود

[SYD]

الفتيس يبوظ في حالتين لو الفتيس اتكسر او الزيت اتصفي نتيجه لتسريب او كسرانا شائف ان العيب كله في الاكس بتاع الكوبلن انه يتغير ورأيي انك تشوف ميكانيكي تاني غير ده

كلام سليم فعلا - الفتيس مش من الحاجات اللي بتبوظ بسرعة او نتيجة مطب او ما شابه
فعلا الأصول تجرب الأول بالكبالن - لو الدنيا اشتغلت تمام يبقي تكبر دماغك
وفعلا روح لواحد تاني - لأن دة هيقنعك انه كدة كدة هيحل فبلاش يقعد يتعب قلبه وفي الأخر الفتيس خلصان وعايز يتغير
لسبب..
البلية الخارجية بتاعة الكوبلن الداخلي مقرفة اخر حاجة في فكها وتركيبها وخصوصا لو كانت البلية اليمين (ناحية الراكب الأمامي وليس السواق)

حاول كدة واحنا هنا معاك لو احتاجت اي حاجة

[lexus1]

واللة يا جماعة مش عارف اشكركو ازاي
هو فعلا انا بشك في الموضوع دة عشان الكسر علي يمين السواق , عموما انا هنزل اخدها للميكانيكي وربنا يكرم