تغير قاعدة الموتور

[matrix012]

حبايبى الايبيزاويه
الحمد لله انهاردا غيرت قاعدة الموتور الاماميه ( الى فى القنطره )
الموضوع بكل بساطه ان كان فى دبدبه جامده الصراحه مع كل حاجه بعملها ادوس بنزين او فرامل او بعدى على طوبه صغيره كده يعنى
روحت لواحد من فتره وقالى كلام عجيب قوى قالى بص يا باشا احنا نحل العافشه كلها ونشوف ايه الى بايظ ونعمله طبعا مروحتلوش تانى وقولت كده فل قوى انا مش هعملها وفعلا اتعودت عليها
وانا بظبط زوايه من كام يوم كده لقيت الراجل بيقولى انتا محتاج قاعدة موتور قولتله اشمعنا قالى بتسمع طقطقه او دب وانتا ماشى قولتله اه قالى غيرها وابقى طمنى
بينى وبينكم مكدبتش خبر روحت انهادا جبت قاعده اماميه استيراد عامله 100 جنيه
وروحت طالع على العفشجى الى جمبى وعملهالى واحد 10 جنيه
النتيجه
مفيش اى حاجه خالص كانى عامل صوت العفشه على الصامت فرحت قوى الصراحه وقولت بالمره اغير زيت الموتور واشوف زيت الفتيس
اكتشفت حاجه ان زيت الفتيس تقريبا الى كان موجود يعنى نقدر نقول نص لتر او لتر بالكتير ولونه مش حلو ده حتى الريحه بتاعته مكانتش حلوه
مطولش عليكو غيرت زيت الفتيس وحطيت زيت 140 تعاون ( رغم ان المهندس ايهاب قالى ان المفروض يتحط 90 ) بس كانت مكالمتى لايهاب بعد ما غيرت والحمد لله دلوقتى صوت الموتور هادى وناعم ـ وصوت الدبرياج ( الى محمد سيد علق عليه اخر مره اتقابلنا ) بعد ما غيرت زيت الفتيس مبقاش فى اى صوت والحمد لله
نصيحه
اكشف على زيت الفتيس كل مره بتغير فيها زيت الموتور وديه نصيحه الراجل الى غيرلى الزيت وحبيت اقولهاكم
وربنا يستر طريقى وطريقكم

[Mo.Kareem]

الف مبروك

[SYD]

الله ينور يا باشا
جبت القاعدة منين (او بيسموها كراسي الماكينة)
انا كمان عايز واحدة - ان شاء الله هجيبها هي واللي الأتنين التانين شروة واحدة

وبالنسبة لزيت الفتيس فعلا هو 90 او بالأحري w90/75

مبروك عليك يا باشا العفشة والفتيس

والله المستعان
،
،

[matrix012]

الف مبروك

الله يبارك فيك يا باشا وشكرا على مرورك الكريم

[matrix012]

الله ينور يا باشا
جبت القاعدة منين (او بيسموها كراسي الماكينة)
انا كمان عايز واحدة - ان شاء الله هجيبها هي واللي الأتنين التانين شروة واحدة

وبالنسبة لزيت الفتيس فعلا هو 90 او بالأحري w90/75

مبروك عليك يا باشا العفشة والفتيس

والله المستعان
،
،

وعليك يا محمد باشا
انا جبت القاعده زى ما بجيب كل حاجه استيراد من عند واحد جمبى اسمه حجاج بندق هوا عارفنى وده مريحنى شويه علشان لو اخدت الحاجه وجيت بعد اسبوع مثلا وطلعت مش كويسه برجعهاله تانى واوقات باخد الفلوس كمان او بستنى لما يجب شغل تانى حسب منا عاوز
هيا عملت 100 يا باشا وانا كنت سئلت فى الحرافيين عليها كان اقل واحد بيتكلم فى 150 والحمد لله الدنيا اتظبطت شويه وعقبالك انتا كمان يا باشا وانا تحت امرك لو احتجت اى حاجه
وبالنسله للفتيس تفتكر ان فى غلط لما احط ال 140 ويا ترى ايه الفرق بنهم
وطبعا شكرا على مرورك يا محمد
وربنا يستر طريقى وطريكم

[ahmedelfeky]

الزيت 140 فى الصيف عادى فى الشتا بقى حتحس ان الغيارات تقيله
المفروض 75w90

[SYD]

وعليك يا محمد باشا
انا جبت القاعده زى ما بجيب كل حاجه استيراد من عند واحد جمبى اسمه حجاج بندق هوا عارفنى وده مريحنى شويه علشان لو اخدت الحاجه وجيت بعد اسبوع مثلا وطلعت مش كويسه برجعهاله تانى واوقات باخد الفلوس كمان او بستنى لما يجب شغل تانى حسب منا عاوز
هيا عملت 100 يا باشا وانا كنت سئلت فى الحرافيين عليها كان اقل واحد بيتكلم فى 150 والحمد لله الدنيا اتظبطت شويه وعقبالك انتا كمان يا باشا وانا تحت امرك لو احتجت اى حاجه
وبالنسله للفتيس تفتكر ان فى غلط لما احط ال 140 ويا ترى ايه الفرق بنهم
وطبعا شكرا على مرورك يا محمد
وربنا يستر طريقى وطريكم

الزيت 140 فى الصيف عادى فى الشتا بقى حتحس ان الغيارات تقيله
المفروض 75w90

1+
كمان علشان مايأثرش بالسلب علي أداء الفتيس

ان شاء الله حكلمك ونبقي نروح نجيب واحدة زي بتاعتك وبالمرة كمان نركبها عند نفس العفشجي ان شاء الله

[matrix012]

1+
كمان علشان مايأثرش بالسلب علي أداء الفتيس

ان شاء الله حكلمك ونبقي نروح نجيب واحدة زي بتاعتك وبالمرة كمان نركبها عند نفس العفشجي ان شاء الله

اى وقت انا تحت امرك يا محمد

[eemmoo]

بس ايه علاقه قاعده الموتور بالدبدبه اللى كنت بتحس بيها مع ان القاعده دى مش جزء من اجزاء العفشه

[matrix012]

بس ايه علاقه قاعده الموتور بالدبدبه اللى كنت بتحس بيها مع ان القاعده دى مش جزء من اجزاء العفشه

يا باشا انا كل ما بدوس بنزين او بدوس فرامل الطبيعى ان الموتور بيتحرك من العزم بتعاه ( ده على ما اعتقد ) الحركه بتاعت لمتوب ديه بقى لما تكون القاعده تقريبا مهلهله يعنى متأكله بشده كده هيبقى فى دب
هيا فعلا مش جزء من العفشه بس هيا كانت عامله صوت حتى وانا بعدى على طوبه
تقدر تقول كده موتور مش متسبت يعنى مع كل حركه الموتور بيدب فى القنطره وشكرا على مرورك ويا رب اكون قدرت اوضحلك قصدى
وربنا يستر طريقى وطريقكم

[agaty1st]

وقولت بالمره اغير زيت الموتور واشوف زيت الفتيس
اكتشفت حاجه ان زيت الفتيس تقريبا الى كان موجود يعنى نقدر نقول نص لتر او لتر بالكتير ولونه مش حلو ده حتى الريحه بتاعته مكانتش حلوه
مطولش عليكم غيرت زيت الفتيس وحطيت زيت 140 تعاون ( رغم ان المهندس ايهاب قالى ان المفروض يتحط 90 ) بس كانت مكالمتى لايهاب بعد ما غيرت والحمد لله دلوقتى صوت الموتور هادى وناعم ـ وصوت الدبرياج ( الى محمد سيد علق عليه اخر مره اتقابلنا ) بعد ما غيرت زيت الفتيس مبقاش فى اى صوت والحمد لله
نصيحه
اكشف على زيت الفتيس كل مره بتغير فيها زيت الموتور وديه نصيحه الراجل الى غيرلى الزيت وحبيت اقولهاكم
وربنا يستر طريقى وطريقكم

مبروك القاعده يا باشا
بس لازم تغير الزيت ده و تحط زيت 90 تاني لأن الزيت ده هايعمل معاك الأتي:
1- أثناء الدواره في البرد الشديد هاتلاقي العربيه أتحركت حركه بسيطه جدا وهي مموره و ده بسبب تقل الزيت (ركز و هاتلاحظها الصبح بدري في الشتا)
2- الغيارات في البرد هاتبقى تقيله جدا و أيدك وانتا بتنقل هاتخلي مجموعة العصايا تباوش
3- الفتيسات دي لفاتها سريعه و الزيت ده بييمثل مقاومه عاليه عليها و هايكسر الفتيس (مسألة وقت و يبوظ)
4- زيادة في أستهلاك البنزين و الأداء هايقل

فانصيحه غيره بأقصى سرعه وفي زيت شل العبوه كيلو بس مش فاكر أسمه لكن درجة لزوجته أعلى من الموصى بها ب5 درجات فقط لأن الزيت الموصى به مش هاتلاقيه و أعتقد متعدد كمان

[SYD]

مبروك القاعده يا باشا
بس لازم تغير الزيت ده و تحط زيت 90 تاني لأن الزيت ده هايعمل معاك الأتي:
1- أثناء الدواره في البرد الشديد هاتلاقي العربيه أتحركت حركه بسيطه جدا وهي مموره و ده بسبب تقل الزيت (ركز و هاتلاحظها الصبح بدري في الشتا)
2- الغيارات في البرد هاتبقى تقيله جدا و أيدك وانتا بتنقل هاتخلي مجموعة العصايا تباوش
3- الفتيسات دي لفاتها سريعه و الزيت ده بييمثل مقاومه عاليه عليها و هايكسر الفتيس (مسألة وقت و يبوظ)
4- زيادة في أستهلاك البنزين و الأداء هايقل

فانصيحه غيره بأقصى سرعه وفي زيت شل العبوه كيلو بس مش فاكر أسمه لكن درجة لزوجته أعلى من الموصى بها ب5 درجات فقط لأن الزيت الموصى به مش هاتلاقيه و أعتقد متعدد كمان

http://www.nilemotors.net/Nile/231103-a.html#post3873633138

[matrix012]

طب انا سئلت عند اكتر من واحد بتاع زيوت على زيت 90 ومش لاقيه
ممكن من الى يعرف بيتباع فين يقولى علشان اروح اغيره
انتو قلقتونى قوى من الموضوع ده خصوصا ان فى اكتر من زميل فى المنتدى الفتيس بتاعه باظ وانا مش حمل حاجه زى كده استرها معانا يا رب
وشكرا

[SYD]

يا باشا اقرا الموضوع دة فيه كل شئ عن زيت الفتيس الخاص بعربياتنا

http://www.nilemotors.net/Nile/231103-a.html#post3873633138

وماتخافش اوي للدرجادي، انت مامشيتش عليه سنة يعني
الشهر الجاي نزله وحط الزيت المعتمد
مش هيجري حاجة

والله المستعان
،
،

[matrix012]

يا باشا اقرا الموضوع دة فيه كل شئ عن زيت الفتيس الخاص بعربياتنا

http://www.nilemotors.net/Nile/231103-a.html#post3873633138

وماتخافش اوي للدرجادي، انت مامشيتش عليه سنة يعني
الشهر الجاي نزله وحط الزيت المعتمد
مش هيجري حاجة

والله المستعان
،
،

الله يطمنك يا محمد
بس انتا عارف لما الواحد يكون قلقان من حاجه بيكون بس ربنا يستر بقى وكفايه كلام فى الموضوع ده لحسن انا تعبت