يا جماعة........عايز حد يفيدني

[Moustafa Al-mansy]

اية رأيكم في سيات كوردوبا 2008

و ياريت حد يفيدني في مواصفتها و سعرها..........

[mohamed ibiza]

سيات كوردوبا 2008 1400 سي سي 85 حصان عزمها 130 نيوتن

العربية كشكل احلي شكل نزل في الكوردوبا من سنة 96 حتي الان بس طبعا مسألة اذواق..

اساسيات العربية كلها الماني موتور شاسيه عفشة فتيس الماني التقفيل و التجميع اسباني عربية محدش اشتكي منها الحاجة الوحيدة بس ان قطع غيارها غالية شوية لكن متوفرة و موجودة جوا و برا التوكيل مكوناتها الميكانيكية الماني مش هوصف و اعد اقولك فيها شعر لكن اقل ما يقال عنها انها معمرة جدا ثبات عالي جدا جدا كعادة موديلات سيات و فولكس في كذا موديل منها بتتراوح الاسعار بحد اقصي تقريبا 113 الف

1-كوردوبا 1400 مانوال من غير جنوط سبور بطاسات لكن طبعا فيها كل الاوبشنز من اول الازاز الكهربا الي اخره تكييف طبعا و كل الكلام ده دي سعرها 99000

2-دي نفس الاوبشنز بتاعت اللي فوق بس دي اوتوماتيك و سعرها 106000

3-دي بقي فيها جنوط سبور 16 و فرد 205\45 و فتحة سقف و اوتوماتيك علي ما اعتقد و سعرها 112500

التوكيل مركز الخدمة موجود في ارض اللواء في الجيزة بيفهموا لكن غاليين شوية انا مجربهم مراكز البيع واحد في رمسيس و التاني في جامعة الدول العربية عموما ممتازة و انصحك بيها و لو هتجيبها هات المانوال احسن و ربنا يوفقك

[Moustafa Al-mansy]

شكرا محمد باشا علي الرد الجميل.........

طب هيا قدرة تحملها ايه أصل أنا بمشي كتييييييييييييييير........

و المانيوال فيها فتحة سقف ولا لأ...........

ومن جوة اية نظامها...........

[Moustafa Al-mansy]

وما فيش منها 1600

ولية تنصحني بالمانيوال............

[mohamed ibiza]

لا مفيش منها 1600 الكوردوبا في مصر 1400 فقط تفيدك في البنزين و الضريبة و الموتور قوي متخافش الناس دي عارفة بتعمل ايه حتي الكوردوبا 2001 كانت 1000 سي سي و برضه مجدش اشتكي من الاداء كل من امتلكها شكر فهيا


و انصحك بالمانوال لسببين الاول المانوال معمر و اعطاله اقل من الاوتو و تكلفة تصليحة اقل من الاوتو بكتير السبب الثاني ان الفتيسات الاوتو الجديدة للاسف مش بتتصلح يعني لو لقدر الله حصل فيها حاجة بتتشال كده و يتحط غيرها علي طول مفيش تصليح الفتيس الماني طبعا و معمر جدا سواء ده او ده بس انا عن نفسي برشحلك المانوال لو جبت الاوتو مش هيبقي فيها مشاكل بالعكس عادي جدا جدا الاوتو بتاعها ممتاز محدش اشتكي منه خالص بس كمان المانوال افضل في التسارع و الاداء و انا عن نفسي مبحبش الاوتو لكن لو عايز الاوتو هاتها مفيش مشاكل بس المانوال خصوصا في السعات اللترية العادية 1400 و 1500 و الحاجت دي بيبقي افضل مش بيبقي خانق العربية

[mohamed ibiza]

شكرا محمد باشا علي الرد الجميل.........

طب هيا قدرة تحملها ايه أصل أنا بمشي كتييييييييييييييير........

و المانيوال فيها فتحة سقف ولا لأ...........

ومن جوة اية نظامها...........

قدرة تحملها زي ما تحب امشي زي ما تحب و دوس و افحت كمان الماني يا استاذنا:):)

و من جوه في رأيي حلو خصوصا طارة الدركسيون بتاعة سيات تحفة تحسسك انك مش عايز تسيبها

و الداخل كمان مصنع من اجود الخامات الاسبانية المعمرة اللي مش بتتأثر باشمس ولا الكلام ده و شيك جدا جدا جدا

[mohamed ibiza]

و لو تحب اقولك الاوبشنز بظبط اقولك عادي البروشور بتاعها عندي

[Moustafa Al-mansy]

ياريت يا محمد باشا.............

بس الله يخليك بسرعة عشان أنا نفسي أخذ قرار.......

[mohamed ibiza]

ياريت يا محمد باشا.............

بس الله يخليك بسرعة عشان أنا نفسي أخذ قرار.......

من عونيه:):) ثواني اجيبه و اقولك كل حاجة و عموما العربيات دي معروفة بالتحمل و العمر الافتراضي الطويل و قرار شرائك ليها قرار في محله و طبعا حسب الاستعمال يعني حتي لو بتمشي كتير لما تهتم بتغيير الزيت و البوجيهات و الصيانة الدورية و كده اعطالها هتكون اقل من الاقل لان اساسا اعطالها قليلة

[Moustafa Al-mansy]

ألف شكر يا محمد باشا........

نخدمك كدة يوم فرحك و لو متزوج يبقي يوم فرح أولادك........

[Moustafa Al-mansy]

و أخبار الصاج اية............

[mohamed ibiza]

بص يا باشا
موتور mpi حقن متعدد النقاط 1400 سي سي 85 حصان 130 نيوتن عزم للمانوال

الاوتو 75 حصان و 126 نيوتن عزم

نازلة بجنوط 15 و 16 الجانط ال 15 الفرد فيه 195\55 و ال 16 205\45

الابعاد
الطول 4280
العرض1698
الارتفاع1441

الشنطة مساحتها 485 لتر انا شفتها بنفسي واسعة و حلوة جدا

تانك البنزين 45 لتر

الوزن في حالة الجري خلي بالك ان وزن العربية و هي واقفة بيبقي اتقل من حالة الجري
وزن المانوال 1075 كيلو
الاوتو 1107 كيلو
الكماليات:
1-ايموبليزر
2 وسائد هوائية للسائق و الراكب الامامي
3-باور ستيرنج
4-فوج لايت امامي
5-power lock+remote control+safe system+lock-unlock
6-4 ازاز كهربا
7-تكييف كليماترونيك
8-راديو سي دي 6 سماعات
9-كاب هولدر و انوار الصالون طبعا و الحاجات دي
استهلاك البنزين: 8لتر و نص جوا المدينة في ال 100 كيلو
و علي الطرق السريعة في حدود 6لتر و نص في ال 100 كيلو
لو عايز تعرف حاجة تاني قولي

[mohamed ibiza]

و أخبار الصاج اية............

واخدة 4 نجوم من 5 في اختبارات الامان في حماية الركاب

[cobraa2008]

الله ينور عليك يا محمد بصراحة هي العربية تحفة
بمعنى الكلمة واللي هايشتريها موش هايندم خااااااااااااالص
لان العربية محترمة بمعنى الكلمة
المهم اعذروني بقى علشان موش هاعرف امدح اوي في العربيات اللي في مصر الجديدة علشان انا في السعوديييييييييييييية

[mohamed ibiza]

الله ينور عليك يا محمد بصراحة هي العربية تحفة
بمعنى الكلمة واللي هايشتريها موش هايندم خااااااااااااالص
لان العربية محترمة بمعنى الكلمة
المهم اعذروني بقى علشان موش هاعرف امدح اوي في العربيات اللي في مصر الجديدة علشان انا في السعوديييييييييييييية

اي خدعة:)