ظبط كهرباء ابيزا 1994

[kyrillos]

السلام عليكم
أنا معايا ابيزا 1994 1300 سي سي
مش عارف اذا كانت كاربيراتير ولا هالف انجيكشين (عشان هي فيها كاربيراتير - بس الميكانيكي بيقولي ان فيها حساسات تبقي هالف انجيكشن )
االمهم انا بقالي سنه الميكانيكي بيقولي رووح اظبط كهربا عند رشاد بتاع الحرفيين وانا مكسل
انا بحس ان العربيه زي ما تكون متكتفه كده، بس غيرتلها كذا حاجه وبقت احسن فا مش عارف اروح ولا لأ
اخر العربيه 120 كم \ ساعة
اخر الغيار التاني 20
التالت 60
الرابع 80
الخامس 100 ومع الوقت ممكن توصل 120
هل الارقام دي طبيعية ولا كده في مشكله ؟؟؟؟

العدادات عندي مافيهاش ار بي ام، هل ينفع اجيب عدادات 98 مثلا وال ار بي ام يشتغل ؟؟؟
ومين كهربائي كويس ممكن يعمل الحكاية دي ؟؟؟

شكرا

[SYD]

اهلا بيك بشمهندس كيرلس طبعا نسب الغيارات اللي حضرتك كاتبها دي تدل علي وجود خللالتاني 20 ؟؟؟لكن التالت 60 - دة كدة كويس اويالرابع 80 - so bad طالما الميكانيكي بيقولك ان العربية هاف انجيكشن - يبقي اكيد عندك حساساتعموماً في اشياء كتيرة اوي ممكن تأثر علي السرعة بالشكل دة والأحسن تحطها علي الكمبيوتر علشان تعرف انهي حساس عامل معاك كدة لأن في حساسات كتير بتأثر علي العربية بالشكل دة زي حساس الشكمان والأيرماس وحساس البوابة (لو موجود عندك)وممكن يكون العيب من سلوك البوجيهات او الشكمان او طرمبة البنزين او واير الأكسلاتير لذلك يا ريت لو تقولنا علي اي ملاحظات اخري لاحظتها في الفترة الأخيرةوبردو ياريت لو تقولنا ايه اخر الصيانات - حضرتك قولتلي انك مغير بوجيهات وفلاتر وسيور بس ماقولتش من امتي تحياتي

[kyrillos]

البوجيهات والفلاتر اللي غيرتها دي كانت من حوالي 7 شهور بس أنا استخدامي للعربيه بسيط جدا
لا يتعدي يومين الاجازه كل اسبوع، يعني انا في سنه كامله معديتش 2000 كيلو
كان في مشاكل في الكهربا، ان لو المروحة مثلا اشتغلت، صوت الماتور يغير، وممكن العربيه تبطل خالص
بس ظبطها وبقت 100 100
بعد كده سحب العربيه في المطالع مكانش كويس، غيرت طقم دبرياش من اسبوعين وبقي احسن كتير

بس المشكله اللي مستمره ان احيانا بحس ان العربيه متبرجله كده، مع ان الدوسه علي البنزين ثابته، يعني بدوس بنزين بمقدار معين تسحب بشكل معين، بعد شويه ادوش نفس الدوسه، ماتسحبش معايا تمام


شكرا يا باشا جدا علي اهتمامك