غيرت الكلاكس وصلحت الأنذار

[SYD]

السلام عليكم ورحمة الله وبركاته

امبارح روحت الشغل وبعد ما ركنت ، بقفل العربية مش بتقفل
افتكرت الريموت فيه حاجة
كبرت دماغي وقفلتها بالمفتاح

ووانا مروح - لما بفتحها لاحظت ان الفلاشر ماشتغلش لما فتحت الباب

قولت لما اروح هبقي اشوف فيها ايه تحت البيت
بالفعل روحت وفضلت اجيبها يمين شمال ماوصلتش لحاجة
شيكت علي كل الفيوزات الخاصة بالأنذار - ماعرفتش اوصل لحاجة لأني لقيتهم كلهم سلام
شيكت علي الفيش وعلي السنسور - مفيش اي مشكلة
اتصلت بحد حبيبي بتاع كماليات قالي هاتهالي بكرة (اللي هو النهاردة)

قولت خلاص هعدي عليه وانا راجع من الشغل

وبالفعل عديت عليه وانا مروح - وقبل ما اروحله بضرب كلاكس لقيت صوته ميتان خالص وبيطلع في الروح (يظهر ماستحملش كمية الكهرباء بعد ما ظبتها)

المهم - الراجل بيشيك لقي فيوز من الفيوزات ال4 اللي انا امبارح شيكت عليهم فاصل
غيره - الأنذار اشتغل تمام

اما بالنسبة للكلاكس فأخدت من عنده كلاكس هيلا hella أصلي صناعة اسباني
حسبهولي ب125 جنيه
صحيح صوته عامل زي المرسيدس - بس شغال
انا قولتله عايز حاجة صوتها عالي وتعييش (ماهو مش معقولة كل 6 شهور هغير كلاكس)
وفي نفس الوقت ماعنديش وقت اقعد الف علي كلاكس ابيزا استيراد

ودة شكله


كان راكب عندي الأول كلاكس من اللي هو علي شكل بوق - ودة بصراحة بيتحرق بسرعة البرق لو دخل فيه تراب او مياة وخصوصا ان مكان تركيبه تحت القنطرة من خلف الكرتيرة يعني مرمي في الشارع وبيشرب اي مياة او تراب من الطريق فبيتحرق بسرعة جدا


الدروس المستفادة
1- خلي معاك في العربية مفك تيست ابو سلكة علشان تعرف تكشف كويس لو في اي حاجة قاطعة كهرباء
2- اوعي تجيب كلاكس من ابو بوق علشان بيتحرق بسرعة


واشوفكم علي خير في تقرير جديد

والله المستعان
،
،

[mahmoud ghanem]

السلام عليكم ورحمة الله وبركاته

امبارح روحت الشغل وبعد ما ركنت ، بقفل العربية مش بتقفل
افتكرت الريموت فيه حاجة
كبرت دماغي وقفلتها بالمفتاح

ووانا مروح - لما بفتحها لاحظت ان الفلاشر ماشتغلش لما فتحت الباب

قولت لما اروح هبقي اشوف فيها ايه تحت البيت
بالفعل روحت وفضلت اجيبها يمين شمال ماوصلتش لحاجة
شيكت علي كل الفيوزات الخاصة بالأنذار - ماعرفتش اوصل لحاجة لأني لقيتهم كلهم سلام
شيكت علي الفيش وعلي السنسور - مفيش اي مشكلة
اتصلت بحد حبيبي بتاع كماليات قالي هاتهالي بكرة (اللي هو النهاردة)

قولت خلاص هعدي عليه وانا راجع من الشغل

وبالفعل عديت عليه وانا مروح - وقبل ما اروحله بضرب كلاكس لقيت صوته ميتان خالص وبيطلع في الروح (يظهر ماستحملش كمية الكهرباء بعد ما ظبتها)

المهم - الراجل بيشيك لقي فيوز من الفيوزات ال4 اللي انا امبارح شيكت عليهم فاصل
غيره - الأنذار اشتغل تمام

اما بالنسبة للكلاكس فأخدت من عنده كلاكس هيلا hella أصلي صناعة اسباني
حسبهولي ب125 جنيه
صحيح صوته عامل زي المرسيدس - بس شغال
انا قولتله عايز حاجة صوتها عالي وتعييش (ماهو مش معقولة كل 6 شهور هغير كلاكس)
وفي نفس الوقت ماعنديش وقت اقعد الف علي كلاكس ابيزا استيراد

ودة شكله


كان راكب عندي الأول كلاكس من اللي هو علي شكل بوق - ودة بصراحة بيتحرق بسرعة البرق لو دخل فيه تراب او مياة وخصوصا ان مكان تركيبه تحت القنطرة من خلف الكرتيرة يعني مرمي في الشارع وبيشرب اي مياة او تراب من الطريق فبيتحرق بسرعة جدا


الدروس المستفادة
1- خلي معاك في العربية مفك تيست ابو سلكة علشان تعرف تكشف كويس لو في اي حاجة قاطعة كهرباء
2- اوعي تجيب كلاكس من ابو بوق علشان بيتحرق بسرعة


واشوفكم علي خير في تقرير جديد

والله المستعان
،
،

ما نتحرمش منك يابو السيد يا جامد

موضوع الكلاكس دة فعلا بيتحرق بسرعة البرق ومكانة بصراحة فى وش المدفع
مبروك عليك الكلاكس الجديد وتعيش وتغير

[SYD]

ما نتحرمش منك يابو السيد يا جامد

موضوع الكلاكس دة فعلا بيتحرق بسرعة البرق ومكانة بصراحة فى وش المدفع
مبروك عليك الكلاكس الجديد وتعيش وتغير

ربنا يبارك فيك
توبة ان كنت اشتري بوق تاني

[S O P H O S]

مبروك الاصلاحات يا باشا ..

[SYD]

مبروك الاصلاحات يا باشا ..

ربنا يخليك ويبارك فيك
شكرا يا احمد علي مرورك

[windofchange]

كل سنة وانتم بخير ") وكل سنة واتت طيب يا سيد ,,,بس بالنسبة للصوت يا سيد باشا الكلاكس اللي كان راكب عندك كان هيلا؟ ولو كان هيلا صوته اعلي من البوق ازاي وانا باحس ان صوت البوق اعلي ولا ايه؟ وده لاني لفيت اجيب كلاكس استيراد وبالفعل جبت الهيلا استيراد وكان ممتاز بس واحد صاحبي قابلني وقاللي بدله ببوق وبدلته ببوق اللي بيسموه كلاكس ال طاط لان بيعمل صوت شبه كده بس رجعته 3 مرات لان شغل الاستيراد اي كلام والمرة الجاية هجيب جديد ان شاء الله بس الهيلا ولا الطاط اعلي بافتراض ان العمر الافتراضي للهيلا اكبر

[SYD]

وانت بخير يا ايهاب
طبعا لو هنقارن كعلو صوت فالطاط صوته اعلي
لكن انا بتكلم كعمر افتراضي
النظرية عندي مش بالعلو - رغم اني بمشي دائري اكتر ما بمشي جوة البلد - واساسا مش بستخدمه كتير لا جوة البلد ولا علي الدائري

سيبك من الأستيراد - اساسا الكلاكس من الأستهلاكيات وبتوع الأستيراد بيستهبلوا وفاكريتنه جديد
تخيل بكام استيراد ؟؟؟ ب 90 جنيه
دة هبل

شكرا يا هوبة علي مرورك الطيب
وكل سنة وانت طيب

[windofchange]

ب90 جنيه الهيلا وب150 جنيه استيراد جبت ال طاط البوق بضفيرته لانك بتعدل في ضفيرة تحت علشان تشغله بس تصدق كلامك تمام صوته خستع اكتر بعد مامشيت شويه فالمطر مع اني حاولت مجريش ") *تفتكر لو رشيت wd40 جواه يشتغل احسن وينظف* بس انت عارف الشارع المصري

[SYD]

ب90 جنيه الهيلا وب150 جنيه استيراد جبت ال طاط البوق بضفيرته لانك بتعدل في ضفيرة تحت علشان تشغله بس تصدق كلامك تمام صوته خستع اكتر بعد مامشيت شويه فالمطر مع اني حاولت مجريش ") *تفتكر لو رشيت wd40 جواه يشتغل احسن وينظف* بس انت عارف الشارع المصري

ولا هيحوق فيه
انساه علي كدة

كبر دماغك واشتري واحد جديد اما من عند حد بتاع فولكس او من اي بتاع اكسسوارات لو لقيت بتاع فولكس غالي
انا برشحلك بتاع الأوكتافيا - صوته حلو - بس اعتقد هتلاقيه غالي