طرمبة بنزين ابيزا 98

[ahmedfrancais]

السلام عليكم ...احلى شباب موجودة فى المنتدى بجد كل سنة وانتو طيبين ويارب العيد كله فرحة وسعادة ليكم ولكل احبابكم ... انا عايز اتكلم عن مشكلة فى طرمبة البنزين عندى وبجد عايز عملاقة الابيزا يفيدونى ..انا عندى الابيزا 98 ..مشكلتى انى الامبير بتاع البنزين بيهيس يعنى كل مادور العربية يهيس معايا ..اخر مرة فولت العربية لحد الزور بتاعها وبعدها قفلت التنك وفتحت الكنتاك ولقيت انى الامبير وصل 3/4 التناك بس وكنت هتجننومش عارف اية السبب مع العلم انها كانت شغالة زى الفل وبصراحة انا لبست فى مطب كان جامد على العربية ممكن يكون السبب والله واعلم ... دلوقتى انا عايز اعرف ازاى اظبط الطرمبة واعرف اية المشكلة وكمان عايز اعرف التنك بتاع الابيزا 98 بالاحتياطى بتاعة بيشيل كام لتر عشان عايز اقدر استهلاك العربية واعرف اذا كان معدل استهلاكها للبنزين طبيعى ولا بتحرق كتير وكمان حد يقولى العربية لما بنفول تناكها لللاخر المفروض تعمل كام كيلو .. اسف على الاطالة . وشكرا ليكم

[windofchange]

وعليكم السلام يااحمد...بص هو اللي بيتقال انها 45لتر بس هي فولت معايا 50 لتر قبل كده يعني نقدر نقول انها 50لتر بالاحتياطي وطبعا متنزلش البنزين بعد ربع التانك دائما تفول قبل الربع للحفاظ عالعوامة وفلتر البنزين والرشاشات من رواسب التانك...استهلاكها الطبيعي لو موتور 1000 سي سي جوه البلد :
7,8 l/100km
طرق سفر:
5,0 l/100km
مختلط جوه البلد وطرق السفر:
6,0 l/100km
وبرضه علي حسب سواقتك وخفة رجلك عالدواسة وحسب الطرق والزحمة في مصر اوقات بتكون غير اعتيادية
نقول لو التانك بياخد 50 لتر واستهلاك 6 لتر لكل 100 كيلو مثلا يبقي التانك يعمل احسبها انت ") انا في الحساب مش اووي

[ahmedfrancais]

شكرا على ردك ياباشا ... بس كمان اللى انا مش فاهمة اية السبب انى الامبير مهيس لانة كل مرة بشغل العربية يدينى قرأة مختلفة يعنى مرة اكون مفول العربية يدينى 4/3 ولما العربية يكون فيها النص برضوا 4/3 ولما يكون فيها الربع يدينى 1/2 وامبارح اول مافتحت الكنتاك لقيت لمبة البنزين منورة قولت استنى دقيقة ولما صبرت شوية لقيت الامبير رفع لوحدة وبقى نص واللمبة طفت لوحدة ..مش عارف حاسس انى الطرمبة بتاعت العربية بتعلمنى الادب ولا اية ...افيدونى

[windofchange]

استني البشمهندس سيد هيخش يفيدك بس لحين مايدخل جبتلك الموضوعين دول تقراهم اكيد هتطلع بحاجة
http://www.nilemotors.net/Nile/27739...post3874173610

http://www.nilemotors.net/Nile/278279-stp.html

[SYD]

السلام عليكم ...احلى شباب موجودة فى المنتدى بجد كل سنة وانتو طيبين ويارب العيد كله فرحة وسعادة ليكم ولكل احبابكم ... انا عايز اتكلم عن مشكلة فى طرمبة البنزين عندى وبجد عايز عملاقة الابيزا يفيدونى ..انا عندى الابيزا 98 ..مشكلتى انى الامبير بتاع البنزين بيهيس يعنى كل مادور العربية يهيس معايا ..اخر مرة فولت العربية لحد الزور بتاعها وبعدها قفلت التنك وفتحت الكنتاك ولقيت انى الامبير وصل 3/4 التناك بس وكنت هتجننومش عارف اية السبب مع العلم انها كانت شغالة زى الفل وبصراحة انا لبست فى مطب كان جامد على العربية ممكن يكون السبب والله واعلم ... دلوقتى انا عايز اعرف ازاى اظبط الطرمبة واعرف اية المشكلة وكمان عايز اعرف التنك بتاع الابيزا 98 بالاحتياطى بتاعة بيشيل كام لتر عشان عايز اقدر استهلاك العربية واعرف اذا كان معدل استهلاكها للبنزين طبيعى ولا بتحرق كتير وكمان حد يقولى العربية لما بنفول تناكها لللاخر المفروض تعمل كام كيلو .. اسف على الاطالة . وشكرا ليكم

كل سنة وحضرتك طيب ويارب عيد سعيد علي حضرتك والأسرة وكل أسر سيات نايل موتورز يا رب

بالنسبة لتهييس امبير او مؤشر البنزين في الطابلوه (لوحة العدادات) فدة له اسباب كثيرة اهمها سببين
1- نظافة - ودة زي ما الأخ ايهاب windofchange الله يباركله رد علي حضرتك باللينكات
2- كهرباء - بمعني اما قواطيش البطارية - والأهم من القواطيش نفسها هو كابل الكنترول الموصل مع الفردة الموجبة (الكهرباء) او هيكون تهييس في كابلات الضفيرة والفيش الخاصة بها.
وشوف اللينك دة http://www.nilemotors.net/Nile/31421...post3874584498
وكمان اللينك دة http://www.nilemotors.net/Nile/26498...post3874030060

موضوع المطب مستبعد ان شاء الله - لأن التانك محمي كويس اوي تحت الأكصدام وبعيد تماماً عن اي اصتدامات - وممكن تنزل بنفسك تحت العربية تتأكد او وقفها علي مجري في اي محطة وانزل شوف الدنيا ماشية ازاي.

التانك الأساسي عندنا بياخد 40 لتر مقسم لأربع شرط في لوحة العدادات
اما عن التانك الأضافي (وليس احتياطي) فدة سعة من 7 - 10 لتر ولكن اغلب الظن انه 10 لتر بالزور ودة بأجماع معظم اعضاء القسم.

أما عن الأستهلاك فلو عربيتك 1.0 mpi ففي أحسن احوالها هتعمل معاك ما يقرب من 350 كم/الصفيحة علي الطوالي او خارج المدينة
و ما بين 280 - 300 كم / الصفيحة داخل المدينة

اما لو محرك 1.4 mpi فهتعمل معاك ما يقرب من 300 - 350 كم / الصفيحة خارج المدينة
وما بين 220 - 250 كم / الصفيحة داخل المدينة

ولو في عندك اي استفسار احنا تحت امرك
جرب الأول موضوع المنظف وغير فلتر بنزين وشوف العوامة هتعمل معاك ايه
لو ماظبتش لا قدر الله - اطلع علي كهربائي فولكس محترم وخليه يكشفلك علي كل كابلات العربية والأرضي وضفيرة الأنجيكشن وفيش المحرك
استبعد تماما موضوع ان العوامة بايظة او انك تغيرها الا في احلك الظروف لأن حتي اللي غيروها مش بتظبط معاهم
شوف كدة وابقي طمنا عملت ايه

وياريت حضرتك تشاركنا في الموضوع دة http://www.nilemotors.net/Nile/31489...post3874591621

تحياتي

[ahmedfrancais]

شكرا لردك حضرتك وكمان للاستاذ ايهاب وربنا يخليكم ... انا عربيتى 1.4 واعتقد انها بتستخدم حوالى 220 الى 250 فى الصفيحة جوة المدينة وانا متفق معاك فى كل كلامك ...بس دلوقتى انا قررت مبدائيا انى استخدم المنظف STP واشوف هيعمل معايا اية بس الاول اجيب المنظف وافول واضيفة وبعدها اغير فلتر البنزين ولا اغير فلتر البنزبن الاول وبعدها اضيفة .. الحاجة التانية انا مش عارف استخدم trip مش عارف اصفرة ازاى عشان عايز ابداء احسب للعربية بالظبط ياريت لو تتكرم عليا وتقولى معلش انا عارف انى بغلس بس بصراحة انا بقيت من عشاق المنتدى بجد لانة فيه ناس محترمة بجد وبتحب تقدم خبراتها وتجاربها ... اخر حاجة انا عندى صوت فرقعة فى الشكمان بس صوتها مش عالى ومش واضح لازم تركز معاها عشان تسمعها ورحت لبتاع الشكمانات قولى مفيش حاجة فى الشكمان وانا ماليش شغل فيها روح لميكانيكى ..طبعا هوة قالى انى العربية سحبها ضعيف معاك وكمان مخنوقة وفعلان كلامة صح لانى فعلان عربيتى سحبها خف شوية بس مش كتير ..بس انا لسه ماروحتش للميكانيكى ..ياريت لو عندك خلفية عن المشكلة دية قولى وشكرا ليك يافندم .. معلش انا بغلس عليك لانى عارف انى مغامراتك كتير مع الابيزة

[SYD]

إلي حد ما متوسط استهلاك معقول

علشان تصفر عداد الtrip بتدوس دوسة علي الزرار هيجيب معاك عداد التريب - هتدوس عليه دوسة طويلة (من ثانيتين ل 3 ثواني) هتلاقيه عمل معاك اصفار 0.0

اما عن الفرقعة في الشكمان - انت عربيتك 1.4 انجيكشن كامل ولا هاف انجيكشن ؟؟؟
وياريت تقولنا حالة البوجيهات واسلاكها وبتستخدم بنزين ايه - وياريت صورة للأسبراتير وموقعه في تركيبه
لأن الفرقعة معناها كهرباء زيادة - وفي نفس الوقت ازاي كهرباء زيادة والعربية مخنوقة

اهتم بالصيانات شوية اكتر من كدة

واحنا معاك خطوة بخطوة ان شاء الله لحد لما العربية تظبط معاك

والله المستعان
،
،

[ahmedfrancais]

بالنسبة للعربية اعتقد انها انجيككشن كامل .. وبخصوص البوجيهات فانا لسه مغيرها من شهرين وبخصوصا البنزين فانا دايما بحط 29 والسحب بتاعها بيكون كويس ... اما انها مخنوقة فانا هقولك مثال يعنى مثلا فى الغير التانى لو دوست فاجاة بتحس انى العربية مخنوقة لازم ترجع ترفع رجلك من على البنزين وترجع تدوس تانى بتلاقى العربية بتمشى كويس .... وان شاء الله قريب هنزل صور الاسبراتير وكمان انا نزلت جربت ال TRip واشتغل زى ما حضرتك قولت بظبط .. شكرا ليك ياباشا وياريت نتفق على اننا نعمل مقابلة لاعضاء فى اى مكان وانا ان شاء الله هكون معاكم .

[SYD]

بالنسبة للعربية اعتقد انها انجيككشن كامل .. وبخصوص البوجيهات فانا لسه مغيرها من شهرين وبخصوصا البنزين فانا دايما بحط 29 والسحب بتاعها بيكون كويس ... اما انها مخنوقة فانا هقولك مثال يعنى مثلا فى الغير التانى لو دوست فاجاة بتحس انى العربية مخنوقة لازم ترجع ترفع رجلك من على البنزين وترجع تدوس تانى بتلاقى العربية بتمشى كويس .... وان شاء الله قريب هنزل صور الاسبراتير وكمان انا نزلت جربت ال TRip واشتغل زى ما حضرتك قولت بظبط .. شكرا ليك ياباشا وياريت نتفق على اننا نعمل مقابلة لاعضاء فى اى مكان وانا ان شاء الله هكون معاكم .

بالنسبة للخنقة لما بتدوس بنزين مفاجئ دة حاجة من اتنين
اما فلتر البنزين او طرمبة البنزين
وفي احتمال بردو انه يكون من الرشاشات

علي العموم جرب Stp زي ما اتفقنا وان شاء الله هيحللك معظم مشاكلك بس خليك بقي في الstp العلبة الفضي ابو 70 جنيه اللي هو complete fuel system cleaner
وبعدها تغير فلتر البنزين وان شاء الله الدنيا هتتحسن معاك

وبالنسبة للمقابلة ان شاء الله هيتعمل بيها موضوع قريب ونتقابل علي خير ان شاء الله