اسباب ونه الموتور

[warfighter2114]

السلام عليكم كل عام وانتم جميعا طيبيين وعيد سعيد باذن الله
انا ملاحظ من يومين بصوت ونه او نحره بالموتور وبتزيد مع زياده سرعه العربيه ولما بفصل الجير بوكس خالص عن حركه العربيه واسيبها تسير الصوت بيروح فما اسباب هذه الونه
وعلى فكره عند دواره العربيه مبلقيش اى صوت غريب بتاتا الصوت مع الحركه وبيزداد مع زياده الحركه العربيه

[hugan]

متابع

[warfighter2114]

اضافه اخرى لما بضغط على الدبرياج بسمع صوت عالى واول ماافصل رجلى الصوت بيروح والميكيانيكى قالى ممكن يكون رولمان بلى هل الكلام ده منطقى وهل لو فعلا صحيح يتطلب الامر تغير اسطوانه وديسك ورولمان بلى ولا رولمان بلى فقط

[SYD]

كل سنة وحضرتك طيب
هو فعلا بلية (رولمان بلي) الدبرياج تعمل معاك كدة
وممكن كمان توصل لمرحلة الصريخ

طبعا انت ممكن تفك علشان تغير البلية فقط - لو الطقم عندك حالته كويسة
لكن لو الطقم منتهي هتغيره مع البلية

انا في رأيي لو الصوت مش مزعج اوي بالنسبالك - امشي عليها كدة - غاية ماهو نالك هيبقي الدبرياج تقيل حبتين

والله المستعان
،
،

[sakr_skoda]

اخبار السحب معاك ايه ؟؟؟؟؟

لو السحب تمام يبقى اكشف على زيت الفتيس....*

لو السحب معاك بطيئ شويتين يبقى اسطوانة ودسك وبلية الدبرياج اثلاثه بيتغيرو مع بعض....*

[drmagieed]

اخبار السحب معاك ايه ؟؟؟؟؟

لو السحب تمام يبقى اكشف على زيت الفتيس....*

لو السحب معاك بطيئ شويتين يبقى اسطوانة ودسك وبلية الدبرياج اثلاثه بيتغيرو مع بعض....*

أخر جمال

[warfighter2114]

انا مغير زيت الفتيس موبيل 80w/90 وسحب العربيه تمام الحمد لله بس فى ملحوظه احب اعرضها على مهندس سيد ان
1- الصوت مش ونه بمعنى الكلمه هو زى صدى صوت بيعلى كل مازود السرعه يعنى على السرعات العاليه صدى الصوت بيعلى
2- كايل الدبرياج تقيل وبيعمل صوت تزيق على الرغم انى مغيره من شهرين تقريبا
3- لما بفصل الجير بوكس الصوت بيستمر وبيقل كل مااقلل السرعه
4- الصوت ظهر بعد تغير زيت الجيربوكس قبل كده مكانش فى اى صوت
5- هل ممكن يكون بليه الدينمو او بليه الكمبورسور
6- انا حطيت محسن لكفائه الزيت مع تغير زيت الماكينه شيل 10w/40 هل ده ممكن يؤثر على كفاءه التاكيهات ويسبب الصدى الصوت
الف الف شكر مهندس سيد

[Ahmed_Gallant]

انا مغير زيت الفتيس موبيل 80w/90 وسحب العربيه تمام الحمد لله بس فى ملحوظه احب اعرضها على مهندس سيد ان
1- الصوت مش ونه بمعنى الكلمه هو زى صدى صوت بيعلى كل مازود السرعه يعنى على السرعات العاليه صدى الصوت بيعلى
2- كايل الدبرياج تقيل وبيعمل صوت تزيق على الرغم انى مغيره من شهرين تقريبا
3- لما بفصل الجير بوكس الصوت بيستمر وبيقل كل مااقلل السرعه
4- الصوت ظهر بعد تغير زيت الجيربوكس قبل كده مكانش فى اى صوت
5- هل ممكن يكون بليه الدينمو او بليه الكمبورسور
6- انا حطيت محسن لكفائه الزيت مع تغير زيت الماكينه شيل 10w/40 هل ده ممكن يؤثر على كفاءه التاكيهات ويسبب الصدى الصوت
الف الف شكر مهندس سيد

باشا صباحك عسل
كان معايا عربيه جيب راكب عليها مكنه تويوتا فتيس مانيوال جر خلفى كان عندى صوت نحره فى الفتيس طول مانا مدى غيار كلمت واحد صاحبى ميكانيكى قاللى زيت الفتيس ناقص قلتله طب هعدى على اى حد اغيره راح قاللى اوعى تغييره زوده بس قلتله اشمعنى ما هتلاقى الزيت اللى فى الفتيس طلعان عينه قاللى
اولا الفتيس الاوتو بس اللى بيتغير زيته كله تنزله وتحط غيره
ثانيا الفتيس المانيوال مبحرقشى الزيت لان مفيش احتراق جواه هو بس بتكون التروس غرقانه فيه لحد النص
ثالثا قالى هتسمع اصوات عجيبه من الفتيس لو غيرت الزيت كله ومش هتروح غير بعد فتره اللى هى تطبيع الزيت مع التروس وبصراحه انا مجربتش اغير زيت الفتيس ابدا بكشف عليه وبزوده والحمد لله محصلشى معايا اى مشاكل خالص

[SYD]

انا مغير زيت الفتيس موبيل 80w/90 وسحب العربيه تمام الحمد لله بس فى ملحوظه احب اعرضها على مهندس سيد ان
1- الصوت مش ونه بمعنى الكلمه هو زى صدى صوت بيعلى كل مازود السرعه يعنى على السرعات العاليه صدى الصوت بيعلى
2- كايل الدبرياج تقيل وبيعمل صوت تزيق على الرغم انى مغيره من شهرين تقريبا
3- لما بفصل الجير بوكس الصوت بيستمر وبيقل كل مااقلل السرعه
4- الصوت ظهر بعد تغير زيت الجيربوكس قبل كده مكانش فى اى صوت
5- هل ممكن يكون بليه الدينمو او بليه الكمبورسور
6- انا حطيت محسن لكفائه الزيت مع تغير زيت الماكينه شيل 10w/40 هل ده ممكن يؤثر على كفاءه التاكيهات ويسبب الصدى الصوت
الف الف شكر مهندس سيد

لو صوت زي صدي الصوت - محتمل كبير جدا يكون من الشكمان (الفرن)
عامل زي ما يكون صوت حد بينفخ في ماسورة ؟؟؟

طالما الصوت مستمر بعد فصل الحركة - يبقي تستبعد الفتيس والدبرياج بكل اجزاءه
اعتقد مش من البلي - البلي اصواته معروفة (اما صرخة - او نحره - او خشانة)
اعتقد المحسنات والزيوت مالهاش علاقة

والله اعلم

باشا صباحك عسل
كان معايا عربيه جيب راكب عليها مكنه تويوتا فتيس مانيوال جر خلفى كان عندى صوت نحره فى الفتيس طول مانا مدى غيار كلمت واحد صاحبى ميكانيكى قاللى زيت الفتيس ناقص قلتله طب هعدى على اى حد اغيره راح قاللى اوعى تغييره زوده بس قلتله اشمعنى ما هتلاقى الزيت اللى فى الفتيس طلعان عينه قاللى
اولا الفتيس الاوتو بس اللى بيتغير زيته كله تنزله وتحط غيره
ثانيا الفتيس المانيوال مبحرقشى الزيت لان مفيش احتراق جواه هو بس بتكون التروس غرقانه فيه لحد النص
ثالثا قالى هتسمع اصوات عجيبه من الفتيس لو غيرت الزيت كله ومش هتروح غير بعد فتره اللى هى تطبيع الزيت مع التروس وبصراحه انا مجربتش اغير زيت الفتيس ابدا بكشف عليه وبزوده والحمد لله محصلشى معايا اى مشاكل خالص

من وجهة نظري كلام صاحبك مش سليم
مفيش حاجة اسمها الزيت يتطبع !!! ساب ايه للتيل ؟
ثاني خطأ - هو عدم تغيير زيت الفتيس
صحيح الكتالوج مش بيقول حاجة عن التغيير وبيتكلم عن الفحص فقط كل 30,000 كم
لكن دة ما يمنعش ان زيت الفتيس شأنه شأن كل الزيوت - يجب تغييرها كل سنتين بحد اقصي

http://www.nilemotors.net/Nile/231103-a.html#post3873633138

http://www.nilemotors.net/Nile/231103-a.html#post3873643594

http://www.nilemotors.net/Nile/278189-a.html#post3874185316

تحياتي

[warfighter2114]

شكرا للرد ولكن عندى ملحوظه على كلام مهندس سيد هل لو المشكله فى الفرن كنت مفروض اسمعها والعربيه على السلانسيه ولا ايه

[SYD]

مش شرط
محتمل يكون في صوت ولكن غير ملحوظ
محتمل يكون الشرخ او التنفيس بسيط جدا ولذلك مش ملحوظ غير مع السرعات

لو التنفيس بسيط او غير ملحوظ علي السلانسيه - اكشف علي الكوليه بتاع الشكمان و علي الجوان (الجوان عندنا صاج علي شكل مثلث)

تحياتي