قطمة دريكسيون ابيزا 1998

[Ebrahim Osman]

السلام عليكم ورحمة الله وبركاته
فى البداية أود شكر السادة القائمين على المنتدى لآننى استفدت استفادة كثيرة عن السيارات عموماً وعن السيات ابيزا خاصة

انا لسه شارى سيارة سيات ابيزا موديل 1998 ماتور 1400 جولف 3 وكاى سيارة مستعملة لابد من عمل بعض التصليحات بها
وكنت ابحث عن مكان لبيع (قطمة دريكسيون - طلمبة مساحات - علبة فيوزات) نظراً لتهالك هذه الآشياء عندى وطلب الكهربائى تغيرهم فاريد ان اعرف مكان جيد وسعر هذه الاشياء ممكن يكون فى حدود كام علشان لما انزل اشتريها
وشكرا

[SYD]

في البداية احب ارحب بيك في قسم سيات نايل موتورز
كل عام وانتم بخير

الف مبروك العربية وربنا يديك خيرها ان شاء الله

بالنسبة للقطمة انت عايزها كلها ولا الزور فقط ولا الكونتاكت ولا دراع المساحات والأشارات وبالفيش ولا من غيرها وبالبلاستيك اللي حواليها ولا لاء وهل عايزها متحركة ولا ثابتة ؟؟؟؟

كل هذه الأشياء بتفرق جدا في سعرها علي فكرة
لكن في اغلب الأحيان مش هتقل عن 350 جنيه للكاملة بكل حاجتها من غير دراعات النور والمساحات

http://www.nilemotors.net/Nile/309019-a.html#post3874528678

اما عن علبة الفيوزات فهتلاقيها في حدود ال100 جنيه
وطرمبة المساحات - انصحك هاتها جديدة او هات خزنة المياة بالماتور استيراد بس مش عارف هتعمل في حدود كام ولكن بردو هتبقي في حدود من 75 - 100

تحياتي

[SYD]

ولو نزلت الحرفيين هتلاقي الحاجات دي مرمية هناك
في اكتر من واحد شغالين هناك في الجديد والأستيراد

[Ebrahim Osman]

بصراحة انا سعيد جداً على سرعة الرد
بارك الله لكم
وانا كلمت الكهرباء سألته عن القطمة هو عاوزها كلها ولا عاوز منها ايه قالة القطمة فيها بوش وهو مش عارف هل البوش ده من جلب بتركب ليها فنغير الجلب او من بلى او من ايه على العموم قالى هاتها واحنا هنفكها ونشوف ايه الحكاية مع العلم ان صاحب السيارة كان قالى ان فبرة الكونتكت كانت عاوزة تتغير واشتريت واحده تانيه قبل العيد وان شاء الله هركبها
وكنت اريد ان استفسر عن ماكينة المساحات بكام ومنين وهل لعلبة الفيوزات وطرمبة المساحات وماتورها نوع معين ولا اى نوع
وبصراحة عندى بعض المشاكل الآخرى فى السيارة عاوز اقولها بس مش عارف اقولها هنا ولا فى موضوع منفصل
وجزاكم الله كل خير

[Ebrahim Osman]

فين الرد يا جماعة الخير

[SYD]

شوف حضرتك
بالنسبة لطرمبة المساحات يفضل تكون بتاعة الأبيزا اياً كان نوعها
لسبب واحد ليس اكثر
علشان طرمبة الأبيزا بتعمل في اتجاهين - الزجاج الأمامي والزجاج الخلفي
ممكن يركب عليها بتاعة دايو او اوبل او نوع اخر ولكن مربط الفرس في الأتجاهين لأن دراع المساحات لو سحبته لورا يرش للزجاج الأمامي ولو ضغطته للأمام يرش للزجاج الخلفي

اما عن باقي مشكلات سيارتك فياريت لكل مشكلة موضوع مخصص
ولكم مني جزيل الشكر ووافر التحية
وبعتذر عن التأخر في الرد

تحياتي

[Ebrahim Osman]

جزاك الله خيراً يباشمهندس سيد ومتشكر لحضرتك جداً