صوت عالى وانا على سرعه

[midoazzam]

انا بقالى اسبوعين كده تقريبا يوم و يوم بروح من المهندسين لغايت الشروق صد رد المهم الطريق طبعا مفتوح وسريع بدأت اسمع صوت كأنى مركب ديفيل بس فى السرعات بس لاكن لو واقف او فى سرعه بطيئه مش بسمع حاجه جربت ودوست على البنزين لغايت الاخر وانا منور العربيه الصوت طبيعى لاكن لما بمشى بحس انى مركب ديفيل او العجل زى مايكون ناشف فى الارض وبيعمل صوت طخين بجد مش عارف اوصف بس هو صوت غير طبيعى

[Ahmed_Gallant]

الصوت جى من قدام ولا من ورا وهل بيكون ظاهر وانت قافل الشباك برضه ولا لا واحتمال تكون علبه البيئه اللى ورا فى اخر العربيه بتاع الشكمان تكون ودعت ودى بيكون جواها فلترين ولما بتودع الفلاتر دى بتعمل صوت زى الديفل المشكله دى عندى برضه ومبتبانشى غير على سرعات واربى ام معين الراجل بتاع الشكمانات قاللى ابقى هاتهالى افتح العلبه واطلع الفلاتر منها بس نفضت واتعودت عليه
ان شاء الله تطلع حاجه بسيطه
ومتنساش تتاكد ان الصوت مش جى من دخول الهوا جوا العربيه عن طريق فتحات التكييف ودى بسيطه تسد الفلتر اللى بره باى كيس بلاستيك وانت بتجرب

[midoazzam]

الصوت جى من قدام ولا من ورا وهل بيكون ظاهر وانت قافل الشباك برضه ولا لا واحتمال تكون علبه البيئه اللى ورا فى اخر العربيه بتاع الشكمان تكون ودعت ودى بيكون جواها فلترين ولما بتودع الفلاتر دى بتعمل صوت زى الديفل المشكله دى عندى برضه ومبتبانشى غير على سرعات واربى ام معين الراجل بتاع الشكمانات قاللى ابقى هاتهالى افتح العلبه واطلع الفلاتر منها بس نفضت واتعودت عليه
ان شاء الله تطلع حاجه بسيطه
ومتنساش تتاكد ان الصوت مش جى من دخول الهوا جوا العربيه عن طريق فتحات التكييف ودى بسيطه تسد الفلتر اللى بره باى كيس بلاستيك وانت بتجرب

لا الصوت بحس انه جى من قدام اكتر وبيظهر برضه لما بكون قافل الشبابيك جامد جداا فى ناس قالتلى بص على فرن الشكمان

[sala7]

انا بقالى اسبوعين كده تقريبا يوم و يوم بروح من المهندسين لغايت الشروق صد رد المهم الطريق طبعا مفتوح وسريع بدأت اسمع صوت كأنى مركب ديفيل بس فى السرعات بس لاكن لو واقف او فى سرعه بطيئه مش بسمع حاجه جربت ودوست على البنزين لغايت الاخر وانا منور العربيه الصوت طبيعى لاكن لما بمشى بحس انى مركب ديفيل او العجل زى مايكون ناشف فى الارض وبيعمل صوت طخين بجد مش عارف اوصف بس هو صوت غير طبيعى

و الله اعلم بس انا شاكك بنسبة 90% ان ده شمعدان العجل الامامي اللي هو (رولمان بلي) عجلات الامامية او بالانجليزية Wheel bearing
و ده شكله :


مكانه زي ما بنقول بالبدي (بلي السرة) اللمكان اللي متعشق فيه الكبلن الخارجي

ان شاء الله هما دول اللي بيعملوا الصوت و الصوت ده بيكون صوت (ونه عالية) و سعات نعرة واضحه

الله المستعان

[Ahmed_Gallant]

لا الصوت بحس انه جى من قدام اكتر وبيظهر برضه لما بكون قافل الشبابيك جامد جداا فى ناس قالتلى بص على فرن الشكمان

بس انا فرن الشكمان لما عمل معايا كده كان الصوت موجود سواء ماشى او واقف وبزود بنزين ده حتى على السلانسيه كنت بحط ايدى جنب جوان فرن الشكمان احس بالهوا السخن جى من ناحيته يعنى لو الجوان بايظ معرفه ده سهله جدا مش سر يعنى ولازم له صنايعى وانت بتبص على جوان فرن الشكمان بص على جوان الشكمان نفسه بالمره لان دول عندى باظوا سوا وكان صوت العربيه لا يطاق وهى بس دايره تخيل فى المشى بقى

[SYD]

الرجالة فوق قالوا كل الأحتمالات
هو احتمال كبير يكون من فرن الشكمان (جوان فرن الشكمان الصاج) او مجرد الأفزان مش مربوطة كويس (افيز ماسورة الشكمان الرابطة الفرن بالماسورة)
والمطبات من ضمن احد العوامل اللي بتخلي المسامير تتخلخل من بعضها وتفك - كمان قواعد الموتور لو مش مظبوطة بتخلي الموتور في حالة اهتزاز دائم فبردو بتهوي المسامير ولازم كل فترة تروح تربطها

احتمال بلي العجل مستبعد - لأن صوته مش تخين دة رقم 1 - الحاجة التانية صوته ونة او حكة لكن ابعد ما يكون عن صوت الديفل او الصوت المكتوم

[ehab_mansour]

جرب الاتي معلش اعذرني عشان دي اول شيء تتأكد منه الصوت جاي منين
1- امشي بالعربية بسرعه عالية و لتكن 100 او السرعه اللي بيظهر عندها الصوت واضح تمام
2- افصل دبرياج و سيب الماكينة سلانسيه و و سيب العربية بسرعتها و شوف الصوت مازال موجود ولا لأ

لو الصوت موجود يبقي المحرك بالشكمان ملهمش علاقة بيه و ده صوت بلي عجل امامي او خلفي خشن

لو الصوت اختفي مع فصل المحرك يبقي علبة شكمان بايظة محتاجه تتغير او جوان الفرن او علبة البيئة مخرومه او او ... المهم تكشف علي الشكمان و تشوف ايه بايظ فيه و شكمانك فيه علبتين تقليل صوت silencer و علبة بيئة catalyst تمام

علبة البيئة لو بايظة او مخرمة من مدخلها او مخرجها يبقي تلحمها و تسيبها و اوعي تسمع كلام حد يقلك شيلها و يحطلك بديل لأنه كله عك و هتسمع كل حاجه معاها

لو اي من العلبتين الخاصة بتقليل الصوت هي نفسها بايظة يبقي هتغيرها و دي قليلة و مش موجوده عند اي حد يعني بتيجي نوع كده مستورد كنت بركبه في مصنع في اكتوبر مش فاكر اسمه حاليا لو محتاجه هدورلك عليه
لو مواسير الربط بين العلب فيها خلل او مخرومه يبقي الحمها لحام مضبوط او ربطها او محتاجه تتربط لأن شكمان عربياتنا تقفيل و تربيط مفيهوش لحام لكن لو خرم بيتلحم بس المهم تكشف الأول و تشوف العيب فين و خلي بالك ان الشكمان من الأجزاء المهمة جدا في اداء و صوت العربية و معظم اللي شغالين فيه في مصر عكاكين بيركبو اي حاجه في اي حته و لا يفقهو شيء في المقاييس العالمية للحاجات دي

و الله الموفق

[midoazzam]

الرجالة فوق قالوا كل الأحتمالات
هو احتمال كبير يكون من فرن الشكمان (جوان فرن الشكمان الصاج) او مجرد الأفزان مش مربوطة كويس (افيز ماسورة الشكمان الرابطة الفرن بالماسورة)
والمطبات من ضمن احد العوامل اللي بتخلي المسامير تتخلخل من بعضها وتفك - كمان قواعد الموتور لو مش مظبوطة بتخلي الموتور في حالة اهتزاز دائم فبردو بتهوي المسامير ولازم كل فترة تروح تربطها

احتمال بلي العجل مستبعد - لأن صوته مش تخين دة رقم 1 - الحاجة التانية صوته ونة او حكة لكن ابعد ما يكون عن صوت الديفل او الصوت المكتوم

انا فعلا عندى مسمار من المسمارين الى فى فرن الشكمان مقطوم وكان بيعمل صوت وكمان بيعمل ريحه حرق شكمان بس ده كان صوته عالى واتعودت عليه لدرجه اى حد يسألنى قاقولو حاطط ديفيل لانه كان محتاج خراط الاول وبعدين احط المسمار واربطه كويس بس كنت بصراحه مكسل حوار الخراط ده ... لاكن المرادى الصوت زاد قوى بزات فى السرعات العاليه وكمان الصوت بيحسسنى ان العجل ناشف قوى مع انو يعتبر لسه جديد مكملش 5000 كيلو بجد مش عارف اعمل ايه

[midoazzam]

جرب الاتي معلش اعذرني عشان دي اول شيء تتأكد منه الصوت جاي منين
1- امشي بالعربية بسرعه عالية و لتكن 100 او السرعه اللي بيظهر عندها الصوت واضح تمام
2- افصل دبرياج و سيب الماكينة سلانسيه و و سيب العربية بسرعتها و شوف الصوت مازال موجود ولا لأ

لو الصوت موجود يبقي المحرك بالشكمان ملهمش علاقة بيه و ده صوت بلي عجل امامي او خلفي خشن

لو الصوت اختفي مع فصل المحرك يبقي علبة شكمان بايظة محتاجه تتغير او جوان الفرن او علبة البيئة مخرومه او او ... المهم تكشف علي الشكمان و تشوف ايه بايظ فيه و شكمانك فيه علبتين تقليل صوت silencer و علبة بيئة catalyst تمام

علبة البيئة لو بايظة او مخرمة من مدخلها او مخرجها يبقي تلحمها و تسيبها و اوعي تسمع كلام حد يقلك شيلها و يحطلك بديل لأنه كله عك و هتسمع كل حاجه معاها

لو اي من العلبتين الخاصة بتقليل الصوت هي نفسها بايظة يبقي هتغيرها و دي قليلة و مش موجوده عند اي حد يعني بتيجي نوع كده مستورد كنت بركبه في مصنع في اكتوبر مش فاكر اسمه حاليا لو محتاجه هدورلك عليه
لو مواسير الربط بين العلب فيها خلل او مخرومه يبقي الحمها لحام مضبوط او ربطها او محتاجه تتربط لأن شكمان عربياتنا تقفيل و تربيط مفيهوش لحام لكن لو خرم بيتلحم بس المهم تكشف الأول و تشوف العيب فين و خلي بالك ان الشكمان من الأجزاء المهمة جدا في اداء و صوت العربية و معظم اللي شغالين فيه في مصر عكاكين بيركبو اي حاجه في اي حته و لا يفقهو شيء في المقاييس العالمية للحاجات دي

و الله الموفق

فعلا فكره كويسه وهاجربها ويارب يطلع من فرن الشكمان وبلاش حوار بلى العجل ده

[SYD]

انا فعلا عندى مسمار من المسمارين الى فى فرن الشكمان مقطوم وكان بيعمل صوت وكمان بيعمل ريحه حرق شكمان بس ده كان صوته عالى واتعودت عليه لدرجه اى حد يسألنى قاقولو حاطط ديفيل لانه كان محتاج خراط الاول وبعدين احط المسمار واربطه كويس بس كنت بصراحه مكسل حوار الخراط ده ... لاكن المرادى الصوت زاد قوى بزات فى السرعات العاليه وكمان الصوت بيحسسنى ان العجل ناشف قوى مع انو يعتبر لسه جديد مكملش 5000 كيلو بجد مش عارف اعمل ايه

مش هتعمل اي حاجة
هتروح للخراط يفكلك المسمار وهتركب واحد بداله - انا كمان عندي نفس الحوار ومكبر دماغي بردو

فعلا فكره كويسه وهاجربها ويارب يطلع من فرن الشكمان وبلاش حوار بلى العجل ده

بالعكس
بلي العجل حواره اسهل من الشكمان ووجع القلب
خير ان شاء الله

[midoazzam]

جرب الاتي معلش اعذرني عشان دي اول شيء تتأكد منه الصوت جاي منين
1- امشي بالعربية بسرعه عالية و لتكن 100 او السرعه اللي بيظهر عندها الصوت واضح تمام
2- افصل دبرياج و سيب الماكينة سلانسيه و و سيب العربية بسرعتها و شوف الصوت مازال موجود ولا لأ

لو الصوت موجود يبقي المحرك بالشكمان ملهمش علاقة بيه و ده صوت بلي عجل امامي او خلفي خشن

لو الصوت اختفي مع فصل المحرك يبقي علبة شكمان بايظة محتاجه تتغير او جوان الفرن او علبة البيئة مخرومه او او ... المهم تكشف علي الشكمان و تشوف ايه بايظ فيه و شكمانك فيه علبتين تقليل صوت silencer و علبة بيئة catalyst تمام

علبة البيئة لو بايظة او مخرمة من مدخلها او مخرجها يبقي تلحمها و تسيبها و اوعي تسمع كلام حد يقلك شيلها و يحطلك بديل لأنه كله عك و هتسمع كل حاجه معاها

لو اي من العلبتين الخاصة بتقليل الصوت هي نفسها بايظة يبقي هتغيرها و دي قليلة و مش موجوده عند اي حد يعني بتيجي نوع كده مستورد كنت بركبه في مصنع في اكتوبر مش فاكر اسمه حاليا لو محتاجه هدورلك عليه
لو مواسير الربط بين العلب فيها خلل او مخرومه يبقي الحمها لحام مضبوط او ربطها او محتاجه تتربط لأن شكمان عربياتنا تقفيل و تربيط مفيهوش لحام لكن لو خرم بيتلحم بس المهم تكشف الأول و تشوف العيب فين و خلي بالك ان الشكمان من الأجزاء المهمة جدا في اداء و صوت العربية و معظم اللي شغالين فيه في مصر عكاكين بيركبو اي حاجه في اي حته و لا يفقهو شيء في المقاييس العالمية للحاجات دي

و الله الموفق

انا عملت زى ما انت قولت ولقيت الصوت لسه موجود صوت خشن كده جى من سرعه العجل على الارض وكل ما السرعه تهدء الصوت بيقل
لو ده بلى اعملو فين وهايبقا فى حدود كام ؟

[midoazzam]

مش هتعمل اي حاجة
هتروح للخراط يفكلك المسمار وهتركب واحد بداله - انا كمان عندي نفس الحوار ومكبر دماغي بردو



بالعكس
بلي العجل حواره اسهل من الشكمان ووجع القلب
خير ان شاء الله

يعنى هو ممكن يكون بلى العجل اصل الصوت بيظهر برضو وانا ماشى بسرعه وفاصل دبرياج يعنى المحرك فاصله خالص والصوت بيكون موجود

[midoazzam]

يعنى هو ممكن يكون بلى العجل اصل الصوت بيظهر برضو وانا ماشى بسرعه وفاصل دبرياج يعنى المحرك فاصله خالص والصوت بيكون موجود وهل ده ممكن يكون فيه خطوره

[ehab_mansour]

انا عملت زى ما انت قولت ولقيت الصوت لسه موجود صوت خشن كده جى من سرعه العجل على الارض وكل ما السرعه تهدء الصوت بيقل
لو ده بلى اعملو فين وهايبقا فى حدود كام ؟

تمام يبقي عليك انك تشوف انهي عجلة هي اللي فيها المشكلة هتعمل الأتي :-

هتحاول تتصنت للصوت للتأكد ما اذا كان بيصدر من الأمام او الخلف
لو مقدرتش تحدد مكان الصوت بدقة يبقي ترفع العجل بالكوريك من علي الأرض عجلة عجله و تلفها بايدك و تتصنت عن البلي و هيبان الخشونة جاية من انهي عجله بسهوله بهذه الطريقة

العجل الأمامي ممكن ترفع عجله و تدور العربية و تديها غيار و تسيبها تلف الجلة و تنزل تسمع الصوت و هكذا لعجلة الأخري الأمامية

بعد التحديد هتنزل تشتري البلي جديد أعتقد الواحده امامية لن تتجاوز ال 150 جنيه الي 200 بالكثير و الخلفية أرخص يعني لن تتعدي ال 75 جنيه الي 100 و تحاول تنشوف ماركة محترمه لأن 90% من البلي بكافة أنواعه للعربيات و غيرها مضروب