مش عارف اعمل اية ؟؟

[bugmenot]

السلام عليكم
بأختصار علشان مطولش عليكم
الاعراض ....

انا معايا ابيزا 1000 سى سى انجكشن .. المشكلة الاولى : العربية بتاكل الزيت بشراها يعنى تقريباً 1.25 لتر فى 2000 كيلو .. وبتبان اكتر فى مشوار طويل ( بس الموضوع دة فى الصيف مجربتش الشتاء ) .. بدون تسريب زيت تحت السيارة .. ومفيش دخان بيطلع من الشكمان . بس فى ترشيح من الجوان اللى فى الماتور انا مش عارف اسمة اية بس هو اول جوان تحت وش الماتور اللى فى فتحة تزويد الزيت !! كل ما امسحة يرجع تانى !!

ثانى مشكلة : لما اركنها يومين او اكثر فى اثناء تسخين العربية لما بدوس على البنزين على ار بى ام 3 او 4.5 مثلا بعد ما اشيل رجلى من على الدواسة تطلع دخان ازرق لثوانى وتختفى !!!
لما بحط ايدى على الشكمان واكتمه ايدى بتبقى معرقة مياه مش زيت !! الشكمان بيطلع مياه طبعاً اثناء التسخين صباحاً وليلاً بس مش حنفية يعنى مجرد رشاش كدة !!
وجدار الشكمان من جوه بيطلع هباب اسود مندى مياه لو العربية متسخنه بس مجربتش قبل الدوارة !! هل كدة الماتور خفيف ؟؟

ثالث مشكلة : الماكينة بتبقى سخنة نااااار ممكن تسلع ايدك بجد ( جسم الماتور نفسة ) بس درجة حرارة العربية مظبوطة على المنتصف والمروحة بتشتغل عادى غالباً بسرعاتها ( لانها مرة بتبقى عالية ومرة مبخدش بالى انها شغالة ) مش عارف سخونة الماتور دى طبيعية ؟؟؟

رابع مشكلة : العربية بتاكل مياه بردوا يعنى 2000 كيلو 3 لتر مياه مقطرة ( فى الصيف )
حالياً يعنى 500 كيلو ومزودتش غير حوالى ربع لتر والمروحة بتشتغل اقل طبعا مما كانت بتشغله فى الصيف !!!
وطبعا مفيش تسريب للمياه .. والمياه ملونة يعنى كانت هتبان لو فى تسريب !!

بالنسبة للسحب الحمد لله السحب جيد يعنى بسافر بيها وببقى محمل العربية وبتجيب 130 عادى بدون تكييف
الغيار الرابع 3 ار بى ام بيجيب 70
الخامس 3 ار بى ام بيجيب 90 .. 100 بتيجى تقريباً على 3.2 او 3.3 ار بى ام !!!
وجبت بالعربية 145 وهى فاضية والطريق مساعدنيش ان اجرب اكتر من كدة .. وبالتكيف جبت بيها 130 - 135 ومزودتش عن كدة
انا شارى العربية فى الصيف اللى فات دة وما ادراك ما الصيف ودرجة حرارتة وكل المشاكل دى معايا فى الصيف لسه معرفش اخبرها اية فى الشتاء !!

فا انا فى حيرة رهيبة وقلق رهيب مش عارف ابداء من فين وفى نفس الوقت مش عارف اخد قرار وحاسس ان انا لبست الماتور !!
افيدونى ..

[mahmoud ghanem]

السلام عليكم
بأختصار علشان مطولش عليكم
الاعراض ....

ثالث مشكلة : الماكينة بتبقى سخنة نااااار ممكن تسلع ايدك بجد ( جسم الماتور نفسة ) بس درجة حرارة العربية مظبوطة على المنتصف والمروحة بتشتغل عادى غالباً بسرعاتها ( لانها مرة بتبقى عالية ومرة مبخدش بالى انها شغالة ) مش عارف سخونة الماتور دى طبيعية ؟؟؟

بالنسبة للسحب الحمد لله السحب جيد يعنى بسافر بيها وببقى محمل العربية وبتجيب 130 عادى بدون تكييف
الغيار الرابع 3 ار بى ام بيجيب 70
الخامس 3 ار بى ام بيجيب 90 .. 100 بتيجى تقريباً على 3.2 او 3.3 ار بى ام !!!
وجبت بالعربية 145 وهى فاضية والطريق مساعدنيش ان اجرب اكتر من كدة .. وبالتكيف جبت بيها 130 - 135 ومزودتش عن كدة
انا شارى العربية فى الصيف اللى فات دة وما ادراك ما الصيف ودرجة حرارتة وكل المشاكل دى معايا فى الصيف لسه معرفش اخبرها اية فى الشتاء !!
..

متابع باهتمام

[SYD]

قبل اي حاجة
اهلا بيك في قسم سيات
صحيح حضرتك عضو قديم ولكن اول مرة اتشرف بحضرتك

السلام عليكم
بأختصار علشان مطولش عليكم
الاعراض ....

انا معايا ابيزا 1000 سى سى انجكشن .. المشكلة الاولى : العربية بتاكل الزيت بشراها يعنى تقريباً 1.25 لتر فى 2000 كيلو .. وبتبان اكتر فى مشوار طويل ( بس الموضوع دة فى الصيف مجربتش الشتاء ) .. بدون تسريب زيت تحت السيارة .. ومفيش دخان بيطلع من الشكمان . بس فى ترشيح من الجوان اللى فى الماتور انا مش عارف اسمة اية بس هو اول جوان تحت وش الماتور اللى فى فتحة تزويد الزيت !! كل ما امسحة يرجع تانى !!


دة اسمه جوان غطاء التاكيهات
بيتباع جديد عند اي حد بتاع قطع غيار فولكس ب50 جنيه (هاته كونتيننتال او توبران من عند فتح الباب)
وخلي بالك وانت بتركبه (لو هتركبه بنفسك) ماتحطش سيليكون ولا اي مادة عازلة او لاصقة
هو لوحده كفاية
علي فكرة تغييره سهل جدا جدا
هتجيب مفتاح الانكيه مقاس 6 وتفتح غطاء التاكيهات وتغيره في خلال 5 دقايق فقط


ثانى مشكلة : لما اركنها يومين او اكثر فى اثناء تسخين العربية لما بدوس على البنزين على ار بى ام 3 او 4.5 مثلا بعد ما اشيل رجلى من على الدواسة تطلع دخان ازرق لثوانى وتختفى !!!
لما بحط ايدى على الشكمان واكتمه ايدى بتبقى معرقة مياه مش زيت !! الشكمان بيطلع مياه طبعاً اثناء التسخين صباحاً وليلاً بس مش حنفية يعنى مجرد رشاش كدة !!
وجدار الشكمان من جوه بيطلع هباب اسود مندى مياه لو العربية متسخنه بس مجربتش قبل الدوارة !! هل كدة الماتور خفيف ؟؟

ولا اي حاجة
بس خف رجلك شوية
انت كدة هتفرم الموتور بدري بدري
وانت بتسخن الصبح سيبها براحتها - كدة كدة حساس الحرارة بيرفع الأر بي ام لحد تقريبا 1.1 يعني 1100 لفة في الدقيقة ولما بتسخن (بعد حوالي دقيقتين او 3 علي اقصي تقدير) الأر بي ام بينزل لحد تقريبا 0.9 يعني 900 لفة في الدقيقة وبعدها تقدر تتحرك بيها

الدخنة الزرقا معناها ان في كمية زيت زيادة وبيتحرقوا مع الدوارة الصبح او الشكمان معبي زيت

حاول دايما تخلي مقاس الزيت بين الماكس والميني او في نص التخطيط اللي علي مقاس الزيت - ماتوصلوش لحد اخر التخطيط لأن عن تجربة اي زيادة بتتحرق وبيفضل فقط الكمية المناسبة للموتور

ثالث مشكلة : الماكينة بتبقى سخنة نااااار ممكن تسلع ايدك بجد ( جسم الماتور نفسة ) بس درجة حرارة العربية مظبوطة على المنتصف والمروحة بتشتغل عادى غالباً بسرعاتها ( لانها مرة بتبقى عالية ومرة مبخدش بالى انها شغالة ) مش عارف سخونة الماتور دى طبيعية ؟؟؟


ماتشغلش بالك
طبيعي ان ايدك ماتتحملش درجة الحرارة (حوالي 92 درجة مئوية او مايزيد) تقدر تمسك جسم البراد وهي المياة بتغلي ؟؟؟؟ تقريبا دي نفس درجة حرارة المحرك
المهم المؤشر في لوحة العدادات وبداية تشغيل وايقاف المروحة

رابع مشكلة : العربية بتاكل مياه بردوا يعنى 2000 كيلو 3 لتر مياه مقطرة ( فى الصيف )
حالياً يعنى 500 كيلو ومزودتش غير حوالى ربع لتر والمروحة بتشتغل اقل طبعا مما كانت بتشغله فى الصيف !!!
وطبعا مفيش تسريب للمياه .. والمياه ملونة يعنى كانت هتبان لو فى تسريب !!

اكشف علي غطاء قربة المياة - احتمال كبير جدا تكون بتبخر المياة وطبعا انت مش هتاخد بالك من البخر - هل لما بتفتحها (طبعا وهي العربية باردة) بتحس انها كانت مكتومة ونفست اول لما فتحتها ؟؟؟

هل المياة بتصدي جوة القربة ؟؟؟ لو المياة مصدية - اعلم ان هناك خرم وتسريب - ماهو الحديد عشان يصدي عايز مياة (موجودة في الدورة) واكسجين (بيدخله من الخرم بتاع التسريب)
لو لقيت المياة مصدية اعلم ان عندك خرم وهنالك تسريب

مفيش صدا - ابحث وراء الغطاء بتاع القربة وتحديدا جوان الغطاء

بالنسبة للسحب الحمد لله السحب جيد يعنى بسافر بيها وببقى محمل العربية وبتجيب 130 عادى بدون تكييف
الغيار الرابع 3 ار بى ام بيجيب 70
الخامس 3 ار بى ام بيجيب 90 .. 100 بتيجى تقريباً على 3.2 او 3.3 ار بى ام !!!
وجبت بالعربية 145 وهى فاضية والطريق مساعدنيش ان اجرب اكتر من كدة .. وبالتكيف جبت بيها 130 - 135 ومزودتش عن كدة
انا شارى العربية فى الصيف اللى فات دة وما ادراك ما الصيف ودرجة حرارتة وكل المشاكل دى معايا فى الصيف لسه معرفش اخبرها اية فى الشتاء !!


عربيتك الله اكبر عليها - حالتها كويسة - بس عموما اختبارات الأر بي ام مع السرعة دي بتحدد حالة اسطوانة الدبرياج اكتر منها حالة الموتور

بس انت حاول ماترهقش العربية اثناء تشغيل التكييف - يعني ماتقرصش عليها وانت مشغل التكييف سواء في المطالع او الطوالي - لأنك موتورك 1.0 ودة حلو اوي عليه القيادة المعتدلة

فا انا فى حيرة رهيبة وقلق رهيب مش عارف ابداء من فين وفى نفس الوقت مش عارف اخد قرار وحاسس ان انا لبست الماتور !!
افيدونى ..

عربيتك زي الفل ربنا يباركلك فيها ويديك خيرها ان شاء الله
لو لاحظت اي حاجة - تابع معانا القسم وان شاء الله هنحل كل مشاكلها سوا واحنا مع بعض

لا تتردد في السؤال وان شاء الله بفضل الله مفيش مشاكل وكلها حاجات بسيطة

والله المستعان
،
،

[mahmoud ghanem]

10/10
يا باشمهندس محمد سيد

[ehab_mansour]

طبعا مهندس محمد سيد قال كل حاجه و لكن ان موضوع الزيت ده كتير و لكن الاول غير الجوانات اللي انت شايفها بتسرب و شوف ايه النتيجة

موضوع نقص المياة فبرده كتير جدا انت محتاج تكبس دورة المياة عند اي ميكانيكي و هيبان المشكلة فين علطول لأنه بيكبس الدورة بحوالي 10 بار ضغط يعني اكنها دايرة و شغاله و بيختبر فين التسريب و علطول بيبان علي العداد وتسريب المياة ممكن يكون من أفيز او جوان شجرة المياة او غطا القربة او الرادياتير او او اي مكان المهم تكبس الدورة و كل شيء هيبان

موضوع التسخين ابو السيد قال كل حاجه و درجة حرارة المحرك دي طبيعيه جدا و مافيهاش مشكلة المهم المؤشر قدامك يكون مضبوط

ممكن تقلي بتحط زيت نوعيته ايه ؟
و مؤشرات كلامك بتقول ان موتورك كويس لكن يتبقي استهلاك البنزين ياريت تقلنا الاستهلاك عامل ايه معاك ؟
و بالتوفيق ان شاء الله

[Ahmed_Gallant]

موضوع الميه المهببه دى كانت عندى بسبب ان البوابه والمانفولد مليانين هباب رحت فكيت العمه والبوابه طلعتها بره ونضفتها بحته قماشه وبعدين زيت الاكس بتاعها ب wd40 ونضفت المانفولد من جوه برضه بس من غير ما احط اى منظف الهباب بيطلع بمجرد ما تمشى عليه القماشه وبعدين ركبت البوابه وجربت من غير العمه عشان بس اتأكد لقيت الميه اللى نازله من الشكمان صافيه وبتنقط على الارض من غير ولا نقطه هباب مع ان الاول العربيه كانت بدون مبالغه بتسيب بقعه زفت على الارض ورا الشكمان

[bugmenot]

قبل اي حاجة
اهلا بيك في قسم سيات
صحيح حضرتك عضو قديم ولكن اول مرة اتشرف بحضرتك

متشكر جدا على اهتمامك وردك المثمر
ودائما بصحه وعافية يا استاذ سيد
وانا موضح بعض التوضيحات علشان تقدر تساعد حضرتك فى تشخيص مشكلتى
وشكرا تانى على اهتمامك

عربيتك زي الفل ربنا يباركلك فيها ويديك خيرها ان شاء الله
لو لاحظت اي حاجة - تابع معانا القسم وان شاء الله هنحل كل مشاكلها سوا واحنا مع بعض

لا تتردد في السؤال وان شاء الله بفضل الله مفيش مشاكل وكلها حاجات بسيطة

والله المستعان
،
،

طبعا مهندس محمد سيد قال كل حاجه و لكن ان موضوع الزيت ده كتير و لكن الاول غير الجوانات اللي انت شايفها بتسرب و شوف ايه النتيجة

موضوع نقص المياة فبرده كتير جدا انت محتاج تكبس دورة المياة عند اي ميكانيكي و هيبان المشكلة فين علطول لأنه بيكبس الدورة بحوالي 10 بار ضغط يعني اكنها دايرة و شغاله و بيختبر فين التسريب و علطول بيبان علي العداد وتسريب المياة ممكن يكون من أفيز او جوان شجرة المياة او غطا القربة او الرادياتير او او اي مكان المهم تكبس الدورة و كل شيء هيبان

موضوع التسخين ابو السيد قال كل حاجه و درجة حرارة المحرك دي طبيعيه جدا و مافيهاش مشكلة المهم المؤشر قدامك يكون مضبوط

ممكن تقلي بتحط زيت نوعيته ايه ؟
و مؤشرات كلامك بتقول ان موتورك كويس لكن يتبقي استهلاك البنزين ياريت تقلنا الاستهلاك عامل ايه معاك ؟
و بالتوفيق ان شاء الله

متشكر جدا بشمهندس ايهاب

بالنسبة لموضوع الزيت انا شايف انة كتير 1.25 لتر فى 2000 كيلو يبقى سببهم الجوان دة مش عارف انا فى ناس قلتلى طلما الماتور بياكل زيت كدة يبقى مفوت !!!
2- بالنسبة لما بقول انى وانا بسخنها لما الار بى ام بجيبه على 4 مرة واحدة بيطلع دخان ازرق ويختفى بعد ثوانى طبعا انا عارف ان الار بى ام بيكون عالى حوالى 1.1 لحد ما العربية تسخن ويرجع تانى على 0.9 انا طبعا مش بسخنها على ار بى ام 4 لكن كا اختبار بدوس مرة وحدة واعلى الار بى ام لحد 4 واشيل رجلى الاقى الدخنه دى .. وما بتحصلش غير لما اسيب العربية يومين ثلاثة بدون استخدام
3- بالنسبة لمؤشر الزيت هو دائما بين المينى والماكس .. وهجرب موضوع جوان غطاء التكيهات دة يمكن يكون هو سبب نقص الزيت !!!
4- انا استخدمت شل الاحمر فى الصيف ونقص 1.25 تقريبا
وحاليا بستخدم شل الاصفر يعنى عامل بيه 200 كيلو
5- بالنسبة لاستهلاك البنزين انا شيفة متوسط يعنى التفويلة بتعمل حوالى 450 ك داخل القاهرة
وحوالى 550 - 600 ك فى السفر
6- بالنسبة لمياه القربة مش مصدية ابدا .. وفعلا لما بفتح القربة وهى باردة بتنفس والمياه فيها بتعلى بسيط لكن لو العربية كانت سخنة طبعا بتفور والمياه مستواها بيذيد فى القربة كانى زودتها بالظبط
7- موضوع اختبار السرعة مع الار بى ام انه مرتبط بالاسطوانة مش الماتور دى معلومة جديدة لى وشكرا على الايضاح .. وبالنسبة انى مقرصش على العربية فى الطوالى والمطالع يعنى اخلى الار بى ام دائما على 3 اقصى حاجة حتى الغيار الخامس .. ولا اغير الغيار على 3 والخامس مفتوح معايا لحد 5 ؟؟؟

[bugmenot]

موضوع الميه المهببه دى كانت عندى بسبب ان البوابه والمانفولد مليانين هباب رحت فكيت العمه والبوابه طلعتها بره ونضفتها بحته قماشه وبعدين زيت الاكس بتاعها ب wd40 ونضفت المانفولد من جوه برضه بس من غير ما احط اى منظف الهباب بيطلع بمجرد ما تمشى عليه القماشه وبعدين ركبت البوابه وجربت من غير العمه عشان بس اتأكد لقيت الميه اللى نازله من الشكمان صافيه وبتنقط على الارض من غير ولا نقطه هباب مع ان الاول العربيه كانت بدون مبالغه بتسيب بقعه زفت على الارض ورا الشكمان

الله يبارك فيك تمام كدة هجرب الموضوع دة بس دة مش معناه ( هباب اسود فى الشكمان ) ان فى بنزين نى متحرقش فى غرفة الاحتراق وخرج مع العادم من الشكمان ؟؟؟

[Ahmed_Gallant]

الله يبارك فيك تمام كدة هجرب الموضوع دة بس دة مش معناه ( هباب اسود فى الشكمان ) ان فى بنزين نى متحرقش فى غرفة الاحتراق وخرج مع العادم من الشكمان ؟؟؟

لا شكر على واجب كلنا هنا اخوات
هباب اسود غير دخنه سوده بتزيد كل ما تزود بنزين الدخنه السوده بسبب بنزين غير كامل الاحتراق وبتحس بوجع بسيط فى العين وممكن الدخنه تخف بعد ما العربيه تسخن بس احساس الالم العين وريحه البنزين بتفضل موجوده الدخنه البيضا زيت بيتحرق مع البنزين وهو بدايه ان الموتور هيفوت دخنه زرقا يبقى الموتور الله يرحمه
ممكن اطلب منك طلبين اولا العربيه ساعات بتأخر معاك فى الدواره ومبترضاش تدور من اول مره لو كده هيبقى تعمل الطلب التانى اللى هو تكشف على البوجيهات لو البوجيهات لونها بنى محمص وجافه جدا يبقى انت فى السليم لو فى اى بوجيه من الاربعه طلع لونه اسود او مرطب باى شكل ما يبقى انت عندك بدايه تهريب فى حكمه البساتم واللى بيقولو عليه طقم شمبر اللى هى عمره من فوق لا قدر الله ومش شرط ان البساتم كلها تهرب زيت مع بعض ممكن تحصل فى بستم واحد عشان كده هتحتاج تكشف على البوجيهات كويس
وابقى طمنى

[bugmenot]

لا شكر على واجب كلنا هنا اخوات
هباب اسود غير دخنه سوده بتزيد كل ما تزود بنزين الدخنه السوده بسبب بنزين غير كامل الاحتراق وبتحس بوجع بسيط فى العين وممكن الدخنه تخف بعد ما العربيه تسخن بس احساس الالم العين وريحه البنزين بتفضل موجوده الدخنه البيضا زيت بيتحرق مع البنزين وهو بدايه ان الموتور هيفوت دخنه زرقا يبقى الموتور الله يرحمه
ممكن اطلب منك طلبين اولا العربيه ساعات بتأخر معاك فى الدواره ومبترضاش تدور من اول مره لو كده هيبقى تعمل الطلب التانى اللى هو تكشف على البوجيهات لو البوجيهات لونها بنى محمص وجافه جدا يبقى انت فى السليم لو فى اى بوجيه من الاربعه طلع لونه اسود او مرطب باى شكل ما يبقى انت عندك بدايه تهريب فى حكمه البساتم واللى بيقولو عليه طقم شمبر اللى هى عمره من فوق لا قدر الله ومش شرط ان البساتم كلها تهرب زيت مع بعض ممكن تحصل فى بستم واحد عشان كده هتحتاج تكشف على البوجيهات كويس
وابقى طمنى

الله ينور عليك .. الدخنة عندى زرقاء بس لما اكبس بنزين مرة واحدة وانا بسخن بس ولازم تكون العربية مركونة يومين على الاقل لكن طول اليوم عادى من غير دخنة علشان كدة انا قلقان جدا على الماتور
موضوع بتاخر فى الدوارة دى الحمد الله مبتعملهاش معايا خالص وانا من ساعة ماشترتها لسة مغيرتش البوجيهات .. هى معايا بقالها 5 شهورتقريبا وماشى بيها حوالى 5000 ك

[Ahmed_Gallant]

الله ينور عليك .. الدخنة عندى زرقاء بس لما اكبس بنزين مرة واحدة وانا بسخن بس ولازم تكون العربية مركونة يومين على الاقل لكن طول اليوم عادى من غير دخنة علشان كدة انا قلقان جدا على الماتور
موضوع بتاخر فى الدوارة دى الحمد الله مبتعملهاش معايا خالص وانا من ساعة ماشترتها لسة مغيرتش البوجيهات .. هى معايا بقالها 5 شهورتقريبا وماشى بيها حوالى 5000 ك

طب ممكن برضه تكشف على البوجيهات عشان يطمئن قلبى

[magdy_momo]

نصيحة من اخ انا معايا عربية بنفس مواصفات عربيتك هنصحك نصيحة لله .. لو هتغير الموتور جيب الموتور ال 1400 بالمنافولد الفبر معاه الفتيس بتاعه .. و متخليش حد يفتي عليك و يقولك فتيس ال1000 هيمشي علي ال 1400 عشان شوية و الفتيش هيضرب . انا نقلتلك تجربتي بأختصار و الموتور مش غالي بالفتيس حوالي 2600 بس

[Ahmed_Gallant]

نصيحة من اخ انا معايا عربية بنفس مواصفات عربيتك هنصحك نصيحة لله .. لو هتغير الموتور جيب الموتور ال 1400 بالمنافولد الفبر معاه الفتيس بتاعه .. و متخليش حد يفتي عليك و يقولك فتيس ال1000 هيمشي علي ال 1400 عشان شوية و الفتيش هيضرب . انا نقلتلك تجربتي بأختصار و الموتور مش غالي بالفتيس حوالي 2600 بس

معلش انا ممكن اخالفك الرأى فى ثلاث نقاط
اولا انا مسقط موتور 1.4 بالعمه الفبر فول انجيكشن 8 صباب بادوات التغذيه بدون فتيس وبقالى سنه لحد دلوقتى والحمد لله مفيش شكوى من ناحيه الفتيس علما بان الفتيس حالته مش نضيفه قوى يعنى فتيس عادى وعصايه الفتيس مبوشه كمان بس تجميعه ممتاز بس الديسك والاسطوانه والبليه استيراد مع الموتور
ثانيا الموتور كامل بنص ضفيره بالكنترول بادوات التغذيه بالفتيس بالتسقيط بيعمل4000 جنيه ده غير البوجيهات والزيوت والفلاتر تكلفه التسقيط تقريبا 500 جنيه
ثالثا الموتور ال1000 هو هو ال1400 ما عدا حاجات بسيطه جدا زى الكنترول وطرمبه الميه وطبعا مقاس البساتم بس ادوات التغذيه واحده والفرن واحد والبوابه والاسبراتير والمكنتين بيشتغلوا على نفس امبير البطاريه
وطبعا ده بناء على تجربه شخصيه

[magdy_momo]

انا بقول لحضرتك اشتريت الموتور من بورسعيد كامل من غير الفتيس و لا كومبريسور التكييف ب 2100 و الورق ب 100 جنيه .. و اشتريت الفتيس من الاسماعيلية بقواعده ب ساعة السرعه ب 500 جنيه :)

[Ahmed_Gallant]

انا بقول لحضرتك اشتريت الموتور من بورسعيد كامل من غير الفتيس و لا كومبريسور التكييف ب 2100 و الورق ب 100 جنيه .. و اشتريت الفتيس من الاسماعيلية بقواعده ب ساعة السرعه ب 500 جنيه :)

يبقى هنا سوء التفاهم
حضرتك من اسماعيليه بينها وبين بورسعيد فرده كعب 100 تقريبا لكن انا من القاهره عشان اروح اجيب مكنه من بورسعيد وانا مش معايا عربيه تحت ايدى ويا عالم طلع فيها حاجه ولا لا وهضطر ارجع تانى والشغلانه دى انا معاك ان فرق السعر كده كتير بس المجازفه انى اشترى من بورسعيد اكبر
ممكن لو انا عربيتى ماشيه اسافر بيها واسقط المكنه هناك سواء هاخد صنايعى معايا او حد يكون ثقه هناك وساعتها هبات يومين هناك افضل اجرب فيها
بس من القاهره انا شارى المكنه بادوات التغذيه من غير الفتيس ولا الباور ب3000 جنيه +500 تسقيط والفتيس لوحده كان من 500 الى 600 جنيه برضه لو حسبتها بعد النقل من بورسعيد للقاهره هتبقى قريبه برضه ده غير المخاطره فى الحاله دى