مشكلة في العجلة الخلفية

[singary]

امبارح و انا بركن سمعت صوت طقطقة من ورا جامد ... قولت خير و نزلت عشان اشوف بصيت على العجلة الخلفية شمال لقيت بنها و بين الحديد او التجويف اللي وراها على طول اقل من صباع . افتكرت اني خبطت في حاجه لكن لقيت كل حاجه سليمه لكن كان في حاجه في مكان الركن و انا دوست عليها عشان كدة سمعت صوت الطقطقة . فقولت الحمد لله لكن يفضل السؤال هل التجويف ده بيتربط ولا لأ ؟ خصوصا اني لاقيت مسمار كدة و التجويف زي ما يكون فك منه . و لا ممكن تكون محتاجه ظبط زوايا . لان حتى بعد ما حولت ازقها لورا يادوب المسافة بقيت بين الكاوتش و التجويف صباع بالعافية . في حين ان الناحية اليمين المسافتة بتكون صياعين مرتاحين . فسؤالي ده ممكن يكون اية ؟؟؟
يتصلح عند مين ؟؟؟؟
هل ممكن يؤثر عليا في المشي ؟؟؟
منتظر ردودكم

[SYD]

انا مش فاهم قصدك اوي
لكن انا متصور انك بتتكلم علي الكرتيرة الخلفية
لو عرفت تصورلنا المنظر اللي بتحكيه يكون افضل

[singary]

الصورة

انا مش فاهم قصدك اوي
لكن انا متصور انك بتتكلم علي الكرتيرة الخلفية
لو عرفت تصورلنا المنظر اللي بتحكيه يكون افضل

للاسف انا حاولت فعلا اصوره لكن لظروف الكاميرا الصورة مش و اضحة خالص لكن في صورة انا رفعتها لعربيه تانية من على النت لكن مش عارف ارفعها كل ما ارفعها يطلعلي فشل في رفع الصورة ّّّّّّّّّّّ

[Ahmed_Gallant]

من كلامك حاسس كده وربنا يخيب ظنى ان الركبه اللى ماسكه الدنجل من ناحيه العجله دى رحلت عن مكانها بس انا مش هعرف افيدك قوي لانها حصلت معايا قدام وكنت لما بكسر شمال العجله تزنق فى الكرتيره واتصلحت بان الركبه اتشالت من مكانها واتلحمت وده عاب العربيه قوي وانا ببيعها بس منصحكشى تمشى عليها كده وبرضه احتمال يكون الدنجل نفسه اتعوج ارفعها وانزل تحتيها وقارنها بالناحيه اللى قصادها وطمنا