سؤال لاصحاب الخبرة فى التسقيط

[abo_saad]

هو ايه الورق اللى باخدو من التاجر اللى شارى منو المكنة اصلو قالى بتاخد صورة الافراج الجمركى والاصل بيتبعت ليك على المورو طبعا وهاخد منو فاتورة كمان بسعر المكنة

[abo-berry]

الكلام ده مضبوط , انت بتاخد ورقتين صورة الافراج واقرار الذمه الماليه بتاعت شركة الاستيراد , اصل الافراج بيتبعت على المرور بتاعك

[Optiplex]

اديك جاوبت بنفسك و خلية يخلية الفتورة و الافراج باسمك و خلاص مبروك عليك و ربنا يباركللك فيهااااااااااا

[abo_saad]

تسلمو ياحلى اعضاء ربنا يخليكو للمنتدى وتقدر تساعدو المحتاجين وربنا يقدرنا على رد جمايلكم

[Ahmed_Gallant]

باشا صباح الفل
مبروك العربيه وربنا يديك خيرها ويكفيك شرها
موضوع الورق انت هتبدا فيه من دلوقتى وضرورى ضرورى تخلصه قبل الفحص بفتره عشان مليان حوارات ممكن تطول
وانا هتابع معاك الورق ان شاء الله لحد ما يبقى فى ايدك بس بلاش تكسل عنه عشان هيوقفلك الترخيص الناس هناك كلهم بيراجعوا على بصمه الموتور من اصغر عامل لاكبر ظابط
انت هتكلم اللى انت واخد منه العربيه وتسأله مسقط عند مين
وتاخده وتروحله فى احتمالين اول احتمال ان يكون التاجر هو نفسه المستورد والورق باسمه زى الحاج سوسو اللى فى اللبينى او يكون شارى من تاجر تانى فى بورسعيد
فى الحالتين هتشوف هل فعلا صاحبك استلم الفاتوره المختومه بختم معتمد ودى فاتوره من التاجر مختومه بختم مكتوب جواه التاجر معتمد وعليها النسر لو استلمها وضاعت تطلب من صاحب المحل فاتوره تانيه وده فى حاله ان هو التاجر الاصلى ولو مستلمهاش من الاساس هتضطر تدفع تمن الورق اللى هو 100 او 150 او 200 مش كل التجار زى بعض وتاخد الفاتوره بس خليها باسمك انت مهم جدا انها تكون باسمك لو هو من تاجر تانى بره القاهره يبقى كده كده هتدفع مصاريف الورق حتى لو كان صاحبك دفعها لان هيخلى حد يسافر مخصوص وبرضه هتخليه باسمك وتبع المرور اللى انت تابع ليه
او ما يجيبلك الفاتوره المختومه وصوره من الافراج الجمركى هتلاقى فى رقم مكتوب بخط الايد على صوره الافراج بالاضافه للاختام وده فى حاله انه نقلك الموتور على المرور بتاعك لو لسه مش هتلاقى الرقم ده
هتروح المرور بصوره الافراج وتسأل الموظف هل المكنه دى جت طبعا المرور الرئيسى اللى فى منطقتك يعنى المرور الرئيسى بتاع الجيزه هو مرور الدقى المشهور ببين السرايات حتى لو رخصتك فيصل
لو قالك جه قله انا عايز احوله للمرور بتاعى اللى هرخص فيه هيسألك بصفتك مين وهنا هتعرف فايده ان الموتور بأسمك هيروح كاتبلك رقم تانى عل صوره الافراج هيقولك ده رقم الصادر اللى هتسأل بيه فى المرور بتاعك لما الورق يروح المرور بتاعك وتروخ تسأل هتلاقى الموظف بيقولك تعالى افحص
تروح تنام بقى وتستغطى لحد قبل ما الترخيص يخلص بشهرين وتبدأ تجرى تانى متخفشى الشهرين مش هيروحوا عليك ويتحسبوا فوق السنه المجدده ولو عندك اى استفسار فى موضوع الورق او عايزنى اكلم الراجل اللى انت واخد منه العربيه افهم منه عمل ايه ده رقمى كلمنى اى وقت 01110079163 اخوك احمد عبد السلام
بس بلاش بلاش بلاش تنفض عشان كل ما الموضوع بيقدم بيبقى صعب تلاقى ورقك
الورق بياخد من 3 الى 4 ايام للنقل من مرور لمرور حتى لو كان بره القاهره انا ورقى جه بعد 3 ايام من طنطا

اقرا المشاركه دى هتفيدك ان شاء الله
وقريب جدا ان شاء الله هعمل موضوع بخصوص الورق وحوارات المرور اللى ممكن تواجهك لان معظم اللى معاهم ابيزا بيسقطوا مواتير وانا شايف ان الموضوع مكانه هنا يبقى افضل

[wael30003]

هو ايه الورق اللى باخدو من التاجر اللى شارى منو المكنة اصلو قالى بتاخد صورة الافراج الجمركى والاصل بيتبعت ليك على المورو طبعا وهاخد منو فاتورة كمان بسعر المكنة

انا لما اشتريت اعطانى اصل الافراج الجمركى

الشركة اسمها عربيات