عايز اخد رايكم فى نوع سير الكاتينة

[egman]

السلام عليكم ورحمة الله وبركاته

شباب انا كنت عايز اغير سير الكاتينة وكنت عايز اعرف اية افضل الانواع الى حضراتكم جربتوها وبتعتمدوا عليها فى السوق اليومين دول وبكام ومن عند مين ؟

اه وحاجة تانية انا اعرف ان سير الكاتنية لازم يكون له تاريخ صلاحيه يا ترى اية اقصي حاجة اشتريها وامتى اقرر او فى اى تاريخ اقرر ان السير ده غير صالح او بقاله كتير منتج ومخزن وما اشتريهوش ويبقى مكتوب ازاى على العلبه هل تاريخ الانتاج ولا صلاحيه ولا اية لانى ناسي والله تماما ؟

حاجة اخيره شداد الكاتينة هل منه جديد ولا بيجي استيراد وهو بيكون عباره عن اية البليه ولا بلية وشداد مع بعض بيتغيروا وبكام ومنين ؟


الف شكر ليكم يا رجاله ،،

[amr elsisi]

لحد عمي كونتننتال اتحاد اوروبي
علبة صفراء

[egman]

تمام انا سمعت برده عن الماركة ده طيب من فين وبكام وتاريخ الانتاج يكون ما يقلش عن امتى ؟

[ehab_mansour]

حاول تشتري تاريخ انتاج حديث يعني أخر 2011 مثلا قبل كده متشتريش ده أولا

ثانيا ياريت تشوف موضوعي عن سير الكاتينة لما اتقطع مكتوب فيه كل حاجه

ثالثا تشتري منين انزل الحرفيين او شارع دمشق و دور لحد ما تلاقي نوعية نضيفة و محترمه اشتريها لأنه فيه كتييييييير انا ركبت قبل كده في الابيزا dayco ايطالي و كان زي الفل و فيه كونتيننتال و فيه انواع كتير استنضف و اشتري

تعديل :

ده لينك موضوعي

http://www.nilemotors.net/Nile/319583-a.html

[egman]

الف شكر ليك يا باشا ، لك واحشه كبيرة والله يا ايهاب باشا

انا اتصلت دلوقتى بمحل الصفا الى فى التجنيد وسالته الاتنين موجودين عنده وسعره 60 جنية سواء الدايكو او الكونتيننتال مكسيكي .

انا لما اروحله دلوقتى هشوف مين فيهم الاحدث طالما ان الاتنين كويسين .

بس ليا سوال يا باشا هو مقاس الكاتينة للايبيزا 94 بتاعتى موتور 1400 سي سي مقاسه بيكون كام ؟

[egman]

انا الحمد لهه روحت اشتريت الحاجة من التجنيد من محل الصفا

سير كاتينة كونتينتال مكسيكي 60 جنية مكتوب عليه يتم تركيب قبل 4-2017 (Install < 4-2017 )يعنى اعتقد انه انتاج السنة ده .

سير دينامو مايلى المانى 60 جنية .

فلتر هواء توبران 45 جنية .

فلتر زيت 35 جنية

فلتر بنزين 65 جنية .

بوجيهات ngk تلاته شمعه 65 جنية .

بس يا شباب هى ده المشتريات .

طيب كده بالمكتوب على علبه سير لكاتينة ده يبقى انتاجه قريب فعلا ولا اية النظام ؟

وانا اسمع ان نوع سير الكاتينه ده محترم صحيح ولا كله واحد انا ناوى بصراحه اغيره ل 20000 الف مع الدينامو يعنى من باب الامان ؟

[ehab_mansour]

انا الحمد لهه روحت اشتريت الحاجة من التجنيد من محل الصفا

سير كاتينة كونتينتال مكسيكي 60 جنية مكتوب عليه يتم تركيب قبل 4-2017 (install < 4-2017 )يعنى اعتقد انه انتاج السنة ده .

سير دينامو مايلى المانى 60 جنية .

فلتر هواء توبران 45 جنية .

فلتر زيت 35 جنية

فلتر بنزين 65 جنية .

بوجيهات ngk تلاته شمعه 65 جنية .

بس يا شباب هى ده المشتريات .

طيب كده بالمكتوب على علبه سير لكاتينة ده يبقى انتاجه قريب فعلا ولا اية النظام ؟

وانا اسمع ان نوع سير الكاتينه ده محترم صحيح ولا كله واحد انا ناوى بصراحه اغيره ل 20000 الف مع الدينامو يعنى من باب الامان ؟

مبروك يا حسين و الأسعار كويسة و معقولة و كده فعلا انتاجه جديد و معني الكلام ده انه يتركب حتي هذا التاريخ يعني لسه بدري بتاع 5 سنين علي ما ينتهي تركيبه غيره ولا تقلق و أنصحك انك متغيرهوش قبل 50 الف كيلو و متقلقش مش هيجراله حاجه ان شاء الله لكن 20 الف قليل قوي للاتنين

وبالتوفيق يا صديقي

[egman]

الف شكر ليك يا باشا والله يبارك فيك وتحياتى الخاصة لحضرتك ،،

[mahmoud ghanem]

مبروووووك

[egman]

الله يبارك فيك يا باشا

[egman]

طيب شباب انا عايز اعرف حاجة

دلوقتى لو سير الكاتينة ركب غلط اية الى بيحصل فى العربية بالضبط ؟

وهل خطأ التركيب للسير ده بيبان اول ما تركب السير وتدور تجرب على طول ولا بيبان بعد فترة ؟

وهل فى فرصة ان السير يركب غلط ولا لأ ؟

ولا هل كل مشكلة سير الكاتينة فى تركيبة مش فى السير نفسه كسير وانما فى ان الطنابير بتاعته ما تكونش فى مكانها المضبوط وانت بتركب السير ؟

[Ahmed_Gallant]

طيب شباب انا عايز اعرف حاجة

دلوقتى لو سير الكاتينة ركب غلط اية الى بيحصل فى العربية بالضبط ؟

وهل خطأ التركيب للسير ده بيبان اول ما تركب السير وتدور تجرب على طول ولا بيبان بعد فترة ؟

وهل فى فرصة ان السير يركب غلط ولا لأ ؟

ولا هل كل مشكلة سير الكاتينة فى تركيبة مش فى السير نفسه كسير وانما فى ان الطنابير بتاعته ما تكونش فى مكانها المضبوط وانت بتركب السير ؟

ممكن اعرف الغرض من السؤال ده انك عايز تغيره بنفسك ولا خايف ان الصنايعى يركبه غلط ؟
فى الحاله الاولى فى علامه موجوده على ترس التقسيمه مش عارف اسمه كده صح ولا لا زى شرطه كده بتظبط عليها زى الل فى الصوره دى بالظبط



ولو خايف ان الصنايعى يركبه غلط متقلقشى روح بس لحد كويس زى عصام ومش هياخد فى ايده 20 دقيقه انا لسه مغير طلمبه الميه عنده وكان لازم يفك سير الكاتينه والدينامو وركبهم عادى
الاضرار اللى ممكن تحصل لو ركب مرحل بنسبه بسيطه جدا ولو سنه واحده المكنه تبرجل وممكن تبطل والاحتراق هيبقى فيه ديلاى يعنى البنزين يترش بفتره قبل ما البوجيه يشرز او العكس زى العربيات الكربراتير لما تظبطها من الاسبراتير بس احنا عندنا مفيش الكلام ده لكن لو الترحيله بنسبه كبيره ممكن تعوج صبابات لا قدر الله لان ممكن تكون حركه البسم لفوق فى حين الصباب لسه مطلعشى يروح البستم عاوج الصباب لاقدر الله
يا رب اكون افدت
صحيح انا لقيت سير الكاتينه الالمانى بس مش متأكد انه المانى فعلا للابيزا بتاعتى مكنه 1.4 انجكشن ب70 جنيه عند فتح الباب

[ehab_mansour]

الله ينور يا مهندس أحمد

كلامك سليم 100% و لكن هو بيسأل هل هو كشخص لو السير كب غلط هيحس بيه ايوه طبعا مش بياخد فترة و لكن من اول حتي دوارة العربية لو عربيتك بتدور من اول تكه هتلاقيها بتقوم بالعافية و مافيهاش عزم و الار بي ام مش مضبوط و بيلعب و بتبطل منك و هتلاقي المحرك فيه رجة غير طبيعية بالمره ........... من الأخر اول ما تركب السير المفروض متحسش بأي شيء مختلف ولا ميزة ولا عيب لأنه فقط انت غيرت سير تمام

بخصوص كيف يتم ضبط السير فدي كما قال مهندس احمد فوق بالضبط بيتم ضبط ترس عمود الكرنك (الترس الصغير في الصورة) علي العلامة المحدده دي و ضبط طمبورة عمود الكامات (الطمبورة المسننة الكبيرة )اللي فوق علي العلامة الموضحة دي و بس و بتركب السير و بعدين بتشده ببلية الشداد و بعدين تربط علي بلية الشداد و بس

طيب لو مرحل سنة او اتنين هتحصل اعراض كما قلت فوق .... طيب لو مرحل اكتر هيجيب صبابات مباشرة من اول محاولة للدوارة و دي كما شرح احمد فوق البستم هيطلع في وقت الصباب نازل هيخبطة يعوجه مباشرة

ربنا يسترنا من أخطاء و مشاكل الكاتينة و الصنايعيه لأنها ممكن تلففك حوالين نفسك بدون داعي خالص و ممكن تكون خالفة سنة و انت يتهيئلك حاجه تانية خالص

[egman]

كتر الف خيركم جميعا وجزاكم الله كل الخير ، والغرض من السؤال هو زياده فى المعرفه عن هذا الامر وانا تعبتكم معايا يا شباب ......

تحياتى لأساتذتي / احمد وايهاب