العربية دايرة من غير مفتاح

[Ebrahim Osman]

السلام عليكم ورحمة الله وبركاتة
الحمد لله انا غيرت علبة الفيوزات
وغيرت ما تور المساحات
وعملت شوية شغل فى العربية
واللى انا اشتريت منه العربية كان قالى ان فبرة الكونتكت عاوزة تتغير
وادانى فبره جديدة مكانها
ولما روحت للكهربائى قالى ان الفبرة مش لازم تتغير وساب القديمة زى ماهية
المهم بعد ماخذت العربية والكلام ده كان إمبارح
النهاردة بعد مشوار من مدينة الشروق الى العباسية
جيت اطفى العربية مش عاوزة تنطفى وفضل الماتور داير ونور الطابلوة منور والعدادات شغالة
وكل ده وانا شايل المفتاح من العربية
فهل هذا العيب من فبرة الكونتكت ولا من حاجة تانية
ولو من حاجة تانية
برجاء توضيح الحل
وفى مشكلة اخرى كنت سألت عنها وهى خاصة بعوامة البنزين
لانها لا تعمل سواء مفول التانل او فاضى الى اقل درجة وعلطول نور التنبية اللى فى التابلوة الخاص بانخفاض مستوى البنزين مضئ
افيدونى افادكم الله
وبارك الله فيكم

[AlGazar2]

كده الفبره عايزه تتغير مبتفصلش و اكيد العربيه ليها مفتاح فصل عشان تبطل منها

المشكله التانيه اما العوامة بايظه او معلقة او اللمبه نفسها معلقة المؤشر شغال ولا لا

[Ebrahim Osman]

متشكرررررررررررررررر جدا

يعنى هى الفبرة على العموم انا كلمت الكهربائى وهروح ليه بكرة إن شاء الله
اما بالنسبة للمؤشر فهو كمان مش شغال
ولا اعرف هل فى السيارة مفتاح فصل ولا لا
ولو موجود بيكون مكانة فين
ولو مش موجود ممكن اعملة
وشاكر على سرعة الرد

[kyrillos]

بص أنا أحيانا بيحصل عندى الموضوع ده
أبطل العربية بالمفتاح بس ماتبطلش
أول ما ارفع فرامل اليد تبطل على طول...مش دايما كده
بس حصلت تقريبا 5 مرات فى أوقات مختلفة ومأعتقدش ان الكونتاكت فيه مشاكل
أعتقد ان دى مشكلة كهرباء

[Ahmed_Gallant]

بص أنا أحيانا بيحصل عندى الموضوع ده
أبطل العربية بالمفتاح بس ماتبطلش
أول ما ارفع فرامل اليد تبطل على طول...مش دايما كده
بس حصلت تقريبا 5 مرات فى أوقات مختلفة ومأعتقدش ان الكونتاكت فيه مشاكل
أعتقد ان دى مشكلة كهرباء

باشا مساء العسل
هو بس فى لبس هنا لو تسمحلى اوضحه
اولا هو المشكله اللى بيحكى فيها دى ان الكونتاكت لما ترجع المفتاح لقفل الموتور الفبره اللى جوه اللى بتوصل الاسلاك ببعض مبترجعشى معاها والعربيه هنا بتفضل شغاله انا كان عندى كده والعربيه فيها زرارين واحد يفتح الكونتكت والتانى يدور والمفتاح كنت بس بفك المسوجر بتاع الطاره بيه بس ولو هو معندوش زرارين للكونتاكت دى هتبقى مشكله كبييره لانه لو حتى رفع الهاند او اداها غيار العربيه هتفضل منوره الكونتكت ولازم يفصل اقطاب البطاريه
ثانيا اللى بيحصل عندك ده اسمها ان المكنه كهربتها زياده والدليل على كده لما بتديها غيار او ترفع الهاند بتلاقى العربيه بطلت والكونتكت مقفول لانك فعلا قافله بالمفتاح ودى حلها تظبط كهربا من الاسبراتير لو عربيتك كربراتير او تروح لكهربائى شاطر لو عربيتك انجيكشن لان الاسبراتير فيها ملوش دعوه بالكلام ده ولازم يبقى على طول فى النص
نرجع تانى للمشكله الاولى
انت قدامك كذا حل

اولا انك تشترى كونتكت بمفتاحه ولو عندك ايموبليزر خش بص على الموضوع ده عشان تنقله فى المفتاح الجديد تكلفتها من 100 الى 150 بدون تركيب

http://www.nilemotors.net/Nile/309019-a.html#post3874528678

ثانيا انك تشترى فبره كونتكت ولانى فكيت الكونتكت القديم بتاعى اقتنعت انه جزمه قديمه ومستحيل انه يرجع زى الاول لو اتفك مره التكلفه معرفشى

ثالثا انك لو عندك الطاره مش عجباك او مبهدله او دراعات النور فيها مشاكل تشترى قطمه كامله وممكن تجيبها مفتاح خريطه كمان موديل 99 اللى فيها ايرباج شكلها تحفه تكلفتها 350 بدون تركيب

بس ياريت ترد عليا العربيه لو اديتها غيار وبطلت نور الكونتكت بيبقى منور ولا لا

[Ebrahim Osman]

اسف على التاخير

والسيارة لو اديتها غيار الماتور بيبطل ونور الكونتكت بيطفى بس بعد دقيقة او اتثنين
والف شكر

[hossamalsadik]

انا شايف حوارات كتير كده لييييييييييييه
ماتقلقش اخى العزيز
المشكله الأولى : كهرباء بوجه عام وأظنها تغيير الفبره وعند كهربائى ممتخصص مثل ابو سماح بالمقطم
مركز الورشة الفنية للسيارات
المقطم
ده رقم المركز 01064242301

المشكلة الثانية : التنك معلق ( العوامه معلقه ) بس كده تحلها عند مين ؟ ممكن فى المركز الى فوق ده برده بكل سهوله ..
اتمنى ان اكون افدتك

اتمنى لك التوفيق ... والله المستعان

[matrix012]

باشا مساء العسل
هو بس فى لبس هنا لو تسمحلى اوضحه
اولا هو المشكله اللى بيحكى فيها دى ان الكونتاكت لما ترجع المفتاح لقفل الموتور الفبره اللى جوه اللى بتوصل الاسلاك ببعض مبترجعشى معاها والعربيه هنا بتفضل شغاله انا كان عندى كده والعربيه فيها زرارين واحد يفتح الكونتكت والتانى يدور والمفتاح كنت بس بفك المسوجر بتاع الطاره بيه بس ولو هو معندوش زرارين للكونتاكت دى هتبقى مشكله كبييره لانه لو حتى رفع الهاند او اداها غيار العربيه هتفضل منوره الكونتكت ولازم يفصل اقطاب البطاريه
ثانيا اللى بيحصل عندك ده اسمها ان المكنه كهربتها زياده والدليل على كده لما بتديها غيار او ترفع الهاند بتلاقى العربيه بطلت والكونتكت مقفول لانك فعلا قافله بالمفتاح ودى حلها تظبط كهربا من الاسبراتير لو عربيتك كربراتير او تروح لكهربائى شاطر لو عربيتك انجيكشن لان الاسبراتير فيها ملوش دعوه بالكلام ده ولازم يبقى على طول فى النص
نرجع تانى للمشكله الاولى
انت قدامك كذا حل

اولا انك تشترى كونتكت بمفتاحه ولو عندك ايموبليزر خش بص على الموضوع ده عشان تنقله فى المفتاح الجديد تكلفتها من 100 الى 150 بدون تركيب

http://www.nilemotors.net/Nile/309019-a.html#post3874528678

ثانيا انك تشترى فبره كونتكت ولانى فكيت الكونتكت القديم بتاعى اقتنعت انه جزمه قديمه ومستحيل انه يرجع زى الاول لو اتفك مره التكلفه معرفشى



ثالثا انك لو عندك الطاره مش عجباك او مبهدله او دراعات النور فيها مشاكل تشترى قطمه كامله وممكن تجيبها مفتاح خريطه كمان موديل 99 اللى فيها ايرباج شكلها تحفه تكلفتها 350 بدون تركيب

بس ياريت ترد عليا العربيه لو اديتها غيار وبطلت نور الكونتكت بيبقى منور ولا لا

[SYD]

طبعا الأخوة قالو الحلول الممكنة لموضوع الكونتاكت - بس هل العربية بتتعبك شوية في الدوارة ؟؟
لأن الفبرة لو تعبانة هتتعبك في التدوير والتبطيل
انا متهيألي انه عيب كونتاكت وليس مجرد الفبرة

اما عن العوامة فدة له اسباب كتير
خلص الأول مشكلة الكونتاكت وبعدين نشوف الموضوع بتاع العوامة علي مهلنا ويفضل تعمل بيها موضوع منفصل

تحياتي