الحمد لله الفرامل تعبتنى امبارح جدا جدا جدا دا طبيعى ؟

[ابن الحتة]

السلام عليكم
اهلا اخوانى
انا امبارح اول مرة اسوق فى جو ممطر وللاسف كان بالليل كمان والدنيا هوسسسسسسسسسسس
مفيش عمود نورواحد فى طريق المنصورة السنبلاوين والدنيا كحل جدا
انا بروح الطريق دا يوميا الصبح والعصر بحكم شغلى وحافظ المطبات بتاعتة ودا ساعدنى جدا
ندخل فى المهم
امبارح كان فية شتى فظيع على الطريق ودى اول مرة اسوف فى المطر
رحت مقلل السرعة ل 60 فى الطريق بحد اقصى
انا حافظ اماكن المطبات ولانى مش شايف وكاشف الطريق اول مطب رحت منور الفتيس للعربية من بعيد عشان الطريق غرقان مية

اجى ادوس فرامل الفرامل لاتستجيب نهائى ادوس مفيش حاجة دا قبل ماادخل على المطب ودى مطبات كالجبال
ادوس مفيس فايدة لاقتنى خلاص هاكل المطب رحت قايل للناس امسكوا فى حاجة ودب اكلت المطب

طبعا اول مرة تحصل انا منور الفتيس من زماااااااااااااااان وبحاول اهدى بس مش راضية تهدى خالص

طبعا جربت الفرامل بعد كدا بعد المطب اجرى وادوس فرامل الاقيها تهدى
ندخل فى تانى مطب نفس اللى حصل تراك واداى التانى كمان

رحت مقلل السرعة لغاية 40 كيلوا وماشى وحدة واحدة
مش عارف اية اللى حصل فى الفرامل ولا دا العادى ولا اية الحكاية


ياريت اهل الخبرة يقولولى

[M.Ayman]

لا طبعا مش طبيعي انك تدوس فرامل و متهديش حتي و بعدين حضرتك بتقول ٤٠ و ٦٠ يعني مش ماشي بسرعه و مهما كانت الفرامل ضعيفه فهي علي الاقل هتهدي !! حتي لو مفيش abs الكاوتشات هتقفش في الارض و العربيه هتتزحلق بس هتهدي واحده واحده ،،،،،، عموما متاخدش كلامي اكيد علشان انا بصراحه لما سوقت في مطر كانت عربيتي ب abs و دلوقتي العربيه اللي معايا مفيهاش abs بس ممشيتش بيها في مطره لسه و ربنا يسترها علينا كلنا ،،،،، عموما في كل الاحوال ياريت تشيك علي الفرامل يعني التيل و الطنابير حالتهم عامله ايه زيت الفرامل و دورتها تشيك لو في هوا فيها و ان شاء الله خير

[S O P H O S]

لا كده في حاجة اعتقد
بس يعني ايه منور
ولا حضرتك تقصد ممور الفتيس ...

[mhassan9]

المفروض حضرتك مكنتش تمور قبل المطب من بدري المفروض تسيب العربية واخدة غيار وتدوس فرامل كدا الماتور بيساعد سيرفو الفرامل علي تقليل السرعة علي عكس وانت ممور وطبعا بعد ما السرعة تقل لحد معين تمور عشان العربية متبطلش بس دا ميمنعش انه غالباُ فيه مشكلة في فرامل عربيتك محتاجة تتكشف عليها ومبدئيا شوف كدا مستوي زيت الفرامل كويس ولا ناقص
تحياتي

[ابن الحتة]

شكرا يارجماعة
انا فعلا شوفت زيت الفرامل لقيتة قليل شوية بسيطة
بس لونة اسود حاااااااااالك

[ابن الحتة]

فعلا
كمان انا لاحظت وانا على نفس الطريق بعد ما اخدت المطب على سرعة فوق 40 كيلو
جيت اجرب الفرامل بعد المطب والفتيس واخد غيار كانت بتهدى جامد

[amrelsaqqa]

غلط تمور قبل الفرملة وخصوصا في المطرة ، الصح انك تنزل بالنقلات تدريجيا عشان تساعد العربية تقف وما تخليش الحمل كله على الفرامل بس

وطبيعى اداء الفرامل يبقى اقل في المطر ، بس مش للدرجة دى

و ده غالبا عيب كاوتش مش عيب فرامل
هتلاقى معامل تماسك الكاوتش في المطر في الضياع عندك ، بسبب نوع سيء او ان عمره الافتراضى انتهى
وممكن تكون دخلت في المطرة بسرعة والطنابير سخنة ، وكدة ممكن الطنابير تبوظ وكفاءة الفرامل تقل برضه لو طالها مية وهى سخنة ...

[SYD]

بص خلينا نكون متفقين انك ما ينفعش تجرب الفرامل في وجود مياة او امطار
تاني نقطة موضوع الممور في الفرامل وكمان اثناء المطر - غلطة كبيرة
ثالث حاجة - زيت الفرامل

حضرتك هتشتري زيت فرامل والأحسن يكون دوت4 - هتجيب علبتين
وهتنزل كل الزيت القديم (سواء بالسحب من الخزينة او من مساتر العجل)
هتحط اول علبة للتنظيف - يعني هتحطها من الخزنة وهتنزلها من العجل (علشان تاخد معاها الزيت القديم المتبقي وتنزل بيه من كامل الدورة)
هتحط الزيت الجديد وتاخد الهوا

ولو التيل عايز يتغير غيره
ولو الطنابير فيها ريجة - اما هتمسحها عند خراط او هتغيرها تماما لو خلصانة ومنتهية

هترجلش الفرامل الخلفية او تغير تيل وطنابير لو منتهين

وان شاء الله هتنسي الفرامل لمدة سنة علي الأقل

تحياتي

[ابن الحتة]

بص خلينا نكون متفقين انك ما ينفعش تجرب الفرامل في وجود مياة او امطار
تاني نقطة موضوع الممور في الفرامل وكمان اثناء المطر - غلطة كبيرة
ثالث حاجة - زيت الفرامل

حضرتك هتشتري زيت فرامل والأحسن يكون دوت4 - هتجيب علبتين
وهتنزل كل الزيت القديم (سواء بالسحب من الخزينة او من مساتر العجل)
هتحط اول علبة للتنظيف - يعني هتحطها من الخزنة وهتنزلها من العجل (علشان تاخد معاها الزيت القديم المتبقي وتنزل بيه من كامل الدورة)
هتحط الزيت الجديد وتاخد الهوا

ولو التيل عايز يتغير غيره
ولو الطنابير فيها ريجة - اما هتمسحها عند خراط او هتغيرها تماما لو خلصانة ومنتهية

هترجلش الفرامل الخلفية او تغير تيل وطنابير لو منتهين

وان شاء الله هتنسي الفرامل لمدة سنة علي الأقل

تحياتي

مفيش غير كلمة
تسلم بجد جبت من الاخر