إعـــــــلان

Collapse

.

,
See more
See less

◕‿◕ عملية تجميل للعربية

Collapse
X
 
  • Filter
  • الوقت
  • Show
Clear All
new posts

  • ◕‿◕ عملية تجميل للعربية

    السلام عليكم

    اذيكم وعاملين اية ويارب تكونوا بخير يارب وفى احسن حال دايما

    يا جماعة تم بحمدالله اخيرا بعد عناء طويل سمكرة العربية ودهانها بالكامل

    وانا هنزل صور ليكوا للعربية قبل العمرة وفى مرحلة العمرة وبعد العمرة والتكلفة وكافة المعلومات اللى قابلتها حتى تعم الاستفادة بالكامل لكافة الاعضاء
    وعارف ان مستر سيد وبشمهندس ايهاب كانوا مستنين الصور ديه من زمان بس اهى فرجت الحمدلله

    وكمان الواحد داخل على خطوبة بقه والمصاريف ديه وكدة فالواحد مصدق اتلم على قرشين كويسين يعمل بيهم العربية لان كان شكلها طالع من معجنة
    وميسرش الواحد يركبها ولا يشوفها حتى مع العلم انى اشتريتها بالمنظر ده

    العربية طبعا : سيات قرطبه 1997

    ونبتدى بالصور قبل الشكل الجديد وفى الاخر هوضح التكلفة والحجات اللى جبتهالها واللى كان المفروض اجبهالها وكل الحجات ديه
    وطبعا ارائكوا القيمة اللى تهمنى فى المقام الاول

    قبل عملية التجميل :












    شكلها مقرف صح + يا جماعة كان فى خبطة جديدة عند الباب الخلفى يمين داخل لجوه ذائد حته من تانك البنزين والحته اللى تحتيه لكن مش فى الصور + ان كان فيه مرمة فى شنطة العربية من جوه على الجنبين اللى جنب الفانوس اول متشيل الفرش عملها برده
    وكانت خبطة وحشة من واحد ربنا يسامحه بقه وهتلاقوا المعجون فى الحته ديه فى صور مرحلة التجميل

    نيجى بقهلمرحلة التجميل والرزع والخبط والدق والحرق

    وزى محضراتكوا شوفتوا العبية فوق كانت مليانة بلاوى من معجون بزيادة سمكين وتلاته على الكبوت كله وعلى الرفارف كلها والدهان استغفر الله العظيم
    والاكصدام اللى ورا كان مليان معجون بطريقة غريبة بطبقات واللى قدام كذلك
    وطبعا هوا حرق كل المعجون ده كله على الكبوت والرفارف والاكصدامات عشان يشتغل على نضيف بدل العك اللى فى العربية ده





    ونيجى بقه لاحسن مرحلة بعد كل العك ده فى العربية وهيا خروج العربية للحياة مرة اخرى


    مرحلة ما بعد عملية التجميل :




    يارب الشغل يعجبكوا

    والورشة ديه فيها كل حاجة من سمكرة ودوكو وسروجى واحنا بنتعامل معاه من زمان
    وايام مكان والدى معاه المرسيدس كنا علطول معاه وامين جدا وبيفهم وديه اهم حاجة

    والدهان ده كورى هوا اللى اشتراه بس مش فاكر اسمه اية بظبط هبقى اجيب اسمه وهعرف اخدت كام كيلو برده
    لان انا اخدتها منه وروحت علطول وهعدى عليه تانى عشان نشيك على العربية بعد ما تعملت

    مع العلم ده دهان الدواخل بتاع العربية ونفس الكود بتاعها لكن الدهان القديم كان دهان معرفش صاحب العربية اللى فاتت جابه من انهى حته

    وكان واحد صاحبى بيقولى احمر مالبورو هتبقى تحفة بس خوفت انى اغير اللون
    وقولت اعملها نفس لون الدواخل احسن

    وجبتها امبارح بليل
    وانا لسه مغسلتهاش بس شكلها باين شوية

    انا طبعا فى حجات جبتها للعربية

    - اكصدام امامى من غير فوجات استيراد كان بتاع ابيزا لونها احمر وكان الاكصدام فابريقه بصراحة عمل بعد الفصال (600 جنية )
    -شبكة لنفس العربية من بتاع نفس العربية الابيزا استيراد عمل ( 100)

    وكان فى حجات كنت المفروض اجبها زى اكصدام خلفى عشان الاكصدام الخلفى برده كان مدمر معجون ولحام ومكسور لكن لفيت الحرفيين حته حته ومناطق كتيرة وملقتهوش نهائى
    كان الاكصدام الخلفى للعربية الابيزا الحمرا اللى اخدت منها الاكصدام الامامى والشبكة كان كويس جدا بس ميركبش على الكوردوبا عشان اقصر طبعا لكن بتاع الكوردوبا ملقتهوش
    عشان اكصدام الكوردوبا اطول شوية

    لكن الراجل عمل اللى عليه بصراحة عشان يرجع الاكصدام الى رونقه شوية
    مع زيادة شوية معجون عليه عشان يكون ماشى حته واحدة

    التكلفة للسمكرة والفرن ( 2300 جنية )

    وطبعا فى حجات عايز اجيبها للعربية محتاج اعرف اسعارها لكن للعفشة زى
    -طنابير امامى
    -تيل امامى
    -تيل خلفى
    -ماستر فرامل امامى
    -بلى عجل امامى وخلفى

    واسف جدا جدا للاطالة
    ويارب تعجبكوا الصور والشغل

    وطبعا عايز اعرف تعليقاتكوا وارائكوا القيمة للعربية

    ولكم كل التحية والأحترام

    اخوكوا محمد
    [CENTER][SIGPIC][/SIGPIC] [/CENTER]

  • #2
    الف مبروك يا باشا وعقبالى لما اعمل الى انتا عملته ده
    وللاسف انا معرفش اسعار الحاجات الى انتا عاوزها بس ان شاء الله اسئلك عليهم
    وربنا يستر طريقى وطريقكم

    Comment


    • #3
      بسم الله ما شاء الله
      عملية تجميل جميلة
      ربنا يكفيك شرها
      [CENTER][SIGPIC]http://www.nilemotors.net/Nile/signaturepics/sigpic115286_2.gif[/SIGPIC][/CENTER]

      Comment


      • #4
        الف مبروك وعقبالى انا كمان بس انا مستني شوية علشان الفحص الف مبروك مرة تانية
        [img2]http://nileup.com/up/uploads/nilemotors_13649876441.jpg[/img2]

        Comment


        • #5
          الف مبرووك ع الشغل
          kkkkkk_kkkkkk سابقا

          Comment


          • #6
            مبروووك
            بسم الله ما شاء الله العربيه فائت
            ربنا يبركلك فيها ويديك خيرها ويكفيك شرها
            ماشاء الله كان وما لم يشأ لم يكن
            SEAT IBIZA 2000 MK3 (6k2)ALD Engine 1.0 8v MPI
            [SIGPIC][/SIGPIC]

            Comment


            • #7
              مبررررروك
              ربنا يبارك ..

              Comment


              • #8
                مبروك عليك .. وحمد لله على سلامة العربية :)
                وعقبالى يارب بس شوية كدة ان شاء الله
                [grade="00008B FF6347 008000 4B0082"]IBIZA 98 - 1.4 Engine[/grade]

                Comment


                • #9
                  الف مبروك تجميل العربية و ربنا يباركلك فيها
                  ما شاء الله الشغل جامد و السمكري ظبطهالك كويس و ربنا يسترها معاك و تفضل نضيفه كده

                  بخصوص اسعار الحاجات اللي طلبتها و كلامي ده تقريبي لكن ممكن تلاقيه مختلف
                  -طنابير امامى
                  فيه جديد من 250 حتي 350 تقريبا و لكنها اغلبها هتلاقيه صيني بدرجات او اخره تركي
                  أنصحك تنزل تشتريها استيراد تدور علي طقم نضيف و محمل و تفكه من عربية اعتقد لن يتعدي ال 150 جنيه
                  -تيل امامى
                  موجود و من 80 حتي 110 و انصحك تشتري التركي و بلاش أسباني لأنه سيء
                  -تيل خلفى
                  هيكون في نفس رينج سعر الأمامي
                  -ماستر فرامل امامى
                  اشتريه استيراد مع الطنابير لكن معرفش سعره كام و لكن لن يتعدي ال 70 او 100 جنيه
                  -بلى عجل امامى وخلفى
                  بلي العجل انصحك تروح لحد يفكه و تنزل تشتريه من عند محلات بيع البلي و ليس تجار قطع الغيار لأنهم نصابين في الحاجات دي و حاجتهم مضروبه
                  هتفكه عشان تجيب نفس المقاس و أفضل أنواع البلي علي الرتيب كأنواع (fsk فرنساوي و ده قليل - nsk ياباني و ده موجود - روماني و بولندي - تايواني و كوري - صيني )
                  حاول تشتريه من حد ثقة في البلي و تجيب نوعيه محترمه هتعيش معاك

                  و بالتوفيق ان شاء الله
                  م / إيهاب منصور
                  SEAT CORDOBA 2002 1.0 16V AVZ

                  Comment


                  • #10
                    شغل السمكرة والدوكو ماشاء الله نضيف اوي. ربنا يبارك لك فيها ويكفيك شرها
                    [FONT="Comic Sans MS"][CENTER][SIZE="3"]Muhammad Aly[/SIZE][/CENTER][/FONT][SIZE="3"][CENTER]كله في الكلتش !!![/CENTER][/SIZE]

                    Comment


                    • #11
                      الف الف شكر ليكوا يا جماعة وعلى ارائكوا الجميلة وربنا يخليكوا

                      بلي العجل انصحك تروح لحد يفكه و تنزل تشتريه من عند محلات بيع البلي و ليس تجار قطع الغيار لأنهم نصابين في الحاجات دي و حاجتهم مضروبه
                      هتفكه عشان تجيب نفس المقاس و أفضل أنواع البلي علي الرتيب كأنواع (fsk فرنساوي و ده قليل - nsk ياباني و ده موجود - روماني و بولندي - تايواني و كوري - صيني )
                      حاول تشتريه من حد ثقة في البلي و تجيب نوعيه محترمه هتعيش معاك
                      اذيك يا بشمهندس ايهاس ليك وحشة يا رجل دلوقتى حضرتك بتقولى اشيل البلى واروح اجيبه من واحد بتاع بلى احسن من قطع الغيار طيب انا دايما بشوف بتوع البلى دول فى شارع شمبليون فى وسط البلد الناس ديه تنفع اجيب منها بلى عادى ولا اية عشان انا مجربتش قبل كدة بصراحة ومعرفش حد بتاع بلى عندنا هنا فى المعادى يعمل الحجات ديه فياريت حضرتك تقولى اجيبها منين تحديدا ولما اروحله اقوله اية

                      بخصوص الطنابير والماستر هوا مش من الافضل حجات العفشة اجيبها جديدة احسن عشان الواحد ياخد خيرها ولا الاستيراد يكون افضل واحسن للحجات ديه ؟

                      والف الف شكر ليكوا

                      ولكم كل التحية والاحترام
                      [CENTER][SIGPIC][/SIGPIC] [/CENTER]

                      Comment


                      • #12
                        المشاركة الأصلية كتبت بواسطة Mody_Benz مشاهدة المشاركة
                        الف الف شكر ليكوا يا جماعة وعلى ارائكوا الجميلة وربنا يخليكوا



                        اذيك يا بشمهندس ايهاس ليك وحشة يا رجل دلوقتى حضرتك بتقولى اشيل البلى واروح اجيبه من واحد بتاع بلى احسن من قطع الغيار طيب انا دايما بشوف بتوع البلى دول فى شارع شمبليون فى وسط البلد الناس ديه تنفع اجيب منها بلى عادى ولا اية عشان انا مجربتش قبل كدة بصراحة ومعرفش حد بتاع بلى عندنا هنا فى المعادى يعمل الحجات ديه فياريت حضرتك تقولى اجيبها منين تحديدا ولما اروحله اقوله اية

                        بخصوص الطنابير والماستر هوا مش من الافضل حجات العفشة اجيبها جديدة احسن عشان الواحد ياخد خيرها ولا الاستيراد يكون افضل واحسن للحجات ديه ؟

                        والف الف شكر ليكوا

                        ولكم كل التحية والاحترام
                        أخي الفاضل اللي انت ذكرتهم في شارع شمبليون و وسط البلد عموما هما دول اللي بقلك تشتري من عندهم و لما تروحله مش هتقله حاجه انت هتاخد البلي القديم و هو هيديك زيه بنفس المقاس و هو كمتخصص في البلي عارف البلية دي مقاسها ايه لأن البلي عموما مش حاجه خاصة للعربيات و لكنها مكون بنعتمد عليه في اي شغل ميكانيكا سواء عربيات او محركات او ماكينات او خطوط انتاج او اي شيء لذلك

                        الفكرة هنا ان متخصصي البلي بيكون عندهم انواع و ماركات انضف مليون مره من محلات قطع الغيار و كمان بيحافظ علي سمعته لأنها شغلته

                        بخصوص موضوع الطنابير و الماستر ... مش كل قطع العفشه تشتريها جديد او استيراد.... اللي لازم تشتريه في العفشة جديد هو المكونات اللي بتستهلك و بتبوظ و ليها عمر و تفسد زي كل الحاجات اللي بيدخل في صناعتها الكاوتش و الرابر زي (البيض و الاتياش و البطاحات كمثال )

                        اللي ممكن تشتريه حسب حالته و يفضل انه ييجي استيراد هي اي مكونات بيدخل في تصنيعها خامات الحديد و الصلب زي (الطنابير - الكبالن - ....) السبب هو ان الخامات المنتشرة في السوق معظمها خامات تعبانه و كلها شوائب و متصنعه اي كلام و ال finish فيها تعبان و مضروبه علي عكس نفس القطع استيراد بتضمن انها اصلي و الماني و دي خاماتها و تصنيعها تختلف تماما عن الجديده و لكن المهم هو حالة القطع يعني تشتريها حالتها كويسه و محمله

                        بخصوص بستم الفرامل (بتسموه ماستر و لكنه بستم ) فده هتاخده بالتجربة و مش بيستخدم كتير و الاصلي افضل طبعا من الجديد اللي معرفش هويته ده لو لقيته اصلا جديد

                        و بالتوفيق للجميع
                        م / إيهاب منصور
                        SEAT CORDOBA 2002 1.0 16V AVZ

                        Comment


                        • #13
                          الف الف شكر ليك بمشهندس ايهاب على معلوماتك القيمة وعلى ارائك الجميلة اللى بتعلم منها كل يوم من ساعة مدخلت القسم وبقيت عضو منكم

                          وانا مستنى لسه رايك يا استاذ سيد انا عارف ان عندك مشاغل وربنا يعينك ويسهلها عليك

                          وشكرا ليكوا كلكوا على ارائكوا القيمة

                          وكل سنة وانتم طيبين

                          ولكم كل التحية والتقدير
                          [CENTER][SIGPIC][/SIGPIC] [/CENTER]

                          Comment

                          Working...
                          X